مشكلة في الإسبرانزا A620

[ezshereef]

بصراحة أنا معنديش عربية صيني ولا ناوي أجيب عربية صيني يعني ماليش مصلحة
Adham بيقول

بس للأسف ان مالكي الصيني هنا لا يتقبلون النقد و يعتبرونة نقدا لشخصهم و ليس لديهم اي سعه صدر من هذا الجانب

أنا غير متفق معاك لأن في ناس كتير بتشتم في العربيات الصيني و من غير ما تجربها أو يكون لها تجربة شخصية. بالإضافنة إنه فيه ناس بتصدر أحكام بطريقة ما تصحش زي لما الأستاذ الصاوي قال

و قلت أقول و خلاص أحسن حد يروح يدفع 100000 في الخردة

أنا ممكن أكون شايف من وجهة نظري إن العربية مش كويسة و أحذر الناس منها و ده يكون مع إبداء أسباب و أدلة بس ملهاش لزمة إنه يقول عليها خردة. و بصراحة أنا لو معايا إسبرانزا و مريحاني و حد إتكلم بالطريقة ديه أكيد هتضايق.

و بعدين يا جماعة حتى اللي كان معاهم العربية و باعوها لمشاكلها الكتير مش بيشتموا كدة في العربية و يقولوا عليها خردة.

[Mahmoud_405]

انا عايز اقول تجربتي مع الاسبرانزا......................بدون تحيز
العربية ليها مميزات وعيوب(ذي اي عربية في العالم)بس المهم نوع العيوب
اولا انا لا امتلك السياره بس ............2 من صحابي عندهم ال A516 وخالي عنده A620 .

نبدا بالمميزات:

1- سعر حلو قوي علي الاوبشنز اللي فيها
2- واسعة جدا من جوه خصوصا ال A620
3- سحبتها حلوه
4-شكلها حلو جدا
5-ثبات حلو جدا لحد 160
6- صوت الموتور هادي والعزل الي حد ما كويس

العيوب:
1- عفشة ناشفة جدا جدا خصوصا اللي قاعد ورا
2- خامات الطابلوه ضعيفة ( بلاستك من النوع الرديئ) خصوصا التاره بتاعت ال A516 تاره عربية ملاهي
3- الكراسي ناشفة ومش مريحة
4-الدهان مش حلو ( صاحبي وهو بيغسل العربية الاكصدام اشر وشفتها بيعني)
5- قطع غيار غالية بالنسبة لتمن العربية
6- نص العربية فصل كهرباء فاجاه عند صاحبي ( لا ازاز وراني شغال زلا الكشفات الي ورا شغالة )
7- زرار اللي بيفتح الشنطة باظ عند خالي ( بع يومين من شرلء العربية)
8 -السنتر عالء عند خالي بعد اسبوع من شراء العربية
9- الفتيس المانويال تقيل شوية
10 محفز العادم باظ عند صحبي والتوكيل قاللو مش موجود لسة هايجي من الصين
11 الدريكسيون فية بوش كبير عند صاحبي
12 الفرامل عيانة عيانة عيانة لبكره الصبح وده بعد 15 الف كيلو
13 اختبارات التصادم فشلت لو العربية اخدت خبطة بسرعة 40 ميل من قدام الناس اللي في الكبينة هيتفعسوا ويبقوا عجينة (ده مش كلامي ده كلام منظمة الامان الاوربية) وشوفوا بعنكم اختبارات التصادم علي YOUTUBE.COM
14 التكييف ضعف قوي بعد 15 الف
السؤال: العربية حلوه ولا وحشة؟؟؟؟؟؟؟؟؟؟؟؟؟؟
مينفعشي اجواب علية دلوقني ...............زمان لو تفتكروا ان اول ما الكوري طلع كلو كان بيقول اوعي تجبيها ده عربيات ورق والانوس وحشة.........بس طبعا الانوس اثبتت كفائة .... وصلحت عيوب لانوس وان ولانوس 2 نزلت بعديها بسنتين علي طول ذي الفل والهيونداي اتحسنت كتير ونفس الكلام للكيا فبات عربيات محترمة مش حنؤل ذي الياباني بس قريبة من اليباني
اه كل العربيات فيها مشاكل بس مش بعد الفتره القليلة ده.... وبرده مانقتدرشي نقول وحشة...لازم نستني نشوف الموتور حيعش ولال لاوالعفشة حتتفكك امتي....كل ده مش ققل من سنتين ال تلات سنين...بس مبدايا ان كل الكماليات اللي في العربية من النوع الردي جدا ماعادا الكاسيت......

الخلاصة............... الصيني ممكن يبقي احسن من الكوري وينافس الياباني بشرط ان الشركة تعدل الغلطات دي في الموديلات الجاية وتهتم بعناصر الامان وبنفس السعر ودي معادلة صعبة( وغالبا ده مش حبحصل لان لو الصين عملت كده اسعار العربيات بتاعتها حتغلي وبكده الناس حاتاخود المضمون)
وشكرا

[CryptonX]

انا شكرت كتير و حاطط كم موضوع ايجابي ... يا باشمهندس م .خلف !

[محمدايهاب]

النهاردة شفت اسبيرامزا a113 بغض النظر عن امكانيانها العربية شكلها جميل جدا حقيقة

غريبة حكاية 14 عيب دول شكل في اتفاق على الرقم (14) :D :D

[eng_mkhalaf]

انا شكرت كتير و حاطط كم موضوع ايجابي ... يا باشمهندس م .خلف !

