البنزين مرة كمان وكمان

[kokyjoon]

إفادة

سلام عليكم

سيارتى تجميع الصين

وموضوع عدم دوراة المحرك من اول مارش ماكنتش السيارة

فارغة من البنزين أنا ذهب لللتموين مع بداية إضاء لمب الإحتياطى

وكانت السيارة كويسة جدا قبل التموين من حيث عملية يدىء

التشغيل فى الصباح الباكر لأن المشكلة حثت بعد تموين بنزين 90

وكانت تحدث عند أول تشغيلة فى الصباح الباكر أما باقى اليوم

فكان الوضع عادى جدا

[adel418]

من خلال قرائتى لتجربة الأستاذ مصطفى قررت التجربة والسير على نهجة فكان الأتى
1- بالفعل احسست ان صوت الموتور اصبح اهدأ قليلا
2- سحب السيارة كان كما هو بلا تعديل
3- المىحظة الثالثة والأهم فى التجربة كانت كما قال الأستاذ محمد فى تجربتة ان السيارة لا تدور من اول مرة - انا حدث معى شىء جديد وهو لما قمت بتموين السيارة من جديد ببنزين 92 فؤجئت بأن السيارة توقفف محركها فأستغربت من الموقف فقمت بأدارتها من جديد وتوقفت فأدرتها للمرة الثالثة مع الضغط على دواسة البنزين فدارت بشكل جيد واستنتجت ان بنزين 90 بة رواسب ممكن تكون عاملا فى سد الرشاشات -
لذلك قررت الا امون بنزين 90 مرة ثانية

[mmmmgogommmm]

استاذعادل---ياريت تقولنا استهلاك البنزين داخل المدينة كام ولسيادتك جزيل الشكر--وهل عربية سعادتك صينى ولا تجميع محلى---انا هشترى وعايز اطمن---وهل فى شكاوى معينة حاسس حضرتك انها مزمنة--وشكرا

[bassem.naguib]

يا جماعة معلومة قد تكون جديدة على البعض .. وهو أن العربية يجب مراجعة ضبط التاكهيات فيها في صيانة الألف أو صيانة الخمس آلاف .. وده أكيد حيفرق في استهلاك البنزين أو لو كان فيه صوت عالي للموتور .

فهل ممكن يفيدنا أحد ملاك العربية في هذه النقطة عما إذا كان التوكيل قام بضبط التاكيهات من عدمه .

[adel418]

استاذعادل---ياريت تقولنا استهلاك البنزين داخل المدينة كام ولسيادتك جزيل الشكر--وهل عربية سعادتك صينى ولا تجميع محلى---انا هشترى وعايز اطمن---وهل فى شكاوى معينة حاسس حضرتك انها مزمنة--وشكرا

السلام عليكم - بالنسبة لأستهلاك السيارة فى داخل المدينة يختلف من شخص لأخر ومن مكان لأخر حسب طريقة المشى وطريقة القيادة نفسها وكمية الأشارات اللى بتقف فيها وزمن الأشارات وبالتالى متقدرش تحدد بتعمل كام كيلو فى الصفيحة داخل المدن
واجمالا ممكن تلاقى العربيات كلها تقريبا متفقة على ان داخل المدينة نقدر نقول 10 لتر لكل 100 كم

[kokyjoon]

إستنتاج

سلام عليكم

أناأعتقد إن مش ممكن أى توكيل هايظبط التاكيه إلا لسيارة بها شكوة

أولا بيكشف عليها على الكمبيوتر اللى هوة مبين الأعطال والمهندس

اللى بيقوم بالكشف بيحدد من أداء السيارة من درجة حرارة والحرق

ونسبة الكربون فى العادم

أنا عن نفسى سيارتى عملت ليه صيانة ال 25000 وطلبت وضعها على

مبين الأعطال اللى هوة بقول عليه الكمبيوتر وأبلغنى المهندس إن كل

شىء تمام

لازم يكون فى أسباب لظبط التاكيهات أولها الحرارة الغير عادية للمحرك

[bassem.naguib]

أعتقد أن ضبط التاكيهات بيكون لأحد أو بعض أو كل الأسباب التالية :
1) ارتفاع صوت المحرك
2) أرتفاع حرارة المحرك
3) ارتفاع استهلاك البنزين

أرجو مراجعة دليل تشغيل السيارة (المانيوال) اللي بيجي مع العربية .. والإفادة إذا كان فيه حاجة بتتكلم عن ضبط التاكيهات من عدمه .

