لوجة الله تعالي نصيحة عشان غلبت

[borio1704]

انا متفق معاك ان الالمانى الغالى مش مناسب لينا نحن الفقراء بس انا بتكلم على المنتج المشهور عالميا الترتيب الدولى لمنتجى السيارات وانا عارف ان تويوتا اكتر مبيعات فى العالم واكبر دوله فى تصنيع السيارت الصين وبرضه الصين نجحت فى اختبارات التصادم بلشيرى الانفى والتيجو انا بتكلم عن الجوده عربيه قويه تتحمل اى تصادم على العموم انا مش مختلف معاك خالص انا كل اللى بقوله ان العربيات الالمانى افضل عربيات فى العالم وانا مقتنع بكده المهم حضرتك بتشوف مواكب الوزراء فى بلدنا مرسيدس c500 ومش بس الساسه لا رجال الاعمال وكمان وكلاء السيارات زى غبور ومنصور كله بيركب مرسيدس c500 مفيش حد منهم بيركب منتج المصنع بتاعه تفتكر ليه والمدهش ان العربيات اللى بتدخل مصر غير اللى بتروح اوربا و معظم الهيونداى جاى من الهند لكن اللى بينزل اوربا والخليج كورى الخلاصه لكل الكلام ده مصر بينزل فيها زبالة السيارات فى العالم بدون اى مواصفات جوده لكن الالمانى لا لازم منتج هومشرف عليه لان الالمان بيخافه على تاريخ انتاجهم للسيارات واهم حاجه مواصفات الجوده وليه ياهندسه استبعت الفيرنا والانوس مش دول سيارات مصر الاولى ومناسبين للجيب المصرى ياريت المقارنه تبقى شامله لان الكورى زى الصينى فى حلو ووحش وندخل الصينى للمقارنه برضه ونقول فيرنا ولانوس والانفى مين افضل والسعرقريب انا طولت فى الموضوع وشكرا ليك ياباشمهندس

يا باشا حضرتك ما قريتش ردي كويس...

كل استفساراتك وأسئلتك أنا رادد عليها فعلا...

- الجودة مش معناها عربية تستحمل التصادم... الجودة معناها عربية تناسبك طبقا لأولوياتك... ﻹن مفيش منتج واحد في الدنيا يناسب كل الناس.. (معلش سامحني.. بس الحتة دي بالذات تخصص شغلي وبعلمه لكل اللي بيشتغل معايا.. زي ما أنا اتعلمته).
- ليه الساسة ورجال الأعمال وحتى بتوع التوكيلات بيركبوا مرسيدس... علشان يقدروا يدفعوا ثمن طلباتهم في السيارة اللي عايزينها.. ومرسيدس بتوفرلهم طلباتهم اللي هيدفعوا ثمنها..
- ليه العربيات بتجيلك من الهند... علشان الهند فيها صناعة سيارات معمولة لسوق الهند اللي طلباته زي طلبات السوق المصري..

وأكيد طبعا الألماني بيخاف على سمعته... وهو إيه أصلا اللي يخليك تروح تتعامل مع أي شخص إلا علشان السمعة؟؟



...

[Mohamed Desoky]

شكرا للتوضيح ومش عيب انى اتعلم من اخويه انا مقتنع ان كل واحد يشترى عربيه على حسب امكانياته ويستفيد منها انا مثلا عربيتى شيرى صينى لما جبتها كانت على اد الامكانيات فى وقتها واهم شئ عربيه اشيل فيها معداتى من اجهزة المساحه بطول 2 متر فكان الاختيار على دى والحمد لله نعمه وده المطلوب من اى عربيه مفيش خلاف ولو كان فى عندى امكانيه اجيب كيا كارنز كنت جبتها علشان برضه هتلبى طلبى يبقى الموضوع امكانيات بس المهم انا شاكر ليك تعبتك من كتر الكتابه الف شكر

[Amr_650]

!

نقاش جميل ,, مع تعصبى الشديد للالمانى بس فعلا عايز تركب المانى لازم هتتبهدل خصوصا فى مصر على حساب ان معاك عربية محترمة ..

مش عايز وجع دماغ و مش مهم عندك التكنولوجى او متعة السواقة عليك باليابانى من غير كلام .

