عملت حادثه بشعه بالـ gen2

[Raul_7]

ألف حمدلله عالسلامة.

بس أنا بصراحة مش عاجبني تعليقك وكلامك عن العربية ده وكأنك نستلاها أي ميزة أو أي حاجة حلوة فيها لمجرد إنها عملت حادثة جامدة.

ايه دخل الخامات الداخلية في الحادثة دلوقتي ؟؟ ولا هو أي ذكر عيوب وخلاص عشان حضرتك متضايق ؟

واحمد ربنا إنك طلعت سليم بعد كل القلب ده لأني شفت قبل كده Octavia A5 اتقلبت والناس كانت عمالة تحاول ترفع الحديد أو تنشره عشان تطلع الناس المحبوسة جوه.

[Sout_Sout]

الحمد لله يا جماعه
وبرضه انا مش فاهم الناس مش فاهمانى ليه
هو انا قلت العربيه ضعيفه
او مش ثابته؟
يا جماعه انا حاسس بخشانه فظيعه
خشانه عربيه بالكتير موديل 97
او 98
لكن بعد سنه 2005
99% من العربيات بقت ناعمه
ومريحه جداً
العربيه ناشفه فى
الباور
الكونسول
يا جماعه والله الباب اللى ورا كان الفبر بتاعه بيفك ساعات لما اشد الباب جامد من جوا
وساعات كتيرررررر السنتر يهيس
ومش يفتح
والله والله والله الخامات والتقفيل وحش
والمفروض شويه اهتمام
وعلى فكره
العربيه دى لو ب100,000 بس خامتها زى اليابانى
الناس كلها هتشتريها
وناعمه
والحمد لله
وشكر ليكم يا اخوانى

[momopersona]

الحمد لله يا جماعه
وبرضه انا مش فاهم الناس مش فاهمانى ليه
هو انا قلت العربيه ضعيفه
او مش ثابته؟
يا جماعه انا حاسس بخشانه فظيعه
خشانه عربيه بالكتير موديل 97
او 98
لكن بعد سنه 2005
99% من العربيات بقت ناعمه
ومريحه جداً
العربيه ناشفه فى
الباور
الكونسول
يا جماعه والله الباب اللى ورا كان الفبر بتاعه بيفك ساعات لما اشد الباب جامد من جوا
وساعات كتيرررررر السنتر يهيس
ومش يفتح
والله والله والله الخامات والتقفيل وحش
والمفروض شويه اهتمام
وعلى فكره
العربيه دى لو ب100,000 بس خامتها زى اليابانى
الناس كلها هتشتريها
وناعمه
والحمد لله
وشكر ليكم يا اخوانى

انا فاهمك ياباشا بس انت تقصد ايه بالخشونه بالظبط
كعفشه يعنى ؟؟؟
لو قصدك عفشه تبئا غلطان لان دى ميزه من مميزات العربيه مش عيب
عفشه رياضيه = ثبات = خشونه فى المطبات
ولو ركبت اى عربيه رياضيه لو بمليون جنيه هاتلائيها كده واكتر كمان
وديه ميزه فى ناس بتعدل عربياتها ويركبو السوست الرياضيه زى اللى عندنا وغيره
والباور ثقيل عشان الكاوتش عريض والجنوط سبور والعربيه ثقيله وطارة القياده صغيره وعشان التحكم يبئا احسن على السرعات وبرده فى ناس بتعدل بجنوط وكاوتش عرضه 195 وطاره رياضيه
ولا تنسى ان العربيه رياضيه
بالنسبه للخامات فلا يمكن مقارنتها باليابانى
ممكن تقارنها بالكورى وماتنساش سعرها
سنتر بيهيس وفيبر بيفك حاجات لو حصلت بتتحل فى الصيانه الدوريه فى عز العرب مجانى
السنتر مشكله جماعيه بتتحل فى التوكيل فى صيانة الاف ومابتحصلش تانى
لكن فيبر الباب ده اول مره اسمع عنه بصراحه
وواضح انك كنت مهمل العربيه اوى
ارجو انك تحكم على العربيه من خلال مقارنتها بسيارات فئتها السعريه وماتقارنهاش بالعربيات اليابانى اللى ب 160 الف عشان اكيد بروتون تخسر
وياريت تذكرلى عربيه عاجباك بالسعر ده
لان واضح انك كنت عايز تخبط على 180 وماتتقلبش
وخروجك منها حى مش حاسس انه حاجه حلوه فى حق العربيه
وخشونة العفشه الرياضيه وثقل الباور فاهم انه عيب
والخامات بتقارنها باليابانى اللى ب160000
قارنها بالنيو اكسينت والصنى وانت تقتنع انها روعه يا باشا


