افتح قوس يابني وزود واحد وسيب القوس مفتوح

[M I D O]

غبور زفت و كلنا عارفين ايه الجديد
حتى المقولة الشهيرة بتقول (تغور لو من وش غبور)
لكن زي ما الزملاء وضحوا
غبور واخد توكيلات تانية و مفيش الكلام ده
و في عربيات صيني تانية (زي البريليانس) و برضه مفيش الكلام ده
يبقى المشكلة فين
المشكلة في الشركة الأم
لأنها وافقت على إنتاج منتج يحمل إسمها بجودة منخفضة في مقابل تحقيق إنتشار عالي و منافسة سيارات في فئة سعرية معينة
(ايه اللي يخلي حد يفكر في فيرنا و لا لانوس و لا لوجان و قدامه الإيمجراند بالشياكة و الأبشن دي كلها)
يبقى سياسة تسويق الشركة في مصر كانت قايمة على الإسترخاص
العيب مش وكيل بس
لأن مراحل التصنيع و الخامات المستخدمة بتبقى شروط بتحطها الشركة الأم على الوكيل
و فعلا مرسيدس و بي إم و غيرهم بيتقفلوا فمصر لكن عمرك متقابل حاجة زي كدة

و لو توكيل جيلي إتسحب من غبور و راح لوكيل تاني (و يا عزيزي كلهم جشعين محدش بيخاف على المستهلك أو يتقي ربنا) و الشركة الأم لم تشدد في إشتراطات الجودة يبقى هتقابل نفس المشاكل
اللي إختار جيلي قدم الفخامة و الأبشن و الإمكانيات على الجودة
و أنا لازلت شايفها عربية محترمة و من أفضل العربيات في فئتها السعرية
لكن لو بختار هختار لوجان عشان أنا مش بتاع بهدلة في التوكيلات و حماية المستهلك
تحياتي

رايك لية احترامة وكلام جميل

[M I D O]

انتهاء اسطورة (كفاية ان االعربية من غبور)

صدقني لسة .. مش كل الناس عندها خلفية عالي بيحصل

[M I D O]

السؤال هنا
اللى حصل هيخليه يعزل العربيات كويس بعد كده وتبقى مشكله العربيه اتحلت فى الدفعات الجديده.
ولا طول ما هو بيبيع خلاص مش فارقه معاه !!
لازم الموضوع يبقى جماعى ولازم الاتحاد

هوة دة السؤال الي المفروض يتسأل

[M I D O]

الناس بتقول شهر 9 !! هو شهر 3 ولا 9 ؟؟
ومتروحش اى كان

شهر 3 يوم 9

[M I D O]

هننتظر ميدو يمكن لوحده يحلها و يغيروله العربية

ممكن توضيح ؟؟
علي الرغم اني عارف انك بتتريق لانك مش طايقني من ايام مكنت بهاجم العربية
بس كل واحد حر يعني و موضوع الصدأ دة كارثة بكل المقاييس رغن ان العربية جيدة جدا بعيدا عن موضوع الصدأ

[dedi]

ربنا معاك يا ميدو لا بد من اتحاد الناس معا فى هذة المشكلة
طيب اشمعنى الايمجراند ظهر بها صدا اذا كانت طريقة العزل واحدة فى الفيرنا ومثلا اللانوس من موديلات 2000 يعنى من 14 سنة و لم نسمع عن هذة المشكلة
اعتقد انهم كانوا بيحطوا الحديد مصدى لا بد من فضحهم

[bassem.naguib]

ربنا معاك يا ميدو لا بد من اتحاد الناس معا فى هذة المشكلة
طيب اشمعنى الايمجراند ظهر بها صدا اذا كانت طريقة العزل واحدة فى الفيرنا ومثلا اللانوس من موديلات 2000 يعنى من 14 سنة و لم نسمع عن هذة المشكلة
اعتقد انهم كانوا بيحطوا الحديد مصدى لا بد من فضحهم

الموديلات الأولى من فيرنا ومن اللانوس كانت بتروح تترش في النصر للسيارات الشركة الوحيدة اللي كان عندها خط الألبو .. وبعد ما قفلت بقى خلاص كل العربيات التجميع المصري واحد في طريقة الرش (وده على حد علمي) .

[mk3]

الموديلات الأولى من فيرنا ومن اللانوس كانت بتروح تترش في النصر للسيارات الشركة الوحيدة اللي كان عندها خط الألبو .. وبعد ما قفلت بقى خلاص كل العربيات التجميع المصري واحد في طريقة الرش (وده على حد علمي) .

