الكورى اللى دايما مظلوم وعمرة مأشتكى .. اية رأيك بقى

[ashouhdy]

طيب فى اكتر من دايو بقالها 8 سنين بتطلع شق التعبان ايام مكان الطريق الحصى و الزلط يعتبر اسفلت بالنسبة له و الحمد لله عمرها ما اشتكت من حاجة حتى الصيانة مكانتنش بتتعمل فى معادها و عربية مرسيدس موديل السنة دى طلعت و الطريق هناك بقى زى الفل باخده على 100 تنزل تسلم على مطب النوبيرا ما تحكش فيه و تنزل من الطريق نفسة مش مزبوطة

الالمانى بيعيش كتيييييييييييييير عشان اصحابة بيدلعوه على الاخر
اليابانى بيعيش كتيييييير عشان اصحابه يدوب بس صيانة فى المواعيد
الكورى ولا دلع ولا صيانة فى المواعيد و بيعيش و بيسد و مبيكسفش صحابة

حضرتك معاك حق فى كل كلامك
بس صدقنى احسن حل انك تكبر دماغك
مانا راكب لانسر وفى ناس بتشتم فيها من هنا لبكرة وتلاقى بقى الفتى الكتير شغال فعلا..اقرب الفتاوى واحد بيقولك ادفع ليه 120 الف فى عربية لانسر بتجيب ال 180 بالعافية!!...الصراحة انا مجربتش اخرها كام بس لو نفرض اخرها 180 فعلا ايه العيب فى كده..هوه اصلا الواحد بيعدى 120 ولو عداها اخرو كام فى طرقنا اللى زى الزفت دى 140 مثلا
فعادى كل عربية بتلاقى اللى بيشتم فيها وزى مقولتلك احسن حاجة انك تكبر دماغك من الناس دى
مادام انت راكب عربية كويسة ومريحاك يبقى خلاص وربنا يباركلك فيها
بس اعتقد ان موضوع الفتايين ده للاسف مالوش حل خالص غير تجاهلهم لان الفتى ده بيجرى فى دمهم
سعدت بالحوار مع حضرتك
تحياتى



متفق مع حضرتك تماما فى كل اللى قولتو يابشمهندس



اولا مفيش عربية بتعيش من غير صيانة فى المواعيد..لا عمرها حصلت ولا هتحصل
ثانيا الالمانى مش كل اصحابو بيدلعوه عالاخر...فى مرسيدس موديلات تمانينات اصحابها فاحتنها شغل ومع ذلك تركبها تحس انها زيرو ومنهم عربية واحد صاحبى مرسيدس موديل تمانينات طاحنها شغل بس تقعد فيها تحس بالراحة والقوة اكتر من عربيتى اللى موديل سنة فاتت

واحد صحبى تانى معاه bmw 318 موديل تمانينات بيعلم بيها على عربيات زيرو رغم انو هاريها برضو تخميس وفحت وشد ..مش بيحسس عليها يعنى ولا حاجة وعربية شغالة بقالها 25 سنة..ومع ذلك تركب العربية تستمتع بيها وفيها كل حاجة باور وتكييف وازاز كهربا وكمبيوتر اعطال..عربية تفرح بجد

ولعلم حضرتك الصناعة بتفرق والالمانى فعلا كلو معمر..وهديك مثال احنا معانا 132 الموبينة الفابريكة بتاعتها bosch made in germany ولحد دلوقت بسم الله ما شاء الله شغالة زى الفل رغم ان بقالها 34 سنة شغالة تصدق دى؟؟!!..معتقدش انها لو كانت كورى او يابانى هتقعد نفس الفترة دى
ال 4 مساعدين بتوع العربية هما الاصلى بتوع الفابريكة رغم ان شوارعنا مفيش انيل منها بحفرها بمطباتها معرفش صناعتهم ايه بس غالبا ايطالى...معتقدش برضو انهم لو كانو كورى او يابانى كانو هيقعدو 34 سنة شغالين كويس ودى مساعدين يعنى من اكتر الحاجات اللى بتستهلك بسرعة وحاليا بتلاقى عربيات كتير جديدة بتغير مساعدين بعد سنتين تلاتة بس
وللسبب ده لما بجيب قطع غيار لو لقيت المانى بجيبها علطول مع انها بتبقى غاليا بس تمنها فيه..اقرب مثال كنت غيرت بيض المقصات فى ال 132 جبتو المانى قعد معايا 12 سنة ولما جيت اغيرو تانى برضو جبت المانى رغم انو غالى بس عارف انى بدفع فلوس فى حاجة هنساها بالعشر سنين

