عملت حادثه بشعه بالـ gen2

[mamado_golf]

حمد الله على السلامه

[M.Mohsen_Saleh]

أولا الحمد لله على كل شيء
من ملاحظتي للصور، أنا أرشح العربية دي لكل مواطن. العربية حسب كلامك ماشية على 180 و اتقلبت و الصالون بتاعها لسة متكسرش، عايز ايه تاني من العربية. خد بالك ان مش مكتوب في الكتالوج انها أمان على السرعات ديه. حاجة كمان ناس كتير بتتكلم فيها و بتظلط المصنع عليها. الأير باج معمول فقط عشان يحمي السائق من الموت و مش عشان يحسسه بان العربية أمان، علما بأن الأير باج يعتبر قنبلة و ليها أخطار رهيبة لو اشتغلت في ظروف خاطئة قد تصل الي الموت.
الأير باج فتحه يكسر الرقبة بسهولة لو كانت الحادثة مش بالقوة اللى معمول عشانها.
طبعا شاكك في كلامي و لكن ممكن اعرضلك كم الأبحاث عن الموضوع ده.
و في الاخر القرار ليك تصدق أو تكذب. هتقولي فيه عربيات تانية بيفتح فيها الأيرباج، متقدرش تحدد التسارع في عربياتهم كانت حالته ايه. الأيرباج بتاع السائق بيشتغل عند 100 جي، و ده تسارع يدمر الجمجمة، أما الستائر الهوائية بتبقى على 30 جي عشان تحمي كسور الحوض و الرجلين ، و ها كذا. اسأل أي متخصص سمكرة و هو يقوللك العربية ديه كده كويسة و لا لأ.
شوف الكرورلا في حادثة شبيهة بيحصلها ايه. ربنا ستر الحمد لله. أنا شوفت كورولا مقسومة بالنص كأن سكينة في الحلاوة.

[Abdo_Eldesokey]

crashes where the air bag should not deploy
your air bags should not deploy in those accidents where they will not prevent your injuries. After all, air bags can deploy at speeds of more than 200 mph, and you should not be exposed to those kinds of forces if it won't help you. Thus, [overline]your frontal air bags should not deploy in side impacts, rear impacts and rollovers[/overline] where there is no significant deceleration from front to back.
"

يا جماعة ما الراجل جاب المفيد أهو

الإيرباج الأمامية مش بتفتح في حالة التصادم الجانبي والخلفي والانقلاب

بتفتح فقط في حالة التصادم الأمامي ، وفائدتها التقليل من تأثير القصور الذاتي على السائق

[Sout_Sout]

يا جماعه انا مقلتش ان العربيه مش جامده
انا قلت الصاج بتاعها حديد
ومش اعترضت على العربيه بسبب الحادثه
انا اعترضت انها المفروض يكون فيها اهتمام اكتر من كده بكتير
لأن ليها شعبيه جبارة
وكل الشباب بتعشقها
وفعلاً خامتها سيئه للغايه
وتقفيل مش تمام
ولو لاحظت
80 % من العربيات هتلاقى فيها عيوب
مش كلها طبعاً
بس فى عيوب كتير
وانا اسف
انا مقلتش الكلام ده علشان اكرهه الناس فيها
انا كل اللى عايزه ان الوكيل يهتم بالموضوع ده ويخلى المصنع يهتم بالخامات المستخدمه اكتر شويه
ويا جماعه
كام واحد الفيتيس عنده قشر
وكام واحد المالت فنكشن بيعلق
يا جماعه والله محتاجه اهتمام اكتررررررررررررر
انا شايف كده من وجهه نظرى
واسف لو وجهه نظرى زعلت حد
والحمد لله
والف مليون شكر لكل الاعضاء اللى اهتموا بى قوى كده
والله فعلاً بحس ان احنا كلنا اخوات

[MohabSaeed]

حمدلله على سلامك .الحمد لله انك سليم .. فداك 100 عريبه

الصور الى شايفها بتبين حاجه واحده .... ان جسم العربيه ماشاء الله قوى جدا جدا جدا ...يمكن لدرجه انا ماكونتش اتخيلها !

حضرتك قولتها عربيه ب 85 الف جنيه ....اكيد مش حيكون فيها كل حاجه زى عربيه ب 250 الف جنيه .

