مستعد للتغير ولا لسه خااايف؟(الدخول لمحبى الرفاهيه فقط)

[bassemali]

أنا عايز أستفسر عن اليفان ميني لو حد عنده معلومات عنها أو جربها أو يعرف حد جربها .

[pharonicking]

الناس اللى بتتكلم عن ضعف التكييف ""دة عيب موجود فى كل العربيات الصينى وليس له علاقة بالتوكيل ""يعنى مش حيعمل حاجة"
ياريت الكلام يبقى منطقى شوية"

[caysersosaih]

لسه بدري قوي

[ahmedbasto]

انا الصراحة لسه خايف

[ashouhdy]

لسه بدري قوي

+111111

[badrbadr]

بس للعلم التكييف عندى فى الاجواء شديدة الحرارة جيد واشعر به بعد تشغيله خلال 3دقائق ثم يزداد الشعور بالبروده اكثر وهذا فى سيارتى الصينيه نوع ليفان 620

[ashouhdy]

بس للعلم التكييف عندى فى الاجواء شديدة الحرارة جيد واشعر به بعد تشغيله خلال 3دقائق ثم يزداد الشعور بالبروده اكثر وهذا فى سيارتى الصينيه نوع ليفان 620

ياباشا انت بتقول اية بس خلى الكلام بالعقل كدة تكييف اية اللى فى الحر بتحس وتشعر بالبرودة بعد 3 دقايق دة التكييف الاسبليت بتاع البيييييييييييت اللى هوا 3 حصان بياخد 10 دقايق و عندك تكييف الكورولا اليابانى بياخد مش اقل من 10 دقايق وكمان فاتح الازاز عشان الهوا السخن يطلع و الفيرنا كذلك ؟!!!!!!!!!!!!!!!!!!!!

[hish172005]

مش كل التكييف الصينى كده انا ركبت مع واحد صاحبى عربيته الجاك وكان تكييفها ذىالثلاجه فى دقائق وحسيت ان احنا فى شهر طوبه

[badrbadr]

الحمد لله عندك شاهد على ان تكييف الجاك ثلاجة وللعلم انا كان عندى تويوتا كورولا فى دبى وتكييفها فى درجة حراره 50 درجة ورطوبة قاتلة فى 5دقائق تصبح السيارة ثلاجة وزجاج السيارة يغطيه شبورة من اختلاف درجة الحرارة داخل السيارة عن خارجها وللعلم كنت املك فورد فوكس قبل التويوتا والتكييف بها لم يكن فعال فى تلك الاجواء ولهذا قمت بشراء التويوتا .. ومعظم الاخوة الخلجيين يفضل التويوتا عن معظم الموديلات لهذا السبب .. وعلى كل حال لسيادتك حق الاقتناع من عدمه فقط تاكد اننى لن اعطى معلومة خطاء وسوف اكون اول من يهاجم التوكيل ويحزر الناس من شراء السيارة اذا وجدت بها عيب... وشكرا على المتابعة والاهتمام.

[roufa010]

مع احترامى لصاحب الموضوع بس واضح ان سيادتك بتشتغل فى التوكيل
وبتعمل دعايه عشان ده مش اسلوب واحد شاف عربيه وعجبته
وكان فى واحد عامل موضوع عن الليفان 520 ومسيح للتوكيل سياح زى الزفت عشان الموتور
جاب زيت منه على كوبرى اكتوبر فى اول شهر تقريبا ومصور كل حاجه وعمل موقع مخصوص عشان الناس
تحترس من العربيه ديه والتوكيل طبعا نفضله وبينهم قضيه وحوار كبير قوى
يا ريت يكون فى مصداقيه شويه من الناس يا جماعه عشان ديه تحويشه العمر
ده اللنك بتاع الموضوع
http://www.nilemotors.net/nile/126121-520.html

اولا شكرا على اهتمامك بالموضوع ومشاركتك
وكل سنه وانت طيب
انا فعلا شغال فى التوكيل وليا موضوع مثبت بأسمى هنا فى قسم الصينى والموضوع بعنوان (كل مايخص سيارات ليفان من توكيل وقطع غيار تجده هنا)
وذكرت فى الموضوع انى بشتغل فى التوكيل لانى مش شايف حاجه تستدعى انى أخبى

