عملت حادثه بشعه بالـ gen2

[Ahmad Allawy]

اولاً حمدلله على سلامتك

بصراحة انا مش عارف ارد اقول ايه على موضوعك ده..
كونسول ايه .. وفرش ايه ... وموتور ايه ... وتقفيل ايه اللي انت بتتكلم فيه...؟؟؟

انت فاتح موضوع بتخسف العربية الارض وكأن العربية هي السبب في الحادثة.... انا مش قادر افهمك

هو انت اللي سايق العربية ولا العربية اللي سيقاك ... هو مش انت اللي دايس على دواسة البنزين وانت اللي جايب 180 حسب كلامك ...؟
يعني انت اللي غلطان...!!!!!!!
مين قالك ان الطرق المصرية يتمشى فيها 180 ..؟
على اي اساسة انت بتبدهل العربية بالمنظر ده وجاي تشتكي منها..؟؟؟
ايه دخل سوء التقفيل بالموصيبة اللي انت عملتها دي.. يعني ايه تمشي 180 ايه الاستهتار ده.. انت عارف لو كنت انت اللي لبست في عربية تانية من ورا كان ايه اللي ممكن يحصلها ... انت كده تعتبر جاني من مجني علية..؟

ايه علاقة خشوبنة الموتور بالحادثة.. ايع علاقة الطابلوه بالحادثة.؟؟!!

ثم العربية معاك بقلها كام سنة لو مش عجباك بالمنظر ده ما كنت تبيعها وتريح نفسك..؟؟؟

معلش اعزرني بس انا شايف العربية ملهاش اي سبب في اللي حصلك وكمان هي السبب الوحيد في خروجك حي من الحادثة دي..

على العموم حمدلله على سلامتك وربنا يهديك ومتجريش بالمنظر ده تاني علشان متقتلش نفسك او تقتل حد تاني ..

تقبل مروري

انا اسف.. بس بجد لو الراجل لم يتقبل مرورك يبقي معاه حق.. عشان واضح انك مقريتش الكلام كويس.. او مكنتش مركز في كل الكلام.. و انك اتشحنت بس من رقم ال180 اللي كان في الموضوع..!!!

هو من الاول قايل انه مش معترض علي ثبات العربية عشان لو اي عربية تانية مكانها كان هيحصل فيها اكتر بكتير من اللي حصل لعربيته..و الراجل قايل ان العربية استحملت معاه بلاوي.. و انه كان بيتعامل معاها بطريقة عنيفة.. وهي ما شاء الله كانت مستحملة وزي الفل..

اعتراضه كله كان علي نقطة ان الاير باج متفتحش دي.. بعد كل القلبات اللي حصلت

وهو قال رأيه بقي في الاخر في كل الحاجات اللي مكانتش عاجباه فيها..
انت واخد الموضوع علي انه ذم في العربية.. مع انه واخد صبغه المدح فيها اكتر من الذم.. عدا موضوع الاير باجز دي.. و اللي لسة قيد البحث.. عشان ممكن يكون الحادثة نفسها مأثرتش في مكان السنسور اللي بيفتح الاير باجز..


و نيجي بقي لموضوع الجري..
طالما الحمد لله الطريق فاضي.. و العربية كويسة,, يبقي ايه المشكلة؟؟ العربية عدادها فيه لحد 200 و معمول حساب ده في الامان.. يبقي ايه المشكلة..
و خلي بالك ان فرق التأثير بتاع الحادثة لا قدر الله لما تحصل.. بين ال130 و ال180 مش كبير.. طالما مش هيستعمل فرامل او يحاول يقف..

وبعدين اللي بيجري علي 180 بيكون شايف الطريق قدامه.. و شايف انه فاضي.. و يسمح انه بيجري..
مش فاهم انا بقي جاني ايه و مجني عليه ايه..!!!
في حاجة اسمها ادراك.. و اللي بيكون سايق.. بيبقي شايف و حاسس بالطريق و بعربيته..

[Eng. Rafy Samy]

و نيجي بقي لموضوع الجري..
طالما الحمد لله الطريق فاضي.. و العربية كويسة,, يبقي ايه المشكلة؟؟ العربية عدادها فيه لحد 200 و معمول حساب ده في الامان.. يبقي ايه المشكلة..
و خلي بالك ان فرق التأثير بتاع الحادثة لا قدر الله لما تحصل.. بين ال130 و ال180 مش كبير.. طالما مش هيستعمل فرامل او يحاول يقف..

