فرامل gen 2 هربت و لبست و الميكروباص

[ghabbour]

انا معايا ال gen 2 جديدة عملة 1200 كيلو و من فترة كده و انا ماشى و مرة واحدة وقفت امامى عربية
و كنت هلبس بس ربنا ستر انا حاسيت ان الفرمل ضعيفة جداااا وقتها وده كان قبل صيانة الاف
و فى صيانة الاف قولتلتلهم فى التوكيل الكشف على الفرامل
و كمان العربية حدفا شمال من يوم ما استلمتها
المهم انا بعت العربية مع حد التوكيل مش انا الى بروح بيها
بعد لما الراجل جه اشوف الحدفا هيا هيا زفت شمال
و كمان الطاره اتلوحت شوية قولت شوية و ابا اروحلهم انا
و ملحقتش من يومين فى شارع رمسيس و المكيروباص الذيذ الجميل فى زبون شاورله
فى ميكرو ثانية فرمل و طز فى الى ورايا
طبعا دوست فرامل على الاخر ال abs اشتغل بس العربية ولا هديت حتى
كان غربلا على الفاضى
على فكرة انا مكنتش بجرى اطلاقا
و مش هتصدقو بجد كنت ماشى سرعة 30 او 40 او اقل كمان
و طبعا السواق نازل ازاى و ازاى اكون بجرى انا و هو ملاك يا حرام
طبعا قولتو غور و مش عايز منك حاجة فانسحب و مكلمش
الكبوت عمل زى ال8 الاكصدام دخل لجوة حوالى 8 سم

وروحت عند السمكرى و والا و الا عايز كبوت جديد
بالعافية قولتو اعمل ده و الفانوس اكسرة الفبرة عمله فبرة و لحمها

و الحمد الله
و على فكرة انا كان معايا gen 2 قبل دى بدلت العربية مو 2006 و دى مو 2010
المهم اعمل اية ممكن يسقط الضمان
و اعمل اية فى حكاية الفرامل الى بتهرب دى
لو طلع بيها بتبا كويسة احيانانا
و انا مش هستنى لما اكون مسافر و مالاقيش فرامل
ااااسف للاطالة
و لو حد حصل معاه كده ياااارت يقولى اتصرف ازاى مع التوكيل

[Raul_7]

ألف حمدلله عالسلامة, بس ده موضوع خطير جدا!! فرامل هربت إزاي يعني!

يا ريت تروح التوكيل وتشوف ايه الموضوع بسرعة وممكن تتصل بمهندس امر على طوول من غير حجز ولا حاجة.

0122153965 -- امر الكوافي.

[ghabbour]

ده مهندس فى ابو رواش

[Raul_7]

ده مهندس فى ابو رواش

ده مديــر صيانــه بروتـون مصـر.

[eng.m7md.ali]

لا حول ولا قوة الا بالله ربنا يعينك والحمد لله انك بخير
وقدام انت اشتكيت من الفرامل في صيانة الالف ومحدش استجاب من حقك ترفع قضية على التوكيل وتطالب بتعويض وهتكسبها ان شاء الله لان ده استهتار

[Nistelrooy]

قدر الله وما شاء فعل ..
انتا مأمن ؟

[harizy]

السلام عليكم
ربنا يعوضك خير إن شاء الله
كنت عاوز أسأل سيادتك هل فعلاً طلب مراجعة الفرامل والتشييك عليها مثبت فى طلب الصيانة أم لا ربما يكون الرجل الذى أرسلت معه السيارة نسى هذا التشييك.
ثانياً: ياريت تراجع تقرير الصيانة الخاص بك هل ذُكر فيه أن الفرامل تم إصلاحها أو مراجعتها أم أنها كويسة أم أنه لم يتعرض لذلك تماماً، أخيراً فإنه بناء على تلك الإجابة يمكن أن تحدد الخطوة الثانية بكيفية التعامل مع التوكيل، لكن قبل هذه الخطوة يمكنك مراجعة ميكانيكى فى الخارج لتحديد عيب الفرامل، وفى النهاية تقبل تحياتى

