توب جير: هل يوجد عربيه كورى او ماليزى كويسه؟؟

[Eslam.Elrefaey]

غزو اية بس يا دكتور اللى بتتكلم علية دة .....فين الغزو دة بس الله يخليك .
مافيش حملة ولا حاجة... هى عربيات سيئة بالفعل , احنا بس اللى بنحب ندفن رسنا فى التراب , ونبرر كل حاجة تحت نظرية المؤامر و الحملات و خلافة .

بالارقام هذة السيارات فاشلة بالفعل فى اوروبا , و مش بسبب اى حملات , بسبب تصميمتها السىء وادائها المتواضع و خمتها الرديئة , فى مقارنة بسيطة مافيش مواطن اوروبى عاقل حيشترى فيرنا او بيكانتو او حتى سيراتو و هو عندة جولف و اوبل و بيجو .

اسواق هذة السيارت تتمثل فى الدول الفقيرة مثل الصين و مصر و امريكا الجنوبية مش اكتر من كدة
و الى بيشكك فى مصداقية البرنامج , يقولنا ازى ممكن سيارت بهذة الامكانيات الهزيلة ممكن تنافس فى اوروبا العرقية فى صناعة السيارت .

يا رجل دة اللادا ليسة ببتابع و بتجمع فى مصر , و هو سيارة من العصر الاشتراكى للاتحاد السوفيتى سابقا "على سبيل المثال يعنى ".

فعلا دى حملة عملها البرنامج , بس عملها لتوعية الزبائن اللى ممكن تخدعهم الاسعار الرخيصة لمثل هذة السيارت متواضعة "فى اوروبا طبعا مش عندنا " .

انا عارف انى حاتعرض لهجوم عنيف بعد المشاركة دى , لان للاسف هذة السيارت هى معظم ما يملكة الشعب المصرى حاليا بسبب الجمارك الخيالية ونسبة الارباح العجيبة للوكلاء ,لكن معظم الناس تتمنى تركب عربيات حقيقية مش عربيات كورى و ماليزى و صينى تعبانة .

معاك حق

[densfog]

اسمحولى اضيف نقطه تانيه للحوار ده وهو ان موضوع الأحتماليه - نوعا ما- مبقاش لصالح الأوروبى 100% فعلى مستوى مصر يوجد سيارات اوروبيه عريقه مثل الرينو والسيتروين والبيجو والفيات وتظهر بها مشاكل فى السياره بعد الأستخدام لم تظهر فى كثير من السيارات الكورى او الماليزى , وذلك بخلاف استهلاك البنزين وقوه الموتور والتى بصفه عامه حاليا تتجه ناحيه اليابانى والكورى وبالنسبه للعمر الأفتراضى كلنا لوقتنا الحالى بنشوف الدايو الأسبيرو والريسر و السيفياو لهيونداى الأكسيل و.. و.. ومنهم من تستخدم كتاكسى مثل الأكسنت ومازالت حالتها جيده جدا و تسمح باستخدامها لفترات اطول وده مش معناه انى بقول الكورى والماليزى افضل من الأوروبى والأمريكى من كل النواحى بس فى نفس الوقت مش عربيات سيئه بالفعل ولا تصميمها سئ (بالعكس سيارات كوريه كثيره تصميمها الخارجى والداخلى افضل من سيارات اوروبيه كثيره) كما قال الأستاذ wawoo ولكنها سيارات تعطى اصحابها مقابل جيد للقيمه المدفوعه فيها ... ورايى المتواضع بلاش نتكلم بالتراث القديم ان الأوروبى افضل من اى سياره اخرى فلنجعلها مقارنه بين سياره واخرى من حيث المميزات والعيوب واراء مستخدمى السيارتين , والسلام عليكم

[tarekabosdera]

