رابطة مالكى الويرا (2) فيد وأستفيد .

[memo_p910]

جبت الصاروخ وطيرت المسمار وركبت الجديده لاحظت ان المتور هدي والتنتيشه راحت الحمد لله
أنا بنصح اي حد انه يشيك على كابلات البوجيهات كل فتره لانها بتبقى سبب دايما في حرق الموبينه

[yousefsemsem]

مبروك عليك ياريس الموبينه وفعلا السلك كل فتره يتبص عليه ﻻن مع السخونيه مقاومته بتقل فبيبوظ

[حسام رفعت]

استشارة فنية سريع جدا

عندي مؤشر امبير الحرارة بيهزر "شوية يشتغل وشوية لأ" ياريت حد يفيدني بسرعة اعمل ايه او دا ممكن يكون عيب ايه؟؟؟؟

[memo_p910]

عندي مؤشر امبير الحرارة بيهزر "شوية يشتغل وشوية لأ" ياريت حد يفيدني بسرعة اعمل ايه او دا ممكن يكون عيب ايه؟؟؟؟

بيبقى معلق في الغالب لو خبطت على العداد بايديك هايشتغل المفروض انك تفك العدادات تعملها نظافة وصيانه خفيفه

[yousefsemsem]

فك العدادنضفه الاول زي ماميمو قال بالظبط وشوف تمام يبقي نضافه لو مش تمام خلي حد بتاع الكترونيات يشوفه في مقاومه فيه ممكن ضعفت او اتحرقت

[حسام رفعت]

الف شكر يا عم ميمو ويا عم يوسف بجد الف شكر علي الاهتمام بس ممكن اعرف افك العداد ازاي او عند مين

[yousefsemsem]

هصولك صوره علشان تعرف اماكن المسامير

[حسام رفعت]

حبيبي يا عم يوسف يا محترم الله يباركلك

[yousefsemsem]

بص ياحاج حسام لاني ماعرفتش اصور صوره والله مشغول جدا بس قولت اشرحهالك علشان ماتنتظرش اكتر من كده

الجزء العاج اللي فيه الكاسيت هتشيل الطفايه هتلاقي مسمار علي ايدك اليمين جوه فكه وفوق الكاسيت مسماريت يتفكم برضه كده الجزء ده اتفك شده لبره بس بالراحه علشان مافيش حاجه تتكسر
بعد ماتشد ده هبقي فاضل الجزء اللي فيه الساعه والزراير بتاعت الانتظار والفوجات والزجاج الحراري

في مسمارين بيبقو تحت الجزء اللي انت فكيته الاول ومسمار فوق الساعه ومسمارين فوق العدادات واحد يمين وواحد شمال
كده يبقي اتفك بس ثواني وانت بتشد هلشان فيش الساعه والزراير لسه راكبه هتفك الفيش وكده الجزء ده اتحرر شيله يبقي العداد قدامك باربع مسامير
اتنين فوق واتنين تحت فكهم وشد العدادات بالراحه يبقي كده طلعت العدادات ونضف ياريس
وبعد ذلك تبدا تربط بنفس الطريقه بس بالعكس بقي

[حسام رفعت]

حبيبي يا عم يوسف الف الف شكر الله يباركلك بجد علي اهتمامك هبدأ كده افك واحدة واحدة وربنا يستر

[yousefsemsem]

حبيبي ياباشا انا تحت امرك في اي وقت

[amirz]

بص ياحاج حسام لاني ماعرفتش اصور صوره والله مشغول جدا بس قولت اشرحهالك علشان ماتنتظرش اكتر من كده

الجزء العاج اللي فيه الكاسيت هتشيل الطفايه هتلاقي مسمار علي ايدك اليمين جوه فكه وفوق الكاسيت مسماريت يتفكم برضه كده الجزء ده اتفك شده لبره بس بالراحه علشان مافيش حاجه تتكسر
بعد ماتشد ده هبقي فاضل الجزء اللي فيه الساعه والزراير بتاعت الانتظار والفوجات والزجاج الحراري

في مسمارين بيبقو تحت الجزء اللي انت فكيته الاول ومسمار فوق الساعه ومسمارين فوق العدادات واحد يمين وواحد شمال
كده يبقي اتفك بس ثواني وانت بتشد هلشان فيش الساعه والزراير لسه راكبه هتفك الفيش وكده الجزء ده اتحرر شيله يبقي العداد قدامك باربع مسامير
اتنين فوق واتنين تحت فكهم وشد العدادات بالراحه يبقي كده طلعت العدادات ونضف ياريس
وبعد ذلك تبدا تربط بنفس الطريقه بس بالعكس بقي

ويا ريت يا باشا قبل ما تقفل لف شريط لحام اللى بيستخدموه بتوع الدوكو حوالين العدادات من بره عشان التراب بيخش فيهم وهو اللى بيعمل كده وانا بقولك شريط بتاع الدوكو عشان بيتفك بسهولة ومش بيسيب علامة وحاول تقفل على قد ما تقدر بحيث ان التراب ميدخلش وحوالين الباغة برده وكده بس بشرط انه ميبقاش باين من بره طبعا وادعيلي

[حسام رفعت]

يا عم امير الله يباركلك بجد وبجد معلومة ما فكرتش فيها خالص بجد الله يباركلك وانا يا معلم ادعيلك من غير اي حاجة

[Acc_HanyMusa]

يوجد عدد 2 لوحة مفاتيح زجاج رباعيه يابانى وطقم مفاتيح ابواب فردانى يابانى وليس ماليزى يعنى اللوحه والمفاتيح تركبهم وتنساهم وفيه ضمان شخصى منى ليهم لمدة اسبوعين وعلامة بروتون اصليه للبيع
سعر لوحة المفاتيح 250 جنيه والمفتاح الفردانى 50 جنيه والعلامه 20جنيه
وده هديه منى لاخواتى فى الله اعضاء المنتدى الجميل الى ليه فضل كبير علينا (نايل موتورز)
وده رقمى لسهولة التواصل 01000211891

[Acc_HanyMusa]

ملحوظه مهمه جداً يا جماعه اللوحتين الموجودين دركسيون شمال مش يمين يعنى يركبوا على طول بدون اى تعديل او لعب فى السلوك