تقرير مبدئى عن الباندينو 2014 اوتوماتيك اول فئه

[وردة]

سلام عليكم

العربية اتوماتيك 2014 اول فئة
من التوكيل مباشرة و السعر 69900
انا بصراحة مش عارف اقارنها بأيه علشان اول مرة اركب صينى فا قارنها بالافيو و بالاونو و دول اللى اشترتهم قبل كده و الاسبرانزا الصغيرة جربتها مرة او اتنين

-العربية فيها الاوبشنز العادية و بدون abs airbags و جنوط ولكن فيها ريموت و جهاز انذار ( شايف ان عداهم العيب )
-الازاز ملون و لونه اخضر شوية و مريح جدا
-مفيش كاسيت فبه راديو و فيه aux و الصوت لطيف
-العزل كويس لما بتقفل الازاز
- التقفبل تعبان يعنى تحس انهم كانوا مستعجلين وهما بيقفلوها
-الخامات تعبانة فى المجمل ولكن التابلوه مقبول جدا و فيه حتت كاربون مخليه شكله حلو
-التابلوه و الصالون لونين اسود و بيج و شكله حلو بس هيتوسخ بسرعة
- الناس فى التوكيل بيقولك ده دى المستوردة امال لو تقفيل مصرى :)
-دراع النور البكرة اللى بتلف خفيفة قوى و ممكن وانت بتجيب اشارة تلاقى نفسك نورت النور او الفوجات بالغلط لمجرد انك لمسته
-الدهان مش كويس و فيه عيوب واضحة
-مساحة الصالون كويسة جدا لعربية صغيرة يعنى انا طولى 170 و قاعد مستريح و مطلع الكرسى شوية قدام و الكنبة ورا فيها مساحة كويسة للرجلين
- الكراسى لو انت مليان بزيادة هتبقى صغيرة
-الشنطة تشيل شنطة سفر متوسطة و لو قفلت الضهر بتاع الكنبة هتاخد مساحة كويسة و تحط اللى انت عايزه
-الجنط معدن مقاس 14
-الشنطة ازاز و المكبس الزيت اللى بيطلعها و ينزلها ضعيف شوية فا بتتهبد وانت بتقفلها
-ممكن تفتح قفل الشنطة بالريموت
-الريموت اول دوسة تفتح باب السواق و تدوس تانى عشان تفتح باقى الابواب
-العربية مش بتدور غير على البارك و لو على المور مش هتدور
------------------------------------------------------------------

- التكييف كويس و بيسقع بس احنا مش فى الشتا برضه
-العربية بتحك فى المطبات العالية بس العادية بتعدى مش شايف انها واطية يعنى عادية
-السحب بتاع العربية صعب تصدق انه لعربية 1500 سحبها مش قد كده يعنى عربية صغيرة و 1500 المفروض تكون طيارة..بس انا مجربتش احرق برضه و الrpm مش بعدى بيه 3
-العربية لازم تديها وقتها على ما توصل للسرعة اللى عايزها..انا معدتش ال 100 و كانت كويسة مش بتلعب
-التكييف مش بيأثر على السحب
-صوت الموتور عالى و خشن بس مش مشكلة كبيرة تضايق يمكن لما اغير زيت الصوت يتحسن
-دواسة البنزبن و الفرامل ناشفة جدا بشكل غريب
-العفشة حلوة بشكل ملفت للنظر بس الله اعلم بعد شوية هتبقى ايه
-استهلاك البنزين كويس يعنى عملت 50 او 60 كيلو فى الزحمة و المؤشر منزلش بس هو علامات ديجتال زى الموبيل فا فيه نسبة خطأ اكيد
- مؤشر الحرار الديجتال برضه معدى النص بشرطة مثلا او اتنين فا مش عارف كده عادى ولا هى ساخنة

-------------------------------------------------------------
فى المجمل :

-العربية انا جايبها للزوجة و قعدت ادور على مستعمل كتير فى الاسبرانزا الصغيرة ملقتش بسعر كويس
-اعتقد دى ارخص عربية اتوماتيك فى مصر بعد الشانا و العيب مش فينا العيب فى الجنيه اللى قالل قيمتنا و حاوجنا
-احسن فى كل حاجة من الاسبرانزا الصغيرة ماعدا ان سحبها تقيل شوية
-العربية دى لو استعملتها بطريقة انسانية اعتقد هتعيش خصوصا انى بشوف اسبرانوا شغالة كويس وعاملة 80 الف و اكتر و فى النهاية عربية زيرو هكون مش خايف انها تقف من الزوجة فى اى حته او على كوبرى او اقضى اجازاتى فى تصليح العربية
-ضمان غبور يعنى على الاقل هتلاقى قطع غيار بسهولة