اسمحولى اضيف نقطه تانيه للحوار ده وهو ان موضوع الأحتماليه - نوعا ما- مبقاش لصالح الأوروبى 100% فعلى مستوى مصر يوجد سيارات اوروبيه عريقه مثل الرينو والسيتروين والبيجو والفيات وتظهر بها مشاكل فى السياره بعد الأستخدام لم تظهر فى كثير من السيارات الكورى او الماليزى , وذلك بخلاف استهلاك البنزين وقوه الموتور والتى بصفه عامه حاليا تتجه ناحيه اليابانى والكورى وبالنسبه للعمر الأفتراضى كلنا لوقتنا الحالى بنشوف الدايو الأسبيرو والريسر و السيفياو لهيونداى الأكسيل و.. و.. ومنهم من تستخدم كتاكسى مثل الأكسنت ومازالت حالتها جيده جدا و تسمح باستخدامها لفترات اطول وده مش معناه انى بقول الكورى والماليزى افضل من الأوروبى والأمريكى من كل النواحى بس فى نفس الوقت مش عربيات سيئه بالفعل ولا تصميمها سئ (بالعكس سيارات كوريه كثيره تصميمها الخارجى والداخلى افضل من سيارات اوروبيه كثيره) كما قال الأستاذ wawoo ولكنها سيارات تعطى اصحابها مقابل جيد للقيمه المدفوعه فيها ... ورايى المتواضع بلاش نتكلم بالتراث القديم ان الأوروبى افضل من اى سياره اخرى فلنجعلها مقارنه بين سياره واخرى من حيث المميزات والعيوب واراء مستخدمى السيارتين , والسلام عليكم

كلامك ممتاز و عقلاني.

بس احب اوضح حاجة. انا لما قلت اني لما احب اجيب حاجة اعلى من الكوري هجيب اوروبي او امريكي.

مقصدش الاوروبي ( الفيات - الستروين - الرينو - البيجو ......) انما اقصد فخر الصناعة الاوروبية ( فولكس - اوبل - بي ام - مرسيدس ).

لان في شركات اوروبية كتير زي اللي ذكرتها مستواها في الجودة اقل من الكوري ( هيونداي).

[wawoo]

وده مش معناه انى بقول الكورى والماليزى افضل من الأوروبى والأمريكى من كل النواحى بس فى نفس الوقت مش عربيات سيئه بالفعل ولا تصميمها سئ (بالعكس سيارات كوريه كثيره تصميمها الخارجى والداخلى افضل من سيارات اوروبيه كثيره) كما قال الأستاذ wawoo ولكنها سيارات تعطى اصحابها مقابل جيد للقيمه المدفوعه فيها

انا معاك يا اخ دنس فوج ان السيارات الكورية و الماليزية تعطى مقابل جيد للقيمة المدفوعة فيها .
و كمان انا بلغت شوية لما قولت انها سيارات سيىء بشكل عام كدة ...انا كنت اقصد اكتر السيارات اللتى تم اختبراها فى البرنامج "توب جير" .

السيارات الكورية بتتقدم فعلا بخطى جيدة , و كل موديل جديد فى تطوير جيد .

لكن المشكلة فعلا ان احنا بسبب عوامل كتيرة فقدنا السيارت الاوروبية المنافسة فى نفس الفئات
و دة بسبب ان المودلات الجديدة منها اسعارها خرجت عن نطاق القدرة الشرائية لمعظم الزبائن المصريين , و هو ما ترك المجال مفتوح امام السيارت الكورية و غيرها للمنافسة باسعار اقل .

للاسف السوق المصرى يعانى من كثير من الفوضى , و دة واضح فى ظهارة انتشار سيارات زى السيارت الصينى فى مصر مثلا , لو كان هناك معاير ثابتة لتقييم السيارت فى مصر , كنت حتقدر تفرق بسهول الجيد من البخس , لكن للاسف مافيش تقيمات حقيقية للسيارت فى مصر من خبراء محترفين
.
و الامر متروك فى النهاية لاعلانات الوكلاء و مقالات الصحفيين الغير محايدة , وتقيمات بعد الزبائن .

