تقرير مبدئى عن الباندينو 2014 اوتوماتيك اول فئه

[mido]

الباندا من موديل 2010 الى 2012 1300 سي سي انا معايا واحدة 2011
الى صاحب الموضوع اولا:- 1000 مبروك وربنا يباركلك فيها
بالنسبة لموضوع الحرارة ده انا مش فاهم انت ساكت عليه ازاي انا عندي بتزيد الايام دي شرطة واحدة وبتنزل ومجنناني وبحاول اوصل للمشكلة , صحصح انت بتحطلها زيت ايه

انا بحط موبييل 5000
بالنسبة للحرارة هى ثابته كده مش بتعلى بغض النظر عن المشوار

[q_pidmusic]

انا بحط موبييل 5000
بالنسبة للحرارة هى ثابته كده مش بتعلى بغض النظر عن المشوار

يعني هي ثابتة في النص بالضبط ولا ثابتة على شرطة او شرطتين بعد النص؟

[mido]

يعني هي ثابتة في النص بالضبط ولا ثابتة على شرطة او شرطتين بعد النص؟

بعد النص

[q_pidmusic]

على فكرة كده العربية بتسخن انا عندي الطبيعي بتاعها في النص واللي مجنني انها ابتدت تعلى الشرطة دي وتنزل تااني طول ما انا ماشي

[mido]

على فكرة كده العربية بتسخن انا عندي الطبيعي بتاعها في النص واللي مجنني انها ابتدت تعلى الشرطة دي وتنزل تااني طول ما انا ماشي

وانا بعمل صيانة الالف قالولى هى كده و بعدين طالما مش بتزيد يبقى مفيش قلق
وفى النهاية العداد ديجيتال مش هيبقى دقيق قوى

[mido]

رجاء التثبيت للاستفادة

[ahmed enany]

السلام عليكم

انا جيبت الباندينو من حوالي شهرين
كنت عايز أسأل هي العربية دي مفيهاش كيك داون؟.

[mido]

السلام عليكم

انا جيبت الباندينو من حوالي شهرين
كنت عايز أسأل هي العربية دي مفيهاش كيك داون؟.

فيها بس لازم تكبس بنزين للاخر خالص

[ahmed enany]

شكرا لرد حضرتك السريع..بس حاولت معاها بكل الطرق وبرضه مفيش..غير ان صوت الموتور عالي جداااا بره العربية..مع انها لسه عاملة 2000 كيلو تقريبا..مش عارف الموضوع محتاج اوديها مركز صيانة ولا ده العادي بتاعها..

[mido]

شكرا لرد حضرتك السريع..بس حاولت معاها بكل الطرق وبرضه مفيش..غير ان صوت الموتور عالي جداااا بره العربية..مع انها ايه اخبالسه عاملة 2000 كيلو تقريبا..مش عارف الموضوع محتاج اوديها مركز صيانة ولا ده العادي بتاعها..

هى بس محتاجة كبس قوى و بسرعة انا اكتشفتها بالصدفة

ايه اخبار الحرارة عند حضرتك ؟ المؤشر بيكون فين؟

هى صوتها عالى فعلا

[ahmed enany]

الحرارة بيبقي فاضل من ٣ الي ٤ شرط عالاخر..لما عملت صيانة الالف قالولي ده طبيعي..
الفكرة ان صوتها بقي عالي اكتر مالاول كمان بكتير.. بفكر احجز عند مركز الصيانة اللي في جوزيف تيتو ومش عارف هيفيدوني فالموضوع ولا لازم اروح ابو رواش..

[mido]

الحرارة بيبقي فاضل من ٣ الي ٤ شرط عالاخر..لما عملت صيانة الالف قالولي ده طبيعي..
الفكرة ان صوتها بقي عالي اكتر مالاول كمان بكتير.. بفكر احجز عند مركز الصيانة اللي في جوزيف تيتو ومش عارف هيفيدوني فالموضوع ولا لازم اروح ابو رواش..

انا نفس الشىء برضه فاضل 3 او 4 شرط و مرة المدام قالتلي انها وصلت للنهاية والشرط قعدت تفلاش كده بس انا مشوفتش حاجة خالص بعد كده
الصوت بقي هو عالي من الاول بس شوف فلتر الهوا يمكن عايز يتنضف
اعتقد مش هتلاقي غير ابو رواش هو اللي بيفهم فيها

[ahmed enany]

شكرا لردك..الفكرة اني مسافر والانطباعات دي كلها باخدها من المدام برضه..وطبعا محدش ينفع يعتمد عالستات في حاجة تخص العربية :)
عموما هحاول اوديها ابو رواش ولو في جديد هبقي اكتبه هنا..

[bassemali]

متاااااابع ... وبالذات موضوع السخونيه ده ياجماعه عشان سمعت إنها بتسخن فعلا ..

[sherooz]

هشتري اكس باندينو ان شاء الله

انا ان شاء الله هشتري اكس باندينو و عايزة اعرف هل في عيوب جديدة ظهرت للي اشتراها و ايه هيا و انا معنديش اوبشنز غير اكس باندينو او شنجان اوتوماتيك جديد بالقسط فمش هينفع بديل لان اخري عربيه ب 83 الف قسط ف اجيب ايه و ايه عيوب الاكس باندينو بالظبط و الصيانه و قطع الغيار توافرها و سعرها ايه النظام..بليز ردوا عليا احسن همشي في الاجراءات