مستعد للتغير ولا لسه خااايف؟(الدخول لمحبى الرفاهيه فقط)

[roufa010]

بسم الله الرحمن الرحيم

احباءي اعضاء النايل موتورز كما تعودنا فى عالم السيارات ان دائما هناك كل ماهو جديد واصبح من المتوقع ظهور المفاجات هذا لان هذا العالم عالم السيارات ملئ بالتقدم والتطور وهذا ناتج عن شغف كل المهتمين بمتابعة كل ماهو جديد فى صناعة السيارات ومتابعة اخر ماتوصل له صانعى السيارات والتى اصبحت محل اهتمامنا جميعا واصبح هؤلاء الصناع يتنافسون لابهارنا واظهار امكانياتهم واظهار تفوقهم على بعضهم واسمحوا لى ان اجزم بأن الصراع والتنافس احتدم ووصل الى زروته حتى اصبحنا لا نجد من الوقت مايكفى لمتابعة كل الجديد ولقد اصبح من الصعب التنبأ بما يخبؤه لنا هؤلاء الصناع وفى هذا الموضوع اسمحوا لى ان اكشف لكم الغطاءعن اخر هذه التطورات

ولكن اعزرونى انا اعمل على هذا الموضوع منذ وفت واوشكت على الانتهاء
وارجو عدم الرد على الموضوع حتى انتهى منه لكى يصبح فى اجمل شكل
يليق بالمنتدى وذوق اعضائه الرفيع

[roufa010]

اولا اعتذر على تأخيرى ويارب الموضوع يعجبكوا كلكم
ليفان 620 هاى لاين الاتوماتيك الجديده
اعضاء النايل موتورز الكرام هاعرض عليكوا السياره ليفان الجديده الاتوماتيك الهاى لاين
السياره نفس شكل الليفان 620 المانيوال
اما بالنسبه للاوبشن الزائد فى السياره ال620 الاتوماتيك الجديده هاعرضها عليكوا عليكم مع الصور ويارب السياره تنال اعجابكم
1-فتحة سقف:

وطبعا الفتح والقفل للزجاج الخاص بالفتحه بتتحكم فيه بالكهرباء من خلال لوحة الازرار الموجوده فى كشاف الصالون وهى تعمل بضغطه واحده

2-عجلة القياده متعددة المهام(multifunction)

والتى تمكنك من التحكم فى جهاز الجى بى اس ومشغل الام بى ثرى والفيديو

3-مشغل الام بى ثرى والجى بى اس

والجهاز يحتوى على مشغل اغانى وفيديو من خلال فتحة اليو اس بى وفتحة كارت الميمورى كما ان شاشة العرض تعمل باللمس بالاضافه الى مستقبل الراديو وخاصية تحديد المواقع والى تقدر تخزن عليه اماكن خاصه بيك بحيث تكون جاهزه لو حبيت تذهب اليها وخاصية تحديد المواقع الى بتحددلك الطريق الى هاتسلكه بعد ماتحدد المكان الى انت عاوز تروحه وبيحسبلك الوقت الى هاتستغرقه والكيلو متر الى هاتقطعه للمكان الى انت حددته وبيوضحلك اقرب مطاعم للمكان واقرب اماكن البارك واماكن تانيه ونفس شاشة العرض دى هى الى بيظهر عليها الرؤيه الخلفيه الى بتنقلها الكاميرا الخلفيه وانت بترجع (R) وبأزن الله قريب هارفع فيديو تفصيلى عن وظايف الجهاز

4-الجير بوكس الاتوماتيك

ودى صورة الموتور

يارب العربيه تكون عجبتكم والعربيه متاحه للعرض فى المعرض بالشركه وهاتكون متاحه للبيع قريب ومع العلم السياره لم يحدد سعرها بعد

[mody_halawa]

بصراحه هااااااااااااااااااااااااااايله
وال كاسيت ال cd وال gps جااااااااااامد جدا
بس هو الماتور والفتيس صناعه اييه ؟؟

[roufa010]

بصراحه هااااااااااااااااااااااااااايله
وال كاسيت ال cd وال gps جااااااااااامد جدا
بس هو الماتور والفتيس صناعه اييه ؟؟

بشكرك على ردك واهتمامك بالموضوع
وانا مبسوط جدا ان السياره عجبتك
بالنسبه للموتور فهو تصنيع صينى بتكنولوجيا المانى وعلى خطوط انتاج المانى
اما الفتيس فهو بتكنولوجيا cvt وهى نفس التكنولوجيا المستخدمه فى فتيس اللانسر الاتوماتيك
وبشكرك تانى على مرورك واى استقسار انا موجود

[kae]

العربية دي سعرها كام ؟

[M.Elsheikh]

الف شكر على الموضوع

[evram]

الف الف الف الف شكر علي الموضوع و عربيه هايله و موضوع هايل

[roufa010]

شكرا لمرورك على موضوعي

[spirit5]

مع احترامى لصاحب الموضوع بس واضح ان سيادتك بتشتغل فى التوكيل
وبتعمل دعايه عشان ده مش اسلوب واحد شاف عربيه وعجبته
وكان فى واحد عامل موضوع عن الليفان 520 ومسيح للتوكيل سياح زى الزفت عشان الموتور
جاب زيت منه على كوبرى اكتوبر فى اول شهر تقريبا ومصور كل حاجه وعمل موقع مخصوص عشان الناس
تحترس من العربيه ديه والتوكيل طبعا نفضله وبينهم قضيه وحوار كبير قوى
يا ريت يكون فى مصداقيه شويه من الناس يا جماعه عشان ديه تحويشه العمر
ده اللنك بتاع الموضوع

http://www.nilemotors.net/Nile/126121-520.html

[kae]

دى طلعت عربية اى كلام خالص

يا رب الرحمة

[ashouhdy]

كرسى فى الكلوب دة الراجل لسة مستفتحش ولسة بيقول يا هادى !!