وبعدين اللي بيجري علي 180 بيكون شايف الطريق قدامه.. و شايف انه فاضي.. و يسمح انه بيجري..
مش فاهم انا بقي جاني ايه و مجني عليه ايه..!!!
في حاجة اسمها ادراك.. و اللي بيكون سايق.. بيبقي شايف و حاسس بالطريق و بعربيته..

كل واحد ليه وجهة نظر


بص انا ليا رد واحد عليك
خش شوف الموضوع ده واتفرج عليه كله كويس قوي وارجع تاني هنا قولي رأيك ايه في 130 و180 اللي انت كاتبهم وهل الموضوع يستاهل ويستحق .؟؟؟؟؟؟؟؟؟

http://www.nilemotors.net/Nile/40206-a.html

[Ahmad Allawy]

كل واحد ليه وجهة نظر


بص انا ليا رد واحد عليك
خش شوف الموضوع ده واتفرج عليه كله كويس قوي وارجع تاني هنا قولي رأيك ايه في 130 و180 اللي انت كاتبهم وهل الموضوع يستاهل ويستحق .؟؟؟؟؟؟؟؟؟

http://www.nilemotors.net/nile/40206-a.html

واضح انك مش فاهمني..

وانت بتجري في رطيق فاضي.. و ضربت منك فردة كاوتش.. هتفرق معاها 130 ولا 180؟؟!!!!!
وانت بتجري وبتعدي من جنب حد و حدف عليك و خبطك زي ما حصل مع الراجل.. هتفرق معاك 130 ولا 180؟؟

بتفرق في حالة واحدة بس.. ثبات العربية عامل ازاي عند ال180؟؟
الحادثة ازاي.. خبطت في حد.. ولا اتقلبت لوحدك.. لو خبطت في حد.. ماشي.. لكن لوحدك.. ماعتقدش ان في اي فرق..

الراجل كان بيجري تقريبا لوحده ف الطريق.. و السواق المسطول رمي عليه و خبطه..
مكانتش هتفرق 130 من ال180!!!!!!!!!!!

[Eng. Rafy Samy]

واضح انك مش فاهمني..

وانت بتجري في رطيق فاضي.. و ضربت منك فردة كاوتش.. هتفرق معاها 130 ولا 180؟؟!!!!!
وانت بتجري وبتعدي من جنب حد و حدف عليك و خبطك زي ما حصل مع الراجل.. هتفرق معاك 130 ولا 180؟؟

بتفرق في حالة واحدة بس.. ثبات العربية عامل ازاي عند ال180؟؟
الحادثة ازاي.. خبطت في حد.. ولا اتقلبت لوحدك.. لو خبطت في حد.. ماشي.. لكن لوحدك.. ماعتقدش ان في اي فرق..

الراجل كان بيجري تقريبا لوحده ف الطريق.. و السواق المسطول رمي عليه و خبطه..
مكانتش هتفرق 130 من ال180!!!!!!!!!!!

سيدي الفاضل وجهة نظرك واضحة بس سؤالي هو لييييييييييييييه اوصل ل130 او 150 او 180 لما كلنا عارفين ان الطرق زفت وسواقين التريلات والميكروباصات شاربين مخدرات وبهايم ملهومش في السواقة اصلاً
بالسرعات دي الواحد بيضحي بنفسة وبينهي حياته بايدة ..

ايه لازمة السرعات دي لما كلنا عارفين ال سرعة 100كم كفاية وممكن توصلنا بسلام وممكن التحكم بالعربية لو لاقدر الله حصل ظرف طارق

مع العلم ان اصلاً 100 كم دي سرعة عالية وفي عربيات بتتقلب عليها...
اللي راكب عربية ده ماشي على الاهواء والعربية مهياش خارقة دي مجرد حديد في حديد يعني لا بتفكر ولا بتشوف.

