الكورى اللى دايما مظلوم وعمرة مأشتكى .. اية رأيك بقى

[hugan]

[QUOTE=ashouhdy;3872918106]متشكر لييك بجد الصراحة ..... انا لسة عند كلامى العربيات العادية دى بتتهرس فى الشوارع ع عكس الالمانى مثلا تلاقى صاحبها عايز يجبلها جراب و هو ماشى او يشيلها من ع الارض

الفكره ان العربيات النضيفه جدا وذات الاعتماديه العاليه زي ما بيسموها
كلمه الاعتماديه انا اول مره اسمعها في المنتدي مع اني باركب عربيات من20 سنه
لو اشتغلت بجد ها تلاقي نفس المصير بتاع الكوري
اذا فرضنا بجد ان الكوري غير معمر وهذا الكلام اغلب الظن انه غير صحيح
الفكره ان اي عربيه ما كان نوعها اذا اهملتها واسات استخدامها وبخلت عليه في صيانتها سوف تنهار معك في اقرب فرصه
مش معني ان العربيه اوربي يبقي مثلا تغير سير الكاتينه فيها علي 100000
وتغيرها في الكوري علي 40000
اظن ان مواعيد وجداول الصيانه في جميع ماركات السيارت واحده او متقاربه جدا
يبقي مفيش فرق
لكن هذا لايمنع
الماركات المحترمه وذات الاسم التقيل
زي مرسيدس وبي ام
انها فعلا تمنها فيها لكن انت اذا جبتها بتكون خرجت من فئه لفئه اخري مختلفه تماما
وهنا لاتتساوي مع السيارت المتوسطه المستوي
حتي لايكون هناك مساواه بين جميع السيارات
والفئات المتوسطه معروفه طبعا

[x_gomgom]

بصراحه اسلوب جميل و شيق و موضوع جميل.....
شكراً

[nouranwar]

متشكر لييك بجد الصراحة ..... انا لسة عند كلامى العربيات العادية دى بتتهرس فى الشوارع ع عكس الالمانى مثلا تلاقى صاحبها عايز يجبلها جراب و هو ماشى او يشيلها من ع الارض شيل !!

هههههههههههههههههه عندك حق

[ASKAFRAWY]

موضوع يستحق الاحترام و التقدير لانه من راقع الحياة المصرية
بصراحة اسلوب سهل جدا و بحقائق كلنا بنشهد بها
تسلم ايدك يا فندم و لو الكورى وحش ماكنش استمر الفترة دى كلها فى شوارع المحروسة
يعيب الكورى فقط الصاج و الثبات غير كدة هى عربية تستحق الاحترام

[ashouhdy]

هيا وجهة نظر برده ،،

بس أنا الصراحة مش مقتنع بيها أوي

أنتا بتتكلم عن نسبة بسيطة جدا اللي عندهم رفاهية اقتناء سيارتين

لكن العادي إن الأسرة عندها عربية واحدة أو عربيتين بالكتير واحدة للزوج و واحدة للزوجة

مش شخص واحد يشتري عربيتين ،، واحدة للاستخدام الشاق و التانية للمنظرة !!!

أنا شخصيا ناوي أغير الفيرنا ( مش عشان حاجة عشان نقطة البرستيج و الفخامة ) ،،، و اتمني و نفسي إني احتفظ بيها

هلاقي فين عربية صغنتوته و بشنطة ، و سريعة و مريحة و تكييفها حلو و أعطالها نادرة و في نفس الوقت بقطع غيار بربع جنية

يعني مناسبة جدا للاستخدامات اليومية و الشغل

لكن فين الفلوس دي اللي تخليني أجيب عليها عربية تانية ،،، هأضطر أغيرها بعربية تانية أحسن و أعاملها بس معاملة أفضل