[badrbadr]

مع احترامى لكل معلق يعيب فى السيارة او التوكيل ارجوا قبل التعليق لا نلجا للحكم من شخص واحد واجهه مشكلة من الممكن ان يكون هو السبب فيها مثل عدم متابعة التوكيل او اهماله فى صيانة السيارة او اسباب اخرى... وانا املك سيارة ليفان 620 منذ ثلاثة شهور وعملت بيها 8000كم حتى الان ولا انكر اننى واجهة مشاكل لاكنها بسيطة للغاية وتم علاجها فى التوكيل وتلك المشاكل هى: عضة الفتيس - صفارة تيل الفرامل - ضعف التكييف... وفى التوكيل قاموا بضبط تلك المشاكل والسيارة اصبحت معى حتى الان لا يعيبها اى شىء . وموتور السيارة هناك من يعتقد ان صوته عالى ولاكن معظم السيارات الالمانية وخصوصا الفورد فوكس ماتورها به نعره ومعروف عن المواتير الالمانية تلك النعره ...واحب ان اوضح ان التوكيل محترم للغاية ويتابع معى دائما اخبار السيارة واذا كان هناك اى مشاكل تواجهنى واحب ان اعطى مثل حدث اليوم معى اننى فوجئت ان السيارة توقفت فجاءه منى ولم استطع ادارة الموتور وبصراحة انتابنى غضب شديد واتصلت بالمهندس المسئول فى التوكيل وارسل لى سيارة الاعطال فى نصف ساعة واتضح ان هناك فيوز يحتاج للتغير وتم تغييره فى دقيقة لا اكثر وبدون اى مقابل مادى حيث السيارة تعتمد كليا على نظام كمبيوتر ... وللعلم من يركب السيارة او يراها لا يصدق انها صناعة صينية... وهذه شهاذة منى حتى لا نظلم التوكيل او قوة تلك السيارة واى مشكلة تواجهنى او اذا ظهر لا سمح الله عيب فى السيارة سوف اقوم وبكل امانة باطلاعكم عليها.

[hish172005]

ياريت الناس اللى اشترت السياره يكتبوا تقارير عنها مينفعش واحد يشوه فى السياره والتوكيل والناس اللى راكبينها ميكتبوش حاجه عنها والا فهو صادق فى كلامه وان كانت السياره المقصوده ليست الليفان 620 وانما المينى كوبر ......العربيه بألى سنتين باشوفها فى التوكيل هو محدش اشتراها ولا ايه ....مبشوفش حد يدافع عنها الا الاخ اشرف اللى شغال فى التوكيل.....أرجو من الاخ أشرف يبلغنا كم سياره اتباع منها العام الماضى وايه اسعار قطع الغيار وهل تم حل مشكله الاخ الشاكى ولا ايه حكايته ....وشكرااا

[ashouhdy]

هم كلهم ع فكرة شغالين فى التوكيل مش واحد بس ههههههههه

[badrbadr]

انا كتبت عن السيارة وعلى فكرة انا مش شغال فى التوكيل ولست الا مالك للسيارة ليفان 620 وهى معى منذ شهر ابريل وسوف اشرح للمرة الاخيرة العيوب قبل المميزات للسيارة وهي:
صفارة فى تيل الفرامل-عضة فى الفتيس-ضعف التكييف
وتم علاج العيوب فى التوكيل حيث تم تغيير التيل وضبط التكييف وتغيير زيت الفتيس ... والسيارة الان والحمد لله تمام
اما بالنسبة لمواصفات السيارة فهى من الخارج تشبه التويوتا كورولا لاكن اطول قليلا وانا لا اتكلم عن التويوتا الشكل الحديث انما الذى قبله موديل 2006 / 2007 وايضا تابلوة السيارة يشبه الموجود فى التويوتا مع اختلاف شكل عداد السرعة وعداد ال ار بى ام ...وبالنسبة للصالون فهو من الجلد وجودة التقفيل الداخلى جيده جدا... اما بالنسبة للموتور فهو صينى الصنع بتكنولوجيا المانية ويوجد نوع اخر للموتور وهو نوع افضل يسمى ترايتك اما النوع الاول فهو موتور ليفان ... وفى كلا النوعيين فان قوة الموتور 105 حصان & 1600 سى سى. والموتور قوى فى السحب والسيارة ثابتة جدا فى السرعات العالية.
وهذا للعلم لمن يريد ان يتعرف على السيارة واى عضوا لديه استفسار فانا حاضر للاجابه عليه وبكل امانة .