حضرتك لو شفت قدام عنيك حادثة بتحصل وواحد بيقد حياته بسبب انه كان طاير بالعربية حتحس بالي انا بقلهولك ده.. (انا شفت راجل ومراته ماتوا قدام عنيا على الطريق الصحراوي بعربية لادا بسبب انهم كانوا ماشييين فوق ال120 وواحد دخل فيهم من ورا كان سايق فوق ال160 )
كفاية بقى العمر مش لعبة علشان اقول 180 وعادي كدا يعني
ربنا يرحمنا جميعاً

[Eng. Rafy Samy]

كنت ماشى على الصحراوى بسرعه
180
واخدت غرزه للحاره الشمال
وبصراحه العربيه انتقلت برشاقه جداً
بس سواق نص نقل ابن حلال نايم رمى على وخبطنى من عند تنك البنزين

معلش النقطة دي انا مش قادر اتخيلها
اذاي انت ماشي 180 وعربية نص نقل ترمي عليك
المفروض على حسب ما اعرف ان لما العربية تمشي على 180 مفيش حد حيلحق يشوفك اصلا ازاي العربية النص نقل قدرت توصل لديل العربية وتخبطك
مافيش غير 3 احتمالات
1- العربية النص نقل ماشية 180 او اكتر ( في وجته نظي مستحيل )
2- العربية النص نقل كان اصلاً بيكسر وانت مقدرتش المسافة مظبوط وبكدا يبقى مش هو اللي غلطان
3- هو كان ماشي عادي وانت بتاخد الغرزه وانت اللي حدفت عليه مش هو.

لو عربيتك ماشية على 180 ونفرض العربية النص نقل ماشة على 100 يبقى زمن مرور العربيتين جمب بعض اقل من ثانية واحد وعتتقدش ان ممكن في ثانية واحد النص نقل يقدر يحدف بعربيتة ويوصلك إلا لما تكون انت قريب منه جداً .. او حادف عليه زياده عن اللزوم...
ده تخييلي للموقف ويا ريت لو تصححلي لو انا غلطان

[memoo305]

و نيجي بقي لموضوع الجري..
طالما الحمد لله الطريق فاضي.. و العربية كويسة,, يبقي ايه المشكلة؟؟ العربية عدادها فيه لحد 200 و معمول حساب ده في الامان.. يبقي ايه المشكلة..
و خلي بالك ان فرق التأثير بتاع الحادثة لا قدر الله لما تحصل.. بين ال130 و ال180 مش كبير.. طالما مش هيستعمل فرامل او يحاول يقف..

وبعدين اللي بيجري علي 180 بيكون شايف الطريق قدامه.. و شايف انه فاضي.. و يسمح انه بيجري..
مش فاهم انا بقي جاني ايه و مجني عليه ايه..!!!
في حاجة اسمها ادراك.. و اللي بيكون سايق.. بيبقي شايف و حاسس بالطريق و بعربيته..

معلش تقبولي مروري
أولاً الحمد لله على سلامة صاحب الموضوع وفداك ياسيدي مائة الف عربية...
ثانيا: بالنسبة لموضوع السرعة 180 أنا بس كنت عايز أسئل سؤال هو في طريق في المحروسة يستعوب هذه السرعة . ولو فرض وجود الطريق هل سلوكيات وأداب السواقة عند المصرين تستعوب أنك تسوق على سرعة 180 كم( يعني مش هتلاقي واحد ماشي على 50 وماسك الشامل & واحد بيرمي نفسة في الحارة إلي جنبة بدون مايبص في المراية & واحد مايعرفش يسوق أصلاً ....تذكر سبب الحادثة إلي إحنا بنتكلم عليها)
ثالثا يوجد فرق كبير بين 120 و180 من حيث المسافة التي تقطعها للوقوف في حالة الفرملة (مسافة التوقف بعد دوسة الفرامل )& زمن رد فعلك( يعني مثلا لو أنت شفت خطر يستلزم توقف العربية فوراُ عقبال ما المخ ياخد إشارة من العين ويحللها ويدي أمر لعضلات الرجل انها تسيب البنزين وتدوس الفرامل). أوكد لك إنك في سرعة 180 هتكون قطعت مسافة علشان تدوس فرامل أكبر من سرعة 120(قبل دوسة الفرامل).
ثالثاً في حالة تدراكك لكل هذه العواقب وإصرارك أنك تقامر بحياتك يبقى لاتلومن إلا نفسك(ولا تلقوا بإيديكم إلى التهلكة)
تحياتي والحمد لله على سلامة صاحب الموضوع مرة ثانية...