على العموم انا مقدر حزنك وكرهك ليها بسبب الموقف
لكن طمننا العربيه كان عليها تأمين ولا لا ؟؟؟؟
ولو كده هاتعمل ايه

[brashy101]

الف مليون حمد لله علي سلامتك يا غالي.......
بس انا شايف ان كون حضرتك لسه بخير , يغفر للعربيه موضوع الفيبر والسنتر والكلام البسيط .لان ببساطه حياه حضرتك اهم بكتييييييرمن شويه رفاهيه بسيطين
وثانيا مفيش عربيه كامله . يا اما تضحي بفلوس مقابل رفاهيه وخامات جيده وعوامل امان
يا اما تضحي بعوامل امان مقابل فلوس
وانا شايف جين2 قدرت تحقق جزء كبير من المعادله الصعبه , سعر معقول . عوامل امان وحادثه حضرتك مثال جيد. كماليات .وان كان طبعا كلام حضرتك مظبوط بخصوص بعض المشاكل الموجوده زي المالتي و التقشير وخلافه
بس هل حضرتك متاكد ان السرعه كانت 180 وقت الحادثه والانقلاب؟؟؟؟؟؟
لو كده , تبقي الجين 2 ولا اروع ولا امتن. والفضل لله ابتداءا وانتهاءا
والف حمد لله علي سلامتك

[eslam_wega]

لو قصدك على النعومة بتاعت المتور دى ممكن اوفقك فيها
هى طبعا مش زى نعومة متور السيفك او التويوتا
بس كل حاجة وليها سعرها

[Sout_Sout]

عندك حق
بس لو اخدت بالك
موتور الفيرنا انعم منه
الموتور مش وحش
بس محتاج شويه نعومه
والباور
والخامات تتعمل بنضافه شويه
صدقونى
حتى لو سعرها زاد
واهتموا بيها اكتر
وتقفيل محترم
والله الناس هتتمسك بيها اكتر
بس ساعتها هتكون عربيه فيها كل حاجه حلوه
وألف شكر ليكم يا شباب
ربنا ما يورينا اى حاجه وحشه

[powerofhelll]

الحمد لله علي سلامتك
انا علي فكره عمري ما ركبت جين 2 بس بصراحه العربيه الي تتقلب 13 قلبه علي سرعه 180 و تبقي بالشكل ده و الاصابات الخفيفه دي تستاهل الواحد يرفع لها القبعه و بالنسبه للخامات الي مش عاجباك اعتبرهم استرخصوا علشان يديك صاج تمام

[Ahmad Allawy]

انا بس حابب اوضح حاجة..
مش معني غرزة انه بياخد غرزة قطم او غرزة موت من بين عربيتين..
انا متأكد انه يقصد انه كان بينقل من حارة لحارة.. و اكيد الكريق مفتوح.. عشان لو كان بياخد غرزة بين عربيات.. كان زمانه ضيع العربيات اللي بيعدي بينهم علي السرعة دي و القلبات الكتير دي..

انا مش بالوم صاحب الموضوع.. عشان الجري.. طالما الطريق مفتوح و العربية ما شاء الله تمام ايه المشكلة.. بالنسبة ليا.. الكلام ده عادي..(رأي شخصي و عارف ان في ناس كتير هتعارضني فيه بس خلينا ف الموضوع دلوقتي) و لو ماشي علي 120 بس و اتخبطت الخبطة دي.. كنت عومت برضه و طلعت برة الطريق.. و اتقلبت.. و النتيجة كانت هتبقي قريبة من النتيجة دلوقتي..

الصدمة الكبري عندي دلوقتي في الاير باج اللي مفتحتش دي.. مكانش العشم.. بس عزائي الوحيد انه يكون عيب فردي.. مش في كل العربيات.. بس في حاجة زي كده.. لو احتجتها مرة و ماشتغلتش..!!

