افتح قوس يابني وزود واحد وسيب القوس مفتوح

[M I D O]

لازم فعلا تعملو شكوه جماعيه وتروحو تطلعو ميتيك ابوهم ..

هنطلع **** ابوهم

[M I D O]

ياصديقي العزيز هل هدا الصداء وقف عند الأبواب فقط
لو كان كده يبقي ان شاء الله ليها حل المشكلة ان الصداء يكون إمتد لأماكن أخري
وفي كل الأحوال وبعيد عن التعويضات وخلافه لأن ده شئ مفروغ منه
انا شايف ان غبور لازم تكون فضيحته بجلاجل لأنه يستحق ذلك
يعني الناس المتضررة لازم ولابد تعمل تنويه في الجرائد والمجلات وده أقل ما يستحقه
بالرغم من أني كنت أول المشككين في الموضوع ده مكنتش مصدق

ما اسهل الفضيحة وانا هفضحهم كلهم بعون الله

[bassem.naguib]

أنا متابع مواضيع الصدأ اللي ظهرت في الأبواب الداخلية .. بس عاوز أسأل سؤال .. هل هو صدأ يؤدي إلى بارومة .. ولا مظهر للصدأ فقط .

وسؤال تاني .. هل هو في كل طبلة الباب الداخلية ولا في أجزاء منها فقط .

بمعنى آخر شكل الصدأ ده مظهر فقط ولو فركته بأيدي أو بصنفرة حيروح ويظهر الصاج بتاع العربية .. ولا الصدأ واصل ومتغلغل (بارومة) وخارم الصاج أو مقتطع طبقة منه .

[M I D O]

أنا متابع مواضيع الصدأ اللي ظهرت في الأبواب الداخلية .. بس عاوز أسأل سؤال .. هل هو صدأ يؤدي إلى بارومة .. ولا مظهر للصدأ فقط .

وسؤال تاني .. هل هو في كل طبلة الباب الداخلية ولا في أجزاء منها فقط .

بمعنى آخر شكل الصدأ ده مظهر فقط ولو فركته بأيدي أو بصنفرة حيروح ويظهر الصاج بتاع العربية .. ولا الصدأ واصل ومتغلغل (بارومة) وخارم الصاج أو مقتطع طبقة منه .

انا عندي بصراحة باين من الصورة انة لو اتصنفر هيروح بس برضو دي حاجة مش بسيطة انها تظهر حتي

[atwany2]

المشكلة مش ان الصدا علي الوش بس واني لو فركته باليد حيطلع لالالالالا المشكلة بعد كدة ان الابواب والصاج مش مبطن بوية ودة مع الغسيل اوالمطرممكن تبقي برومة اصلي

[hugan]

أنا متابع مواضيع الصدأ اللي ظهرت في الأبواب الداخلية .. بس عاوز أسأل سؤال .. هل هو صدأ يؤدي إلى بارومة .. ولا مظهر للصدأ فقط .

وسؤال تاني .. هل هو في كل طبلة الباب الداخلية ولا في أجزاء منها فقط .

بمعنى آخر شكل الصدأ ده مظهر فقط ولو فركته بأيدي أو بصنفرة حيروح ويظهر الصاج بتاع العربية .. ولا الصدأ واصل ومتغلغل (بارومة) وخارم الصاج أو مقتطع طبقة منه .

اي بارومه بتبتدي بصداء خفيف
وتتحول معا الزمن والوقت والمياه اهم شيء
الي بارومه وفي مده قليله

[هانى ظرف منصور]

والله انا حزين على هذة السيارة الجميله من بهدله غبور والتقفيل المنيل بتاعه ....ربنا يقوى اصحاب العربيه على غبور ويسترجعوا حقوقهم من هذا الحرامى

[bassem.naguib]

المشكلة مش ان الصدا علي الوش بس واني لو فركته باليد حيطلع لالالالالا المشكلة بعد كدة ان الابواب والصاج مش مبطن بوية ودة مع الغسيل اوالمطرممكن تبقي برومة اصلي

اي بارومه بتبتدي بصداء خفيف
وتتحول معا الزمن والوقت والمياه اهم شيء
الي بارومه وفي مده قليله

تمام ..

بس أنا اللي كنت أقصده وباختصار شديد .. أن أي عربية عند تجميعها بتكون على الصاج .. والصاج دلوقتي في العربيات الحديثة بقى داخل في مواد تصنيعه مواد مقاومه للصدأ إلى حد ما ..

ولكن مش ده كل حاجة للحماية من الصدأ وخاصة لو كانت العربية بتتعرض لجو فيه مطر ورطوبة وأملاح كتير زي المناطق الساحلية عندنا في مصر أو جو أوروبا بصفة عامة .