[SOBKY]

انا رايي المتواضع عن البرنامج ده انه برنامج جيد.
لاكتر من مرة يتم انتقاد سيارات اوروبية و انجليزية زي الاوستن مارتن مثلا و كمان لصالح سيارات اسيوية.
و مش شايف انه عنصري بالدرجة الاوفر يعني .. و لو فيه لمسة عنصرية فده مش غريب على الانجليز.
لكن
فيه حلقة انا شوفتها كان بيتكلم عن سيارات دول الكتلة الشيوعية. و طبعا من اهمهم اللادا. حد شافها دي ؟؟؟
و علق فيها و قال انها سيارة بتقنية الستينات و حاليا اتاخد ترخيص و بتتجمع بواسطة مجموعة من المصريين (باللفظ) .. و سكت ... و ضحك.
يا ريتحد يشوف المقطع ده و يحكم .. و يمكن دي المرة الوحيدة اللي جت فيها سيرة مصر في البرنامج.
YouTube - Lada in Top Gear

[wawoo]

فيه حلقة انا شوفتها كان بيتكلم عن سيارات دول الكتلة الشيوعية. و طبعا من اهمهم اللادا. حد شافها دي ؟؟؟
و علق فيها و قال انها سيارة بتقنية الستينات و حاليا اتاخد ترخيص و بتتجمع بواسطة مجموعة من المصريين (باللفظ) .. و سكت ... و ضحك.
يا ريتحد يشوف المقطع ده و يحكم .. و يمكن دي المرة الوحيدة اللي جت فيها سيرة مصر في البرنامج.
youtube - lada in top gear

المرة الاولى و الاخيرة ....و انا شوفت الحلقة دى يا سبكى و بالرغم انى مصرى و بحب بلدى , لكن قعدت اضحك برضو ...
مهى اصلها يا سبكى حاجة تكسف صحيح ...يعنى عربية تصميم الستينات .... و بعدين راحت روسيا و قامو بالواجب معها , و فى سنة 2009 بتجمع فى مصر حتى الان , تفتكر يعنى دى عربية حد يدفع فيها جنية حتى .

للاسف السوق المصرى بسبب الجمارك العجيبة ,فية سيارات لاتصلح للاستخدام اساسا , وسيارت اقل وصف ليها انها خطر على اصحبها فى ظل معدلات الامان و التكنولوجيا الموجود الان فى السيارات الحديثة .

[wisambasha]

دا انا علي كده مش هركب عربيتى الريو تاني و تقريبا كدة مش هركب عربيات علي قد فلوسي في مصر

[tutankhamoun]

للتذكير عن مبيعات الشركات الكورية ( اللي في رأي مقدمي البرنامج ) و في رأي بعضنا كمصريين أنها سيارات سيئة :
هيونداي مبيعاتها عام 2007 وصلت ل 467 ألف سيارة في العام في السوق الأمريكي الصهيوني فقط
أنخفضت المبيعات عام 2008 إلى 401 ألف سيارة في هذا العام . في السوق الأمريكي الصهيوني فقط .

يعني مبيعات مهولة في سوق دولة واحدة و من أصعب الدول كمان لدخول السيارات في السوق الخاص بهم ........

حصول السيارة هيونداي جينيسيس على جائزة أفضل سيارة في هذا الحجم عام 2007 تقريبا .......
حصول السيارة هيونداي إلنترا على سيارة العام في الولايات المتحدة الصهيونية في عام 2008 تقريبا أو 2007 ......... مش متذكر .

سيارات هيونداي الجديدة أغلبها ........... حاصل على 5 نجوم في أختبارات الأمان الأوروبية .

برنامج توب جير نفسه أعطاها ( هيونداي 30 ) 11 من 20
و تقييمهم للرينو الميجان ............ 9 فقط من عشرين .
و تقييمهم للفوكس هول أسترا أو أوبل أسترا ........... 12 من 20 ..........
و بروتون جين 2 ........ 9 من عشرين زي الميجان ..... و بأقل درجتين عن الهيونداي 30 و أقل 3 درجات من الأسترا ....
كيا سيد ......... 11 من 20 ...... زي الأسترا الأوروبي العريقة ........ و زي الهيونداي 30 و أكتر من الميجان الأوروبي العريقة .
فيات برافو .......... 12 من 20
و موقع توب جير موجود و اللي عايز يتأكد يتفضل يخش و يدور على المعلومات .