هوه ده فرق جودة الصناعة وفرق الخبرة اللى هتلاقيه موجود مهما حاولت
لو الكورى زى اليابانى زى الاوروبى والالمانى كان كل الناس وفرت فلوسها وركبت كورى
تحياتى

الصر احه يا باشا انا كان معايا
برايد زيرو " حادثه" وبعدها اكسنت 98"موتور جاب اخره بعتاها اونا بعملها عمره " وبعدها بونتو " حادثة" و بعدها النترا 94 " الموتور فووت و مرتيين صبابات وكرهتنى فى المستعمل والكورى كله "

كان معا والدى اكسيل 95 زيرو و تقريبا مبتمشيش وصيانه فى وقتها (لما لبتديت احرتها معايا جابت جاز"


فا زى منا شايف هتعصر انزل كورى
الكورى كويس على قد فلوسه وان كان ابتدى يستهبل فى اسعاره بس لما بيفتح بقة مبيتسدش وخصوصا لو عربيه فيها حساسات و قرف حتى لو جبتلها قطع غيار اصليه

اليابانى قطعه الغيار الاصليه بتحطها تنساها

ومن وجهه نظرى ليه اركب كورى وانا اقدر اركب يابانى
وليه اركب يابانى وانا اقدر اركب المانى :c_laugh[1]::c_laugh[1]:

يظل الكورى افضل اختيار للبهدلة وبشهادة الكل واللى بيجيب الكورى للبهدلة مش بيعملة صيانات دة اساسا بيحط فيها بنزين80 وهى لسة بكياسها والمفأجاة انها مش بتعطل رغم البهدلة الشد و الحرق والتخميس مش دى البهدلة البهدلة 6 افراد فى عربية عمرها مااتعمل ليها صيانة والشنطة ورا مليانة شنط وماشية فى طريق متدغدغ وهاتك يارزع وفيها زيت بقالة 30الف كيلو و بوجيهات ربع عمر و بطارية جايبة ربع وبنزين مدى ع سولار وماشية ومستحملة

هى دى البهدلة مش شد و حرق ..... هات بقى العريبة البى ام موديل التامانينات دى والله ماتكمل 6شهور وتتباع خردة لأن صحابها مش حيقدر يقفل بقها وراها كل ماتفتحة

[AlGazar2]

يظل الكورى افضل اختيار للبهدلة وبشهادة الكل واللى بيجيب الكورى للبهدلة مش بيعملة صيانات دة اساسا بيحط فيها بنزين80 وهى لسة بكياسها والمفأجاة انها مش بتعطل رغم البهدلة الشد و الحرق والتخميس مش دى البهدلة البهدلة 6 افراد فى عربية عمرها مااتعمل ليها صيانة والشنطة ورا مليانة شنط وماشية فى طريق متدغدغ وهاتك يارزع وفيها زيت بقالة 30الف كيلو و بوجيهات ربع عمر و بطارية جايبة ربع وبنزين مدى ع سولار وماشية ومستحملة

هى دى البهدلة مش شد و حرق ..... هات بقى العريبة البى ام موديل التامانينات دى والله ماتكمل 6شهور وتتباع خردة لأن صحابها مش حيقدر يقفل بقها وراها كل ماتفتحة