[eslam_wega]

فرامل الجين 2 غريبة بمعنى
انى كنت بعنى فعلا من موضوع الفرامل دة وكنت قلقان جدا وحاسس انى معيا اضعف فرامل فى التاريخ
وفى يوم عملت الرجلاش بتاع الفرامل و طلعت انا ومحمد مومو على طريق السخنة
عشان نجرب الفرامل على سرعات عالية ونكون مطمنين ان مفيش عربيات ورانا لما نفرامل
المهم جربنا مرة والتانية ونفرمل على 120 او 100 ال abs يشتغل ومفيش اى فرامل يدوب العربية بتهدى واعقبال ما تقف يكون جالك ملل
طبعا دة معنى انك يعتبر ماشى بدون فرامل ولا قدر الله اى حاجة تقطع عليك الطريق يبقا الواحد فى خبر كان المهم جربنا تانى وبردوا زى ما هى
فى الاخر محمد قالى طب حول تفرامل من غير ما تشغل ال abs
قولته يعنى اية
قالى يعنى حول تحس بالفرامل وتمشى معها
قولتى بردوا مش فاهم يعنى اية
قالى يعنى بلاش تدوس فرامل جامد دوس نص الدوسة قولته ماشى اجرب هنخسر اية
المهم جينا على سرعة 100 وقولته جاهز 1 2 3 وطربت فرامل بالطريقة الى قالى عليها وكانت النتيجة ممتازة
العربية فرملت جامد الحمدلله والكوتش كان بيسرخ فى الارض وطبعا احنا جواء العربية لبسين الحزام ولو مش لبسينة كنا هنلبس فى التبلوة طبعا
بما انى من مجانين التجارب مكتفتش بالتجربة دى قولتة يلا نجرب تانى بس على 120 المرة دى
وجربنا ونفس قوة الفرامل ما شاء الله
وبعدين جربنا على 140 وبردوا الفرامل ممتازة قولتة خلاص نجرب على 160
قالى حلو 140 كفاية قولتوا لا نجرب 160 عشان انا اغلب الوقت بمشى بسرعات عالية
قالى طيب وجربنا وبردوا ما شاء الله الفراملة ممتازة ومسعفة جدا قولتوا طب نجرب بقا 180 قالى 180 اية انت مجنون ههههههه
المهم بعد التجربة دى اكتسبت ثقة عالية فى فرامل العربية ما شاء الله انها ممتازة
بس شرط انك مش تدوس فرامل للاخر عشان ال abs ميشتغلش يعنى دوس نص دوسة كدا
وعود نفسك على كدا وصدقنى هتحس انك معك فرامل قوية جدا

[ahmad--ezzat]

معلش جت سليمه

[eslam_wega]

بخصوص التصليح عايز اى حاجة اسالنى انا خبرة ههههه
بس اقولك بردوا اسعار كام حاجة ولو عندك اى سوال تانى قولة
الكبوت 900 جنية ماليزى
الاكصدام 300 او 350 جنية تايونى 2008 اكصدام 2010 مش موجود
بس ممكن تصلح الاكصدام الاصلى بتاعك لو مش بايظ اوى عندى اى حد بتاع فيبر كويس
وهيتكلف من 50 الى 100 ج حسب الحالة

[ahmad alshaaer]

موضوع حساسية الفرامل ده فعلا صحيح وتحياتي للأخوه الاعضاء ولكن المشكله لما بيحصل حاجه الواحد بيتخض ويدوس فرامل مره واحده ودي بتحصل معايا كتير جدا

تحياتي وحمد الله على سلامتك اخي الكريم

[fadynabil]

