رابطه لملاك جيلي ck

[arafahamada]

اخى العزيز نرجو التأكيد على البلى الخلفى هل هو أفيو نرجو التأكيد على ذلك ...ولكم جزيل الشكر

[tarek elbadry]

السلام عليكم
حضرتك انا مركب السلك فيرنا 65 جنية وقبل ما اشترية قيستو على القديم طلع تمام وشغال زى الفل الاختلاف فى شكل الكاوتشة العلوية فقط
البيلبة الخلفية شبفورلية افيو 60 جنية انا مركبها

[arafahamada]

شكر يا أخى الكريم على الاهتمام والرد السريع وربنا يسهل ...

[arafahamada]

شكرا يا اخى الكريم الحمد لله جبت البلى الأفيو وطلع تمام ولك جزيل الشكر،،،،

[xmando11]

السلام عليكم
انا غيرت سلك البوجيهات جبت بتاع الفرنا 65 جنية
ركب تمام على العربية وجبت طرمبة البنوين 80 جنية
فيرنا او لانوس

لو سحت هو بنسبه لطلمبة البنزين ايه العيب اللى ظهر عندك كان سببه طلمبة البنزين
ياعنى اعرف ازى ان طلمبة البنزين باظت
وده سعر القلب ولا الطلمبة كلها
وشكرا

[ehab1602]

حد يعرف مركز يكون عنده جهاز كشف الاعطال ؟

[tarek elbadry]

لو سحت هو بنسبه لطلمبة البنزين ايه العيب اللى ظهر عندك كان سببه طلمبة البنزين
ياعنى اعرف ازى ان طلمبة البنزين باظت
وده سعر القلب ولا الطلمبة كلها
وشكرا

السلام عليكم
العيب كان خنقة مع السعب بتيحى وتروح ةتلخير فى الدوارة الصبح لما العربية تقف فطرة
طويلة
فكيت خرطو البنزين اللى راكب فى مسترة الرشاشات اللى هوة خارج من الفلتر وحطيتو فى زجاجة بلاستيك وفتحت كونتكت المفروض فى الطبيعى الطلمبة تضغط بنزين انا مرفعتش غير حبة قليلة جدا غيرت الطلمبة العربية بقيت تمام
انا غيرت متور الطلمبة بس بتاع لانوس او فرنا هوة بيطربت بشريط بلاستيك علشان يمسك كويس الحمد لله شغال تمام

[ehab1602]

يا جماعة انا العربية عندي بتجيب زيت من الماتور كنت فاكر الطبة لكن لما روحت البنزينة قالولي من جوان الكارتير وانا الحقيقة اول مرة اسمع عنه هل ده بيحتاج حل للماتور ولا بيتغير وهوه راكب ؟ وانهي انواع افضل ؟ يعني لو فيه نوع ياباني او كده .. وتقريبا ممكن ياخد قد ايه وقت

واسف على الاطالة

[xmando11]

يا جماعة انا العربية عندي بتجيب زيت من الماتور كنت فاكر الطبة لكن لما روحت البنزينة قالولي من جوان الكارتير وانا الحقيقة اول مرة اسمع عنه هل ده بيحتاج حل للماتور ولا بيتغير وهوه راكب ؟ وانهي انواع افضل ؟ يعني لو فيه نوع ياباني او كده .. وتقريبا ممكن ياخد قد ايه وقت

واسف على الاطالة

مش بيحتاج حل الموتور هو بيحل الكارتير بس من تحت واعتقد ان ال ck مفهاش جوان
ممكن يحل الكارتير ويحط سيليكون حرارى ويربط تانى
او يشوف بقى جوان يركب عليها
والموضوع بسيط جدا ومش بياخد وقت ان شاء الله
وممكن تكون محتاجة يقرط عليها بس وتمنع تسريب
وده شكل الكارتيره

[IMG][/IMG]

ودىه كارتيره بجوان
[IMG][/IMG]
وديه بيحطلها سيلكون
[IMG][/IMG]

[el_lol_007]

من فضلكم يا جماعه محدش يعرف مركز عنده كمبيوتر للعربيه و لو مركز ضبط زوايا عنده البرنامج بتاعها و شكرا ليكم مقدما

[xmando11]

من فضلكم يا جماعه محدش يعرف مركز عنده كمبيوتر للعربيه و لو مركز ضبط زوايا عنده البرنامج بتاعها و شكرا ليكم مقدما

فى فى اكتوبر مركز كويس لضبط الزاويه والبرنامج عليه العربية
دا تقريبا عنده احدث جهاز فى السوق
وفى واحد فى امبابة هو والجهاز بتاعه فديم بس بيظبط
انت اسال على اى حد عنده جهاز ضبط زوايا هنتر وياريت يكون عدسات ده انضف حاجة

والمفروض اى حد عند كشف اعطل يكون عنده برنامج العربية بس انا مجربتش بصراحة

[xmando11]

مساعدين امامى كويسا

انا كنت جبت مساعدين امامى ومكملوش 4 شهور وحجر
انا كنت خبط فى الرصيف بالعجلة الشمال ومن بعديها هما حجر
و مش عارف بسبب الخبطه ولا لا
انا مش عايز اجيب نفس المساعد
محدش جرب نوع كويس او جاب مساعد عربية تانى يركب عندنا

[atwany2]

انا كنت جبت مساعدين امامي في شهر يناير اللي فات من ابو عوف ب 550 ج وتمام حتي اليوم مع اني تاني يوم جبتهم عملت حادثه جامده والناحيه الشمال اتبهدلت بس المساعد زي ماهو ه كويس

[xmando11]

انا كنت جبت مساعدين امامي في شهر يناير اللي فات من ابو عوف ب 550 ج وتمام حتي اليوم مع اني تاني يوم جبتهم عملت حادثه جامده والناحيه الشمال اتبهدلت بس المساعد زي ماهو ه كويس

الحمدلله على السلامتك
وشكرا ليك
انا جبتهم من الشركة الصنية ومكملوش 4 شهور
ان شاء الله لو ملقتش بديل زيهم هجرب بتوع ابو عوف

[xmando11]

شوية دلع بقى
https://www.drive2.ru/l/4767878/