و كمان مختلف مع نقطة إنه مظلوم ،،،،

الناس لو مش مقدره الكوري ماكنتشي اشترته

و الكورة أجوان ،،، و مفيش تقدير أكتر إنك تطلع من جيبك فلوس و تدفع

غير كده الكلام ،،، اللي يتكلم يتكلم ،،، الكلام مش بفلوس

بالضبط انا اقصد ان الالمانى مثلا مش بيتعامل ذى الكورى يعنى عمرك شفت عربية المانى من اللى بيضرب بيهم المثل شغالة كل يوم وشايلة 5 افراد وفيها بنزين 80 و عمالة تلف الشوارع 5 سنين ع اقل تقدير ؟!!!! لأ مستحيل يبقى لية الناس بتشتم فى الكورى انا بصراحة مشوفتش المانى (بيتعذب) ذى عربياتنا !! وكمان حتلاقى الاسرة اللى عندها عربية كورى واحدة شووف العربية ماشية كام و فى كل مناسبة و التانية شايلها فوق طاقتها كمان وبالنسبة للتقدير لأ مش مقدرينة من الناس الى اى بواب عمارة كلة فى دماغة بس دى بكام ودى بكام والاقبال عليها عشان ذى ما قلت السعر

[QUOTE=hugan;3872918159]

متشكر لييك بجد الصراحة ..... انا لسة عند كلامى العربيات العادية دى بتتهرس فى الشوارع ع عكس الالمانى مثلا تلاقى صاحبها عايز يجبلها جراب و هو ماشى او يشيلها من ع الارض

الفكره ان العربيات النضيفه جدا وذات الاعتماديه العاليه زي ما بيسموها
كلمه الاعتماديه انا اول مره اسمعها في المنتدي مع اني باركب عربيات من20 سنه
لو اشتغلت بجد ها تلاقي نفس المصير بتاع الكوري
اذا فرضنا بجد ان الكوري غير معمر وهذا الكلام اغلب الظن انه غير صحيح
الفكره ان اي عربيه ما كان نوعها اذا اهملتها واسات استخدامها وبخلت عليه في صيانتها سوف تنهار معك في اقرب فرصه
مش معني ان العربيه اوربي يبقي مثلا تغير سير الكاتينه فيها علي 100000
وتغيرها في الكوري علي 40000
اظن ان مواعيد وجداول الصيانه في جميع ماركات السيارت واحده او متقاربه جدا
يبقي مفيش فرق
لكن هذا لايمنع
الماركات المحترمه وذات الاسم التقيل
زي مرسيدس وبي ام
انها فعلا تمنها فيها لكن انت اذا جبتها بتكون خرجت من فئه لفئه اخري مختلفه تماما
وهنا لاتتساوي مع السيارت المتوسطه المستوي
حتي لايكون هناك مساواه بين جميع السيارات
والفئات المتوسطه معروفه طبعا

بالضبط كدة ... لكن مثلا واحد معاة 120الف يجيب سيراتو كاملة او الانترا كاملة ولا يجيب مثلا جيتا او جولف موديل حديث اسأل كدة و شوف الجواب ههههههههههه

بصراحه اسلوب جميل و شيق و موضوع جميل.....
شكراً

العفو متشكر لييك :)))

هههههههههههههههههه عندك حق

هههههههههههه

موضوع يستحق الاحترام و التقدير لانه من راقع الحياة المصرية
بصراحة اسلوب سهل جدا و بحقائق كلنا بنشهد بها
تسلم ايدك يا فندم و لو الكورى وحش ماكنش استمر الفترة دى كلها فى شوارع المحروسة
يعيب الكورى فقط الصاج و الثبات غير كدة هى عربية تستحق الاحترام

الثبات يعنى هى السرعة كام جوة البلد مثلا ؟؟!!! لو عايز تقارن كورى بثبات هات مثلا السوناتا او الجينيسيس او الاوبتيما ونشوف الثبات ؟!!!!!! مش دول نفس فئة المرسيدس والبى ام ؟!!! لكن متقارنش ثبات الفيرنا بالجولف مثلا ؟!!

[hon]

كلامك صح 100%
انا معايا عربية كورى الحمد لله عليها وبحبها جدا وبعملها احلى صيانة
وفعلا الكورى مظلوم

[marshal]

ممتااااااااااااااااااااااز والله
انتا جبت من الاخر
وبجد وصفت اللى بيحصل بالظبط
ولو كان الكورى وحش مكنش بقى هو اكتر عربيات فى البلد

[tutankhamoun]

العربيات الكوري من العربيات المحترمة جدا جدا جدا جدا ...... من ناحية عمر المواتير و توافر قطع الغيار و رخص ثمنها و عمرها المعقول جدا مقابل ثمنها .

الكوري من العربيات العملية جدا جدا جدا جدا .........

الكوري من الشركات الناجحة جدا جدا في العالم كله مش مصر بس .........
مجموعة هيونداي كيا أصبحت من كبرى عشر شركات في العالم بسبب كمية المبيعات خصوصا في أمريكا الصهيونية الشيطانية و آسيا .