اما بالنسبه لصاحب الموضوع فأنا ماكنتش حابب انى اتكلم فى الموضوع ده عشان مايسببش أذى لحد
بس ناس كتيره فى مواضيعى سألتنى على صاحب الموضوع
على العموم صاحب الموضوع ده اسمه ا/ميسره ومعاه سياره ليفان 520 وعامل سايت مخصوص بيبين فيه مدى عدم صلاحية السياره وانا بعتبر السايت ده أغلى سايت عمله واحد مصرى لأنه اتعرض بيعه للتوكيل بمليون دولار وطبعا التوكيل رفض عملية الابتزاز وتم أتخاذ الأجراءات القانونيه اللازمه
وذلك على الرغم من ان العربيه اتصلحت من زمان وتبين من الكشف الفنى ان الاضرار الى فى السياره متعمده بهدف اثبات صحة الادعاءات
وعلى فكره السياره معاه من بدرى ومازالت معاه

وبالعقل والمنطق ازاى فتيس عربيه ينفجر !!!!!!!

واى استفسار يخص السياره 620 الاتوماتيك أنا فى خدمتك وكل سنه وانت طيب

[roufa010]

دى طلعت عربية اى كلام خالص

يا رب الرحمة

بشكرك على الرد والاهتمام
وكنت اتمنى ان حكم حضرتك يكون من خلال مشاهدتك للسياره عشان لو فعلا زى مابتقول حضرتك يبقى فى اساس للاستناد على حكم حضرتك

وكل سنه وانت طيب

[roufa010]

ياريت الناس اللى اشترت السياره يكتبوا تقارير عنها مينفعش واحد يشوه فى السياره والتوكيل والناس اللى راكبينها ميكتبوش حاجه عنها والا فهو صادق فى كلامه وان كانت السياره المقصوده ليست الليفان 620 وانما المينى كوبر ......العربيه بألى سنتين باشوفها فى التوكيل هو محدش اشتراها ولا ايه ....مبشوفش حد يدافع عنها الا الاخ اشرف اللى شغال فى التوكيل.....أرجو من الاخ أشرف يبلغنا كم سياره اتباع منها العام الماضى وايه اسعار قطع الغيار وهل تم حل مشكله الاخ الشاكى ولا ايه حكايته ....وشكرااا

اولا بشكرك على الاهتمام بالموضوع

أما بالنسبه لأصحاب ليفان فأنا دعيتهم للأنضمام للسايت بس للأسف رفضوا بسبب الاتهامات الى بيتعرضوا ليها زى مثلا (ده شكله شغال فى التوكيل)
وده غير الاتهامات الى بتتعرض ليها عربياتهم والى بتسببلهم أذى

وبالفعل فى ناس معاها ليفان ودعيتها وشاركت واتعرضت لأتهامات لدرجة ان واحد منهم كان هايرفع صورة رخصة عربيته عشان يثبت انها سيارته وانه مش شغال فى التوكيل

وفى توضيح صغير انا اسمى شريف مش أشرف
اما بالنسبه لصاحب موضوع السياره 520 فأنا وضحت كل حاجه فى الرد السابق
وكل سنه وانت طيب واهلا بيك فى الموضوع فى أى وقت

[roufa010]

أنا عايز أستفسر عن اليفان ميني لو حد عنده معلومات عنها أو جربها أو يعرف حد جربها .

فى موضوع مثبت ومفصل عن السياره ليفان وموجود رقم تليفونى لو عندك اى استفسار شرفنى بتليفونك
وكل سنه وانت طيب

[roufa010]

الناس اللى بتتكلم عن ضعف التكييف ""دة عيب موجود فى كل العربيات الصينى وليس له علاقة بالتوكيل ""يعنى مش حيعمل حاجة"
ياريت الكلام يبقى منطقى شوية"

شكرا على ردك واهتمامك

وعايز استأذنك هاضيف على المعلومات الى حضرتك ذكرتها

التكييف فى السيارات الصينى اصبح من اسهل الاجزاء الى الصينيين بيصنعوها فى عربياتهم وانا من وجهة نظرى التكييف فى سيارات ليفان كويس الى حد ما وعن تجربه
وبشكرك تانى على مشاركتك ومعلوماتك الى اضافت الكثير الى الموضوع

وكل سنه وانت طيب

[roufa010]

لسه بدري قوي

انا الصراحة لسه خايف

+111111

واحنا فى انتظاركم جميعا

وكل سنه وانتم طيبين