توب جير: هل يوجد عربيه كورى او ماليزى كويسه؟؟

[M.Osman]

على فكرة مصر فيها صناعة تجميعية جيدة جدا , لكن احنا محتاجين خطواط حقيقية فى مجال التصنيع بقى.
الموضوع مش معجزة لكن فين رؤس الاموال اللى عندها استعداد تثق فى العقول المصرية و تعمل حاجة بجد للمستقبل .
و مازالت البداية ممكنة حتى الان المهم العزيمة المطلوبة

و الله نفسي ..

[Ahmed Samy]

على فكرة مصر فيها صناعة تجميعية جيدة جدا , لكن احنا محتاجين خطواط حقيقية فى مجال التصنيع بقى.

الموضوع مش معجزة لكن فين رؤس الاموال اللى عندها استعداد تثق فى العقول المصرية و تعمل حاجة بجد للمستقبل .
و مازالت البداية ممكنة حتى الان المهم العزيمة المطلوبة

و الله يا واو

اتكلمنا في الموضوع ده قبل كده هنا

و كان الكلام طويل

و خرجنا اننا عايزين :
1 -رأس مال كبير
2 - مستثمر بعقل متفتح ومش مستعجل على الربح خالص
3 - تسهيلات من الدولة برفع الضرائب و الرسوم عن اي سيارة مصلية بشكل أصلي
4 -زبون يثق في صناعته أو يدعمها متقبلا عيوبها المبدئية بدافع وطني حتى تقف على أرجلها
5 - صانع محترم ..يحترم ابن جلدته الذي وثق فيه و اشترى منتجه بالصيانة و خدمات التطوير
6 - حماية جمركية للمنتج الجديد


و اكتشفنا اننا في دائرة مفرغة ....

ما فيش مستثمر وطني

و مافيش صانع محترم

و مافيش زبون فدائي

و مش هايفضل في حماية لفترة طويلة

و الحماية بتخلي الصانع يتسعر


و في النهاية المنتج غالبا " من اللي بنشوفه دلوقتي" لن يكون على مستوى جيد لسبب بسيط

غياب الدافع و قلة الضمير

[wawoo]

و اكتشفنا اننا في دائرة مفرغة ....

ما فيش مستثمر وطني

و مافيش صانع محترم

و مافيش زبون فدائي

و مش هايفضل في حماية لفترة طويلة

و الحماية بتخلي الصانع يتسعر


و في النهاية المنتج غالبا " من اللي بنشوفه دلوقتي" لن يكون على مستوى جيد لسبب بسيط

غياب الدافع و قلة الضمير

للاسف هى دى الخلاصة فعلا زى ما انت كاتب كدة يا دكتور احمد ..... وشكرا على الاضافة دى
80 مليون مواطن و كل رجال الاعمال دول , وكل المليارات اللى فى البلد دى ...و مافيش واحد فيهم عاوز يعمل مشروع زى دة ....معقولة
ولا لازم الواحد فيهم يكسب 1000% عشان يبقى اسمة عمل ربح فى الاخر .
يعنى مافيش اى امل خالص.......معقولة

[mnabil1980]

الحقيقة البرنامج دة فاقد للمصداقية لانه مليء بالمبالغات والاستظراف. دة غير العنصرية المقززة.

[mahgary]

انا شفت الحلقه ده
وفعلان معه حق
للاسف

[tameraast]

المنتج الكورى سئ فعلا ولكن ليس لهذه الدرجه

احنا بنشوف ارخص الكورى بس فى كورى حلو

مش زى الفيرنا

[seanmichaels]

غزو اية بس يا دكتور اللى بتتكلم علية دة .....فين الغزو دة بس الله يخليك .
مافيش حملة ولا حاجة... هى عربيات سيئة بالفعل , احنا بس اللى بنحب ندفن رسنا فى التراب , ونبرر كل حاجة تحت نظرية المؤامر و الحملات و خلافة .

بالارقام هذة السيارات فاشلة بالفعل فى اوروبا , و مش بسبب اى حملات , بسبب تصميمتها السىء وادائها المتواضع و خمتها الرديئة , فى مقارنة بسيطة مافيش مواطن اوروبى عاقل حيشترى فيرنا او بيكانتو او حتى سيراتو و هو عندة جولف و اوبل و بيجو .

اسواق هذة السيارت تتمثل فى الدول الفقيرة مثل الصين و مصر و امريكا الجنوبية مش اكتر من كدة
و الى بيشكك فى مصداقية البرنامج , يقولنا ازى ممكن سيارت بهذة الامكانيات الهزيلة ممكن تنافس فى اوروبا العرقية فى صناعة السيارت .