كلام سليم
+11111111111111111111111111

[ahmedassem]

يظل الكورى افضل اختيار للبهدلة وبشهادة الكل واللى بيجيب الكورى للبهدلة مش بيعملة صيانات دة اساسا بيحط فيها بنزين80 وهى لسة بكياسها والمفأجاة انها مش بتعطل رغم البهدلة الشد و الحرق والتخميس مش دى البهدلة البهدلة 6 افراد فى عربية عمرها مااتعمل ليها صيانة والشنطة ورا مليانة شنط وماشية فى طريق متدغدغ وهاتك يارزع وفيها زيت بقالة 30الف كيلو و بوجيهات ربع عمر و بطارية جايبة ربع وبنزين مدى ع سولار وماشية ومستحملة

هى دى البهدلة مش شد و حرق ..... هات بقى العريبة البى ام موديل التامانينات دى والله ماتكمل 6شهور وتتباع خردة لأن صحابها مش حيقدر يقفل بقها وراها كل ماتفتحة

ديه مش بهدله ده واحد حد مديلوا عربيه هديه بيقولوا بوظها لو سمحت

ولو الكورى هيعيش سنه فى الظروف ديه اليابانى هيعيش سنتين الالمانى هيعيش ثلاثة وألا العالم كله لية الكورى اقل سعر من اليابانى والالمانى

و البى ام كويس جدا انها لسه موجوده من التامانينات لو فيه كورى قعد من 95 شوف حالتة ايه دلوقت

[tutankhamoun]

ديه مش بهدله ده واحد حد مديلوا عربيه هديه بيقولوا بوظها لو سمحت

ولو الكورى هيعيش سنه فى الظروف ديه اليابانى هيعيش سنتين الالمانى هيعيش ثلاثة وألا العالم كله لية الكورى اقل سعر من اليابانى والالمانى

و البى ام كويس جدا انها لسه موجوده من التامانينات لو فيه كورى قعد من 95 شوف حالتة ايه دلوقت

و لو أنا مش من هواة الكوري ....
إنما كلمة حق

الكوري في التسعينيات كان لسة بداية الصناعة الكوري الحقيقية في السيارات و أنطلاقتهم العالمية .
و مع ذلك

شوف الهيونداي الأكسل ( بداية التصنيع الحقيقي الكوري ) مع ناس أصحابي قالبة عداد مرتين تلاتة و شغالة و مش بتقول لاءة و صيانتها ببلاش .

الياباني أغلى من الكوري هنا في مصر بس ...... إنما برة مصر الياباني و الكوري تقريبا سعر واحد مع كل فئة عربيات .

مش كل حاجة غالية تبقى أحسن من الرخيصة

يعني مش علشان الجاجوار أغلى من البي أم دبليو أو المرسيدس يبقى الجاجوار أحسن .

التسعير ده له أسس تسويقية بالاضافة طبعا لأختلاف المواد الخام و الضرائب المدفوعة في كل بلد على المنتج النهائي و ثمن الأيدي العاملة و مصاريف النقل و التأمين .

تلاقي مثلا
تليفون نوكيا و تليفون سوني أريكسون
و الاثنين تقريبا فيهم نفس المميزات
و مع ذلك السوني أريكسون أغلى .............. و ده لا يدل أن السوني أريسكون أحسن من النوكيا .

أنا شايف أن العربيات كلها زي بعض ........ مع أختلافات بسيطة
لو أي عربية في الدنيا توفر لها قطع غيار بأستمرار .......... هاتعيش و تعيش
و أكبر مثال عندنا في مصر الفيات 128 .............. اللي قطع غيارها صيني على تايواني على مصري على يوغسلافي على ايطالي .... و عايشة و مستحملة ........... مش علشان فيات شركة عظيمة .......... لاءة ........... علشانا العربية توفر لها قطع غيار و بالتالي ضمان التصليح موجود

[M.Osman]