انا شايف ان كويس جدا ان خامتها مش ممتازه فى مقابل انها تكون قويه بالشكل ده و ثابته بالشكل ده و فيها عوامل امان و كماليات بالحجم ده ؟

بالنسبه لموضوع ان الايرباج ... الايرباج مش بيفتح غير فى الصدمات الاماميه المباشره .
حضرتك اتخبط من الجنب ورا و العربيه اتقلبت مش حيفتح . و ده فى اى عربيه مش جين2 بس .

بصراحة انا لو مكانك و الحمد لله طلعت من حادثه بشعه بالشكل ده ...
اول حاجه ححمد ربنا
تانى حاجه ممكن ابعت جواب شكر لبروتون ماليزيا
تالت حاجه حفكر اجيب جين2 تانى .


مره تانيه الف حمدلله على سلامتك ....

[Sout_Sout]

أحمد حلمى
حاولت ارد عليك على الخاص بس حضرتك عامل عدم تلقى رسائل خاصه من الاعضاء
وعلى العموم رقمى
0187876668

[Sout_Sout]

يا جماعه العربيه اتخبطت خبطه مباشره من قدااااااااااااااام والله
هههههههه
مش مصدقين
لما اتقلبت على سقفها اتخبط تانى على وش العربيه
ده الاكصدام اتبطط
والاكصدام الحديد دخل لجوا خالص
بس اتملص لما كنا بنقطرها فى الونش
جه يسد من الاكصدام اتخلع
العربيه من قوه الخبطه قدام باشت
والحمد لله
بس بصراحه
شافت معايا ايام زى العسل

[MNBahr]

أولا ألف حمدلا على سلامتك وفداك 100 عربية ..بنسبة ل موضوع ال air bag أنا عايز اقولك إنك مش أول واحد يحصل معاه الحوار ده في الجين 2..ولو سمحتوا يا جماعة أنا مش عايز حد يمسك في خناقي عشان أنا من ملاك هيونداي أنا بس بقول للراجل ..وعندي دليل ..لو أي حد هنا في المنتدى ساكن في الرحاب أو التجمع كمان هيؤكد الموضوع ده..السنة اللي فاتت في شهر 5 كان في عربية جين 2 على طارق السويس لونها فراني برده خدت خبطة زيك من قدام و ال air bag مفتحتش وده اتسبب في مت 3 من 5 كانوا في ال عربية..أنا كنت أعرف الناس اللي جوه دي شخصيا وممكن اجيب صور..وعمتن اللي هيدور على جوجل هيلاقي الحادثة مكتوب عنها..أنا والله ماجاي اعيب في عربية حد ولا أي حاجة يا جماعة أنا جاي أقول للراجل ميسبش حق وربنا معاه ويعينه ويرزقه بأحسن منها إن شاء الله
ياريت أكون الدرة اوصل اللي أنا عايزه

[sha2e]

أولا حمد لله على سلامتك قبل اى حاجه
وبصراحه بعد الكلام اللى قلته عن الحادثه يبقى كتر الف خير العربيه
ويبقى هيا كده عملت الل عليها وزياده كمان

وحمد لله على سلامتك تاني

[Abo.Mayyam]

أولا ألف حمدلا على سلامتك وفداك 100 عربية ..بنسبة ل موضوع ال air bag أنا عايز اقولك إنك مش أول واحد يحصل معاه الحوار ده في الجين 2..

بالمناسبة ده مش عيب ولا حاجة أكيد السنسور بتاع ال airbag متخبطش عشان تفتح ...

وبعدين لو ال Airbag فيها أى مشكلة الكمبيوتر بتاع العربية مش هيسكت وهيدى إنذار...
ولو روحت التوكيل الصحراوى هتشوف كم العربيات المفتحة إيرباجاتها وفى عربيات مفتوح الairbags بتاعتها من مجرد خبطة فى الرصيف (طيرت المقصات وشغلت ال airbag sensor)

وربنا يسترها معانا جميعا يا رب

[Abdo_Eldesokey]