يا رجل دة اللادا ليسة ببتابع و بتجمع فى مصر , و هو سيارة من العصر الاشتراكى للاتحاد السوفيتى سابقا "على سبيل المثال يعنى ".

فعلا دى حملة عملها البرنامج , بس عملها لتوعية الزبائن اللى ممكن تخدعهم الاسعار الرخيصة لمثل هذة السيارت متواضعة "فى اوروبا طبعا مش عندنا " .

انا عارف انى حاتعرض لهجوم عنيف بعد المشاركة دى , لان للاسف هذة السيارت هى معظم ما يملكة الشعب المصرى حاليا بسبب الجمارك الخيالية ونسبة الارباح العجيبة للوكلاء ,لكن معظم الناس تتمنى تركب عربيات حقيقية مش عربيات كورى و ماليزى و صينى تعبانة .

لا طبعا , السيارات الكوري عربيات أداءها جيد و معمرة, و أسعارها خارج مصر تضاهي أسعار السيارات الياباني و في بعض الأوقات بتكون أغلى’ هنا في مصر المعارض بتستغل إن الشعب المصري مقتنع إن الياباني أحسن من الكوري فالوكلاء بيستغلو كده و بيضعو فرق كبير بين اليابني و الكوري في السعر, مثلا الالانترا مانوال في مصر ب97 و المازدا مانوال ب129, في حين إن الفرق بينهم في أمريكا لا يزيد عن 500 دولار, الكوريين كانو يضعو في سيارات كيا و هيونداي مواتير مازدا و ميتسوبيشي, يعني اليبانيون هم اللي علموهم فن صناعة السيارات, و أول سيارة فاخرة جدا هيونداي, كان إسمها ديبونير و كانت تصنيع ميتسوبيشي و هونداي مشترك, و هذه المعلومات عنها في هذا اللينك: http://en.wikipedia.org/wiki/Mitsubishi_Debonair.
كانت السيارة في كوريا إسمها هيونداي جراندير و في اليابان ميتسوبيشي ديبونير, و بعد ذلك أصبح تصنيعها بالكامل عن طريق شركة هيونداي و تحولت إلى مودلين: هيونداي إيكيوس المنافس القوي للسيارة كاديلاك إس تي إس و السيارة فولكس فايتون.و هونداي أزيرا السيارة المنافسة لتيوتا كامري اليابانية, يعني مثلا هيونداي إيكيوس و هيونداي جينيسيس أغلى من كل السيارات اليابانية معادا اللكزس.
و إليك الأسعار الحقيقية للسيارات اليابانية و الكورية و فارق الفلوس بينهم في هذه المواقع:
http://www.carprices.com/
http://autos.yahoo.com
drivearabia.com

[seanmichaels]

لا يا فندم
العربيات في مصر ثمنها قريب جدا من أسعار العالم ( لا تقارنا بالخليج )
الجمارك مش خيالية و لا حاجة ......... الجمارك خيالية على العربيات اللي أكبر من 1600 بس
أما الفئات اللي أقل من كدا ......... كل جماركها معقولة جدا و الأسعار متقاربة مع أسعار السوق الأوروبي و الامريكي الصهيوني .
بالنسبة لمكسب الوكلاء .........
لا تقارن أي وكيل كوري أو ماليزي بوكلاء اليابان اللي أسعارهم كلها مبالغ فيها بطريقة بشعة
هما دول اللي يتقال عليهم ........... جشعين في المكسب لأستغلال الأسم .

و العربيات الكوري و الماليزي مش تعبانين و إلا أصلا مكنوش دخلوا السوق الأوروبي .
و مكنتش هيونداي ( التعبانة في رأيك ) وصلت لأرقام مبيعات مهولة في السوق الأمريكي الصهيوني ........ و حصلت على سيارة العام في العام الماضي ..

للآسف أحنا في مصر بنبص لرقم تأسيس الشركة بس و لا غير .......
بغض النظر عن المنتج نفسه يستاهل أو لاءة .

أما فيما يخص رأيك ............. فده له كل أحترامه ...

انا بجد نفسي أفهم يعني إيه الجمارك مش خيالية ولا حاجة, يا سلام , يعني الأسعار في مصر زي أمريكا, نفسي أفهم إنتا الكلام ده جبته منين, طب إتفضل أسعار العربيات في أمريكا من مصدرين: و إبقى قارنهم بقى بأسعار العربيات في مصر:
New car pictures, prices and reviews - Yahoo! Autos
Car Prices, price quotes, new car prices, recommended car dealers.

[M.Osman]

يااااااااااه موضوع قديم اوي
و الخلاصة في وجهة نظري ان السوق الأمريكي هو المقياس

و كل واحد دماغه مريحاه