أنا بقول على الأعضاء إللى خبرتهم قليلة وتلقيهم فجاءة سمعوا كلمة أو شافوا موضوع معين ويجوا يحطوة ويعملو بية فرقعة - لكن الأعضاء ذوى الخبرة ذيك مواضعهم كلها هادفة وقائمة على فهم للموضوع مش فرقعة وخلاص

[eng_mkhalaf]

منها غير رخص تمنها"

يابية طبيعي ان انسان عدو للتغيير ماشي بس لما يكون التغيير للأسوأ يبقى قلتة أحسن :D

و الصراحه و بدون زعل و دة رأيي و انا مسئول عنة ان انتم اللي مزودينها قوي و الاسلوب الهجومي و الحاد زاد قوي و حايطفش الاعضاء الجدد

طب يا أدهم أنت جربت أو عملت تست ل مش هقول العربيات الصينى ولكنى هخص عربية معينة علشان كلامة يبقى واضح - العربية A11 علشان تقول الكلام دة
لعلمك الخاص العربية كويس جدا على سعرها وتعتبر صفقة ناجحة فى مستواها - لكن إللى مجربشى لية الحق يخاف بس مش للدرجة دية
ومين قال احنا مزويدنها - الناس هيا إللى مزوداها - ممكن يكون بعض الأنفلات العصبى ولكن دة قليل مش كتير

[الصاوي]

الموضوع بكل بساطة اني سمعت واحد بيشتكي من حاجة قلت اوصلها و ليس أكثر و صاحبها بالمناسبة مغير 4 مكن قزاز و عامود دريكسيون و عفشة وعلبتين شكمان و طرمبة بنزين والديفيدي مش شغال والتكييف ضعيف والفرامل كللها بتصفرو حاجتين تلاتة كمان مش فاكرهم لكن بقية العربية زي الفل

[eng_mkhalaf]

الموضوع بكل بساطة اني سمعت واحد بيشتكي من حاجة قلت اوصلها و ليس أكثر و صاحبها بالمناسبة مغير 4 مكن قزاز و عامود دريكسيون و عفشة وعلبتين شكمان و طرمبة بنزين والديفيدي مش شغال والتكييف ضعيف والفرامل كللها بتصفرو حاجتين تلاتة كمان مش فاكرهم لكن بقية العربية زي الفل

كدة أنا هرشت كل حاجة
كويس قوى ومغير أية كمان - ممكن تسألة - بس دة كلة تبع التأمين ولا اية :P :P :P :P :P **حد فهم حاجة***

[الصاوي]

بس دة كلة تبع التأمين ولا اية

كل ده في الضمان يا سيدي و هو لا يعيب شيئا على التوكيل الا موضوع صفارة الفرامل فلم يفعلوا له شىء

[tifa-tifa]

سعر الاسبيرانزا ال 2000 سي سي في السعوديه 45000 ريال وفيها اوبشنز اعلى من اللى فى بتاعت ابو الفتوح

يعني احنا لا مؤاخذه مسكوكين على قفانا

وانا معايا لانسر في مصر ومش هاقرب للاسبيرانزا دي عمري

[TAREK ZIAD]

إقتباس:
و صاحبها بالمناسبة مغير 4 مكن قزاز و عامود دريكسيون و عفشة وعلبتين شكمان و طرمبة بنزين والديفيدي مش شغال والتكييف ضعيف والفرامل كللها بتصفرو حاجتين تلاتة كمان مش فاكرهم لكن بقية العربية زي الفل

هاهاهاهاهاهاها....والله إنت زى العسل.....أنا دخلت الموضوع علشان أستفيد فعلا بصفتى مالك لل 620 و الحمدلله العربية تمام حتى الآن..... بس لقيتها وسعت منك قوى فى الآخر.....دة إنت كدة خربت بيت أبو الفتوح..... طيب تغيير علبة الدركسيون و بلعناه.... 3 قلت ماشى مادام إنت أكدتها وجايز أبو الفتوح بدأ يتحسن.....بس الباقى دة بقة إسمحلى هاهاهاها...عموما الله يبشرك بالخير ....دة لو صدق فعلا يبقى الواحد يطمن أكتر....دة أنا ياراجل مبهدل أبو الفتوح فى المنتدى التانى على تفاهات زى تيل فرامل....دة كدة أنا ألحق أعتذر له....عموما شكرا على تنبيهك و لمشاركات الأعضاء و تحفظى الوحيد هو على وصفك كلمة "خردة"لأنها أفقدتك مصداقية الحيادية....خاصة و إن العربية فعلا رائعة.....عموما أحسن برضه علشان التوكيل يتعلم الأدب ...ولعل و عسى يطلع كلامك صح تبقى فرجت....والله أنا شاكك صاحبك دة يكون بيتاجر فى قطع الغيار و جايبها حجة :mrgreen: :mrgreen: :mrgreen: :mrgreen:
تحياتى
م/طارق زياد

[TAREKSHEIR]

أنا معايا 620 ومش شايف فيها عيوب جوهرية بصراحه .. كلها حاجات بسيطه موجوده فى عربيات تانيه كتير وبتتعالج بسهوله .. وعلى فكره أنا ركبت تويوتا وأوبل وريجاتا زمان و132 GLS فى مجدها و2300 ال6 سلندر أيام ماكانت آخر موديل والخنزيره .. وبقول إنها عربيه كويسه

[eng_mkhalaf]

يا جماعة محدش يحط فى بالة هو محدش قرا أخر تعليق ليا الموضوع كلة فشنك وضجة وخلاص والدليل أن العضو دة أتوقف

[أبو عمار المصرى]

عييييب يا عضو يا موقوف :P :P :P

حركاتك مكشوفة من الأول

[usama_esam]

ههههههههههههههههههههههه
واللة حرام عليكم اتقوا اللة اللي متغاظ من العربية اكمنها احلي من عربيتة في الشكل يشتري شمسية احسن ويعقد في الضلة
بدي مايشتم في الناس بدون وجة حق