واخيرا.....
- لو انت هتشترى العربية دى ليك و هتبقى عربية اساسية اعتقد ممكن تلاقى حاجة مستعملة احسن بال 70 بس هتتعب فى التدوير شوية

بالنسبة للصور فا شكلها متغيرش عن الباندا

و شكرا :)

اولا مبارك العربية
وشكرا على التقرير المفصل
واسمح لي هزعجك بشوية استفسارات
اكيد حضرتك مريت بالحيرة دى وخاصة بعد غلو الاسعار
انا محتارة جدااا
وعاوزة نصيحة
هل فعلا الباندينو كويسة في الاستخدام
وايه رأي حضرتك في اللي يرجح الفيرنا المنيوال عن الباندينو الاتوماتك والفرق بينهم حوالى 8 الاف لكن المقارنة لصالح الفيرنا
ولا الشفيروليه سبارك
هكون شاكرة جدا لو نصحتنى
وخصوصا ان ده اول عربية اركبها وبصراحة ماعنديش حد يجري لي في الصيانة والتوكيل والحوار ده يعنى عاوزة عربية اركبها على طول
وشكرا جزيلا

[midooo_119]

اولا مبارك العربية
وشكرا على التقرير المفصل
واسمح لي هزعجك بشوية استفسارات
اكيد حضرتك مريت بالحيرة دى وخاصة بعد غلو الاسعار
انا محتارة جدااا
وعاوزة نصيحة
هل فعلا الباندينو كويسة في الاستخدام
وايه رأي حضرتك في اللي يرجح الفيرنا المنيوال عن الباندينو الاتوماتك والفرق بينهم حوالى 8 الاف لكن المقارنة لصالح الفيرنا
ولا الشفيروليه سبارك
هكون شاكرة جدا لو نصحتنى
وخصوصا ان ده اول عربية اركبها وبصراحة ماعنديش حد يجري لي في الصيانة والتوكيل والحوار ده يعنى عاوزة عربية اركبها على طول
وشكرا جزيلا

نصيحه بلاش السبارك عربيه فاشله

[mido]

انا معرفش ايه نظام الاسبارك بس كتوكيل منصور برقبة غبور عن خبرة فى التعامل مع منصور 6 سنين افيو و كروز

بالنسبة للعربية انا لو هقارن فيرنا اتوماتيك و باندينو اتوماتيك هختار الفيرنا :) بس لو باندينو اتوماتيك و فيرنا مانيوال و المشاوير مش هتبقى مهلكة للعربية هختار الباندينو صغيرة و مريحة

بالنسبة للحيرة انا ما مريتش بيها قوى انا دورت ايه ارخص عربية اتوماتيك زيرو و طلع الباندا و الشانا و دى 1500 و دى 1000 فا مفيش مقارنة

[وردة]

انا معرفش ايه نظام الاسبارك بس كتوكيل منصور برقبة غبور عن خبرة فى التعامل مع منصور 6 سنين افيو و كروز

بالنسبة للعربية انا لو هقارن فيرنا اتوماتيك و باندينو اتوماتيك هختار الفيرنا :) بس لو باندينو اتوماتيك و فيرنا مانيوال و المشاوير مش هتبقى مهلكة للعربية هختار الباندينو صغيرة و مريحة

بالنسبة للحيرة انا ما مريتش بيها قوى انا دورت ايه ارخص عربية اتوماتيك زيرو و طلع الباندا و الشانا و دى 1500 و دى 1000 فا مفيش مقارنة

تمام
شكرا جزيلا
يعنى افهم من كده ان ماشاء الله زوجة حضرتك مرتاحة في العربية
طيب المفروض اعمل ايه وانا بشتري العربية
يعنى اخد حد متخصص يبص عليها علشان قريت عن موضوع الصدأ في الامجراند 7
ولا اعمل ايه بالضبط
وبالنسبة للترخيص المفروض ايه الخطوات اللي همر بيها
اسفة على الازعاج
معلش بردو المنيوال احسن ولا الاتوماتك
انا متعلمة ع المنيوال
ربنا يجازيك خير وشكرا جزيلا

[وردة]

نصيحه بلاش السبارك عربيه فاشله

تمام
شكرا على النصيحة

[mido]

هى لسه بتتعلم و اتعلمت على مانيوال
العربية الحمد لله كويسة و اكيد الاوتوماتيك احسن و مش بس عشان اتوماتيك الموتور كمان اقوى 1500
معرفش موضوع الصدا ده مقابلنيش بس ميدورش حضرتك تاخدى حد يبص على العربية
بالنسبة للاجرائات معظم المعارض بتطلع مندوب مع المشترى يخلص الاجرائات هو المفروض بتاخدى جواب مرور و عقد بيع و تطلعى ترخصى فى المرور اللى تبع السكن