أولا ألف حمدلا على سلامتك وفداك 100 عربية ..بنسبة ل موضوع ال air bag أنا عايز اقولك إنك مش أول واحد يحصل معاه الحوار ده في الجين 2..ولو سمحتوا يا جماعة أنا مش عايز حد يمسك في خناقي عشان أنا من ملاك هيونداي أنا بس بقول للراجل ..وعندي دليل ..لو أي حد هنا في المنتدى ساكن في الرحاب أو التجمع كمان هيؤكد الموضوع ده..السنة اللي فاتت في شهر 5 كان في عربية جين 2 على طارق السويس لونها فراني برده خدت خبطة زيك من قدام و ال air bag مفتحتش وده اتسبب في مت 3 من 5 كانوا في ال عربية..أنا كنت أعرف الناس اللي جوه دي شخصيا وممكن اجيب صور..وعمتن اللي هيدور على جوجل هيلاقي الحادثة مكتوب عنها..أنا والله ماجاي اعيب في عربية حد ولا أي حاجة يا جماعة أنا جاي أقول للراجل ميسبش حق وربنا معاه ويعينه ويرزقه بأحسن منها إن شاء الله
ياريت أكون الدرة اوصل اللي أنا عايزه

يا ريت يا باشا لو معلومات أكتر عن الحادثة دي وتفاصيلها

إحنا يهمنا بردوا نعرف الحقيقة فين

وربنا يرحم الي كانوا في العربية دي

[eslam_wega]

بجد ولا بتهزار 180 وبتغراز وكمان نقل خبطتك من وراء
الكلام دة لو حصل مع بورش هتتقلب
وفى الاخر العربية ما شاء الله بالقوة دى بعد 13 قلبة وعلى السرعة دى
واكنها مقلوبة على 60 كليو وقلبة واحدة
وحتى الازاز مدخلش على الصالون والسقف وكل حاجة مفيش فيها خبطة عميقة
وتقولى العربية مش عاجبك
بصراحة انا الى مش عجبى حاجة واحدة
سوقة حضرتك
انا لسة كنت بسال احمد قالى لو راكب بورش مفيش غرز بعد 160
لكن بنظام سواقتك دة حتى الفئة السابعة مش هتعجبك
شكرا ليك انك خلتنا نحب العربية اكتر وعملتنا التست الجامد دة
جين 2 الى الابد

[MNBahr]

يا ريت يا باشا لو معلومات أكتر عن الحادثة دي وتفاصيلها

إحنا يهمنا بردوا نعرف الحقيقة فين

وربنا يرحم الي كانوا في العربية دي

الحادثة دي كانت على طريق السويس اتجاه وإنت رايح الرحاب..بعد جردينية بشوية كده كانت عربية جن 2 رايحة اتجاه مدينة نصر..الكاوتش فرقع راحت الاتجاه التاني وخبطت في 504 وش وش واتقلبت كذا مرة ..الحادثة دي جت في قنوات كتير منها قناة الحياة..تفاصيل أكتر..هحول اجبلك صور للعربية مع إني عارف إنها مش مفيدة..وربنا يرحمهم

[MNBahr]

بالمناسبة ده مش عيب ولا حاجة أكيد السنسور بتاع ال airbag متخبطش عشان تفتح ...

وبعدين لو ال Airbag فيها أى مشكلة الكمبيوتر بتاع العربية مش هيسكت وهيدى إنذار...
ولو روحت التوكيل الصحراوى هتشوف كم العربيات المفتحة إيرباجاتها وفى عربيات مفتوح الairbags بتاعتها من مجرد خبطة فى الرصيف (طيرت المقصات وشغلت ال airbag sensor)

وربنا يسترها معانا جميعا يا رب

شكرا عالتوضيح

[Ralliart]

اولاً حمد لله على السلامه
لو حضرتك درست ميكانيكا والعربيه دفع امامي هتعرف ان اي لمسه صغيره على نص السرعه دي من الخلف وبالذات من الزاويه اكيد 100% هتعوم ده شيئ أساسي وطبعاً على سرعه عاليه لازم تتقلب وده شيئ طبيعي ومش عيب في العربيه خالص
انما عن كلام حضرتك عن خامات الانتيريور فللاسف هو صحيح ومش فاهم ليه بروتون عملت كل الخامات حلوه وجت عالانتيريور وعملته بالمنظر ده ! واعتقد ان تحسينه ميكلفش 3000-5000 جنيه زياده على تمنها

احمد ربنا انك راكب جين2 لان مفيش عربيه بتتقلب وتطلع بالمنظر ده ابداً وكده العربيه قامت بالواجب وزياده
فكرتني بواحد هنا في المنتدى عمل حادثه بلانسر وطلع منها سليم بدون ولا خدش راح قعد يشتم في العربيه ويشتمها في توقيعه لانها عملت حادثه!! (تقريباً كان المفروض تلف لوحدها)