انا اتبهدلت اوى يا جماعه و الله مع الالمانى من اول عربية ابيزا ركبتها مرورا بالفيكترا ثم الباسات ثم البى ام .. و اقل مشاكل لاقيتها كانت فى الباسات ! و اكثرها فى البى ام للاسف ..

بس حب الالمانى عامل زى المخدرات مش عارف اتوب عنو


( كل كلامى عن العربيات المستخدمة مش الزيرو )

[Mohamed Desoky]

نقاش جميل ,, مع تعصبى الشديد للالمانى بس فعلا عايز تركب المانى لازم هتتبهدل خصوصا فى مصر على حساب ان معاك عربية محترمة ..

مش عايز وجع دماغ و مش مهم عندك التكنولوجى او متعة السواقة عليك باليابانى من غير كلام .

انا اتبهدلت اوى يا جماعه و الله مع الالمانى من اول عربية ابيزا ركبتها مرورا بالفيكترا ثم الباسات ثم البى ام .. و اقل مشاكل لاقيتها كانت فى الباسات ! و اكثرها فى البى ام للاسف ..

بس حب الالمانى عامل زى المخدرات مش عارف اتوب عنو


( كل كلامى عن العربيات المستخدمة مش الزيرو )

الالمانى لازم زيرو لان المستعمل فى مصر سئ جدا والحمدلله فى حد بيعشق الالمانى قوة الصناعه انا عندى مفتاح رقم 15 و16 بتاع مرسيدس بقاله اكتر من 30 سنه وكانه جديد لاباظ ولا حصله اى حاجه يبقى الصناعه الالمانيه افضل صناعه فى العالم وشكرا

[borio1704]

الالمانى لازم زيرو لان المستعمل فى مصر سئ جدا والحمدلله فى حد بيعشق الالمانى قوة الصناعه انا عندى مفتاح رقم 15 و16 بتاع مرسيدس بقاله اكتر من 30 سنه وكانه جديد لاباظ ولا حصله اى حاجه يبقى الصناعه الالمانيه افضل صناعه فى العالم وشكرا

مش عارف يا عم محمد ... بس انت بتقول الكلام وترجع تنقضه !!!

منين الألماني المستعمل سيء جدا ومنين الألماني أحسن صناعة؟؟؟


على فكرة الأستاذ Amr_650 مقيم في جدة في السعودية... مش في مصر...

معنى كلامك ده إن الألماني وحش في مصر وفي السعودية كمان.. مش كده؟؟؟


نعيد تاني... عايز حاجة فيها كل المميزات.. لازم تدفع...
ولو ممعاكش.. ما يلزمكش.


أنا لسه من نص ساعة بالضبط كنت بتكلم مع واحد قاللي على معلومة حلوة قوي...

بيقوللي إنه مرة بعت عربية "رولزرويس فانتوم" موديل 2013 (زي اللي في الصورة اللي تحت دي)... بتاعت شيخ مشهور هنا تعمل صيانة في التوكيل...


تفتكر صيانة العربية (اللي هي زيت وفلتر وفحص عام) اتكلفت كام؟؟؟

معلومة عالماشي كده.... سعر العربية زيرو حوالي 2 مليون ريال (حوالي 18 مليون جنيه بعد الجمارك والحبشتكانات).



الصيانة اتكلفت ......

.
.
.
.

35 ألف ريال سعودي (حوالي 85 ألف جنيه مصري)..


آه والله...

السعر ده في السعودية يجيب عربية كيا بيكانتو زيرو!!!!!!!!!!!!!!!!!!!!!


لا وإيه كمان... العربية لو استعمالها بسيط (ما هي أكيد مش هي لوحدها عند الشيخ.. ده فيه جنبها فوق الـ40 عربية تانيين).. يبقى لازم تروح تغير زيت تاني بعد 3 شهور.

بيستخدموا زيت معدني المعفنين

والله ما بهرج.. ده كلام بجد

أمال لو العربية حصل فيها مشكلة بعد فترة واحتاجت تغير جزء أو تصلح حاجة... هتتكلف كام؟؟؟؟؟؟


والمشكلة كمان.. إن طبيعة الفئة دي من الناس مش بتفكر إن العربية تعيش معاها بقية حياتها.. لإن كل شوية فيه حاجة جديدة بتطلع.. فارمي القديم وهات جديد..