Less than a decade ago, the Hyundai-Kia Automotive Group was ranked 11th in the world in total sales volume. According to the latest publishing of the Automotive News 2008 Global Data Book, the automaker has impressively passed Honda to take 5th position. To climb six positions in just eight years isn't a simple accomplishment as it required stepping over such global automakers as Fiat, Chrysler, PSA/Peugeot, Nissan, and Honda. Last year, Hyundai-Kia sold 3,961,629 automobiles worldwide (Hyundai sold 467,000, and Kia 305,473 in the United States alone). While they still have a long way before they reach 4th position currently held by Ford (global sales of 5,964,000 in 2007), their move into other markets as witnessed by the luxurious 2009 Hyundai Genesis and the group's favorable June automotive sales (even in a depressed market) demonstrate the increasing strength of the Korean automaker.


و ده تقرير عن أرتفاع أسهمهم في السوق الأمريكي مقارنة بجنرال موتورز و تويوتا ( 23 يوليو 2009 ) ده كان تاريخ التقرير جريدة نيويورك تايمز
Such a strategy and the growing popularity of its fuel-efficient Elantra and Accent small cars helped Hyundai expand its U.S. market share to 4.3 percent, compared with a 3.1 percent share a year earlier. In contrast, Toyota Motor and General Motors saw their market shares slipping in the same period. Toyota’s U.S. sales dropped by almost 35 percent in June.

Hyundai, together with its affiliate Kia Motors, forms one of the world’s biggest automotive groups.
The two expanded their combined share of the American market to 7.3 percent, up from 5 percent last year


Hyundai has also had its image polished by its luxury Genesis model, which was named the North American car of the year at the 2009 Detroit Auto Show.



على فكرة أنا عمري ما أشترت هيونداي و لا بأفكر حتى أشتريها ..............
تجبتي مع الكوري عموما ( مع الأقارب و الأصدقاء فقط )

إنما مش علشان مش عايز أشتري هيونداي مثلا ....... أقول عليها وحشة لمجرد أنها مش ياباني أو أوروبي .

في الثماينيات لما الشركات اليابانية بدأت تأخد موضعها في صناعة السيارات العالمية
الكل كان بيقول عليها اللي كل الناس بتقوله على الكوري ( كلام بدون تجارب ) ......
لمجرد أنه أسم جديد في عالم السيارات مقارنة بالسيارات الأوروبي ..... و يليها الياباني في التاريخ .

و إن كان مفيش قاعد من غير تطوير ........
الكل بيطور نفسه ......... أوروبا ........ و اليابان ............. و كوريا ......... و ماليزيا ( ربنا ينور طريقهم .... آمين يارب العالمين ) ......... و الأمريكان الصهاينة ................ مفيبش غيرنا أحنا اللي لسة مستهلكين ..... و بس .





اللي أنا عايز أقوله ........
أحنا ليه بنحكم على كل حاجة بدون تجارب .........؟؟؟؟ بس هي دي كل الحكاية .
و مش معقول تكون هيونداي شركة تعبانة و زبالة و تبيع في أكبر سوق في العالم فوق 400 ألف سيارة سنويا .
يعني مبيعات مثل السوق المصري كله مرتين أو ثلاثة مرات بحالهم و محتالهم .....

أكيد ال 400 ألف سواق اللي أشتروا عربيات هيونداي ........ و 300 ألف أللي أشتروا عربيات كيا في أمريكا مش هبل و لا عبط علشان يشتروا عربيات زبالة و هما عندهم أسعار العربيات دي قريبة جدا من التويوتا و الهوندا ............

