صور هايما فاميلى Haima وتقييم بسيط

[douha_wise]

ايه ياجماعة - هو محدش اشتراها الا انا ولا ايه

يمكن تكون الدفعة الأولى هية العربية اللى انت اشترتها بس عشان كدة الدفعة الأولى كلها خلصت
ههههههه انا بهزر معاك بس تلاقيها عشان لسة جديدة فى السوق فملحقش حد من المنتدى يشوف رأى من اشتراها فيها و عليك انت دايما توافينا برأيك فيها

[cpt_shawky]

لازم يعاد تسعير العربية والا مش هتتباع!!!

[TAG_Turbo0]

والله معأوله بس برضه تحس انها صينى
فى حد عنده فكره عن أختبارات التصادم بتاعتها؟

[cpt_shawky]

لو اتخفضت لسعر النوبيرا الاتوماتيك تتباع هوا

[جمال]

فرقها مش كتير من النوبيرا لاوتوماتيك 85 الف و 82.5 الف وكمالياتها اكتر بكتير وكمان تقفيلها احسن

[som3aa]

ايه يا جماعة دا
العربية تحسها زيها زى كل العربيات الصينى (حتى البريليانس) زبالة .
الواحد حاسسها عربية لعبة زى لعب الأطفال البلاستيك بجد.
بعدين 70-90 الف ايه بس فى عربية زبالة زى دى
الواحد يشترى ب90 نيسان صنى وهو نايم على الأقل ضامنها مش عربية مجهولة.
و على فكرة اسم على مسمى هى هايما فعلا(هايمة على وشها)
لو حتى ب 60 اشترى فرنا من هيونداى او لانوس على الأقل الواحد يبقى مطمن على نفسه.
airbags ايه والنبى انت مشوفتش الcrash test بتاع العربيات الصينى؟
الairbags ى بتساعد على خنق السواق فلو ليك واحد حبيبك بتحبه اوى و عايز تخلص منه رشحله العربية دى.
أنااركب حمار و لا اركبش عربية صينى مجهولة.(قال 70-90 قال)

[som3aa]

فرقها مش كتير من النوبيرا لاوتوماتيك 85 الف و 82.5 الف وكمالياتها اكتر بكتير وكمان تقفيلها احسن

معلش الكلمة دى دايقتنى اوى تقفيل مين اللى احسن
sorry بس دى عربية صينى!!!!!!!!!!!!!
options ايه اللى فيها؟
دا تلاقى مكسب الوكيل فى العربية الواحدة 20-30 الف بالقليل.
دى صينى؟؟؟؟ على الأقل daewoo كورى و بتتبلع فى العالم كله باسم chevrolet و suzuki(نفس النوبيرا ليها كذا اسم تانى).

[som3aa]

معلش يا جماعة انا مكنتش قريت التعليقات فمعرفتش ان فى واحد هنا اشتراها
أولا للى اشتراها انا اسف جدا و ربنا يباركلك فيها

ان متفق مع الاخوة ان سعرها غالى ممكن زى الاعلانات ما بتقول ان الشركه مش اكبر شركه فى الصين لكنها من افضلهم "نقلا عن ملحق اخبار اليوم"

ملحق اخبار اليوم(انا ميت من الضحك)
بص يا سيدى علشان تبقى عارف لما تحط نص صفحة اعلان فى اى جريدة بيدولك نص الصفحة اللى فوقها تكتب فيه اللى انت عايزه يعنى ممكن تكتب على الchery احسن عربية فى العالم عادى خالص انت حر و نفس الكلام لو خدت مساحة اصغر من نص صفحة.
بعدين اوعى تصدق اى حاجة مكتوبة فى الجرايد اللى زى دى و خصوصا الكلام اللى بيكتبوا اللى اسمه خالد اباظة و طبعا انت عارف ليه.
على فكرة غبور قاطع الاعلانات عن اخبار اليوم شوف كتبوا عنه ايه كتبوا عن الفيرنا وحشة و الشركة بتقع و العربيات مس بتتباع و الموظفين اللى فيها ماشيين .
و العكس صحيح اتفرج على قصائد المدح فى توكيل geely و العربية الصينى الجديدة ال 4x4 اللى انا مشتريهاش ب 60 الف حتى مش ب124-160 .

بخصوص نفاذ الدفعة الأولى و التانية و الكلام الفارغ دا خلى كده التوكيل يكتب الدفعة كام عربية؟؟
مستحيل يقولك , دى سياسة تسويقية بتعملها التوكيلات يقولك نفاذ الدفعة الأولى و التانية و ممكن العاشرة كمان و حتى شركات العقارات يقولك نفاذ المرحلة الأولى و التانية و فتح باب الحجز فى العاشرة عادى و محدش يقدر يقولهم حاجة.

نصيحة للناس ابعدوا خالص عن الصينى و خليك فى المضمون
و نصيحة للأخ اللى اشترى الهيما متزعلش و بيعها بعد 3 سنين قبل ما الضمان يخلص.

[د-احمد عبد اللطيف]

السياره المعروض صورها هنا هي نسخه من موديل مازدا protege الذي كان موجود في امريكا قبل ان تعدل مازدا الى موديلات mazda3 مع العلم ان مازدا في امريكا انتاج فورد. وللعلم ايضا المازدا في امريكا برغم جودتها الا انها تعاني مثل باقي انتاج فورد حيث ان شركة فورد تحقق خسائر ادت الى اغلاق عدد من المصانع وتسريح الكثير من عمالها.

[جمال]

نفس الكلام اتقال على العربيات الكورى اول مانزلت - و الآن الناس تشيد بيها رغم انها تقفيل مصرى
انا كنت من اوائل اللى اشترو الدايو - اسبيرو - وكانت عربية ممتازة وتقفيل كورى وكل الناس كانت تشتم فى الكورى ايامها واثبتت الايام صحة اختيارى
مش كل الصينى و لاكل المصرى

[KHALED012500]

عايز اضيف بس حاجه بسيطه

ان موتور هايما فاميلى

هو موتور مازدا 323 القديمه وكمان بيعمل ببنزين 95 اوكتان او اعلى منه

فلما نشوف السيارة رخيصه من ناحيه السعر بس من ناحيه مابعد البيع

من مصاريف صيانه واستهلاك بنزين وكمان كلنا عارفين ان ان الصينى

استهلاكه سريع يعنى مش هتستحمل البلد بتاعتنا

[جمال]

وهذا موقع شركة هايما على الانترنت

www.haima.com/2006/english2007

[mahamedaraby]

مبروك عليك العربيه وابقى قولنا اخر الاخبار

وبعدين يا جماعه كلنا عارفين حوار ملحق الاخبار ده انك ممكن تشترى الصفحه كلها وتاخد نص الصفحه اعلان والنص تانى مقال بيمدح فى العربيه

وبعدين ياجماعه اكيد مش كل الصينى وحش ولا كله حلو

[جمال]

للاسف العربية اتحكت النهارده
كنت بانقل من ادارة مرور لاخرى واثناء عمل الفحص الفنى و العربية واقفه قدام المهندس و عامل البصمه بيدور على مكان رقم الموتور راح واحد سايق 128 بيرجع بضهره واخد الباب حكه محتومه والمصيبه انه طلع وكيل نيابه و بيستعد لامتحان السواقه يعنى معاهوش رخصة
مش عارف اصلحها ولا اسيبها فاسوخه

[جمال]

ياريت المشرفين يضمو الموضوعين بتوع ال هايما فى موضوع واحد يكون اسهل