[Ahmad Allawy]

يا جماعه هو انا باتكلم هيروغليفي؟؟!!!! :) :)
انا كل قصدي.. ان الواحد مش بيمشي بالسرعات دي غير لو الطريق فاضي.. و يسمح بكده.. احنا مش عيال.. ولا عديمي الادراك و المسئولية عشان نمشي بالسرعة دي في طرق زحمة.. او فيها احتمالات لأخطاء قاتلة من الاخرين..

[Honda_lover]

الف حمد لله على سلامتك وربنا يعوض عليك

[Islam_galal]

خلاصة قناعاتي من ردود الاخوة الاعضاء

- الجين تو سيارة جديرة بالاحترام.
- لا توجد طرق تتحمل السرعات المذكورة و أتكلم عن طبيعة الطريق من مناسيب و نوع اسفلت
- أمام الله كل واحد مسئول بالكامل طالما تخطي السرعه الرسمية عن نفسه و عن أي انسان أو كائن حي أضير بالتبعيه

تخيل طريق طويل زي طربق شرم مثلا و شايف قدامك و وراك حاجة بتاعه 20 كم و ماشي علي 180
و فجأة إطار انفجر
و فجأة غفلت لحظة و الدريكسيون اتعوج
و فجأة أخدت مطب هوا عنيف
و أي سبب آخر ممكن تتخيلة و تنقلب السيارة

لو جنبك حد . .. مصيره إيه
لو في انسان بيبيع أي شئ علي الطريق و كان حظه عثر بحيث كان في مسار العربة الطائشة
حتي لو كلب أو قطة

السائق أمام الله قاتل

[Sout_Sout]

يا جماعة الحمد لله على كل حال
Eng,Rafy
يا ريت حضرتك تتكلم براحه شويه
وانا حر انى امشى بالعربيه 200 او 280
انا حر
هو انا ضريت سيادتك فى حاجه
دى حاجه غريبه
انته لهجه كلامك تعصب
وعلى
ماتبقاش ترد على موضوع اللا لما تقرا كل الردود
علشامن تعرف انته بتتكلم فى ايه
وهو اساساً حضرتك من ملاك العربيه
؟
وهل راضى عن مستوى الخامات والتقفيل
ولو انته راضى فا دى مشكلتك
انا بقى مشكلتى انى اتعودت على عربيات ناعمه ونضيفه فى التقفيل
يا راجل دى الاوبترا خامات التابلوه اجمل 100 مره
خلاص
ولو حضرتك وصفتنى بالاستهتار
فده لأنك متعرفش ظروف انا كنت بجرى ليه
خلاص
ولو حضرتك هتشرف موضوع انا كاتبه وترد بالاسلوب اللى مش عاجبنى يبقى حضرتك افضلك مش تشرف مواضيعى
انا اسف
بس حضرتك مستفز للغايه
خلاص
وعلى فكره
انا للمره 99999999999+
العربيه صاجها حلو
وثباتها كويس
لكن خامات التصنيع زباله
خلاص
ده رأى
حضرتك تحترمه ما تحترمهوش ده شئ يخصك
ومتشكر على وصفك لى بالاستهتار
يا رب تكون سيادتك مش بتعدى ال100
زى القانون ما بيقول
وبتلبس حزام الامان قبل ما تطلع بعربيتك
متشكر

[Sout_Sout]

ولما سواق حمار يتنقل من الحاره اللى قبل الشمال للحاره الشمال من غير لا اشاره ولا يحزنون
ويرمى على الناس
يبقى هو ده الصح
على الاقل انا اخدت الغرزه قبليه بكتير
وفضلت ماشى على الشمال

[Ayman_52]

