افتح قوس يابني وزود واحد وسيب القوس مفتوح

[M I D O]

بسم الله الرحمن الرحيم

ازيكم يا شباب ..
امبارح كنت في مركز ايجي اوتو عشان بغير عوامة البنزين بعد شهرين بحاول معا التوكيل لارسالها ومبعتوهاش غير لما قلت هعمل شكوي في حماية المستهلك وجيلي في الصين و اخيراااااااا ركبتها بفضل الله و الحمد لله تمام ..
وانا هناك قلت عاوز اكشف علي موضوع الصدأ دة بالمرة وقلتلهم بشتكي من مكنة الزجاج الخلفي بتعلق وهية فعلا علقت معايا مرتين وقلت قشطة مصلحة وبعد فرحتي بتغيير العوامة ولسة هقول هييييييييية . كانت الصدمة
الباب الشمال ورا فية صدأ ..
انا شفت المنظر نفسي اتصدت وقلتلة قفل ياعم بلا مكنة بلا زفت قالي لا هظبط السوكيت عشان مهزوز وبقي تمام وقفل وطبعا امبارح كنت مسافر ملحقتش اعمل حاجة و النهاردة روحت وعملت شكوي وقلتلهم هعمل شكوي في حماية المستهلك و الصين وعملت الموضوع هنا عشان اشارك معا الناس الي بيحصلي وزي ما عنوان الموضوع باين ..
افتح قوس يابني وزود واحد عندة صدأ وسيب القوس مفتوح يا عالم مين هينضم ...
الفكرة بقي اني مش هسكت وهعملهم فضيحة و الموضوع دة مش هيتسكت علية لان المنظر بيقول الباب راكب من غير مقاومة صدأ اساسا ..
بس الحمد لله علي كل شئ وانا مش هسكت وهفضل ورا حقي بعون الله ..
اي حد يا جماعة قابلة مشكلة صدأ يكتبلي رقم الشاسية و الموتور عشان لو الموضوع متحلش بسرعة هعمل شكوي جماعية في جيلي الصين و حماية المستهلك وانا هتصدر للحوار دة بقي ومني ليهم وربنا يقدرني عليهم ونعرف ناخد حقوقنا ونعرف غبور و امثالة ان الله حق واننا مش حرامية لاقيين الفلوس في الشارع و هنطلع عينة ...
وبرضو رغم موضوع الصدأ دة وبعيدا عنة انا الحمد لله راضي عن العربية ومش مزعلاني في حاجة و الصدأ دة قلة ضمير و استخسار عشان يعلو الارباح بس ان شاء الله حقنا هنجيبة

[M I D O]

[hugan]

ماينفعش
شيء غير مقبول بالمره عربيه زيرو يكون فيها صدا بالشكل ده
الموضوع لو اتعرف لكل الناس
غبور هايقضي علي العربيه
لكن مجتمع النت قليل وانتشاره ضعيف

[dedi]

قلبى معاك يا باشا وحاسس بيك صدقنى لو انا قريب منك لكنت رحت معك وعملنا لهم 100 مشكلة
لا تتنازل عن حقك و صدقنى اقل شئ تغيير الابواب و ليس صنفرتها لانة الصد دة مصيبة سودا
كنت اعتقد انة الانتاج القريب سيكون معالج . هو اكيد مركبهم مصديين لانة اى حديد حتى لو موش معالج و غسلها اكتر من مرة لن يصدى بهذة السرعة دة كان فية و احد مستلم اقل من شهر و لقى صدا

[horas3000]

كان الله في عونك

[M I D O]

ماينفعش
شيء غير مقبول بالمره عربيه زيرو يكون فيها صدا بالشكل ده
الموضوع لو اتعرف لكل الناس
غبور هايقضي علي العربيه
لكن مجتمع النت قليل وانتشاره ضعيف

والله العربية ما شاء الله ممتازة لاكن بلاوي غبور دي المشكلة فيها وان شاء الله انا ليا حق ومش هسيبة

