توب جير: هل يوجد عربيه كورى او ماليزى كويسه؟؟

[Ahmed Samy]

مين اللي علق على كلام ............ جيمس كاي لما كان بيشكر في الجين 2 ؟؟؟؟؟؟؟؟؟؟؟
محدش علق على كلامه و مسكنا في التريقه بس .....

مع أن الراجل شكر في الجين 2 و قال عليها عربية حلوة ......
الراجل ده قبل كدا كان قايل على السيتروين سي 4 ...................... عربية زبالة ............ !!!!!

وحتى لما قال الجين كويسة قالها بعد ديباجة عن شراء لوتس البريطانية

و لما قالوا ان الجيتز كويسة ...و تديك احساس انها فولكس و تشبه ركوبة البولو

و بعدين قالوا ...بس تمنها مقرب من البولو ...يبقى راح سبب شراء الكوري !!!!

يا سلام ؟؟؟ ما هي عنصرية اهه و مافيش أي موضوعية

[M.Osman]

و فعلا البرنامج عنصري شوية و كوميدي أكتر منه برنامج نأخد منه رأي حقيقي عن العربيات ........

بالظبط كدا
...
..
.
حد شاف الحلقة الأخيرة بتاعت إمبارح؟؟
اتريق على الــــJaaaaaaaaag تريقة !! اقصد الــjaguar
مش ممكن Jeremy دا .. مستفز اوي و مش بتعجبه حاجة ..
و زي ما قال الأخ توت .. البرنامج كوميدي اكتر منه برنامج سيارات ..

[wawoo]

و العربيات الكوري و الماليزي مش تعبانين و إلا أصلا مكنوش دخلوا السوق الأوروبي .
و مكنتش هيونداي ( التعبانة في رأيك ) وصلت لأرقام مبيعات مهولة في السوق الأمريكي الصهيوني ........ و حصلت على سيارة العام في العام الماضي ..
...

طيب ممكن حضرتك تقولى مبيعات السيارات الكورية و الماليزية كام بالضبط فى اوروبا ,و لا حضرتك تقصد اوروبا الشرقية الفقيرة و كمان ياريت تقولى كمان على المودلات اللى بتنزل اوروبا اساسا لانة برغم ان كيا مثلا بتنزل افضل ما عندها من انتاج لاوروبا , ارقام المبيعات كلها ضعيفة .
و حتى اللى بتنزل مصر بتنزل بتجهيزات متواضعة جدا عن ماثيلاتها الاوروبية .
و اصلح لحضرتك المعلومات الى مش صح عند حضرتك برضو , مافيش ارقام مابيعات مهولة فى السوق الامركيى ولا حاجة اتفضل حضرتك ادى المابيعات هيونداى فى انخفاض مستمر انخفضت 22 % فى يناير 2008 فى الولايات المتحدة الامريكية " اية حكاية الصهيونية دى ؟؟ " وكل دة قبل الازمة العالمية عشان متقوليش انها السبب ...!!!!

Hyundai’s US Sales Drop By -22.6% in January


Saturday, February 02, 2008 Despite the addition of the Veracruz SUV in its range, Hyundai’s US sales in January recorded a significant plunge. The Korean carmaker sold 21,452 units for the month of January 2008 compared to 27,721 units in January 2007 which translates in a 22.6% drop. With the exclusion of the Accent, every single model in Hyundai’s line-up was down in sales compared to last year.
"We are disappointed with our sales results and recognize this is a challenging sales environment and the industry overall is struggling," said Dave Zuchowski, Hyundai Motor America's vice president of national sales. "We are hopeful that the government's proposed fiscal stimulus package and our newly announced incentives will get us back on track in February."

[wawoo]

ارجو بس يا جماعة قبل ما تصلحو اى معلومات ترجعو معلومتكم كويس الاول .
و طبعا حضرتك لم تذكر اى معلومات عن مابيعات بروتون او اى سيارة ماليزية فى الولايات المتحدة الامريكية لانها حتكون ارقام هزيلة كلها .

