صور هايما فاميلى Haima وتقييم بسيط

[جمال]

IxI
انا من مالكى ال هايما والعربية فعلا ممتازة
هل انت من مستخدميها ؟ ولو كنت منهم ارجو ذكر ملاحظاتك عليها كمستخدم
طلب آخر, ماهى مصادر معلوماتك وخصوصا السعر

[lxl]

انا مش من مالكيها بس من انصارها فهى فعلا عربيه رائعه بمعنى الكلمه وعن تجربه طويله معها , العربيه بتستحمل بجد و مكلبشه فى الطريق على السرعات العاليه من 160 وانت طالع وهاتلاحظ انها بتقفل البيبان كلها اوتوماتك بعد متعدى 120 عشان الأمان ونظام الـ EPS بتاعها مخليها ممتازه فى الدورانات بسرعه عاليه كمان والفرامل بتاعتعها ملهاش حل من الأستجابه وملهاش حل فى السحب بتاع الموتور بتاعها وكمان وانت مشغل التكيف مفيش اى مشاكل إطلاقا والصاج بتاعها سمكه زى سمك اللادا القديم يعنى طخين وده مش بينزل مع العربيات الحديثه دلوقتى اللى فى مستواها واعلى كمان , ومن نحية السعر فى تمنها بيوصل فى الصين لذى منا قولت قبل كده 100.000 yaun
بما يقارب ال77 الف مصرى وده من موقع صينى وصلتله وانا ببحث عن اصل العربيه وهى نتيجه اشتراك شركة Hainan & Mazda
50 سنه مع بعض وهاتلاحظ ان اول قسمين من اسم الشركتين يكونوا اسم العربيه نفسها HaiMa وده معناه ان الشركه مش مجرد اخده المحرك وبس واللى وصلى ان العربيه دواخل كتير فيها يبانى مش صينى بس, انا بالنسبالى لو قدامى الأوبترا او الأفيو او الفيرنا او حتى الإلنترا كنت اختار فى الأخر الهايما وده مجرد رأى شخصى عن تجربه عيبها الوحيد الوكيل بتاعها واحتكاره ليها فى الصيانه وانها ملهاش سوق عشان كله بيخاف مع انها موجوده من زمان بس محدش بيفكر يجيبها عشان محدش يعرف حقيقتها صح و ده ممكن يعيب السياره فى انك لو فكرت تبيعها بعد كده هاتعد وقت بس الكلام ده دلوقتى الله اعلم بعد كده هاتبقى عامله ازاى وبالمره قبل مانسى ان شركه FAW دى عامله عربيات واخده 5 نجوم فى اختبارات الأمان فى اوروبا والهايما فيها جزء كبير من تكنولوجيا تصميم الهيكل بتاعها وقوة تحمله الصدمات والشركه دى ليها علاقات كتير مع شركه تويوتا اليبانى و الفولكس الألمانى وليها 27 شركه فى مناطق مختلفه غير ان فى 25 شركه تانيه ليها دخل كبير فيها ومن نحية المصدر فده من مصادر متعدده ومواقع صينى وخلافه واه نسيت اقول ان العربيه دى منتشره فى الجزائر انتشار كبير اوى ونازلين فيها مدح وحد دور على الجرايد الجزائريه ومواقعها وانت تلاقى.

[som3aa]

ماهى مصادر معلوماتك وخصوصا السعر

مصدر المعلومات مخه طبعا دى مش محتاجة اى كلام.
اولا لما العربية ب 77000 يبقى ازاى بتتباع فى مصر ب 75-90000 علما بان الجمارك و الضرايب 60% من تمن العربية؟؟؟؟؟
طيب بلاش المازدا 3 فى امريكا بتبدا من 74500 يعنى الهايما اللى هى تقليد مازدا قديمة بموتور مازدا القديم و صناعة صينى معروفة جودتهأ ب77000؟؟؟؟
طيب امال الهايما 3 اغلى على كدا بقا من المازدا 3!!!!!!!!!!!!
طب احترم عقولنا طيب؟

50 سنه مع بعض وهاتلاحظ ان اول قسمين من اسم الشركتين يكونوا اسم العربيه نفسها HaiMa

اولا

The Hainan Auto Works firm began as a joint venture with Mazda in the early 1990s