يعني مجموعة هيونداي كيا بتبيع عربيات في السوق الأمريكي الصهويني ........... 700 ألف سيارة يعني 3-4 مليون سيارة في العام
الرقم ده أكبر من شركة زي فيات ..... أو فولفو ........ أو أوبل ......... يعني هيونداي التي تأسست عام 1967 بتبيع عربيات أكتر من شركات تم تأسيسها من 100 سنة .......
و كمان رقم هيونداي في المبيعات أكبر من سكودا .....

على فكرة رقم المبيعات مش هو المحدد لجودة السيارات لوحده ............ فيه عوامل كتيرة .
و لكن بيدل ان العربيات دي ذات جودة علشان تعمل الرقم ده ........
يعني ممكن عربية زي الأكسودا أوكتافيا مثلا ...... أو عربية فولفو مننفس الفئة تكون أحسن من الهيوندا ي ألنترا على سبيل المثال

و لكن الرقم العالي للميعات يدل على جودة المنتج ..


حاجة كمان يا جماعة ........ لو الجمارك رقمها عجيب ........ ما هو عجيب على الكل ......
يعني كل العربيات عليها جمارك مش الأوروبي بس .......

و مش معنى أن عربية أغلى من عربية يبقى الأغلى تكون أحسن و خلاص .
كل بلد لها ظروفها الأقتصادية اللي بتتغير لكل شركة
يعني مثلا كوريا العمالة فيها أقل قليلا من اوروبا ....... الضرائب أقل ....... أسعار الموردين ممكن تكون أقل ........ فرق العملة
زي المنتجات الأنجليزي اللي من المستحيل أنها تنافس في السوق العالمي
لأرتفاع الأجور العالي جدا
ارتفاع الضرائب جدا
ارتفاع قيمة العملة
و بكدا نلاقي المنتجات الانجليزية بتلاقي منافسة صعبة جدا من منافسين عندهم ظروف داخلية في بلدهم أحسن من بريطانيا و بالتالي بتساعد الظروف دي بلد زي كوريا أو ماليزيا أو دول أمريكا الجنوبية أنها تنافس أعلى .

و كوريا لم تصل إلى رقم 5 أو حتى من أكبر 10 صُناع في السيارات في العالم من فراغ ...........

[M.Mekawy]

فيديو اللادا دا مسخرة , ربنا يسامح اللى خلاهم يتريقوا علينا كدة
خلينا احنا فى اللادا و اللانوس

[wawoo]

حاجة كمان يا جماعة ........ لو الجمارك رقمها عجيب ........ ما هو عجيب على الكل ......
يعني كل العربيات عليها جمارك مش الأوروبي بس .......

و مش معنى أن عربية أغلى من عربية يبقى الأغلى تكون أحسن و خلاص .
كل بلد لها ظروفها الأقتصادية اللي بتتغير لكل شركة

ما هى دى الفكرة يا توت ان لما الجمارك زادت زادت على الكل فعلا ,و الكل غلى و بالتالى السيارات الاوروبية الرخصية سابقا خرجت برة المنافسة السعرية بالرغم انها كانت تحتل المكانة الاول فى الاختيار فى السابق لجودتها ,

و بالتالى اصبح امام الناس اختيار واحد فقط فى نطاق سعرى اللى معظم المصريين يقدر يتحملوة , يعنى الاختيار اصبح محصور فى دول واحدة او اتنين بسبب قدرات المصريين الاقتصادية مش بسبب جودة السيارت دى مقارنة بماثلاتها الاوربية مثلا .


و مش معنى كلامى انها سيارات لا تستحق , هى تستحق ما دفع فيها , لكن هناك الافضل , و صحيح ان مش دائما الاغلى هو الافضل , لكن بوجه عام الاغلى فى معظم الاحيان بيكون اغلى لسبب ما فى الجودة و التقنية .

و عجبنى يا توت انك جيبت تقيمات توب جير , مما ياكد انة برنامج محايد و ان التقيمات دى من خبراء فعلا .

و عموما يا جماعة هو الهدف اننا نمتلك الخبرة الازمة لتقيم السيارة من حيث جودة الصنع و جودة القيادة , هو دة الهدف من كل المقارانات و المناقشات دى , و الافضل كمان الاستعانة باراء المحترفين و اخذ تقيميات دى بجدية عند الاختيار فعلا .