على العموم وبدون الدخول في تفاصيل كتير .. في أثناء مراحل تصنيع العربية أول مرحلة بتخش عليها في الدهان وهي وضع مادة عازلة للصدأ وبيكون داخل في مكوناتها الفوسفات وبيسموها عملية (الفسفتة) ودي طبقة بتبقى مسامية أو محببه شوية عاملة زي (نفس فكرة المحارة كدة في دهان الحوائط) ودي مهمتها الرئيسية أنها تكون وسيطة ما بين صاج العربية وما بين بطانة البوهية .. وبعد كدة بيجي عزل السيارة من الأسفل من ناحية الكارتيرات والعتب بمادة شبيهة بالبريمر أو البلاك (أياً كان أيه هي) ووظيفتها الرئيسية هي المزيد من الحماية لأكثر المناطق السيارة تعرضاً للمياه والطينة .

يلي ذلك البطانة ورش طبقة الدوكو والبولش النهائي .

طيب جميل قوي بماذا تتم هذه المراحل في الدهان بمصر .. أكيد بتتم بالطريقة اليدوية بالرش العادي .. وأقصى حاجة ممكن تكون بالغمر لأسفل السيارة بمادة أشبه بالبريمر أو البلاك .

اللي متوقعه أنه ممكن يكون فيه قصور أثناء الرش للمناطق الداخلية للسيارة (زي طبلة الباب أو أجزاء من الحوض أو الشنطة) في أي مرحلة من المراحل الثلاثة .. سواء في طبقة الدهان النهائية .. ودي أمرها سهل ومفيهاش مشاكل .. أو في طبقة البطانة العازلة وبرضه مفيهاش مشاكل إلى حد ما .. أو في طبقة الفسفته أو العزل المبدئي .. ودي بقى هي المصيبة لأنها بيبقى منها للصاج على طول .

نحط في اعتبارنا سوء جودة كاوتش الزجاج في الأبواب والعوازل إلى حد ما مما يسمح بتسريب مياه الأمطار او غسيل العربية بالإضافة لعوامل الجو من رطوبة وهواء محمل ببخار المياه .. مما يجعل مادة الفسفته تبدو وكأنها مصدية وهي ليست كذلك .. واللي حيتم أنه حيصنفر الجزء ده ويرشه بطانه وبعد كدة بوية العربية وخلصت الحكاية .. ولكن لو كان هناك قصور في مادة الفسفتة فدي بقى مشكلة بالفعل ولكنها مش حتلحق تعمل بارومة وصدى يضر بالسيارة لو تم انجازها في أسرع وقت .

وده طبعاً مينفيش المسئولية عن مراقبة الجودة في المصنع والقائمين بعملية العزل والدهان .


ملحوظة : هذه المشكلة متواجدة في جميع السيارات التجميع المصري وخاصة أنه على حد علمي لا يوجد خط دهان ألبو في أي مصنع من مصانع التجميع (خط الألبو هو أن تتم جميع مراحل الدهان في أحواض غمر وليس بالرش اليدوي التقليدي) .

[hugan]

ايوه اسمه خط الالبو
والفسفته فعلا مصانع العربيات المحترمه بتسدخمها لعزل البودي بالكامل عن الصداء
عباره عن شحنه كهربائيه
لكن في الغالب والاكيد
ان الاسطي غبور ماعملش الشغلانه دي في الايمجراند
توفيرا للنفقات

[engherc]

شد حيلك و متسبش حقك وإنشاء الله تتحل

[dedi]

انت عارف يا ميدو انك كان ممكن تجمع ناس كتير و تضغطوا عليهم من خلال صفحة الفيس ولكن لسبب ما ..................
كانوا بيبسطوا الموضوع على المشترين ولم ينادوا بتغيير الابواب او الاجزاء المصابة بس من الواضح انة من خلال متابعتى لهم انة ناس كتير جدا ظهر عندهم صدا
صدقنى لو الابواب سهل علاجها وتغيرها بس ربنا يستر مايكونش فى اماكن اخرى
وبعدين فيهم ولاد التيت دول




زز

[samakaerror]

ميدو من فضلك لو هاتيجى ابو رواش او جهاز حماية المستهلك فى القرية الذكية قولّى عشان هاجى معاك إن شاء الله

[carrier]

ميدو من فضلك لو هاتيجى ابو رواش او جهاز حماية المستهلك فى القرية الذكية قولّى عشان هاجى معاك إن شاء الله

مع كامل احترامى ليكوا كلكوا

ولا واحد فيكوا هيقدر يعمل حاجة

انتم عمالين تكلموا وخلاص ودخلتوا فى فلسفة اسباب الصدأ ورغى وخلاص

اللى عايز يعمل يتفضل

امنعوا المشاركة بالكلام لمدة 3 ايام

واتكلموا بانجازات كل واحد متضرر عمل ايه علشان ياخد حقه
جمعة وسبت فقط

لكن كل واحد هيقعد يفش غله هنا بالموضوع دون اى خطوة ايجابية تجاه المصنع
يبقى تستهلوا اللى يحصل لكم
ولسه ياما هتشوفوا