2008-1990=50؟؟؟؟؟؟؟؟؟؟؟؟؟؟
علشان خاطرك نفترض ان 2008-1990=50 , خمسين سنة مع بعض يعنى كانوا بيروحوا المدرسة مع بعض و فى بينهم عيش و ملح؟؟؟؟
مصلحة متبادلة دول عايزين يخوشوا السوق الصينى و دول عايزين ينتجوا عربية يعنى مش اصحاب مثلا .
بعدين مازدا مثلا بيساعدوهم فى حاجات مش بيصنعولهم العربيات , يعنىمثلا بيبيعولهم المواتير القديمة و اكيد باسعار منخفضة , يعنى بيعملوا اللى فى مصلحتهم بس العربية مش مازدا خالص و بعدين البريليانس bmw ساعدتهم فيها و شوف الcrash test عامل ازاى الاولانى حاجة مسخرة

ان شركه FAW دى عامله عربيات واخده 5 نجوم فى اختبارات الأمان فى اوروبا

طيب معلش ممكن من العربيات الكتييير اوى دول تقولى اسم عربية و لا اتنين !!!!!
حسب موقع فاو نفسه ال Besturn C301 بس اللى واخدة 5 نجوم و دى عربية فخمة بالنسبة للعربيات الصينى يعنى فيها 8 airbags و حاجات كده و برده اختبار الncap مش صعب اوى كده, اللى بيفشل فى العربيات التعبانة اوى بس و 5 نجوم دى بقت حاجة عادية اوى اوى فى الاختبار دا .
و هنشوف حاجة من الjunk الصينى دى هتتباغ فى اوروبا و امريكا و لا لأ.

جزء كبير من تكنولوجيا تصميم الهيكل بتاعها وقوة تحمله الصدمات والشركه دى ليها علاقات كتير مع شركه تويوتا اليبانى و الفولكس الألمانى وليها 27 شركه فى مناطق مختلفه غير ان فى 25 شركه تانيه ليها دخل كبير فيها

كل دا اى كلام طب ما بروتون تمتلك لوتس!!!!!! و بريليانس عملينها بمساعدة bmw !!!! , اى كلام و خلاص بيدوهم حاجات بسيطة اوى اوى و هما بيكبروا الموضوع و يقولو عربية مشتركة مع bmw مع ان العربية bmw لو ساعدت فيها حاجة بسيطة هتخليها احسن من عربيات كتيييير محترمة.

[Ahmad Allawy]

مكلبشه فى الطريق على السرعات العاليه من 160 وانت طالع وهاتلاحظ انها بتقفل البيبان كلها اوتوماتك بعد متعدى 120 عشان الأمان ونظام الـ EPS بتاعها مخليها ممتازه فى الدورانات بسرعه عاليه

من 160 وانت طالع؟؟ امال هي اخر سرعتها كام..؟؟
و سؤال تاني مهم بالنسبالي..
ايه هو نظام EPS ده..؟؟
انا مش عارف و حابب اعرف..
والف شكر

[جمال]

الاخ IxI
العربية ممتازة وناس كتير بتشكر فيها و انا اولهم , بس ده من منطلق انى باستعملها و مالك لها وطبعا قبل ما اشتريها جربتها و بحثت فى النت عملت دريف تست عند الطارق بالاسكندرية وللان ليس فيها اى مشاكل
لكن اسلوبك فى التعصب للسيارة بدون تروى و بدون مراجع و حتى بدون استخدام يسىء للسيارة و لا يدعمها
ويعطى فرصة لاعداء الصينى بالوثوب واستخدام اسلوبك و تعصبك ضد السيارة و ليس لصالحها
انت كده بتسىء للسيارة و انا آسف انى اقول لك كده
بالمناسبه السنتر لوك بيعمل اوتوماتيك عند الوصول لسرعة 15 كم / ساعة و ليس كما قلت وده موجود بالكتالوج و الاهم على الواقع , وانا بناقش و بصحح معلومة جربتها , و لكن باقى المعلومات لن اناقشها لانها غير موثقة للاسف

[Ahmad Allawy]

الاخ IxI
العربية ممتازة وناس كتير بتشكر فيها و انا اولهم , بس ده من منطلق انى باستعملها و مالك لها وطبعا قبل ما اشتريها جربتها و بحثت فى النت عملت دريف تست عند الطارق بالاسكندرية وللان ليس فيها اى مشاكل
لكن اسلوبك فى التعصب للسيارة بدون تروى و بدون مراجع و حتى بدون استخدام يسىء للسيارة و لا يدعمها
ويعطى فرصة لاعداء الصينى بالوثوب واستخدام اسلوبك و تعصبك ضد السيارة و ليس لصالحها
انت كده بتسىء للسيارة و انا آسف انى اقول لك كده
بالمناسبه السنتر لوك بيعمل اوتوماتيك عند الوصول لسرعة 15 كم / ساعة و ليس كما قلت وده موجود بالكتالوج و الاهم على الواقع , وانا بناقش و بصحح معلومة جربتها , و لكن باقى المعلومات لن اناقشها لانها غير موثقة للاسف