يبقى تعمل عربية تعيش ليه؟؟ هي أصلا مش هتعيش عند صاحبها أكتر من 5-6 سنين.


هو ده مبدأ الصناعة الألماني (وأي ماركة فاخرة تانية) باختصار.... عايز تاخد حاجة نظيفة.. تقل جيبك.


...

[Amr_650]

كان فى واحد عارض بانيميرا للبيع ,, بيقول عمل صيانه ال50000 ب كام بقى :))) ب 65000 ريال سعودى ,, كانت شاملة تغيير الكاوتش ..

انا فعلا قاعد فى جدة يا استاذ محمد .. ركبت كل الالمانى فى مصر ماعادا البى ام , ركبتها هنا .. بص الالمانى ممتاز و صناعه مفيهاش كلام من الجودة و المتانة و كل شىء ..خصوصا انى بدور على دة عشان كدة بدفع ..

اخر سفرية للمدينة المنورة كنت ماشى على 230 كم .. طبعا فى البى ام حاسس بامان مش طبيعى و كنت فرحان اوى ,,

بس لان العربية قديمة شوية و خصوصا بى ام مش اعتمادى اوى . لازم كل 10000 كم يطلع حوار فى العربية و اغلبها بسبب كترة الحساسات و الميكانيزم العالى .. بس عشان انا بركب مكنتش بضايق خالص ..

بس بعتها للاسف بعد ما اكتشفت ان كل ميكانيكيا جدة لا يفقهو شىء فى صيانه البى ام .. اتخرب بيتى عشان اعرف اصلح العيوب و بقيت انا اللى اصلح بايدى و اوجة الميكانيكى بالعيب ..

بس لو انا قى مصر و ربنا كرمنى هركب بى ام لان الصناعية فى مصر ارخص و اكتر فهم من هنا بكتييير .


لو انت ربنا كرمك من الاخر .. و شغلك فى القاهرة .. هات عربية يابانى تروح بيها الشغل و تدعكها فى الزحمة و مصاريفها تكون حنينة على جيبك .. و عربية المانى للدلع بقى و الخروجات الشيك :))) ..

ربنا يكرمنا جميعا ..

[borio1704]

كان فى واحد عارض بانيميرا للبيع ,, بيقول عمل صيانه ال50000 ب كام بقى :))) ب 65000 ريال سعودى ,, كانت شاملة تغيير الكاوتش ..

انا فعلا قاعد فى جدة يا استاذ محمد .. ركبت كل الالمانى فى مصر ماعادا البى ام , ركبتها هنا .. بص الالمانى ممتاز و صناعه مفيهاش كلام من الجودة و المتانة و كل شىء ..خصوصا انى بدور على دة عشان كدة بدفع ..

اخر سفرية للمدينة المنورة كنت ماشى على 230 كم .. طبعا فى البى ام حاسس بامان مش طبيعى و كنت فرحان اوى ,,

بس لان العربية قديمة شوية و خصوصا بى ام مش اعتمادى اوى . لازم كل 10000 كم يطلع حوار فى العربية و اغلبها بسبب كترة الحساسات و الميكانيزم العالى .. بس عشان انا بركب مكنتش بضايق خالص ..

بس بعتها للاسف بعد ما اكتشفت ان كل ميكانيكيا جدة لا يفقهو شىء فى صيانه البى ام .. اتخرب بيتى عشان اعرف اصلح العيوب و بقيت انا اللى اصلح بايدى و اوجة الميكانيكى بالعيب ..

بس لو انا قى مصر و ربنا كرمنى هركب بى ام لان الصناعية فى مصر ارخص و اكتر فهم من هنا بكتييير .


لو انت ربنا كرمك من الاخر .. و شغلك فى القاهرة .. هات عربية يابانى تروح بيها الشغل و تدعكها فى الزحمة و مصاريفها تكون حنينة على جيبك .. و عربية المانى للدلع بقى و الخروجات الشيك :))) ..

ربنا يكرمنا جميعا ..

أنا لو ربنا رزقني... هجيب لكزس GS 350






أو ممكن IS 350 علشان الميزانية






يلا... أحلام


...

