صور هايما فاميلى Haima وتقييم بسيط

[som3aa]

للاسف العربية اتحكت النهارده
كنت بانقل من ادارة مرور لاخرى واثناء عمل الفحص الفنى و العربية واقفه قدام المهندس و عامل البصمه بيدور على مكان رقم الموتور راح واحد سايق 128 بيرجع بضهره واخد الباب حكه محتومه والمصيبه انه طلع وكيل نيابه و بيستعد لامتحان السواقه يعنى معاهوش رخصة
مش عارف اصلحها ولا اسيبها فاسوخه

و الله زعلتنى
لازم يشوفولهم حل فى موضوع المرور دا و انا برخص برده واحدة حمارة كانت خارجة كانت حتخبط العربية لحقتها فى اخر ثانية مكان الفصح ضيق اوى
بصراحة حاجة تحير عموما متزعلش نفسك العربية هتتخبط هتتخبط لأانك فى مصر عادى لو انت مش مأمن عليها يبقى حسب لو الخبطة خفيفة يبقى مش مستاهلة روح بس محطة البنزين خليهم يطلعولك الخط الأبيض
اما لو خابطة جامدة يبقى شوف هتكلفك كام و شوف شكلها مضايقك و لا لا لو مش اوى يبقى عادى كبر دماغك
انا عربيتى اتخربشت كتييييير و هى واقفة و مبقلهاش معايا غير 8 شهور

[جمال]

شكرا يا سمعه
انا فعلا كبرت دماغى والخبطه الحمد لله منظرها مش وحش اوى واهى تخزى العين
رغم انى عندى تأمين شامل علشان البنك لكن يتهيألى ان الاستفادة من تخفيض نسبة التامين( عدم مطالبه ) احسن من تصليح خبطه بسيطة

[mody_halawa]

يا جماعة انا معايا هايما فاميلى من اكتلر منشهرين والحمد للة العربية تمام اوى وماشى لغاية دلوقتى حوالى 1400 كيلو واستهلاكها للبنزين 320 كيلو فى الصفيحة وانا والله جايب بيها 170 والعربية ثابتة جدا على الطريق العيب الوحيد الى انا شايفة فيها تقفيل الابواب الباب لازم يتقفل جامد علشان يقفل و مهندس التوكيل كل اسيبوعين بيكلمنى وقولتلة على الابواب وقالى انهم حيظبطوها اول لما اروح التوكيل للصيانة وهيا عربية جامدة جدا ومش معنى انها صينى تبقى وحشة والتوكيل دة راجل محترم ومش ممكن يغامر باسمة وينزل عربية وحشة وعلى فكرة العربية نزلت الجزائر والامارات وبالنسبة للاستاذ haima ربنا يصبرك على الخبطة يس دى عين والله ورجاء من كل المشتركين انهم قبل اما يحكموا على الحاجة يجربوها اذا سمحتم

[جمال]

هييييييييييييييييييييييييييييييييييييييييييه
لقيت واحد تانى فى المنتدى معاه هايما فاميلى
ياترى فيه حد تالت
الاخ مودى انت فين القاهرة ولا اسكندرية
اتا فى الاسكندرية وعربيتى موديل دى اكس الاوتوماتيك

[mody_halawa]

ياباشا انا من اسكندرية وعربيتى Glx المانيوال

[جمال]

اللى لونها دهبى و بتقف فى نادى سبورتج ؟

[mody_halawa]

لا يا باشا عربيتى فضى وبتقف فى نادى اصحاب الجياد

[جمال]

انا عربيتى ذهبى وبروح ساعات نادى سبورتنج , ولاحظت عربية اخرى ذهبى بتكون فى النادى
نفسى اعرف فيه كام هايما فى الاسكندرية

[mody_halawa]

يا باشا فية عربيات هايما كتير والله وانا كنت فى القاهرة شوفت 3 عربيات فى يوم واحد

[جمال]

ياباشا انا بتكلم عن اسكندرية
انا شفت فيها حتى الآن حوالى 3 عربيات فقط

[HeMa1981]

طب ماتكلمونا عن العربية يا جماعة

العفشة ناعمة ولا ناشفة
الثبات
صوت الموتور
الكماليات شغالة ولا بتهنج
في حاجة بتعطل فيها ولا لأ
الفتيس اخباره ايه
بتسخن من جوة
الحاجات دي !


التوكيل في الصيانات محترم ولا ايه نظامه
قطع الغيار واسعارها !

[جمال]

التعليق ممتاز -العفشة ناعمه مع ملاحظة ان التعليق من مازدا
العربية ثابته جدا
صوت الموتور تقريبا غير مسموع لوجود عزل له
جميع الكماليات ( الكثيرة ) شغالة زى الفل
لايوجد بها اى اعطال حتى الآن
الفتيس ينقل بنعومة
يعنى ايه بتسخن من جوه ؟ - عموما اذا كنت تقصد سخونة الموتور بتوصل للسيارة جوه يكون الرد لا لان الموتور معزول حراريا ايضا
من ناحية التوكيل لم يجرب حتى الآن لعدم حدوث اعطال وكذا لم يتم الاحتياج الى اى قطع غيار للآن

[mody_halawa]

انا شايف والله ان العربية حلوة وانا مرتاح معاها وبالنسبة للعفشة عفشتها ناعمة وحلوة
والثبات ثابتة جامد علشان الجنوط 15 والعجل عريض 195
العربية عالية قوى اعلى من الانوس اللى كانت معايا الاول مبتحكش فى اى مطب مهما كانت الحمولة العربية واسعة قوى ركبتها مريحة قوى
بالنسبة للفتيس الفتيس مازدا انا عربيتى مانيوال مفيهوش اى مشاكل
بالنسبة للكماليات كمالياتها جامدة جدا والحمد للة شغالة زى الفل مفيش اى مشاكل
وبالنسبة للسخونية انا مش عارف قصدك اية
وبالنسبة للوكيل لسة متعاملتش معاة لان انا لسة مكملتش 2000 كيلو علشان ميعاد الصيانة بعد 2000 كيلو
المجمل انا مبسوط بالعربية والحمد للة على كل شى

[HeMa1981]

الحمد لله يا جماعة هتبدأ العربية تلعب كده في دماغى وتدخل في الحسابات

لأنى كنت شوفتها وركبت فيه " بدون سواقة " اول ما نزلت وكانت كلاحظتى بس ان الباب لازم ترزعه جامد شوية عشان يقفل .


وفعلاً انا اصدى ان سخونة الموتو بتوصل جوه عند السائق ولا لأ زى ما بيحصل ساعات في الفيرنا

[جمال]

موضوع الابواب
انا لاحظت انها بتقل مع الاستعمال( او بتتعود عليه ) كمان لاحظت انها تحدث عندما تكون باقى الابواب و الزجاج مغلقين - يعنى من احكام العربية لزوم التكييف - لو فيه ازاز مفتوح لاتلاحظ اى مشكله فى الابواب