[kh_talaat]

معلش يا جماعة سؤال كدة .... هو البرنامج دة بيجي على قناة ايه ؟؟

وآسف على مقاطعتكم ومستمتع بالحوار

[M.Osman]

انا رايي المتواضع عن البرنامج ده انه برنامج جيد.
لاكتر من مرة يتم انتقاد سيارات اوروبية و انجليزية زي الاوستن مارتن مثلا و كمان لصالح سيارات اسيوية.
و مش شايف انه عنصري بالدرجة الاوفر يعني .. و لو فيه لمسة عنصرية فده مش غريب على الانجليز.
لكن
فيه حلقة انا شوفتها كان بيتكلم عن سيارات دول الكتلة الشيوعية. و طبعا من اهمهم اللادا. حد شافها دي ؟؟؟
و علق فيها و قال انها سيارة بتقنية الستينات و حاليا اتاخد ترخيص و بتتجمع بواسطة مجموعة من المصريين (باللفظ) .. و سكت ... و ضحك.
يا ريتحد يشوف المقطع ده و يحكم .. و يمكن دي المرة الوحيدة اللي جت فيها سيرة مصر في البرنامج.
YouTube - Lada in Top Gear

يااااااه عالحلقة دي ...

A 40-year old italian designed, developed by the russians are now made by a "BUNCH" of Egyptians :|

هي حاجة تموت من الضحك طبعاً و حاججة تكسف في نفس الوقت

معلش يا جماعة سؤال كدة .... هو البرنامج دة بيجي على قناة ايه ؟؟

وآسف على مقاطعتكم ومستمتع بالحوار

هو حاليا بيجي على mbc action يوم الأربعاء الساعة 8 مساء
هو بيتعاد تاني يوم الجمعة او السبت لكن مش عارف امتى..

( بالمناسبة الحلفات اللي بتيجي عالـmbc ليست من الموسم الـ13 الحالي )

[SOBKY]

يااااااه عالحلقة دي ...

A 40-year old italian designed, developed by the russians are now made by a "bunch" of egyptians :|

هي حاجة تموت من الضحك طبعاً و حاجة تكسف في نفس الوقت

و لو كملت لاخر الجملة دي ... هتلاقيه بيقول ... لايمكن ان يكون هناك اسوأ من ذلك .

[SOBKY]

المرة الاولى و الاخيرة ....و انا شوفت الحلقة دى يا سبكى و بالرغم انى مصرى و بحب بلدى , لكن قعدت اضحك برضو ...
مهى اصلها يا سبكى حاجة تكسف صحيح ...يعنى عربية تصميم الستينات .... و بعدين راحت روسيا و قامو بالواجب معها , و فى سنة 2009 بتجمع فى مصر حتى الان , تفتكر يعنى دى عربية حد يدفع فيها جنية حتى .
.

انا والله موتت من الضحك ... و قول طيب الحمد لله برده ..
اسم مصر اتقال في توب جير حتى لو بالتريقة.
ما هم بيتريقوا على دول عملاقة .. جات علينا احنا يا مفاعيص . اهو حتى تنساوي بيهم في اي حاجة.

[wawoo]

انا والله موتت من الضحك ... و قول طيب الحمد لله برده ..
اسم مصر اتقال في توب جير حتى لو بالتريقة.
ما هم بيتريقوا على دول عملاقة .. جات علينا احنا يا مفاعيص . اهو حتى تنساوي بيهم في اي حاجة.

على فكرة مصر فيها صناعة تجميعية جيدة جدا , لكن احنا محتاجين خطواط حقيقية فى مجال التصنيع بقى.
الموضوع مش معجزة لكن فين رؤس الاموال اللى عندها استعداد تثق فى العقول المصرية و تعمل حاجة بجد للمستقبل .
و مازالت البداية ممكنة حتى الان المهم العزيمة المطلوبة