معلومة جديده ومميزه
انا نفسى اعرف ايه اللى يخلى غبور يعمل كده ؟؟ ممكن زياده الارباح ؟ ممكن الصاج جايله كده ؟؟ ممكن تقليل سعر العربيه زى ما ناس تفضلت وقالت ؟؟ او ممكن يكون ازمه ضمير فنى او مهندس الرش لان اكيد مش +10000 عربيه كلهم كده ولله اعلم #

[dedi]

الموديلات الأولى من فيرنا ومن اللانوس كانت بتروح تترش في النصر للسيارات الشركة الوحيدة اللي كان عندها خط الألبو .. وبعد ما قفلت بقى خلاص كل العربيات التجميع المصري واحد في طريقة الرش (وده على حد علمي) .

لو الكلام دة صح استاذ باسم دة يفسر لية ماسمعناش عن مشاكل فى هذة الموديلات وبما انة العزل بيتم رشة بصورة يدوية فدة يفسر الذى بيحصل طيب كان فية حد اتكلم عن الصرة المصدية وهى لسة تعتبر جديدة وواحد اتكلم على الصدا الذى ظهر خلف الاكصدام الخلفى بصراحة بعد فضيحة الصدا الواحد بقى يخاف من اى حاجة ويقلق من السيارة روح يا غبور منك للة لو كان استوردها كان افضل

[bassem.naguib]

أكيد لو كانت مستوردة كانت حتكون أفضل .. لا لشيء اللهم أنه متوفر بالخارج أحواض الدهان بالغمر (البو) .. وخامات أفضل

بس تعالى نفكر بواقعية وعقلانية شوية .. تكلفة العربية وسعرها حيبقى كام لو كانت اتعملت في خط دهان ألبو .. تكلفة العربية كانت حتبقى كام لو كانت بخامات أحسن من كدة . ووو إلخ

كل الأسئلة دي بتفسر لينا ليه عربية زي mg سعرها عالي ومعدي ال 100 ألف وجودتها زي جودة العربيات الكوري ويمكن أحسن منها كمان وأرخص .. ولكن تبقى النظرة والانطباع العام للسوق المصري أدفع كل ده في عربية صيني !!!

لكل مقام مقال ولكل شيء تمنه .. ممكن عربية كوري أو حتى ياباني مفيهاش الأوبشن اللي في العربية وبالرغم من ذلك سعرها أعلى .. ليييييييييييه ؟!!!! أرجو أن تكون الصورة وضحت .

أنا مش عاوز الموضوع ياخد أكتر من حجمه ولكل سيارة عيوب ومميزات مهما كانت ماركتها .. المهم هل أنا حقدر اتعايش مع هذه العيوب أو أقدر أعالجها فيما بعد .

المصيبة بقى لو التوكيل انكر هذه العيوب وضربها طناش هنا تكمن المشكلة أو يبقى ليه ناس وناس في تفضيل أصحاب الأصوات على صفحات الانترنت ومراضتهم .. أو عدم تحسين منتجاته ومعالجة عيوبها في الانتاج الجديد والاستمرار على نفس النهج وهو كدة لو كان عاجبكم .

رأي شخصي واجتهاد مني (لأني مشفتش على الطبيعة) ممكن تكون هذه المشكلة سببها الرئيسي هو عدم الاهتمام بطبقة البطانة أو الرش النهائي في الأجزاء الداخلية زي طبلة الباب مش مشكلة في الصاج نفسه أو الطبقة المبدئية (الفسفتة) وإلا حتبقى مصيبة فعلاً .

والسبب الأكبر في حدوث هذه المشكلة هو جودة كاوتش الزجاج في الأبواب لأنه سمح بدخول المياه (أمطار أو غسيل للسيارة) لطبلة الباب .

[dedi]

أكيد لو كانت مستوردة كانت حتكون أفضل .. لا لشيء اللهم أنه متوفر بالخارج أحواض الدهان بالغمر (البو) .. وخامات أفضل

بس تعالى نفكر بواقعية وعقلانية شوية .. تكلفة العربية وسعرها حيبقى كام لو كانت اتعملت في خط دهان ألبو .. تكلفة العربية كانت حتبقى كام لو كانت بخامات أحسن من كدة . ووو إلخ

كل الأسئلة دي بتفسر لينا ليه عربية زي mg سعرها عالي ومعدي ال 100 ألف وجودتها زي جودة العربيات الكوري ويمكن أحسن منها كمان وأرخص .. ولكن تبقى النظرة والانطباع العام للسوق المصري أدفع كل ده في عربية صيني !!!

لكل مقام مقال ولكل شيء تمنه .. ممكن عربية كوري أو حتى ياباني مفيهاش الأوبشن اللي في العربية وبالرغم من ذلك سعرها أعلى .. ليييييييييييه ؟!!!! أرجو أن تكون الصورة وضحت .