لا يا فندم لمعلومات حضرتك :
هيونداي أصبحت الصانع الأكبر من أكبر خمس صناع سيارات في العالم بسبب غزوها لأوروبا و امريكا الشمالية كندا و أمريكا الصهيونية ...

و اسمها "هيونداى كيا " مش هيونداى لوحدها , و مابيعات هيونداى كيا فى ظل الازمة العالمة تأكد ان عدد الفقراء فى العالم بيزيد , ولا تدل على جودة فى السيارت , ما الصين مغرقة العالم كلة
بمنتجات رديئة هلى معنى كدة انها منتجات جيدة . يبقى ارقام المابيعات فى العالم مش دليل فى الحكم على الجودة لان عدد الفقراء فى العالم كبير جدا .
يبقىالعبرة بالمابيعات فى الدول اللىبتفهم يعنى اية سيارات زى اوروبا .

و فعلا البرنامج عنصري شوية و كوميدي أكتر منه برنامج نأخد منه رأي حقيقي عن العربيات
و كل العربيات اللي بيجربوها فئة قليلة جدا اللي بتشتريها ........

طيب حضرتك قولى على برنامج مش عنصرى و انا اتفرج علية من بكرة ,
و محولتك لتقليل من شان برنامج بيعملو اكبر خبراء فى السيارات فى العالم حتكون بلا جدوى لانة برنامج ناجح بكل المقايس و انا شخصا اتعلمت حاجات كتير مهمة فى عالم السيارت من البرنامج دة ,
كون ان البرنامج بيقدم مادة فى شكل ساخر او كومدى احيانا ,دة لا يعيبة فى شىء بالعكس هو بيوصل معلومة صعبة فى شكل مؤثر عشان المشاهد يفهم و دة لا يمنع انة برنامج محترف جدا و دة بشهادة ال الملايين اللى بتتفرج علية فى جميع انحاء العالم "مش رايى انا لوحدى "

[wawoo]

و لعلم حضرتك انا شوفت نقد فى البرنامج لسيارت اوروبية و سيارات انجليزية حتى , لانة مش برنامج عنصرى ولا حاجة , هو بيحاول يوصل المعلومة بشكل مبسط عشان البسطاء اللى عوزين يشترو عربيات ما يضحكش عليهم من شعارات فاشلة و دعاية كاذبة لسيارت لا تساوى فى الحقيقة .

عموما يا جماعة انا مقدر انى موجود فى قسم الكورى و الماليزى ,و ان معظمكو معاة سيارت كورية و مش حتقبلو ببساطة اى نقد لاختيارتكم لسيارتكم , حتى لو كانت من خبراء محترفين " مش عنصريين " زى برنامج توب جير .

و على فكرة مافيش حاجة اسمها عنصرية فى شوية حديد و بلاستك , انت عجبك البرنامج و بتقدر التقييم اللى قالة اهلا و سهلا , مش مقتنع و شايف انة برنامج كومدى مش اكتر , يبقى زعلان لية انة بيتريق و بينقد السيارات , وانت اساسا شايف انة مش مؤثر فى اى حد , لانك ببساطة عارف انة بيتكلم بشكل علمى و عملى , و اظن دة واضح من التجارب اللى اتعملت و اللى بتتعمل على يد السائقين المحترفين فى البرنامج .

و زى ما قولتلك , قولى على برنامج اخر فية نفس مستوى المحترفين و عندة راى اخر ,و انا اتفرج بكل ترحاب . انما مجرد هجوم و خلاص لمجرد ان البرنامج قال راى معجبشك ...!!!

و انا بوجة رايى فى الاساس للعاوز يشترى سيارة جديدة و محتارة , و ممكن ينخدع باسعار رخيصة او كماليات لا فائدة منها فى سيارت متواضعة و كلها مشاكل على المدى الطويل , و كل واحد لة قرارة فى النهاية .