سعدت بالحوار مع حضرتك
تحياتى

و أنا اكتر ... شكراً لك ... و ان شاء الله اخد بنصيحة حضرتك و اكبر دماغي

[rocker]

العفو ياجماعة الله يخليكوا :))))))) بجد احرجتونى بذوقكم

الله ينور عليك بس برضوا ماتنساش اليابانى

[ahmedassem]

و لو أنا مش من هواة الكوري ....
إنما كلمة حق

الكوري في التسعينيات كان لسة بداية الصناعة الكوري الحقيقية في السيارات و أنطلاقتهم العالمية .
و مع ذلك

شوف الهيونداي الأكسل ( بداية التصنيع الحقيقي الكوري ) مع ناس أصحابي قالبة عداد مرتين تلاتة و شغالة و مش بتقول لاءة و صيانتها ببلاش .

الياباني أغلى من الكوري هنا في مصر بس ...... إنما برة مصر الياباني و الكوري تقريبا سعر واحد مع كل فئة عربيات .

مش كل حاجة غالية تبقى أحسن من الرخيصة

يعني مش علشان الجاجوار أغلى من البي أم دبليو أو المرسيدس يبقى الجاجوار أحسن .

التسعير ده له أسس تسويقية بالاضافة طبعا لأختلاف المواد الخام و الضرائب المدفوعة في كل بلد على المنتج النهائي و ثمن الأيدي العاملة و مصاريف النقل و التأمين .

تلاقي مثلا
تليفون نوكيا و تليفون سوني أريكسون
و الاثنين تقريبا فيهم نفس المميزات
و مع ذلك السوني أريكسون أغلى .............. و ده لا يدل أن السوني أريسكون أحسن من النوكيا .

أنا شايف أن العربيات كلها زي بعض ........ مع أختلافات بسيطة
لو أي عربية في الدنيا توفر لها قطع غيار بأستمرار .......... هاتعيش و تعيش
و أكبر مثال عندنا في مصر الفيات 128 .............. اللي قطع غيارها صيني على تايواني على مصري على يوغسلافي على ايطالي .... و عايشة و مستحملة ........... مش علشان فيات شركة عظيمة .......... لاءة ........... علشانا العربية توفر لها قطع غيار و بالتالي ضمان التصليح موجود

اولا الاكسيل ديه عربيه مبتستحلش نهائى وغير قابله للاستعمال الجاد " عن تجربه شخصيه لمده 14 سنه
ياباشا عالميا اليابانى اعلى فى السعر من الكورى فى نفس الفئه وكمان تصنيف اليابانى اعلى.
اكيد العالم كله مش غلط واحنا اللى شايفين الصح
وبعدين حضرتك قلت بنفسك فيه اختلاف فى المواد الخام فاكيد المواد الخام بتفرق

انا معاك ان العربيه لما يتوفرلهل صيانه و قطع غيار هتعيش بس انا بتكلم لو انتا جبت عربيه كورى و عربيه يابانى وعربيه المانى فى نفس الظروف فى الاستخدام الالمانى هيغيش اكتر وبعديها اليابانى و بعديها الكورى

حضرتك مش من هواه الكورى العبد لله ركب كورى لغايت لما كرهت كلمه " 한국에서 만든" "صنع فى كوريا "

[tarekabosdera]

كلامك منطقي 100% وفعلا الكوري معمر واعتمادي جدا

[ahmedverna]

بجد موضوع حلو وانا شايف ان الكورى عربيه يعتمد عليها و الدليل على كده ان معظم التاكسيات الموجوده فى البلد دلوقتى كورى وشوف بقى يعنى ايه تاكسى ويكون عربيه كورى اكيد معناه انها عربيات يعتمد عليها

[dramir1]

ما شاء الله عليك اسلوبك رائع

[mahmoud_afifi]

انا واحد من الناس الي كنت جايب عربيه كوري وانا مش موافق عليه بس على قد الميزانيه ولما ركبتها وعرفت قيمتها عاوز اقنع الكل بيها وقدرت اقنع واحد صاحبي بكده. كان دايما يقولي كوري ايه وبتاع ايه و هوا معاه لانسر شارك, اول لما ركب عربيتي قالي ماكنتش عارف انها حلوه قوي كده !!!

