مشكلة في الإسبرانزا A620

[usama_esam]

يعني اللي بيتكلم في المتانة اللالنترا لو خبطت في عمود نور هتبقي نصفين مفيش فيها وجة من المتانة
والاكسيل معايا لو ريحت علي عمود هتاخد شكلة والهوندا متتكلموش علي المتانة ونبي لحسن الواحد زهق لحسن بتحسسوني انكم راكبين بي ام 2008

[إسلام شاهين]

والله حضرتك إحنا مش ركبين بي إمات ولا حاجة بس براحة على نفسك شوية وبلاش كلمة والنبي ديه يا سيد أسامة .

وبعدين يا سيدي الفاضل كل واحد حر في رأية محدش بيحجر على رأي حد إنا شايف إن الصيني صفر في كل حاجة وأنا حر ونت شايفه 100% برضه إنت حر بس مفيش داعي للتريقة لحسن الواحد بيتنرفز بسرعة الله يكرمك وهنخش في حوارات وهتزعل مني الباش مهندس محمد تاني .

[PRO-DRIVE]

شكلة والهوندا متتكلموش علي المتانة ونبي لحسن الواحد زهق

عني اللي بيتكلم في المتانة اللالنترا لو خبطت في عمود نور هتبقي نصفين مفيش فيها وجة من المتان

برضه ايه هو الدليل :mrgreen: :mrgreen: :mrgreen: ؟

[elbasha_ayman]

السلام عليكم .. اولا تحية لكل الاخوة المحترمين ... مش هاطول عليكم بس ليا رد او تعقيب بسيط وعن تجربة شخصية فعلا اولا انا معى نيسان صنى يعنى لا ناقة لى ولا جمل لكن الاسبرنزا عند اخى بالفعل وانا وهو واحد نستعمل اى سيارة فى الاتنين مفيش مشكله لكن بدون مبالغة هيا سيارة لا تنفع للخدمة الشاقه يعنى شتان الفارق بينها وبين النيسان مثلا او التويوتا او الانسر .... هيا سيارة للوجاهة الاجتماعية فقط بالبلدى برستيج حلو لكن الادء وخصوصا الاستخدم المتكرر عليه كثير من علامات الاستفهام لا اريد ان اخوض فى المشاكل لانه من المحتمل ان نكون انا واخى نقسوا عليها فى الاستخدام مع العلم ان السيارة عامله 24000ك وبدات اشعر انها دخلت مرحلة الشيخوخه وارجو الا يغضب منى احد وتقبلوا منى فائق الاحترام

[sndbad111]

الراجل لا ناقة لة و لا جمل في الموضوع

و كل اللي عملة انة سمع مالك لسيارة بيشتكي مر الشكوى من عيب فيها و في التوكيل و بينقل اللي سمعه هنا للمنتدى لعل ان يحذر من يشتري السيارة من تلك العيوب

و لا داعي لمهاجمتة و التجريح بالأسلوب دة

و رجاء لكل مالكي "الصيني" الا يعتبروا كل من يتكلم عن سيارة صيني هجوم و انتقاد لشخصهم و يهاجموة بهذا الشكل

ليه يا جماعه الرد العنيف على الراجل طاب ما كلنا عرفين ان العربيه فيها عيوب فعلا الراجل كتر خيره عرف معلومه حب يوصلها للناس رغم انه معاه موديل تانى دور على المهتمين بيها وبلغ المعلومه يبقى كتر خيره ممكن نستفسر منه بس مش لازم نهاجمه


=======================

اللون الاحمر مخصص فقط للاداره
يرجـي الالتزام من العضو

مشــرف القســم

[Powert]

ليه يا جماعه الرد العنيف على الراجل طاب ما كلنا عرفين ان العربيه فيها عيوب فعلا الراجل كتر خيره عرف معلومه حب يوصلها للناس رغم انه معاه موديل تانى دور على المهتمين بيها وبلغ المعلومه يبقى كتر خيره ممكن نستفسر منه بس مش لازم نهاجمه

اخي سندباد انت ارتكبت مخلفتين

1- اللون الاحمر " مخصص لادارة فقط "

2- رفع موضوع قديم من 4 شهور "بدون فائدة لاحد"

حبينا نوضح علشان لو اتمسكت تعرف ليه :D

[Ramy.Gamal]

نفس العيب مع جارى

جارى معاه اسبرانزا 2007 2000 سى سى قاللى على العيب بتاع علبة الدركسيون انها بتحتاج تغيير مستمر وبعد 60 الف باعها واشترى لانسر 2008

[zeyad1810]

الراجل لا ناقة لة و لا جمل في الموضوع

و كل اللي عملة انة سمع مالك لسيارة بيشتكي مر الشكوى من عيب فيها و في التوكيل و بينقل اللي سمعه هنا للمنتدى لعل ان يحذر من يشتري السيارة من تلك العيوب

و لا داعي لمهاجمتة و التجريح بالأسلوب دة

و رجاء لكل مالكي "الصيني" الا يعتبروا كل من يتكلم عن سيارة صيني هجوم و انتقاد لشخصهم و يهاجموة بهذا الشكل

فعلا معاك حق

[pedro732000]

ممكن يا member تكلمنى ضرورى بخصوص عربيتك بيرسونا 2010

[hemaa_82]

الموضوع ده من 22-04-2008, 06:38 am .؟؟؟؟؟؟؟ هوه في ايه؟؟؟