فرامل الجين 2 غريبة بمعنى
انى كنت بعنى فعلا من موضوع الفرامل دة وكنت قلقان جدا وحاسس انى معيا اضعف فرامل فى التاريخ
وفى يوم عملت الرجلاش بتاع الفرامل و طلعت انا ومحمد مومو على طريق السخنة
عشان نجرب الفرامل على سرعات عالية ونكون مطمنين ان مفيش عربيات ورانا لما نفرامل
المهم جربنا مرة والتانية ونفرمل على 120 او 100 ال abs يشتغل ومفيش اى فرامل يدوب العربية بتهدى واعقبال ما تقف يكون جالك ملل
طبعا دة معنى انك يعتبر ماشى بدون فرامل ولا قدر الله اى حاجة تقطع عليك الطريق يبقا الواحد فى خبر كان المهم جربنا تانى وبردوا زى ما هى
فى الاخر محمد قالى طب حول تفرامل من غير ما تشغل ال abs
قولته يعنى اية
قالى يعنى حول تحس بالفرامل وتمشى معها
قولتى بردوا مش فاهم يعنى اية
قالى يعنى بلاش تدوس فرامل جامد دوس نص الدوسة قولته ماشى اجرب هنخسر اية
المهم جينا على سرعة 100 وقولته جاهز 1 2 3 وطربت فرامل بالطريقة الى قالى عليها وكانت النتيجة ممتازة
العربية فرملت جامد الحمدلله والكوتش كان بيسرخ فى الارض وطبعا احنا جواء العربية لبسين الحزام ولو مش لبسينة كنا هنلبس فى التبلوة طبعا
بما انى من مجانين التجارب مكتفتش بالتجربة دى قولتة يلا نجرب تانى بس على 120 المرة دى
وجربنا ونفس قوة الفرامل ما شاء الله
وبعدين جربنا على 140 وبردوا الفرامل ممتازة قولتة خلاص نجرب على 160
قالى حلو 140 كفاية قولتوا لا نجرب 160 عشان انا اغلب الوقت بمشى بسرعات عالية
قالى طيب وجربنا وبردوا ما شاء الله الفراملة ممتازة ومسعفة جدا قولتوا طب نجرب بقا 180 قالى 180 اية انت مجنون ههههههه
المهم بعد التجربة دى اكتسبت ثقة عالية فى فرامل العربية ما شاء الله انها ممتازة
بس شرط انك مش تدوس فرامل للاخر عشان ال abs ميشتغلش يعنى دوس نص دوسة كدا
وعود نفسك على كدا وصدقنى هتحس انك معك فرامل قوية جدا

تعليق بسيط علي رد حضرتك... هوا المفروض إن الفرامل تبقي عاوزه واحد خبير ويدوس نص دوسه والكلام ده

أعتقد إنه عشان إنت كنت بتجرب فمتوقع ومتحكم في كل شيء .. لكن لاقدر الله في المواقف الصعبه هتلاقيك بتكبس فرامل بطريقه سريعه جداً .. ( شيء لا إرادي ) ,, وبفرض إنك فرملت علي رمل و الـ abs إشتغل ساعتها الفرامل هتبقي ضعيفه.

.. وعلي فكره أنا كنت مقبل علي شراء العربيه .. ومن إسبوع كده سقت العربيه وكانت أوتو وكانت الفرامل أول حاجة تلفت إنتباهي كده هي بصراحة شديده غير مرضيه بالنسبه لعربيات كتيره سقتها

ومشوارها كالتالي : بتدوس أول دوسه بتبقي طريه أوي تحت رجللك ويادوب بتهدي العربيه وبعد كام سنتيمتر من الدوسه بتبتدي تبقي فعاله

وبصراحه موضوع يخوف يعني لما الفرامل تكون كده والعربيه لسه جديده ،، طيب أمال لما العرببيه تقدم شويه وتبتدي تستهلك .. هيبقي حالها إيه ؟؟؟؟؟؟

بصراحه أنا مش عايز أهاجم الموضوع ده عشان برده تجربتي تنحصر في مده لا تزيد عن نصف ساعه .. مش فتره كبيره

بمعني أني لو بسوق العربيه فتره متواصله وأكتر من مره ،، وأتعرض لمواقف تحتاج لسرعة أستجابه ،، ساعتها الحكم هيبقي نهائي

بس أفتكر إن الموضوع ده مهم جداً .. لأن الفرامل من أهم الحاجات اللي في العربيه .