[wawoo]

Hyundai, Kia Target China Sales to Weather U.S. Slump (Update1)

By Seonjin Cha

Feb. 1 (Bloomberg) -- Hyundai Motor Co. and affiliate Kia Motors Corp., South Korea’s biggest carmakers, target record sales in China this year to help them weather the meltdown of auto markets in the U.S. and Europe..


و ادى انخفاض مستمر فى مابيعات هوينداى و كيا فى امريكا و اوروبا , خلاهم يتجهو للصين و من "على شكلتها" من الدول لمحاولة رفع المابيعات .

[Ahmed Samy]

عموما يا جماعة انا مقدر انى موجود فى قسم الكورى و الماليزى ,و ان معظمكو معاة سيارت كورية و مش حتقبلو ببساطة اى نقد لاختيارتكم لسيارتكم.

ده بقى بداية نهاية الحوار بالنسبة ليا

يا محترم ....من اللي بتكلمهم

اللي ركب الماني و ياباني و فرنسي و بعدها ركب كوري مش عشان فقير ...علشان مزاجه كده

ولما مزاجه يتغير يركب غيره و غيره

و بيركب افضل الألماني بجوار السيارات الكورية وعرف مستواها كويس (بالسلب و الإيجاب)و مش فاكرها طيارة يعني

بلاش تدعم محاولتك لاثبات وجهة نظرك بالصاق عقدة نقص في محدثك

اسلوب مرفوض

[wawoo]

بلاش تدعم محاولتك لاثبات وجهة نظرك بالصاق عقدة نقص في محدثك

اسلوب مرفوض

انا بدعم وجهة نظرى بكلام موثق و ارقام و نسب و اخبار , مش مجرد كلام مرسل , و شكرا على وصفى بانى عندى عقدة نقص ...... ربنا يسامحك .

[Ahmed Samy]

و شكرا على وصفى بانى عندى عقدة نقص ...... ربنا يسامحك .

ربنا يسامحنا جميعا يا عزيزي

ولكن انا لم أصفك بشئ ..برجاء اعادة القراءة

[wawoo]

ربنا يسامحنا جميعا يا عزيزي

ولكن انا لم أصفك بشئ ..برجاء اعادة القراءة

امين يا رب ...و يبقى انا فهمتك غلط يا احمد ...اسف ليك و تحياتى .

[Ahmed Anwer]

بص يا واوو باشا ،،

كوس ان حضرتك بتحاول تستخدم ارقام

بس بتعرضها بطريقة منفصلة عن سياقها

و منقي احصائية من يناير 2008

مع العلم ان كل الشركات في 2008 و 2009 مبيعاتها انخفضت في السوق الامريكية

بسبب الأزمة العالمية


و للعلم هيونداي و كيا من اقل الشركات تأثرا في السوق الامريكي

مينفعشي تجيب احصائيات شهر بشهر

من الآخر ترتيب المبيعات في السوق الامركية حاليا
كالتالي

GM بانخفاض مبيعات عن 2007 ..... 23%
Toyota بانخفاض مبيعات عن 2007 ....... 15.7%
Ford بانخفاض مبيعات عن 2007 ....... 20%
Chrysler بانخفاض مبيعات عن 2007 ........... 30%
Honda بزيادة مبيعات عن 2007 ......... 8.2%
Nissan بانخفاض مبيعات عن 2007 ....... 10.9%
Hyundai بانخفاض مبيعات عن 2007 ....... 14%
Volkswagen بانخفاض مبيعات عن 2007 ........ 4.4%
BMW بانخفاض مبيعات عن 2007 ........... 9.7%
Kia بانخفاض مبيعات عن 2007 ........... 7%

يليهم عالتوالي

مازدا / مرسيدس / سوبارو / ميتسوبيشي / سوزوكي

يعني كل الشركات الكبيرة مبيعاتها انخفضت و مع ذلك هيونداي و كيا منفصلين من ضمن اكبر عشر شركات مبيعا في الولايات المتحدة

