تقرير مصور عن بريليانس s30 او jinbei s30 او 智尚S30 او 金杯s30 او Zhishang S30

[mazen21]

خالص الشكر

اشكر العضو ابو ياسمين على الرد الوافي

وكان نفسي تيجي من حد من الشركة

هى الشركة مضيعه الماركة بتصرفات اللامبالاة دي

انا مقتنع بالعربية بس اسلوب تعامل الشركة مع العربية دي ومع الماركة عموما مخوفني

مثلا خدمة العملاء مستواها انت احكم عليه بنفسك وجرب تتصل بيهم

برضه على الفيسبوك سايبين الناس بهدله في البراند ولا حد بيسال

[mazen21]

شروط النجاح

العربية دي بتتباع في الصين من 2012 واللي فهمته انها ناجحة هناك لان سعرها منافس كسيارة
suv وهناك بيحبوا السيارة متتعدة الاستخدامات اكثر من السيدان

ومن الممكن ان تحقق هذه السيارة
هذا النجاح اذا قامت الشركة بما يلي

1- تقديم سعر منافس (يغري بترك البدائل الاخرى)

النزول بسعر الفئة الاولى الى سعر السيارات ذات القبول الجماهيري في السوق المصري(مثل الفيرنا والافيو)
فسعر الفئة الاولى 97000 اعلى من الفيرنا واقل بقليل جدا من الافيو والتيجو

(يجب ان تقدم للمستهلك اغراء يجعله يترك شراء سيارة قطع غيارها مرطرطة في السوق وصيانتها كل الناس عرفتها خلاص
علشان يشتري عربيتك اللي انت لسه منزلها السوق وقطع غيارها طبعا ستكون غير متوافرة عند اي حد وكذلك صيانتها)

ما هو بالعقل كده اذا كانت الفئة الاولى 97000 امال الثانية والثالثة والرابعة هيبقوا بكام عاوز تقنعني
مثلا ان في واحد هيسيب بيجو 301 او ستروين اليزيه او صني الجديدة او الافيو ...الخ
وكلهم لهم نفس الظروف (معظمهم لسه نازلة السوق قطع غيارها وصيانتها غير متوافرة بالساهل ) ويروح يشتري صيني اول فئة فيها 97000 !!!؟؟؟

2- ادراج السيارة على الموقع الرسمي للشركة

لمزيد من الاطمئنان والثقة
على الرغم من التوضيح الذي ذكره ابو ياسمين الا ان الشركة حتى الان لم تضع السيارة على موقعها الرسمي ولا على الموقع الصيني
وغالبا موضوع نقل العلامة من جينبي الى بريليانس الصينيون عملوه غصب عنهم علشان الشركة
هنا قالت لهم ان العربية هتبيع اكثر تحت علامة بريليانس علشان معروفة في السوق
انما جينبي مشهورة اكثر عند سواقين الميكروباصات لان جينبي نازلة من فترة بس كانت موجه للميكروباصات

3- تعيين شخص للرد على تعليقات صفحة الشركة على الفيسبوك

وده هيبقى مفيد للعربية دي وغيرها يعني للبراند بصفة عامة
وان لم يتوافر تتلغي الصفحة دي خالص لانها بالوضع ده بتنقص رصيد الشركة عند الناس يوم بعد يوم،
وممكن تخش على صفحة اسبيرانزا على الفيسبوك وتشوف التفاعل بين المسئول عن الصفحة والتعليقات فرق شاسع



4- التوسع في انشاء مراكز الصيانة

وده هيبقى مفيد للعربية دي وغيرها يعني للبراند بصفة عامة
مش لازم جميع مراكز الصيانة تكون تابعة مباشرة للشركة
قصدي يعني بفلوس الشركة
في ناس كتيير عندها اماكن تنفع مراكز صيانة وممكن تعمل استثمار
في انشاء مراكز الصيانة سواء بفلوسه او بدخول شريك خارجي معاه
وكل اللي على الشركة انها تقول ان فلان ده مركز صيانة معتمد
طبعا بعد تدريب العمالة اللي هتشتغل فيه على اعمال صيانة الموديلات المختلفة
انما استراتيجية النظر تحت الارجل وانا لازم انا اللي ابقى مسئول فقط عن صيانة العربية
على المدى الطويل مش كويسة وبتاثر على انتشار العربية

5- تشجيع العديد من المستوردين على استيراد قطع الغيار

وده هيساعد على توافر قطع الغيار واسعار غير مبالغ فيها
وده ممكن يكون مشروع استثماري متكامل
يعني يستورد قطع الغيار ويكون فاتح مركز صيانة في نفس الوقت
يعني يضرب عصفورين بحجر واحد
ويكون سعره طبعا اقل من التوكيل
واعتقد ان الشركة لن تسعى لدعم ذلك وانما محتاج
مبادرة من اصحاب رؤوس المال انفسهم
للقيام بذلك


6- التوسع في الدعاية والاعلان

وده هيبقى مفيد للعربية دي وغيرها يعني للبراند بصفة عامة

[ابو ياسمين]

إن ما ذكرته عن كيف تنجح السيارة

هو درس يجب طباعته وتوزيعه على كثير من التوكيلات فى مصر

وخصوصا توكيلات الصينى جميعها وليس فقط بريليانس

تسلم أيدك

[mazen21]

والله انا مش عارف ارد على الكلام الحلو ده اقول ايه

والله انا مش عارف ارد على الكلام الحلو ده اقول ايه


كتر خيرك يا ابو ياسمين

كله من ذوقك
============
ادينا بتكلم بس مين فيهم بيسمع او ينفذ

[samakaerror]

الله ينور عليكو يا رجاله كلام جميل و مفيد جداً و مجهود عظيم منكم يلزم الشكر و التبجيل

[mazen21]

مشكلة ماركة بريليانس عموما

مشكلة ماركة بريليانس عموما

ان الشركة البافارية بتتعامل مع المشتري في مصر كما يلي




(( انا وكيل بي ام دبليو في مصر ولما انزل عربية صيني المفروض انت كمشتري تاخدها وانت مغمض عينك وكمان تدفع السعر اللي انا اقول عليه اللي هو اعلى من اي عربية صيني في مصر عارف ليه يا عم مشتري علشان انا وكيل بي ام دبليو ... يا بني انت متعرفشي يعني ايه انا وكيل بي ام دبليو ... استك منه فيه ... اهوووه استك منه فييييييييييييييييه افهموها بقى ))

وعلشان كده هتلاقيها مش بتعمل
- دعاية كبيرة مثل الشركات الاخرى
- مش بتعمل اي تخفيضات الا نادرا
دا العربيات الكوري والاوربي نزل عليهم الايام
دي تخفيضات بين 5 - 7 الاف جنيه
والبريليانس وجميع الصيني منزلوش جنيه
ما هو الصيني كله
استك منه فيه

[mazen21]

الشركة للاسف منفضة للعربية دي اوي

الشركة للاسف منفضة للعربية دي اوي

[Colin Chapman]

brilliance jinbei s30 وصلت مصر اوتوماك فورميولا 2016





brilliance jinbei s30 وصلت مصر اوتوماك فورميولا 2016

[Colin Chapman]

[Colin Chapman]