[ashouhdy]

فعلا افضل قيمة للسعر

[cardevil]

الكورى الوحش المستتر فعلا الناس اللى راكبة عربيات فاخمة لازم وحتما ولابد تلاقى عندهم عربية للبهدلة و90% بتكون كورى عشان موفرة في كل حاجة ..... وربنا يخليك لينا ايها الوحش الكورى المستتر في القريب العاجل حيعرفو قيمتك اللى بتتجاهل دلوقتى .

[keko]

ياجماعة الموضوع مش كدا وخلاص
يعنى اللادا ماهى حمالة اسية وحمارة شغل بس قرف فى سواقتها عشان كده برضه الناس بتمشى بيها تهريها وتقولك دى كلبة
الكورى عامل زى ما اليابانى عمل زمان نازل بسعر حلو وجودة كويسة وبينافس انما لو هاتتكلم ع الامانى الموضوع مش مجرد عمر مساعدين ولا طبلة باب تبوظ ... شوف عربية المانى تكون عاملة حادثة وهى ماشيه 180 واتقلبت ييجى 20 مرة تلاقى اللى طالع منها زى القرد دى اعلى امان واعلى عمر افتراضى بالاضافة لاختيارات التصفيح للشخصيات الهامة وكده يعنى تيجى لليابانى متاخر شوية عن الالمانى بس برضه يقل عنه شوية والكورى اقل من الاتنين ولكن نجحوا فى التفوق فى السعر وموديلات جديدة واسعار ممتازة انا عن نفسى لو هاغير هاجيب دايو لانوس القديم مش الجديد حمارة زى اللادا وقطع غيارها ارخص من الشاهين حتى لو نفس سعر اللانسر انما لو هاتتكلم فى اوكتافيا مثلا يدينا ويديك الصحة

[tutankhamoun]

شوف عربية المانى تكون عاملة حادثة وهى ماشيه 180 واتقلبت ييجى 20 مرة تلاقى اللى طالع منها زى القرد دى اعلى امان واعلى عمر افتراضى بالاضافة لاختيارات التصفيح للشخصيات الهامة وكده يعنى تيجى لليابانى متاخر شوية عن الالمانى بس برضه يقل عنه شوية والكورى اقل من الاتنين ولكن نجحوا فى التفوق فى السعر وموديلات جديدة واسعار ممتازة انا عن نفسى لو هاغير هاجيب دايو لانوس القديم مش الجديد حمارة زى اللادا وقطع غيارها ارخص من الشاهين حتى لو نفس سعر اللانسر انما لو هاتتكلم فى اوكتافيا مثلا يدينا ويديك الصحة

أي ألماني اللي حضرتك بتتكلم عليه ؟؟
المرسيدس و البي أم و الاودي اللي ثمنه معدي 300 ألف جنيه مصري ؟؟
و لا البولو و العربيات الصغيرة ؟؟؟

لو بتقارن يبقى نقارن عربيات زي بعض ........... مش بلاد تصنيع

و على فكرة أختبارات الأمان الأوروبية
كل العربيات الياباني دلوقتي و الكوري .............. بتأخد 5 نجوم فيها من أجمالي 5 نجوم .......... زيها زي أي ماركة تانية .

على فكرة أنا السنة اللي فاتت شوفت عربية بي أم دبليو ........... موتورها تقريبا وصل لكرسي السائق بعد ما السائق أتفرم
الله يرحمه كان بيعمل غرزه و مش شايف الطريق فيه أيه و لبس في أتوبيس
و العربية أتفرمت ............... و صاحبها مات ..........
و لا حول و لا قوة إلا بالله ............. و عربية ألماني !