انا والله يافندم باحييك علي موضوعيتك و حيادك..
بس باعيب عليك و اسمحلي يعني.. وده مجرلاد خلاف في وجهات النظر..
اعداء الصيني و الوثوب و الكلام ده..
اعداء الصيني مش اعداء متربصين و خلاص..
بس كل القصة انهم عايزين ان العربيات دي محدش يقبل عليها قوي غير لما تثبت نفسها في السوق.. عشان ميرضاش حد انه يشوف حد بيجازف و مينصحوش..علي الاقل في وجهة نظره.. و كمان عشان في مننا شايفين ان القيمه السعرية اعلي بكتير قوي من قيمة العربية.. وان كان ده مش في كل الماركات و الموديلات.. بس برضه.. يعني التوكيلات اللي بتستورد و خاصة الصيني .. بتزودها شويتين تلاتة اربعة في هوامش الربح..
وده بيخلي الواحد يلاقي ان صاحب العربية دافع فيها اكتر من فيمتها.. بيصعب علي الواحد مش اكتر..
لكن لو السعر طبيعي..
يبقي ك واحد ادري باحتياجاته و امكانيات اللي هو عايزها و علي قد كده بيدفع فلوس.. كده تبقي موزونة..

[جمال]

معلهش يا اخ احمد
اصل كل شوية تلاقى ناس بيهاجمو الصينى عاطل مع باطل وتلاقى واحد داخل يقولك العربية البلاستيك( ماهو كل العربيات فيها بلاستيك ) , العربية دى زباله !!!, عربيات فوانيس رمضان ... الخ وانا لو ماكنتش مطمئن لعربيتى و دارسها كويس قبل الشراء و مستريح فيها كان يجيلى احباط , طبعا فيه ناس كتير بيجيلها احباط
المفروض ان الهجوم على عربية لايكون بالتعميم ( كل العربيات الصينى ) وانما يكون بالتحديد و بالدليل , زى المدح بالظبط وزى مافيه عربيات صينى فيها مشاكل فيه عربيات كورى وغيره فيها مشاكل
و اشكرك على مداخلتك

[جمال]

للرفع حسب طلب احد الاخوة

[mokelanos]

سؤالى بس مفيش زعل
لما اشترى فانوس لعربيتى صينى شهر ولونه يروح
لما اشترى مقاومه موبينه صينى اسبوع وتضرب
لما اشترى فيشه كونتاكت صينى والله العظيم ما كملتش شهر وضربت
طيب لما اشترى عربيه صينى
حجيب لها قطع غيار ايه؟؟؟؟؟؟؟

[جمال]

اختار الانواع الصينى الكويسة و ليست المضروبة
مش كل الصينى و لاكل الكورى ......... الخ
بعض قطع الغيار الموجودة بالسوق مصنعة فى مصر تحت السلم و تباع على انها صينى او كورى او او او
ولما تشترى عربية صينى حتجيب لها قطع غيار صينى من الوكيل و هو ضامنها

[som3aa]

معلهش يا اخ احمد
اصل كل شوية تلاقى ناس بيهاجمو الصينى عاطل مع باطل وتلاقى واحد داخل يقولك العربية البلاستيك( ماهو كل العربيات فيها بلاستيك ) , العربية دى زباله !!!, عربيات فوانيس رمضان ... الخ وانا لو ماكنتش مطمئن لعربيتى و دارسها كويس قبل الشراء و مستريح فيها كان يجيلى احباط , طبعا فيه ناس كتير بيجيلها احباط
المفروض ان الهجوم على عربية لايكون بالتعميم ( كل العربيات الصينى ) وانما يكون بالتحديد و بالدليل , زى المدح بالظبط وزى مافيه عربيات صينى فيها مشاكل فيه عربيات كورى وغيره فيها مشاكل
و اشكرك على مداخلتك