[Colin Chapman]

نيسان سنترا

يا جماعة الله يكرمكم مع ارتفاع سعر العربيات الغريب اللي احنا فية دة انا عايز اجيب حاجة في رنج من 150 ال 175 وبصراحة مستخسر ادفع المبلغ دة في كوري والاذى منة ،
اية رايكم المبلغ دة يجيب مرسيدس محترمة مش تبهدلني عن الميكانيكية كل يوم والتاني ؟ واشتغالات مصاريف مستعمل وبهدلة ومرمطة في الحر دة ؟
ولا اجيب حاجة كورى كسر زيرو واستعوض ربنا قي الفلوس واقول دة بقي حال البلد وحال الجنية المصري اللي بقي بدون قيمة ؟

نيسان سنترا

[Amr_650]

أنا لو ربنا رزقني... هجيب لكزس gs 350






أو ممكن is 350 علشان الميزانية :c_laugh[1]:






يلا... أحلام


...

اجمد حاجة فى الليكزيس , ان الالمان اخيرا لقو عربية ينافسوها :)))

[borio1704]

اجمد حاجة فى الليكزيس , ان الالمان اخيرا لقو عربية ينافسوها :)))

لكزس معمولة أساسا لمنافسة العربيات الألماني الفاخرة (مرسيدس .. بي إم دبليو .. أودي).. ده هدفها الأساسي لما تويوتا أنشئت لكزس..

خد فكرة من الفيديو ده:

https://www.youtube.com/watch?v=2YfVEImFz7k

الدقيقة 1:08 اتقالت جملة جبارة...

"We wanted to develop a luxury car superior to Europe's best"

يعني "أردنا أن نطور سيارة فاخرة تفوق أفضل مثيلاتها الأوروبية"

وقد كان.


...

[Amr_650]

بص انا مش بحب اليابانى اوى . بس الليكزوس بسمع عنها شعر و للاسف انا جاهل فيها شوية مش بقره عنها فمش هعرف احكم عليها .. بس لازم اقرى و اعرف تاريخها .. انت عارف هيا مالية جدةة جداا :))

[arabian-eagle]

باختصار شديد لو المبلغ إلي معاك يجيب لك عربية ياباني مثل الصني مثلا جديدة خلاص لا تفكر اشتري الجديد احسن من المستعمل.
انا عندي مرسيدس اشتريتها مستعملة وحالتها ممتازة ولكن حتى القطع الإستهلاكية سعرها غالي ومش اي ميكانيكي يفهم فيها لازم توديها لحد فاهم ودول كمان أسعارهم غالية.
المنطق يقول لو فلوسك تجيب لك عربية جديدة خلاص خذ الجديد ولا المستعمل والعذاب

[Mohamed Desoky]

باختصار شديد لو المبلغ إلي معاك يجيب لك عربية ياباني مثل الصني مثلا جديدة خلاص لا تفكر اشتري الجديد احسن من المستعمل.
انا عندي مرسيدس اشتريتها مستعملة وحالتها ممتازة ولكن حتى القطع الإستهلاكية سعرها غالي ومش اي ميكانيكي يفهم فيها لازم توديها لحد فاهم ودول كمان أسعارهم غالية.
المنطق يقول لو فلوسك تجيب لك عربية جديدة خلاص خذ الجديد ولا المستعمل والعذاب

السلام عليكم ورحمة الله وبركاته هو ده الكلام النهائى عربيه زيرو احسن من مرسيدس مستعمله انا متفق معاك

[noaaman]

السؤال عن شراء مستعمل و مقارنة بين الالماني و الكوري عند شراء المستعمل بس الالماني هيكون موديل اقدم عشان سعر الموديل الحديث هيكون عالي و الكوري ممكن يكون كسر زيرو و المبلغ محدد