[kokyjoon]

إفادة

سلام عليكم

للأسف السيارة مافيش حاجة فى دليل المستخدم تخص المحرك
وده أنا كنت إستفسرت عن السبب من الشركة الم فى الصين
قالولى السبب إننا بنستورد المحركات منفصلة من شركة ميتسوبيشى
ومافيش شركة بتطلع كتالوج مع الموتور وقالى إنك لو عاوز تعرف حاجة
ممكن تدخل على موقع شركة ميتسوبسشى وتكتب موديل المحرك اللى
هوة 4g18 هاتلاقى كل اللى إنت محتاجه
بس كان المفروض حتى يطبعو جزء صغير عن أرقام السيور وعن الصيانة
أنا كان عندى سيارتين قبل دى واحدة لادا روسى موديل 95والتانية أونو موديل 99
كان فيهم كل حاجة فى كتالوج المستخدم حتى عن كيفية تغيير البوجيهات
وبعض الحاجات البسيطة عن مواعيد الصيانات

وأتمنى فى المستقبل يعملو حاجة زى دى فى الكتالوجات بتاعة السيارة

[bassem.naguib]

ده لينك لمانيوال العربية .. مش عارف هو اللي موجود مع حضرتك ولا لآه

http://www.byd.com/downloads/user_manual/f3_f3r_user_manual.pdf

لما تفتح اللينك استنى شوية عقبال ما يحمل علشان هو ملف PDF

اللي يهمنا في كلامنا ده هو بداية من ص 176 .. وبالأخص أعتقد ص 181 (بند 4) ، وص 182 (بند 19 ، 20) .. اللي ذاكر فيهم عمل فحص على الكرنك ومدى ظبطته وكذلك فحص خلوص التاكيهات .

أنا على فكرة مش متخصص ولا مهندس ميكانيكا .. بس الموضوع ده قتل بحثاً في أحد المنتديات مع زملاء أفاضل متخصصين أكثر مني .. وحبيت أنقل المعلومة التي خلصنا إليها في ضرورة ضبط التاكيهات للمساعدة في انخفاض صوت الموتور بالإضافة طبعاً لانخفاض استهلاك البنزين .

[kokyjoon]

شكر

سلام عليكم

أشكرك جدا أخى العزيز على اللنك اللى بعتهولى لأنه أحدثمن اللى عندى
لأن سيارتى مشتريها فى 5/2008 المانيوال اللى معايا أقدم وأشكرك
لنى كنت مصور الجزء الخاص بالمحرك من مانيوال سيارة ميتسوبيشى
كلامك صح بخصوص ظبط التاكيهات لخفض صوت المحرك بس اول ظواهر
عدم ضبط التاكيهات كما قلت لك من قبل إرتفاع فى درجة الحرارة لعدم ضبط
توقيتات الحريق وينتج معه صوت عالى وبالتالى عدم ضبط توقيت الحريق
ينتج عنه أيضا زيادة فى إستهلاك الوقود
بس ممكن يزيد إستهلاك الوقود من أشياء أخرة تتعلق بالرشاشات

[bassem.naguib]

فيه نقطة عاوزين نفكر فيها بصوت عالي شوية .. وهي تحتمل الصواب أو الخطأ .

مش ممكن علشان لسه العربية معداش عليها 5 سنين أو ممشيتش كيلومترات كتيرة فمش حتبان مشكلة الحرارة دي بشكل كبير لأن كفاءة دورة التبريد لسه في عزها زي ما بيقولوا .. أقصد مش زي العربيات القديمة يعني (الردياتير لسه سالك - الكفاءة العالية لمنظومة التبريد - عدم وجود تسريب أو ترسيبات في منظومة التبريد بصفة عامة ..إلخ) .

وبالتالي مش حتبان مشكلة سخونة للعربية .. ومن خلال متابعتي معتقدتش أن في حد من ملاك العربية اشتكى من سخونة السيارة بشكل مش عادي .

وأنا اتفق مع حضرتك أن في أسباب أخرى قد تؤدي إلى زيادة استهلاك البنزين زي الرشاشات أو نوع أكثر كفاءة من البوجيهات أو ضبط خلوص سن البوجيهات (أرجو تصحيح المعلومة لو كانت خطأ).

بس مش حنخسر حاجة لو حد راح الصيانة في التوكيل أو مركز متخصص لضبط التاكيهات .. ونشوف النظام أيه .

[kokyjoon]

من واقع الخبرة

سلام عليكم

أنا بتكلم من واقع الخبرة فى مجال الميكانيكا ومن الناحية العلمية
وبعدين إحنا لسة فيها وماروحناش بعيد

الدكتور مصطفى رايح صيانة قريب وكان إشتكى من زيادة الأستهلاك
وإرتفاع فى الحرارة نقوله على الفكرة
وللمعلومة إرتفاع الحرارة يا أخ باسم مش هايبان ملحوظ علشان السيارة جديدة
غير ملاحظة إن المروحة هاتشتغل كتير وده غير عادى فى فصل الشتاء

[bassem.naguib]

نحن في الانتظار

[mostafa123]