يا جماعة الحمد لله على كل حال
Eng,Rafy
يا ريت حضرتك تتكلم براحه شويه
وانا حر انى امشى بالعربيه 200 او 280
انا حر
هو انا ضريت سيادتك فى حاجه
دى حاجه غريبه
انته لهجه كلامك تعصب
وعلى
ماتبقاش ترد على موضوع اللا لما تقرا كل الردود
علشامن تعرف انته بتتكلم فى ايه
وهو اساساً حضرتك من ملاك العربيه
؟
وهل راضى عن مستوى الخامات والتقفيل
ولو انته راضى فا دى مشكلتك
انا بقى مشكلتى انى اتعودت على عربيات ناعمه ونضيفه فى التقفيل
يا راجل دى الاوبترا خامات التابلوه اجمل 100 مره
خلاص
ولو حضرتك وصفتنى بالاستهتار
فده لأنك متعرفش ظروف انا كنت بجرى ليه
خلاص
ولو حضرتك هتشرف موضوع انا كاتبه وترد بالاسلوب اللى مش عاجبنى يبقى حضرتك افضلك مش تشرف مواضيعى
انا اسف
بس حضرتك مستفز للغايه
خلاص
وعلى فكره
انا للمره 99999999999+
العربيه صاجها حلو
وثباتها كويس
لكن خامات التصنيع زباله
خلاص
ده رأى
حضرتك تحترمه ما تحترمهوش ده شئ يخصك
ومتشكر على وصفك لى بالاستهتار
يا رب تكون سيادتك مش بتعدى ال100
زى القانون ما بيقول
وبتلبس حزام الامان قبل ما تطلع بعربيتك
متشكر

يا ا/Sout sout

انت مالكش الحق انك تقول لحد يرد او مايردش ... دا منتدى لكل الناس ... زى مانت ليك الحق انك تنزل توبيك وتقول فيه رايك (سواء صح او غلط) ... كل واحد حر فى رايه ويقوله مكان ماهو عاوزه

تمـــــــــام

[Sout_Sout]

بس مش من حقه يوصفنى بالمستهتر
مله ليه حكم عليا يا ايمن علشان يقول كده
مهما حصل
ده انا عامل حادثه
يعنى اللمفروض يوم ما يدخل على موضوعى يقولى كلمه حلوه
يطيب بخاطرى
يقولى حمدلله على السلامه
مش ياهجمنى ويقول مستهتر
انا شايف انه مش من حقه
وما زلت عند رأى
انا اسف يا أيمن
انته عارف انى بعزك من زمان
لكن الحقيقه ان المفروض لما يتكلم يتكلم براحه

[أبومعاذ]

معلش النقطة دي انا مش قادر اتخيلها
اذاي انت ماشي 180 وعربية نص نقل ترمي عليك
المفروض على حسب ما اعرف ان لما العربية تمشي على 180 مفيش حد حيلحق يشوفك اصلا ازاي العربية النص نقل قدرت توصل لديل العربية وتخبطك
مافيش غير 3 احتمالات
1- العربية النص نقل ماشية 180 او اكتر ( في وجته نظي مستحيل )
2- العربية النص نقل كان اصلاً بيكسر وانت مقدرتش المسافة مظبوط وبكدا يبقى مش هو اللي غلطان
3- هو كان ماشي عادي وانت بتاخد الغرزه وانت اللي حدفت عليه مش هو.

لو عربيتك ماشية على 180 ونفرض العربية النص نقل ماشة على 100 يبقى زمن مرور العربيتين جمب بعض اقل من ثانية واحد وعتتقدش ان ممكن في ثانية واحد النص نقل يقدر يحدف بعربيتة ويوصلك إلا لما تكون انت قريب منه جداً .. او حادف عليه زياده عن اللزوم...
ده تخييلي للموقف ويا ريت لو تصححلي لو انا غلطان

تخيلي انا للموضوع انه كان بياخد غرزة شمال من ورا العربية النقل وبعدين وهو بيلم نفسه العربية حدفت يمين وخبطت من ناحية التنك (اليمين)

[eslam_wega]

يا باشا الف سلامة عليك فادك مليون عربية
والجين 2 واحشة والبروتون مش حلوة
اية المطلوب تانى يريت بقا الموضوع دة يتقفل او الى يرد يقوله ربنا يعوض عليك
لكن هتفضل كل يوم كدة تكلم عن الجين وحش مش هينفع
نبيع عربيتنا يعنى ولا نعمل اية مش عارف
عربية بالسعر دة وبالامكانيات دى ومش عجبك ازى
انا ممكن احسنلك خامات التقفيل بس هشيل ال abs والايرباج اية رايك
وهتبقا تقفيلها احسن من الاوبتر