[afoshy]

معلش يا ميدو على موضوع الصدأ انا زعلت والله لما عرفت انك بقيت واحد من الحايا وخصوصا انى كنت متابع من الاول مواضعيك وفرحتك بالعربية وعارف انها حاجة تقفل بس معلش قدر الله وماشاء فعل ولو تفتكر انا كنت متابع معاك العربية دى وكنت خلاص ناوى انزل اشتريها بس لما ظهر موضوع الصدأ دا وشوفت ناس كتييييييير على جروب الفيس بيشتكوا منة اتقفلت من العربية بصراحة وكونت رأى مش حلو عليها وهو ان العربية اصلا حلوة جداا بس لو جاية من بلدها كدا مش متقفلة هنا وهقصر واجيب من الاخر زى ما كتبتلهم على الجروب هناك غبور مش هيحل حاجة فى العربية وانا شوفت البوست بتاعك هناك وان واحد من مركز الهياكل اتصل عليك وحددلك ميعاد لحل المشكلة انما دا كلة ضحك على الدقون وزى ما قولت هو اخر غبور يعمل كدا يخلى الناس بتوعة يضحكوا فى وش العملاء ويحسسوهم انهم اهم عملاء فى التوكيل لكن يبقى الوضع كما هو علية غبور مش ناوى يصرف مليم على العربية لانة اصر ان يجمعها ويحط 40% من المكونات من عندة عشان الطمع وانة يكسب اكتر عن طريق انة يحط اردأ الخامات ويسترخص فى التقفيل لان من الاخر هو عارف وانتوا عارفين ان عربية بالكماليات والحجم دا لو متقفلة كويس ومصروف عليها صح هتعدى 100 الف مع العلم انها صينى برضو واظن انتوا شايفين فى عربيات برليانس معدية 150 الف وصينى برضة وموضوع الاسترخاص دا كان واضح اوى زى الكاسيت اللى كل العملاء اجمعة انة زبالة الزبالة ومش بيكمل يومين الا يبوظ وبالرغم من كدا غبور مصمم يحطة ومازال بيركبة فى خط الانتاج وقبل كدا كانت فبرة التانك وفى حاجات زى عوامة البنزين وغطاء الموتور وبكرة الكراسى وقبل كدا كان وير الفتيس و كمبروسور التكييف وعضة الفتيس والهوا اللى بيطلع من الهوايات الخخخخخخخ فمن الاخر هو غبور عارف العيوب كلها ومش هيصلحها لانة لو صلحها وحط حاجات عدلة مش هيطلع بالمكسب الخرافى اللى هو عايزة ولو رفع سعرها وعدت ال 100 ناس كتير هتصرف نظر عنها لانها دخلت فى فئة فى عربياااات كتيييييييييييييير احسن منها مليون مرة زى البيحو 301 مثلا ... وعلى فكرة ناس كتيييير اووووى ملاك للعربية مش بيدخلوا على النت ومش عارفين عيوب العربية ولا مووضوع الصدا ودول بيتعاملوا معاملة تانية خالص غير معاملة الناس بتوع جروب الفيس لان فى ناس من غبور مشتركة فى جروب الفيس ومتابعة حرف حرف بيتكتب علية ودا بالاتفاق مع الادمن بتاع الجروب ومتابعين موضوع الصدا وعاملين كشف بالاسماء بيروح مركز الهياكل اللى فى قليوب ودول بيتعاملوا معاملة خاصة اما عامة الشعب اللى مش عارفين حاجة فدول بيتلعب بيهم احلى لعب فى ابورواش وفى مراكز الصيانة .. بصراحة انا لو منك يا ميدو اجمع الناس واشوف الصحافة والاعلام واصيح لغبور وافضحة عشان يخلى عندة دم ويبطل يفترى ويسرق اكتر ماهو سارق وبعدين هنقول اية بس دا كل همة انهم وقفولة التكاتك اللى كان بيستوردها ويكسب منها ملايين غير العربيات كمان .. يلا حسبي الله ونعم الوكيل

[M I D O]

ايوه اسمه خط الالبو
والفسفته فعلا مصانع العربيات المحترمه بتسدخمها لعزل البودي بالكامل عن الصداء
عباره عن شحنه كهربائيه
لكن في الغالب والاكيد
ان الاسطي غبور ماعملش الشغلانه دي في الايمجراند
توفيرا للنفقات

بس اعتقد انة لازم يعمل الفسفتة دي للعربية ممكن الابواب متعملهاش ايوة انما باقي جسم العربية لازم يكون اتعملة