الورثة بقي ممكن ميبقوش يثقوا في العربية دي تاني...

ربنا يعض عليك يا باشا.. و الحمد لله انك بخير.. و موضوع القضية ده شيء مفروغ منه.. اوعي اوعي اوعي تسيب حقك.. انت المفروض ليك تعويض كبير جدا..

[أبومعاذ]

تفاصيل الحادثة هي اللي بتحدد الايرباج تفتح ولا لأ
انا ليا واحد صاحبي معاه اوكتافيا a4 والعربية اتخبطت وش واتقلبت برضو وبرضو الايرباج مفتحش بس ممكن عشان كل الخبطات موصلتش للسينسور بتاع الايرباج

[Ahmad Allawy]

تفاصيل الحادثة هي اللي بتحدد الايرباج تفتح ولا لأ
انا ليا واحد صاحبي معاه اوكتافيا a4 والعربية اتخبطت وش واتقلبت برضو وبرضو الايرباج مفتحش بس ممكن عشان كل الخبطات موصلتش للسينسور بتاع الايرباج

كلام سعاتك صح جدا.. و ابسط حاجة ممكن تتعمل دلوقتي.. لو حد عرف يجيب تفاصيل مكان النسور ده مكانه فين بالظبط.. و يتبص علي المكان ده.. و هيبان.. اذا كان اتأثر يعني الخبطة وصلت عنده ولا لأ..

و بكده نقطع الشك باليقين..
انا برضه ليا صديق اتقلب بسيريون.. بس كان مجرد انه اتقلب علي جنبه و بعدين علي السقف علي ما اذكر.. الاير باج مفتحتش.. لكن لو القلبات كانت وصلت لوش العربية.. يعني عند الاكصدام و السدر.. كده يبقي اكيد في مشكلة..

[dreslam]

اولا واخيرا حمد الله على سلامتك
ثانيا انا بعتبر التقل اللي في الطاره وتماسك العربيه الزائد و "عدم نعومتها" مش خشونتها لان ده انا مش شايفه بصراحه.ميزه في العربيه دي مش عيب.انا بركبها واسوق الياريس اتمتع بالنعومه وارجع ازهق واركب الجين..ارتاح واحس اني راكب عربيه مش لعبه.دي اذواق.وكل ما ارجع احن للنعومه.هو مشوار واحد بالياريس.اتمتع وارجع توحشني الجين.لان الجين فيها ميزه التماسك بتحس انك جواها في امان بصراحه وشايف ابعادها ومتمكن من سواقتها.ومعظم اللي جابو الجين مش عشان التابلوه ولا الخامات ولا الاوبشنز.جابوها عشان شكلها وصاجها وموتورها.وهما دول الميزه اللي فيها.
انا نفسي عارف اني مش ححب اغيرها الا لفئه عاليه جدا فوق 150 الف عشان اركب حاجه في مستواها بس خامات افضل ونعوميه نسبيه وعزل جبار.شوفت كده حدفع كام.فوق 150 الف

[Ahmad Allawy]

اولا واخيرا حمد الله على سلامتك
ثانيا انا بعتبر التقل اللي في الطاره وتماسك العربيه الزائد و "عدم نعومتها" مش خشونتها لان ده انا مش شايفه بصراحه.ميزه في العربيه دي مش عيب.انا بركبها واسوق الياريس اتمتع بالنعومه وارجع ازهق واركب الجين..ارتاح واحس اني راكب عربيه مش لعبه.دي اذواق.وكل ما ارجع احن للنعومه.هو مشوار واحد بالياريس.اتمتع وارجع توحشني الجين.لان الجين فيها ميزه التماسك بتحس انك جواها في امان بصراحه وشايف ابعادها ومتمكن من سواقتها.ومعظم اللي جابو الجين مش عشان التابلوه ولا الخامات ولا الاوبشنز.جابوها عشان شكلها وصاجها وموتورها.وهما دول الميزه اللي فيها.
انا نفسي عارف اني مش ححب اغيرها الا لفئه عاليه جدا فوق 150 الف عشان اركب حاجه في مستواها بس خامات افضل ونعوميه نسبيه وعزل جبار.شوفت كده حدفع كام.فوق 150 الف

كلام سليم 100%
و انا مؤيد خاصة انك عشان تركب عربية فيها المميزات دي.. و فيها الرفاهية والتقفيل النضيف و الكلام ده.. بتتكلم في أوروبي نضيف....!!! يعني غالي جدا..