[dr_sha2awa]

تقرير رائع ......وجهد مشكور
انا جايب لمراتى الاكس باندينو وتقريبا نفس التعليق اللى انت كاتبه على الباندينو
العفشه كويسه ....
الموتور مش ناعم...
ماتحسش انها 1500.....
استهلاكها للبنزين معقول.....
ارتفاعها معقول جدا (الاكس باندينو اعلى من الباندينو).....
مؤشر الحراره اعلى من المنتصف بشرطتين ......
انا شايف انها عربيه مثاليه لو كانت عربيه غير اساسيه فى البيت

[wael30003]

تحس وانا بقرأ التقرير فيه نبرة اسى وحزن
وكانه جايبها تحت ضغط...مش عارف الاحساس ده صح ولا ﻷ
العيوب اللى حضرتك ذكرتا اكتر من المميزات
خاصة التقفيل ورداءة الخامة والسحب واحتكاكها بالمطبات...ما حستش غير بميزة وحيدة فيها الا وهى انها عربية زيرو
ومبروك بس يارب تكون مبسوط بيها ومقتنع
ويديك خيرها ويكفيك شرها
تخيل انا كنت جايب لوجان فول اوبشن ب 71000جنيه 2012
بصراحة الواحد مش عارف هنعيش ازاى فى البلد دى

[mido]

نبرة اسي علي حالنا ده اكيد و التضخم و الجنيه اللي بيقع..في يوم من الايام اللانوس كانت ب 37 الف و مكانتش لاقية اللي يشتريها

بالنسبة للعربية الحمد لله مقتنع بيها كعربية تانية في البيت و عربية تنفع جوه البلد و زيرو مش مستعمل انما الامانة تحكم اني اقول رأيي بصراحة و حيادية هي في الاخر مش من باقية عيلتي :)
يمكن بس احنا متعودين اللي بيعمل تقرير بيكون مأفور في المزايا و فرحة العربية عامياه

انا قلت اول ما شوفتها كبيرها 50 الف جنيه. .بس السؤال انهي جنيه اللي قصدي عليه بتاع دلوقت ولا بتاع امبارح ؟ ولا بتاع بكره اللي مش عارفين شكله ايه

[wael30003]

نبرة اسي علي حالنا ده اكيد و التضخم و الجنيه اللي بيقع..في يوم من الايام اللانوس كانت ب 37 الف و مكانتش لاقية اللي يشتريها

بالنسبة للعربية الحمد لله مقتنع بيها كعربية تانية في البيت و عربية تنفع جوه البلد و زيرو مش مستعمل انما الامانة تحكم اني اقول رأيي بصراحة و حيادية هي في الاخر مش من باقية عيلتي :)
يمكن بس احنا متعودين اللي بيعمل تقرير بيكون مأفور في المزايا و فرحة العربية عامياه

انا قلت اول ما شوفتها كبيرها 50 الف جنيه. .بس السؤال انهي جنيه اللي قصدي عليه بتاع دلوقت ولا بتاع امبارح ؟ ولا بتاع بكره اللي مش عارفين شكله ايه

عندك حق فى كل اللى قلته

[amrrashed]

تقرير ممتاز ومحايد وياريت كل اللي بيعمل تقرير يعمل زيك ... انا كمان بفكر اجيبها للمدام بس ليه ماختارتش الشانا ، موضوع السعة اللترية بس ؟

[mido]

تقرير ممتاز ومحايد وياريت كل اللي بيعمل تقرير يعمل زيك ... انا كمان بفكر اجيبها للمدام بس ليه ماختارتش الشانا ، موضوع السعة اللترية بس ؟

السعة اللترية اساسى و التوكيل الناس بتشتكى منه

[amrrashed]

بتشتكي من التوكيل في ايه قطع غيار ولا خبرة فنيين ؟

[mido]

بتشتكي من التوكيل في ايه قطع غيار ولا خبرة فنيين ؟

ممكن تشوف قسم السوزوكى فيه معلومات اكتر
عموما منصحش بعربية صينيى الف سى سى و اتوماتيك اكيد هتبقى بتزحف
السى سى القليل ده ميتركبش غير فى اليابانى

[nabiltalat]

اية اخبار العربية مع حظرتك دلوقتي بعد معدي عليها 3 شهور تقريبا لان انا كمان بفكر اجبها لمراتي