رابطة مالكى الويرا (2) فيد وأستفيد .

[ahmed_h_g]

فعلا" المساعدين الkyb محترمين
أستحملوا معايا 3 سنين ما شاء الله ولسه مغيرهم
غيرت الأمامي بمساعدين نوعها tokiko ياباني زيت
والخلفي أشتريت kyb برضه غاز علي زيت بس مش هركبهم علشان اللي عندي طلعوا شغالين و كان عندي الفرده اليمين بتحك في الرفرف وطلع العيب من السوست
غيرت السوست الخلفيه بسوست هوندا والحمد لله العربيه أتظبطت

[aboalm]

فى عفشجى كويس فى المعادى يا أحمد ؟

[sameh_loza]

وحشتني كتير يا استاذ احمد - كيف الحال
احب اقول حاجة عن العربية الويرا كانت ولاتزال العربية الجميلة والرائعه عندى وهي معشوقتي

[ahmed_h_g]

فى عفشجى كويس فى المعادى يا أحمد ؟

لأ معرفش عفشجي غير وحيد اللي في عين شمس وشغله ممتاذ ما شاء الله

[ahmed_h_g]

وحشتني كتير يا استاذ احمد - كيف الحال
احب اقول حاجة عن العربية الويرا كانت ولاتزال العربية الجميلة والرائعه عندى وهي معشوقتي

أستاذ سامح
أنا مش مصدق
فينك مش باين
ما تسيبك من الكيا وترجعلنا للبروتون تاني

[yousefsemsem]

بعد معاناه مع الصنايعيه الحمد لله العربيه خلصت واتشرت فاضل بقي التقفيل اللي هو اهم حاجه بس الحمد لله العربيه طلعت زي مانا عاوز بس عاوز اخد رايكم لون العربيه عندي رصاصي اللي هو زي لون عربيتك كده يااستاذ احمد بس مايل للخضار سنه صغيره
والبوهيجي بيولي هرشلك الجنوط ازرق شفاف فمش متخيل انا اللون بالرغم اني شوفته ولقيته جامد بس انتم ايه رايكم

[ahmed_h_g]

بعد معاناه مع الصنايعيه الحمد لله العربيه خلصت واتشرت فاضل بقي التقفيل اللي هو اهم حاجه بس الحمد لله العربيه طلعت زي مانا عاوز بس عاوز اخد رايكم لون العربيه عندي رصاصي اللي هو زي لون عربيتك كده يااستاذ احمد بس مايل للخضار سنه صغيره
والبوهيجي بيولي هرشلك الجنوط ازرق شفاف فمش متخيل انا اللون بالرغم اني شوفته ولقيته جامد بس انتم ايه رايكم

أيوه عارف اللون الفضي عليه نقطه أخضر على ما أعتقد
لون حلو ما شاء الله
بالنسبه للجنوط
شكلها ايه ؟ وليه هتغير لونها ؟

[yousefsemsem]

أيوه عارف اللون الفضي عليه نقطه أخضر على ما أعتقد
لون حلو ما شاء الله
بالنسبه للجنوط
شكلها ايه ؟ وليه هتغير لونها ؟

هي جنوط الويرا الاصلي لكن التغير ده بسبب البوهيجي عاوز يعني يلفت الانظار علي العربيه ان ده شغله معلشي بقي كنت عاوز اوريك شكله بس الموقع تحت الصيانع علشان ارفع الصورة

[ahmed_h_g]

منتظر صوره لشكل الجنط

[aboalm]

عين شمس مممممممممم مش قريبه شويه يا ابوحميد لا يا عم انا حا اروح التوكيل و خلاص و حتى ابقى احكى ليكم عملت ايه هناك
شكرا يا احمد لردك

[ahmed_h_g]

عين شمس مممممممممم مش قريبه شويه يا ابوحميد لا يا عم انا حا اروح التوكيل و خلاص و حتى ابقى احكى ليكم عملت ايه هناك
شكرا يا احمد لردك

على خير ان شاء الله

[yousefsemsem]

روحت بعد ماطلعت العربيه من الفرن لزقت الازاز وبعدين روحت للكهربائي علشان نقفل بقي دفاير الببان والازاز والفوانيس وبالمره اركب سينسور بارك وزينون قالي هتقعد معايا يومين لاني لوحدي وهشتغل فيها بعد العصر
بصراحه اتضايقت اني اقعد من الساعه 11 لغايه العصر خدت العربيه وروحت وادتها انا تقفيل
يعني هو بيفهم اكتر مني وعملت لمبه تست وقفلت العربيه كلها
وركبت السينسور والزينون ورجلشت النور وظبت الاشارات والفوجات وقفلتها كلها وراجعت كمان علي الضفيرة ولفتها بشيكارتون وكله تمام
والوقت بقي كنت مخلص علي الساعه 10 باليل وصنايعي هياخد يومين
شوفتو بقي هجص الصنايعيه

[ahmed_h_g]

هههههههههه أنت لسه شوفت حاجه
طول ما أنت بتتنفس ياما هتشوف وربنا يعينك ويباركلك فيها

[yousefsemsem]

بقولك ايه يااحمد باشا وانا بقفل الكهرباء كان عندي عصل في لمبه البنزين انها مش بتنور وكشفت عليها شغاله من الفيشه عادي لكن لما بتركب في العوامه مش بتشتغل اجيب العوامه بتاعتها منين ولا هي شبيه بايه تاني

[Karim Salem]

محدش عاوز يقولى اجيب المفتاح الرباعى منين للويرا