رابطة مالكى الويرا (2) فيد وأستفيد .

[Nedved_11]

عطل في ويرا 2004

عندي ويرا 2004 و في صوت للمارش و البطارية شغالة بس مبتدورش و كشفت قبل كده كمبيوتر ومطلعش حاجة لأنها كانت بتقطع و بتدور بعدها تاني لكن المرة دي وقفت و مبتدورش خالص ارجو الاءفادة

[yousefsemsem]

ده حساس كرنك راجع علي سلوكه الاول قبل التغير ولو هيتغير هاته ب400 من عند الامير او استيراد من ملك البروتون

[memo_p910]

عفشجي كويس

انا عايز حد بتاع عفشه يكون فاهم وامين وحنين

عايز اظبط شوية حاجات في العفشه عندي

[mohamad shahee]

كل سنة وكل اعضاء المنتدى بخير

[mohamad shahee]

بمناسبة الحر الشديد اليومين دول تكييف الويرا عامل اية معاكو
انا عملت حاجات كدة فى التكييف قولت اقولكوا عليها لانها حسنت من اداء التكييف بتاعى
اولا انا من اول ماشتريت العربية التكييف ما كانش مشحون
المهم رحت لبتاع التكييف قام فاكك التلاجة ومنضفها وركبها تانى وكبس وشحن وتمام
بعد كدة لقيت التكييف بيفصل كتير ومش عامل حاجة خالص
رجعتلة تانى قام مزود الشحن تانى
وبردة التكييف مش عاجبنى
بعد البحث والدراسة قمت بالغاء التكييف السخن ودة سهل جدا
وبعدين عزلت الماسورة الساقعة اللى خارجة من الكباس وبخرطوم عازل من عند بتاع التكيفات
اللى عاوز تفاصيل اكتر يقولى

[mohamad shahee]

السلام عليكم ورحمه الله وبركاتة
عندى سؤال
فى علبة طالع نها خراطيم ووبوزين مكان خراطيم مش راكبة دى تحت زمزمية المية بتاعة المساحات
انا مش عارف دى وظيفتها اية ويا ترى الخراطيم اللى مش راكبة تاثيرها اية على العربية

[Amrmetkees]

لو سمحتوا حد يعرف البوابه بتاعه 2004 اجيبها منين

[Amrmetkees]

محدش يارجاله يعرف يفيدني في موضوع البوابه

[yousefsemsem]

البوابج جديده في محل مكه في شارع دمشق ب1700

[Amrmetkees]

شكرا ياباشا علي اهتمامك بس انا سئلت عليها مش موجوده متعرفش مكان تاني

[yousefsemsem]

في واحده استعمال معايا وعلي التجربه وموجوده استعمال عند ملك البروتون ب1400

[Amrmetkees]

ملك البروتون معندوش غير واحده و مش كويسه .. الموجوده معاك دي حالتها كويسه؟ ولو ناوي تبيعها علي كام؟

[yousefsemsem]

موجوده وحالتها تمام الحمد لاه وعلي التجربه وب1000

[mrwho1982]

السلام عليكم اولا

ثانيا روحت صلحت التكييف بعد مالفيت عالبوابة وملقتش اي امل ان هي تتصلح ( الترس المكسور )

روحت عند واحد بتاع تكييف عملها لي والتكييف اشتغل تمام و نضف المروحة والدنيا ضبطت خالص

دي الصور

[mrwho1982]

السلام عليكم ورحمه الله وبركاتة
عندى سؤال
فى علبة طالع نها خراطيم ووبوزين مكان خراطيم مش راكبة دى تحت زمزمية المية بتاعة المساحات
انا مش عارف دى وظيفتها اية ويا ترى الخراطيم اللى مش راكبة تاثيرها اية على العربية

اظن والله اعلم دول بتو ع التكييف السخن وسيبهم ملغيين عادي مش هياثرو في حاجة