الكوري يعني توافر كل الفئات ........ الرخيص و الغالي و كله بيعيش .

و التكنولوجيا مش حكر على حد و مفيش حاجة أسمها فروق تكنولوجية لأسباب كتيرة .
منها التخصص دلوقتي ....
يعني عادي تلاقي شركة بتصنع أنظمة فرامل ...... بتقوم بالتصنيع لشركات كتيرة كطرف تالت لعملية التصنيع .

و صناعة المواتير ......... كل بارع فيها ..... و الفروق بسيطة جدا ما بين الشركات دلوقتي .

و كل شركة و لها طريقة تسويق و أسم مختلف .
و الألماني ........... أسم كبير .......... و سعر غالي و أحيانا مبالغ فيه .

و الكوري أسم أصبح كبير بأسعار معقول جدا ........... و الياباني أسم كبير بأسعار مبالغ فيها شوية .

كله زي بعضه .......

كله عربيات ......... كلها بتمشي و تجري ........

و أفضلهم عملية هو الكوري بكل جدارة ( أسعار معقولة - قطع غيار معقولة و متوفرة - مراكز خدمة متوفرة )

اللي بيشتري عربيات ألماني أغلبه علشان الأسم و المنجهة مش علشان هي أحسن

يعني مفيش واحد هايروح يدفع ربع مليون جنيه في عربية مرسيدس أو بي أم علشان هي أحسن من عربية ب 100 ألف

لاءة هو في الأساس أشتراها علشان المنجهة و ده حقه طبعا و حق كل واحد يعمل اللي هو عايزه بفلوسه .

إنما من ناحية الكفاءة ............. الكوري كفء بجد و عربيات محترمة جدا جدا جدا من هنا لبكرة الصبح .

هو فعلا الكوري أغلبه بيهتم بنعومة العربية أكتر من ثباتها على الطريق في السرعات العالية بس أنا شايف أن أصلا المفروض الناس متجريش بسرعات عالية و تحافظ على نفسها و على أولادها و على سلامة الآخرين في الطريق .


و تسلم أيدك ياباشا .......... كلامك كله صح .

[mohamedwahid]

تسلم يا باشا وموضوع جميل

[ahmedbeirut123]

فعلا الناس فى مصر بتفحت العربيات الكورى زى الفيرنا و اللانوس والاوبترا وتلاقى اللى معاه فيرنا شغال كيك داون عمال على بطال و كل طلعة بفركة

انما المرسيدس و الفولكس والفكترا مثلا عمرى ماشوفت حد بيفرك بيهم

عشان عربيات غالية و خايفين عليها

هو ده الشعب المصرى

[max_ziro]

تسلم ايدك ياباشا ولله كلامك جميل و فعلا دة الى بيحصل ..

[BrainStorm]

والله معاك حق في كل الي قلته
بس أنا أحب اضيف اعجابي بطريقة كتابتك للموضوع

[amr mokhtar]

أحييك جدآ على أسلوب تفكيرك

و الحمد لله انا برضه كنت خايف قبل ما نجيب السيراتو ... بس الحمد لله ربنا يديمها نعمة و يحفظها من الزوال العربية زى الفل

بس انا أختلف معاك فى شوية حاجات

لازم نعترف ان هناك فروق ما بين الأوروبى و ما بين الكورى بتكون فى جودة الصالون و راحة العفشة و عزل الصوت
بس الفروق الجوهرية بتكمن فى الثبات و الأمان
الحاجات دى ممكن تفرق مع ناس و ما تفرقش مع ناس تانية .... و مع الأخذ فى الإعتبار العامل المادى ... انا ممكن أدفع أكتر و أضحى بكماليات فى العربية فى مقابل الإحساس بالثبات و عوامل الأمان المتوفرة فى معظم السيارات الأوروبية

[gazzar91]

وجهات نظر قابلة للتغيير عند أول مشكلة

في رعاية الله.....

[ashouhdy]

ياجماعة بجد متشكر جدا ليكم كلكم ع ذوقكم و ردودكم الجميلة دى

ولو ع جودة الكورى ماتنسوش ان هيونداى جينيسس الجديدة أكتسحت البى أم دبليو الفئة الخامسة الجديدة فى كل حاجة تسارع فرامل ثبات امان !!!!!!!!!!