[ussamalh]

انا معايا جين 2 2008 و للاسف فعلا عيب الجين 2 من وجهة نظرى بعد تجربة 60.000 كيلو
الفرامل لازم تتعود عليها و تدوس فعلا نص دوسة وده عيب فعلا لان رد الفعل الغير ارداى بيكون غير كده
و العيب التانى ايضا التكييف لان تكيففها مش زى الهيونداى خالص على سبيل المثال لان انا ضروف عملى بتخلينى اسافر فى طرق حر جدا بلاقى مثى تكييف الماتركس بيخلى العربية كويسة جدا رغم ارتفاع درجه الحرارة لكن الجين بتبقى متعبة جدا فى الحر ده
كنت اتمنى ان التوكيل يتلافى العيبين دول فى موديلات 2011 فعلا هتبقى العربية جميلا جدا

[tutankhamoun]

أنا تقريبا حاسس أن فرامل الجين 2 القديم و المانوال أقوى من الجديد و خصوصا الأوتوماتيك .

جين 2 موديل 2007 .............. فراملها ............. أكتر من ممتازة
بتوقف العربيات في لحطات ......................... يعني مرة واحد ماشي بدون مرايات ............ أجرة الصعيد ( عربية بيجو ) على الدائري
و ماشي تاتا تاتا .....
و فجأة حدف قدامي .............. و أنا كنت على بعد 2 متر تقريبا منه ....... و الرصيف جنبي من ناحية و عربية نقل من الناحية التانية .

و سرعتي تقريبا كانت حوالي 110 ........... و دوست على الفرامل بكل ما أملك من قوة .......... و العربية وقفت ووصلت تقريبا لسرعة 20 في 5ثواني تقريبا ......

و مع تجربة جين 2 أوتوماتيك 2010 لفترة طويلة .............. حاسس أن فرامل المانوال أفضل بكتير من الأوتوماتيك و الله أعلم .

أما اللي عندك في عربيتك ............... فدي ممكن تكون حاجة محتاجة مراجعة و بسرعة في التوكيل و ما تستناش عليها
المرة دي جات في كابوت ............. المرة الجاية ممكن تدوس بني آدم ( الأخوة العميان اللي بيعدوا الشارع ) أو تحصل ما لا يحمد عقباه

فلازم لازم لازم لازم لازم لازم لازم .............. تكشف في التوكيل على الفرامل دي أهم حاجة .

و العيب التانى ايضا التكييف لان تكيففها مش زى الهيونداى خالص على سبيل المثال لان انا ضروف عملى بتخلينى اسافر فى طرق حر جدا بلاقى مثى تكييف الماتركس بيخلى العربية كويسة جدا رغم ارتفاع درجه الحرارة لكن الجين بتبقى متعبة جدا فى الحر ده

أنا بالعكس من حالتك .............. التكييف عندي جامد قوي و بيتلج العربية في ربع ساعة لو الدنيا شديدة الحرارة و لو الجو معقول مش بقدر أخلى المروحة على درجة عالية ....

ممكن تغير الترمومتر بتاع التكييف بواحد بيخلي التكييف يفصل بعد فترة أكبر ....
يعني بدل ما يفصل كل 20 ثانية تخليه يفصل كل 40 ثانية ...........

[Raul_7]

يا جماعة أنا تجربتي مع فرامل الجين غير كده خالص, أنا كان فيه يوم في 6 أكتوبر كنت بسحب جامد عشان أطلع من عربية وبعدين اتفاجئت بمتعب أدامي على بعد أقَل من 4 متر.

المهم أنا اتخضيت وقلت هالبس المطب أكيد و كبست فرامل على الآخر وطبعا ال
abs اشتغل بس العربية كلبشت في الأرض واللهِ ووقفت قبل المطب, يعني لا دست نص دوسة ولا حاجة.