و في جميع الاحوال شراء المستعمل و ضمان عدم البهدلة يعتمد علي التوفيق و الكشف الجيد علي العربية و يحتاج بحث كتير و انتظار لحالة جيدة و مقارنتات بين عربيات كتير من نفس النوع للوصول لافضل حالة مع سعر و مش معني ان العربية كسر زيرو ان حالتها مضمونة و مش معني انها الماني انها مضمونة برضة حتي و لو كسر زيرو ..... و عشان كدة يفضل شراء عربية مستعملة عن طريق حد اثق فية و في امانتة سواء مالك او ميكانيكي اي كان نوعها
غالبا تجربة شراء العربية مش بيتكرر كتير و دايما الماللك بيخسر في الشراء و البيع عشان بيشتري غالي و بيصرف عشان يظبط عربيتة و لما يججي يبيع مش بيلاقي كل اللي صرفة و مش مستعد كل شوية يكرر التجربة و الخسارة
الغرض من استعمال العربية مهم يعني لو المشاوير طويلة في طرق مفتوحه فيبقي اهم حاجة ثبات العربية و عوامل الامان و ضمان عدم التعرض للتوقف المفاجئ

جميع الانواع لمدة خمس سنوات من عمر العربية هتكون مضمونة بالنسبة للاعطال المفاجئة و تحتاج فقط للصيانة الدورية اللي تكلفتها تختلف من نوع لاخر تناسبا مع فرق سعر السيارة زيرو تقريبا

بعد خمس سنوات تتساوي سعر الصيانة تقريبا لجميع الانواع لدخول الاستيراد و انهيار سعر السيارة بالخارج التي يتم شرائها و تقطيعها و تقل فروقات الصيانة بشكل كبير جدا الي جانب دخول مصنعين سواء من الصين او الاتحاد الاوربي لقطع الغيار

ما بعد فترة الخمس سنوات تظهر الفروق بين العربيات في الاساس و قوتها و تحملها و اللي كان عامل فرق سعر لصالح نوعية او اخري و تظل السيارة الارخص ليها احتياجات اكتر للصيانة الي جانب جودة اقل بكثير في مكونات اساس العربية ... عشان كدة العربية المرسيدس سنة 90 او 92 لسه ب 100 الف جنية

[mohamed_elgand]

اولا السلام عليكم
دي اول مشاركة لية في المنتدي بس بجد شدني النقاش جدا في الموضوع دة فقولت اشارك
اولا : مع احترامي للكل انا عاوز افهم حاجة من المعروف لاي حد ان اول متيجي تقارن حاجة قارن بنفس الفئة مش فئة مختلفة
يعني مينفعش اقارن مرسيدس بهيونداي مثلا لان هيكون ظلم كبير جدا للمرسيدس
ثانيا : الاخ الي بيقول المرسيدس معمولة للغنياء كلامك غير صحيح بالمرة المرسيدس معمولة لي حد لان فيها فئات وكل فئة تحدد مستهلكيها كمن اول b, c , e وهاكذا
ثالثا : العمر الافتراضي للعربية الالماني كام سنة والعمر الفتراضي للكوري كام سنة ( اتحدي اي حد ينزل الشارع ويعد عدد العربيات الالماني الموجودة بالشارع موديل قبل 1970 وعدد العربيات الموجودة بالشارع بنفس الفترة للعربيات الكوري ويقولي النتيجة ) طبعا للالماني لانها عربية معروف انها معمرة
العمر الافتراضي للقطع الغيار المرسيدس او الالماني بصورة عامة والعمر الافتراضي لقطع الغيار الكوري طبعا لصالح المرسيدس
علي سبيل المثال تيل الفرامل لمرسيدس سي 180 موديل 2003 مقارنة بالنترا 2014 الالنترا تيل مرسيدس 200 جنية الي 250 جنية اصلي وفي درجة اولي 180 وفي الالماني ممكن تجيبة 170 جنية ومتوسط عمرة من سنة الي سنتين او ممكن يعود 20 الف كيلو نيجي للالنترا سعرة اصلي 260 جنية الي 300 جنية وسعر الدرجة الاولي من 150 جنية الي 180 جنية وعمرة مع العربية من 7 شهور الي سنة بالكتير اوي او 10 الاف كيلو او 15 الف بالكتير
نيجي بقي للمقارنة العادلة انا معاية 180 الف جنية اشتري مرسيدس مستعمل ولا اشتري كوري
اقولك انا طبعا تشتري مرسيدس لان القطعة الي قالو عليها سعرها غالي دي هتشتري نفس القطعة في الكوري 3 او اربع مرات وفي الالماني هتشتري القطعة وتنساها
وطبعا دة وجة نظري انا