أنا مش عاوز الموضوع ياخد أكتر من حجمه ولكل سيارة عيوب ومميزات مهما كانت ماركتها .. المهم هل أنا حقدر اتعايش مع هذه العيوب أو أقدر أعالجها فيما بعد .

المصيبة بقى لو التوكيل انكر هذه العيوب وضربها طناش هنا تكمن المشكلة أو يبقى ليه ناس وناس في تفضيل أصحاب الأصوات على صفحات الانترنت ومراضتهم .. أو عدم تحسين منتجاته ومعالجة عيوبها في الانتاج الجديد والاستمرار على نفس النهج وهو كدة لو كان عاجبكم .

رأي شخصي واجتهاد مني (لأني مشفتش على الطبيعة) ممكن تكون هذه المشكلة سببها الرئيسي هو عدم الاهتمام بطبقة البطانة أو الرش النهائي في الأجزاء الداخلية زي طبلة الباب مش مشكلة في الصاج نفسه أو الطبقة المبدئية (الفسفتة) وإلا حتبقى مصيبة فعلاً .

والسبب الأكبر في حدوث هذه المشكلة هو جودة كاوتش الزجاج في الأبواب لأنه سمح بدخول المياه (أمطار أو غسيل للسيارة) لطبلة الباب .

ماعلش انا اختلف معك استاذ باسم
اولا السعر العربية الصينى الانفى تقفيل الصين واهى نازلة بسعر منافس للايمجراند جدا وايضا البريلينس كانت تجميع وبسعر معقول وجودة عالية اذن هو طمع من غبور واسترخاص الخامات على حساب مكسب اعلى
ثانيا فعلا لكل سيارة عيوب ومميزات ودة الخلى ميدو مثلا وانا كنت بافكر اشترى لانة بعض العيوب يمكن قبولها وان كنت اعتقد انة زيرو مفروض بلا مشاكل او زيارات للتوكيل وبخاصة لواحد مثلى فى الصعيد ولكن عيب مثل عيب الصدا فهذة القشة التى قسمت ظهر البعير كما يقولوا دة غير مقبول فى سيارة زيرو الا لو غبور ذود الضمان على الصاج
طبعا صفحة الفيس الادمن بيحصلوا على معاملة خاصة على حساب حاجات كتير بس البيكذب او بيخدع او يدلس فدة ها يروح من ربنا فين
ثالثا اعتقد انة الصاج راكب مصدى بدليل انة فية ناس لم تكمل 3 اسابيع و اكتشفت الصدا يعنى يمكن المياة مالحقتش تلمس الاجزاء الداخلية وموضوع الكاوتش انا عندى من سنتين كاوتش الابواب نشف و المياة بتدخل من داخل الابواب وامس فكيت ماكينة الزجاج للصيانة و الحمد للة صاج بحالة الفابريكة بالرغم من انة فتحات تسريب المياة مسدودة تماما وكم طين مترسب ماشاء اللة علية
اختلاف الراى لا يفسد للود قضية

[د.عماد صلاح]

يا جماعه ماينفعش كل عيب نقول اصل العربيه سعرها كويس .....في اخطاء ممكن تعدي و تتحل من غير ما تاثر علي مستقبل العربيه لكن صدأ العربيه ده خطير جدا و المشكله ان احنا مش عارفين ده مشكله ابواب وبس ولا حاجه تانيه
و ربنا معاكوا و ان شاء الله ربناا ينصركوا وحقكوا يرجع كامل اان شاء الله

[H_Daim]

يا جماعه ماينفعش كل عيب نقول اصل العربيه سعرها كويس .....في اخطاء ممكن تعدي و تتحل من غير ما تاثر علي مستقبل العربيه لكن صدأ العربيه ده خطير جدا و المشكله ان احنا مش عارفين ده مشكله ابواب وبس ولا حاجه تانيه
و ربنا معاكوا و ان شاء الله ربناا ينصركوا وحقكوا يرجع كامل اان شاء الله

استاذ عماد ممكن تقولنا انت بعت ولا لسه؟ وهل فكيت بعد ماصلحوا الابواب علشان تطمن ولا لاء؟

[د.عماد صلاح]

انا مجبتش العربيه وضغطت علي نفسي و اشتريت حاجه تانيه

[mr.elegant]

يا جماعة أنا لسة مستلم العربية من إسبوع و بعد ما دخلت على المنتدى حسيت برعب بصراحة بسبب موضوع الصدا ده و مش عارف أعمل إيه؟؟؟ بعد ما كنت طاير بالعربية حسيت إنى إترميت من السما على الأرض. حد يقوللى أعمل إيه الله يكرمكوا...