من خلال قرائتى لتجربة الأستاذ مصطفى قررت التجربة والسير على نهجة فكان الأتى
1- بالفعل احسست ان صوت الموتور اصبح اهدأ قليلا
2- سحب السيارة كان كما هو بلا تعديل
3- المىحظة الثالثة والأهم فى التجربة كانت كما قال الأستاذ محمد فى تجربتة ان السيارة لا تدور من اول مرة - انا حدث معى شىء جديد وهو لما قمت بتموين السيارة من جديد ببنزين 92 فؤجئت بأن السيارة توقفف محركها فأستغربت من الموقف فقمت بأدارتها من جديد وتوقفت فأدرتها للمرة الثالثة مع الضغط على دواسة البنزين فدارت بشكل جيد واستنتجت ان بنزين 90 بة رواسب ممكن تكون عاملا فى سد الرشاشات -
لذلك قررت الا امون بنزين 90 مرة ثانية

الأخ الفاضل عادل
شكرا لك على مشاركتك لنا تجربتك..
تجربتك وتجربة الأخ كوكى جون من قبل وتجربتى توضح إن كل سيارة بختك يابو بخيت.. يعنى مفيش طريقة ممنهجة وخطوات ثابتة يمكن إتباعها فى كل السيارات لتلافى عيب معين.. فانت وحظك بقى.. وعلشان كده أنا كتبت فى أول مداخلة لى فى هذا الموضوع إن أى حد عايز يجرب بنزين 90 فعليه أن يجربه على مسؤليته الشخصية.. معلومة أخيرة... كنت قرأت قبل كده على إحدى صفحات المنتدى إن بنزين 90 أنضف من بنزين 80 وبنزين 92 أنضف من الإثنين دى معلومة خاطئة تماما.. فممكن أوى إن بنزين 92 يكون أسوء من 80 و 90 لو فيه شوائب أو رواسب.. فالفرق بين الثلاثة أنواع يكمن فى رقم الأوكتين فقط وليسه له علاقة بالرواسب والشوائب..
وشكرا
والسلام عليكم

[mostafa123]

أعتقد أن ضبط التاكيهات بيكون لأحد أو بعض أو كل الأسباب التالية :
1) ارتفاع صوت المحرك
2) أرتفاع حرارة المحرك
3) ارتفاع استهلاك البنزين

أرجو مراجعة دليل تشغيل السيارة (المانيوال) اللي بيجي مع العربية .. والإفادة إذا كان فيه حاجة بتتكلم عن ضبط التاكيهات من عدمه .

الثلاث أسباب موجودة عندى وبلغت عليها فى صيانة الألف فى مركز صيانة القطامية بس الكومبيوتر إبن الإيه قال كل شئ تمام وأنا اللى بيتهيألى.. والراجل الجهبذ بتاع ظبط الزوايا اللى جرب العربية معايا لما سألته على صوت الموتور اللى زاد خصوصا بعد الصيانة قال لى ده طبيعى جدا والصوت هيهدأ لوحده لإن السبب فى الشكمان لإن الشكمان فيه مادة معينة وهى السبب فى الصوت ده ومع الوقت المادة دى مش عارف هيحصل فيها إيه كده والصوت هيهدأ وكله يبقى تمام.. ليه حق يسرح بيا ماهو شايف قصاده طرشجى مش صاحب عربية دافع فيها دم قلبه.. لما رحت مركز إسكندرية الميكانيكى قال لى تفسير مقنع شوية وقال إن عمة الموتور صغيرة ولما تقرص عليه الصوت بيعلى وصوت المتسوبيشى عموما عالى... المهم كلامه فعلا فيه كثير من الصحة.. بس اللى ما يعرفهوش ميكانيكى إسكندرية ولا فنى ضبط الزوايا فى مركز القطامية إن صوت الموتور العالى يرجع بالأساس لوجود عيب تصميمى فى السيارة.. ليس فى المحرك نفسه ولكن فى أحد مكونات السيارة وهذا العيب يؤدى إلى ظهور ما يسمى بظاهرة الرنين التى تتسبب فى سماع صوت الموتور البشع اللى كلنا بنسمعه خصوصا عند 120 كم/ساعة.. هاكتب لكم الموضوع بالتفصيل الممل لما ألاقى وقت إن شاء الله تعالى.. وأى مهندس فى الشركة حتى لو فى خط الإنتاج والتجميع نفسه أو حتى من الشركة الأم فى الصين يجى ويتفضل وهاثبت له الموضوع ده عملى على أى سيارة إف ثرى سواء بتاعتى أو من الشركة أو أى عربية ماشية فى الشارع..
أخيرا أنا أتأكدت النهارده بعد ما فولت بنزين 90 لتانى مرة من إن موضوع ضبط التاكيهات ده ممكن جدا يكون سبب رئيسى فى أستهلاك البنزين.. عايزين تعرفوا إزاى .. المداخلة القادمة إن شاء الله تعالى..