و الجديد ايضا كل احصائيات المبيعات في شهور 2009 ،، كيا اصبحت ورا هيونداي مباشرة ،، هيونداي المركز السابع و كيا المركز الثامن متخطية فولكس جروب و شركاتها

المصدر ،،

http://blogs.edmunds.com/csx/2009/01/2008-us-auto-sales-top-selling-manufacturers--vehicles.html

تاني حاجة هيونداي بتتجه للسوق الصيني

يا راجل شركة مين في العالم اللي مش بتعيط عشان تحط رجلها في السوق الصيني

مقريتشي عن حلم كل الشركات في الأسواق الواعدة ؟؟ ( الصين و الهند )

انتا متعرفشي ان السوق الصيني تجاوز السوق الامريكي كاكبر سوق في العالم

طب بلاش تعرف ان فولكس فاجن بتبيع عربيات في الصين اكتر من اللي بتبيعها في المانيا نفسها ؟؟

و ده اتجاه عالمي اسواق بتقفل هنا فلازم تدور علي اسواق بديلة

ده فولكس جروب احتمال تتخطي تويوتا كاكبر صانع سيارات في العالم

نتيجة لان سوق تويوتا الاساسي امريكا الشمالية بيقع و بينهار

بينما فولكس سوقها الاساسي الصين متأثرشي بنفس الدرجة

[Ahmed Anwer]

بخصوص اوربا دي وضع مختلف ،، و الشركات الاسيوية مالهاش حظ هناك

ترتيب مبيعات السيارات في اوربا 2008

Volkswagen … 1,570,583 … 10.7 … -3.8
Ford … 1,224,750 … 8.3 … -4.1
Opel / Vauxhall … 1,155,422 … 7.9 … -14.0
Renault … 1,102,011 … 7.5 … -8.8
Peugeot … 1,007,713 … 6.8 … -9.0
Fiat … 957,267 … 6.5 … -2.0
Citroen … 857,694 … 5.8 … -9.2
Toyota … 785,242 … 5.3 … -11.8
Mercedes … 687,199 … 4.7 … -7.5
BMW … 675,454 … 4.6 … -4.1
Audi … 663,310 … 4.5 … +0.2
Skoda … 452,901 … 3.1 … -6.1
Nissan … 337,913 … 2.3 … +8.8
Seat … 336,210 … 2.3 … -13.0
Hyundai … 271,064 … 1.8 … -11.3
Honda … 264,238 … 1.8 … -15.7
Suzuki … 250,888 … 1.7 … -12.4
Mazda … 245,062 … 1.7 … +2.1
Volvo … 236,485 … 1.6 … -10.8
Kia … 234,965 … 1.6 … -7.3


لاحظ ان اكبر شركة سيارات في العالم ( تويوتا ) ترتيبها الثامن

يعني الأولي في العالم كله و الثامن في اوربا

[wawoo]

بخصوص اوربا دي وضع مختلف ،، و الشركات الاسيوية مالهاش حظ هناك

ترتيب مبيعات السيارات في اوربا 2008

volkswagen … 1,570,583 … 10.7 … -3.8
ford … 1,224,750 … 8.3 … -4.1
opel / vauxhall … 1,155,422 … 7.9 … -14.0
renault … 1,102,011 … 7.5 … -8.8
peugeot … 1,007,713 … 6.8 … -9.0
fiat … 957,267 … 6.5 … -2.0

تمام يا احمد باشا , شكرا على الاضافة و الاحصائيات دى .

[احمدعبدالعزيز]

دي ناس ساقت فيراري و لامبورجيني و بورش
فطبيعي جداً لما يسوق فيرنا أو ريو هيتريق عليهم
بس أنا ضحكت من اختبار الكليسا بجد راجل مبالغ فيه

[tarekabosdera]

الناس ده اعتقد لها هدف هو اساءة سمعة هيونداي وكيا عشان مبيعاتها تخف . مه العلم ان البرنامج ده بيتفرج عليه ملايين من كل انحاء العالم.

وبالتالي تزيد مبيعات الشركات الامريكية والاوروبية .