و الله يا اخ هايما انا بحترمك جدا فعلا مش بتريق ولا بقول اى كلام علشان واضح من كلامك انك شخص محترم يعنى مذكرتش مميزات العربية و خلاص.
و انا ائيد 10000% كل الكلام اللى قاله الاخ احمد علاوى.
بس الفكرة ان للاسف التوكلات دى مش بس بتجرب فينا لأ دول بيحطوا نسبة ربح مش معقولة ابدا ابدا!!
بس فعلا العربية مينفعش تبدا تقول شبه كويسة الا بعد 20000 كيلو على الاقل و طبعا 50000 كيلو يوضحوا فعلا هى كويسة و لا لأ.
انا اللى دايقنى اوى اوى اوى فى الهايما سعرها!!! , مش معنى كدا انها كويسة لأ , بقول لما التوكيل يضرب فى جيبه 30 الف فى العربية الواحدة على الاقل يبقى ازاى نرضى ندفعله بنفسنا كدا !! ازاى تشجعه ؟؟
يعنى لو مازدا رجعت صنعت ال323 تانى و باعتها فى مصر دلوقتى تفتكر هتبيعها بكام و المازدا 3 بتبدا من 115000؟ قول هتبيعها ب80 -90 بالكتير اوى!!
انا بقول العربية مالغ بزيادة اوى فى سعرها و كمان ايه ليه نرضى على نفسنا نتشرى عربيات لسه متجربتش؟
يعنى مفيش بلد فى العالم قبلت على نفسها الصينى , ليه احنا نقبله؟ و بعدين بتقول كل شركة حسب جودتها , ماحنا شوفنا المهازل فى الcrash tests اللى حصلت لعربيات كتير اوى (مشفتش الهايما , ليه اللى حصل فيها؟؟ ) فطبيعى لازم محدش يثق فى العربيات دى.
بعدين لو طلعت العربية مقلب يبقى شربت مقلب كبير و خسرت على الاقل 30000-40000 لان سعر اعادة البيع فى الضياع و لو طلعت كويسة برده تبقى مكسبتش حاجة لان فى عربيات تانية كتير برده كويسة و متجربة و مضمونة فى نفس الفئة السعرية زى الاكسنت و الياريس و الصنى و اللانسر الشكل القديم و حاجات تانية كتير.
يبقى ايه الداعى 1-للمجازفة بنفسك (من ناحية الامان) 2-بفلوسك (من ناحية مفيش اعادة بيع ) 3- من ناحية العربية ممكن تقف بيك و انت مسافر او عندك مشوار مهم او اى حاجة؟؟ طب ليه؟؟ دا فى واحد هنا فى نايل موتورز عنده عربية صينى نفسه يبيعها , مش عارف , يعنى مش جت على اد انه هيخسر كتير اوى فيها , لا كل سنة و هو طيب مش هيعرف يبيعها اساسا!!.
2- ايه لزمتها تدفع لواحد عايز يدحك عليك 20-30 الف هدية منك ليه؟؟
ليه ماحترمش نفسه و احترم الناس اللى بتشترى و باع بسعر كويس ؟
ليه محترمش المستهلك و عمل ضمان 5 سنين بدون حد اقصى للكيلومترات زى بريليانس خصوصا انه مقلب كتير اوى فى العربية؟
طيب نقول الصينى على اد سعره ماشى , ايه الزيادة فى الهايما اللى مش موجود فى بقية العربيات الكورى و اليابانى؟
الفرش الجلد : تركبه باقل من 1000 جنيه , الparking sensors : تشتريها صينى يا عم علشان متزعلش نفسك ب 300 جنيه.
abs + ebd ؟ انا سمعت اساسا ان فى الصينى دول مش حقيقيين يعنى مفيش abs و الفرامل بتبقى ضعيفة و الله اعلام طبعا دا كلام انا شمعته و معرفش صح و لا غلط و مستنى ردك.

بعدين العربيات الصينى رخيصة اوى اوى بره فى بلدها و الرخص دا مش بسبب انهم اذكياء و عايزين ينافسوا جامد , لأ شركة زى دايو كانت عملت كدا , الرخص بسبب رخص المكونات و سوء الصناعة .

معلش دا رايى و مستعد اتناقش مع حضرتك و نفسى اسمع رايك و وجهة نظرك

[mody_halawa]

يا جماعة نفسى اللى يتكلم عن عربية يكون جربها مش مجرد انها صينى تبقة وحشة ومش مجرد ان في حاجة مش عاجباكوا فيها يبقى العربية كلها وحشة ياريت حد يقولى اية عيوبها انا معايا العربية بقالها 5 شهور والحمد للة كلة تمام معملتش معايا اى حاجة علشان اقول عليها انها وحشة

[جمال]

اهلا يا مودى فينك من زمان , اكيد امتحانات
انت عملت بيها كام كم دلوقتى

[mody_halawa]

اهلا بيك يا استاذ هايما والله انا كنت بمتحن قعدت شهر ونص بمتحن فى الكلية
والعربية الحمد للة تمام والعربية عاملة دلوقتى 3600 كم بالظبط
وعربيت حضرتك عاملة قد اية دلوقت وحالتها اية معك

[جمال]

انا عربيتى كويسة و الحمد لله
بس قالقنى صوتها العالى مع السرعات العالية وهو تقريبا صوت الكاوتش مش الموتور ياترى بتحس بنفس الموضوع معاك