[Eng. Rafy Samy]

اولاً حمدلله على سلامتك

بصراحة انا مش عارف ارد اقول ايه على موضوعك ده..
كونسول ايه .. وفرش ايه ... وموتور ايه ... وتقفيل ايه اللي انت بتتكلم فيه...؟؟؟

انت فاتح موضوع بتخسف العربية الارض وكأن العربية هي السبب في الحادثة.... انا مش قادر افهمك

هو انت اللي سايق العربية ولا العربية اللي سيقاك ... هو مش انت اللي دايس على دواسة البنزين وانت اللي جايب 180 حسب كلامك ...؟
يعني انت اللي غلطان...!!!!!!!
مين قالك ان الطرق المصرية يتمشى فيها 180 ..؟
على اي اساسة انت بتبدهل العربية بالمنظر ده وجاي تشتكي منها..؟؟؟
ايه دخل سوء التقفيل بالموصيبة اللي انت عملتها دي.. يعني ايه تمشي 180 ايه الاستهتار ده.. انت عارف لو كنت انت اللي لبست في عربية تانية من ورا كان ايه اللي ممكن يحصلها ... انت كده تعتبر جاني من مجني علية..؟

ايه علاقة خشوبنة الموتور بالحادثة.. ايع علاقة الطابلوه بالحادثة.؟؟!!

ثم العربية معاك بقلها كام سنة لو مش عجباك بالمنظر ده ما كنت تبيعها وتريح نفسك..؟؟؟

معلش اعزرني بس انا شايف العربية ملهاش اي سبب في اللي حصلك وكمان هي السبب الوحيد في خروجك حي من الحادثة دي..

على العموم حمدلله على سلامتك وربنا يهديك ومتجريش بالمنظر ده تاني علشان متقتلش نفسك او تقتل حد تاني ..

تقبل مروري

[tamer_aj]

اولاً حمدلله على سلامتك

بصراحة انا مش عارف ارد اقول ايه على موضوعك ده..
كونسول ايه .. وفرش ايه ... وموتور ايه ... وتقفيل ايه اللي انت بتتكلم فيه...؟؟؟

انت فاتح موضوع بتخسف العربية الارض وكأن العربية هي السبب في الحادثة.... انا مش قادر افهمك

هو انت اللي سايق العربية ولا العربية اللي سيقاك ... هو مش انت اللي دايس على دواسة البنزين وانت اللي جايب 180 حسب كلامك ...؟
يعني انت اللي غلطان...!!!!!!!
مين قالك ان الطرق المصرية يتمشى فيها 180 ..؟
على اي اساسة انت بتبدهل العربية بالمنظر ده وجاي تشتكي منها..؟؟؟
ايه دخل سوء التقفيل بالموصيبة اللي انت عملتها دي.. يعني ايه تمشي 180 ايه الاستهتار ده.. انت عارف لو كنت انت اللي لبست في عربية تانية من ورا كان ايه اللي ممكن يحصلها ... انت كده تعتبر جاني من مجني علية..؟

ايه علاقة خشوبنة الموتور بالحادثة.. ايع علاقة الطابلوه بالحادثة.؟؟!!

ثم العربية معاك بقلها كام سنة لو مش عجباك بالمنظر ده ما كنت تبيعها وتريح نفسك..؟؟؟

معلش اعزرني بس انا شايف العربية ملهاش اي سبب في اللي حصلك وكمان هي السبب الوحيد في خروجك حي من الحادثة دي..


تقبل مروري

معاك كل الحق, ده جاني مش مجني عليه.

[khpopo]

لان الجين فيها ميزه التماسك بتحس انك جواها في امان بصراحه وشايف ابعادها ومتمكن من سواقتها.ومعظم اللي جابو الجين مش عشان التابلوه ولا الخامات ولا الاوبشنز.

التماسك
+111
ربنا يوفق