[M I D O]

قلبى معاك يا باشا وحاسس بيك صدقنى لو انا قريب منك لكنت رحت معك وعملنا لهم 100 مشكلة
لا تتنازل عن حقك و صدقنى اقل شئ تغيير الابواب و ليس صنفرتها لانة الصد دة مصيبة سودا
كنت اعتقد انة الانتاج القريب سيكون معالج . هو اكيد مركبهم مصديين لانة اى حديد حتى لو موش معالج و غسلها اكتر من مرة لن يصدى بهذة السرعة دة كان فية و احد مستلم اقل من شهر و لقى صدا

حبيبي .. كفاية بس يا باشا روحكم معايا وانا باذن الله مش هسيب حقي وربنا يكرم واعرف اتصرف كويس معا ولاد ال ****** دول

[M I D O]

كان الله في عونك

تسلم يا ريس

[mk3]

ربنا معاك
وكل مشاكل العربيه دى كوم والصدأ كوم تانى
للاسف العربيه دى من كتر الحديث عنها والجدال ..لازم تلاقى الف عفريت فيها. ربنا يستر ويكون اخر المشاكل. وتوكل على لله وطالب بتغيير الابواب واياك تروح الهياكل يعالجوا...انت اتجاهك لحماية المستهلك وخلى نفسك طويل عشان الموضوع هياخد وقت...وإن شاء لله يخلص على خير

[samakaerror]

هوباااا ... يلا بينا على جيلى الصين

[carrier]

ربنا معاك
وكل مشاكل العربيه دى كوم والصدأ كوم تانى
للاسف العربيه دى من كتر الحديث عنها والجدال ..لازم تلاقى الف عفريت فيها. ربنا يستر ويكون اخر المشاكل. وتوكل على لله وطالب بتغيير الابواب واياك تروح الهياكل يعالجوا...انت اتجاهك لحماية المستهلك وخلى نفسك طويل عشان الموضوع هياخد وقت...وإن شاء لله يخلص على خير

كلامك مضبوط

لكن اقرب الطرق مش حماية المستهلك بس

اقرب الطرق الاتى

-بلاغ بالنيابة اللى تابعة لها السيارة مع دفع رسم خبير للمعاينة وتحديد بلاغة الضرر والتعويض لو الشكوى بقت جماعية وتصل ل اضعاف ثمن السيارة زيرو بالقانون

-وكيل اول وزارة الصناعة يخلص الموضوع دا فى لحظات وبدون مبالغة

[M I D O]

ربنا معاك
وكل مشاكل العربيه دى كوم والصدأ كوم تانى
للاسف العربيه دى من كتر الحديث عنها والجدال ..لازم تلاقى الف عفريت فيها. ربنا يستر ويكون اخر المشاكل. وتوكل على لله وطالب بتغيير الابواب واياك تروح الهياكل يعالجوا...انت اتجاهك لحماية المستهلك وخلى نفسك طويل عشان الموضوع هياخد وقت...وإن شاء لله يخلص على خير

ان شاء الله يتم تغيير الابواب وانا فاضيلهم

[M I D O]

هوباااا ... يلا بينا على جيلى الصين

والله انا هدوس بجد وهوريهم

[M I D O]

كلامك مضبوط

لكن اقرب الطرق مش حماية المستهلك بس

اقرب الطرق الاتى

-بلاغ بالنيابة اللى تابعة لها السيارة مع دفع رسم خبير للمعاينة وتحديد بلاغة الضرر والتعويض لو الشكوى بقت جماعية وتصل ل اضعاف ثمن السيارة زيرو بالقانون

-وكيل اول وزارة الصناعة يخلص الموضوع دا فى لحظات وبدون مبالغة

ورسم الخبير دة يكلف كام يا باشا

[midooo_119]

كده يبقى انا كمان هلاقى عندى .. قولى يا ميدو فرش الابواب بيتفك ازاى عشان اشوف