فرامل gen 2 هربت و لبست و الميكروباص

[Raul_7]

آه نسيت أقول إني كنت على سرعة 90 كم ساعتها.

[eslam_wega]

أنا بالعكس من حالتك .............. التكييف عندي جامد قوي و بيتلج العربية في ربع ساعة لو الدنيا شديدة الحرارة و لو الجو معقول مش بقدر أخلى المروحة على درجة عالية ....

ممكن تغير الترمومتر بتاع التكييف بواحد بيخلي التكييف يفصل بعد فترة أكبر ....
يعني بدل ما يفصل كل 20 ثانية تخليه يفصل كل 40 ثانية ...

وانا كمان التكيف عندى زيك يا استاذ توت ولحظت انه بيسقع اكتر لما يشتغل لفترة اكبر
بس المشكلة مازالت موجودة بالنسبة للكنبة الخلفية بمعنى ان التكيف قدام بيخليك تتلج فعلا لكن فى الكنبة الخلفية غير كدا خالص
بتبقا مش حر بس فى نفس الوقت مش مبسوط زى الى قاعد قدام وركبت اكتر من جين وبردوا معجبنيش التكيف بتاعها وانا قاعد وراء
فهى اكيد مشكلة عزل لانى كان معيا ديهاتسوا مبرا وكان عزلها ممتاز العربية كلها كانت بتبقا نفس درجة البرودة يعنى مش بيختلف وراء عن قدام

[engahmedsamy]

ألف حمدلله عالسلامة, بس ده موضوع خطير جدا!! فرامل بتهرب مني كتيييييييير جدا في الشاهين

[eslam_wega]

يا جماعة أنا تجربتي مع فرامل الجين غير كده خالص, أنا كان فيه يوم في 6 أكتوبر كنت بسحب جامد عشان أطلع من عربية وبعدين اتفاجئت بمتعب أدامي على بعد أقَل من 4 متر.

المهم أنا اتخضيت وقلت هالبس المطب أكيد و كبست فرامل على الآخر وطبعا ال
abs اشتغل بس العربية كلبشت في الأرض واللهِ ووقفت قبل المطب, يعني لا دست نص دوسة ولا حاجة.

مينفعش تحكم بتجربة واحدة اطلع على طريق فاضى وجرب على سرعات عالية عشان 90 بس مش كفاية

[eslam_wega]

تعليق بسيط علي رد حضرتك... هوا المفروض إن الفرامل تبقي عاوزه واحد خبير ويدوس نص دوسه والكلام ده

أعتقد إنه عشان إنت كنت بتجرب فمتوقع ومتحكم في كل شيء .. لكن لاقدر الله في المواقف الصعبه هتلاقيك بتكبس فرامل بطريقه سريعه جداً .. ( شيء لا إرادي ) ,, وبفرض إنك فرملت علي رمل و الـ abs إشتغل ساعتها الفرامل هتبقي ضعيفه.

.. وعلي فكره أنا كنت مقبل علي شراء العربيه .. ومن إسبوع كده سقت العربيه وكانت أوتو وكانت الفرامل أول حاجة تلفت إنتباهي كده هي بصراحة شديده غير مرضيه بالنسبه لعربيات كتيره سقتها

ومشوارها كالتالي : بتدوس أول دوسه بتبقي طريه أوي تحت رجللك ويادوب بتهدي العربيه وبعد كام سنتيمتر من الدوسه بتبتدي تبقي فعاله

وبصراحه موضوع يخوف يعني لما الفرامل تكون كده والعربيه لسه جديده ،، طيب أمال لما العرببيه تقدم شويه وتبتدي تستهلك .. هيبقي حالها إيه ؟؟؟؟؟؟

بصراحه أنا مش عايز أهاجم الموضوع ده عشان برده تجربتي تنحصر في مده لا تزيد عن نصف ساعه .. مش فتره كبيره

بمعني أني لو بسوق العربيه فتره متواصله وأكتر من مره ،، وأتعرض لمواقف تحتاج لسرعة أستجابه ،، ساعتها الحكم هيبقي نهائي

بس أفتكر إن الموضوع ده مهم جداً .. لأن الفرامل من أهم الحاجات اللي في العربيه .

ما انا قولت لحضرتك الواحد يعود نفسة انه يفرمل بالطريقة دى وهتلقى نفسك بعد كدا بتفرمل كدا لوحدك
بالنسبة للرملة بالعكس هتلقى الفرامل احسن لان هى دى فايدة ال abs اى نعم هتاخد فترة اطول اعقبال ما تقف لاكن العربية مش هتزحلق وتعوم معك فى الرملة زى اى عربية مش فيها ABS ونفس الكلام بالنسبة للمياة

[ghabbour]

اولا شكرا الى كل من اهتم و اضاف تعليق او رد

ألف حمدلله عالسلامة, بس ده موضوع خطير جدا!! فرامل بتهرب مني كتيييييييير جدا في الشاهين

الله يسلمك و ربنا يستر

السلام عليكم
ربنا يعوضك خير إن شاء الله
كنت عاوز أسأل سيادتك هل فعلاً طلب مراجعة الفرامل والتشييك عليها مثبت فى طلب الصيانة أم لا ربما يكون الرجل الذى أرسلت معه السيارة نسى هذا التشييك.
ثانياً: ياريت تراجع تقرير الصيانة الخاص بك هل ذُكر فيه أن الفرامل تم إصلاحها أو مراجعتها أم أنها كويسة أم أنه لم يتعرض لذلك تماماً، أخيراً فإنه بناء على تلك الإجابة يمكن أن تحدد الخطوة الثانية بكيفية التعامل مع التوكيل، لكن قبل هذه الخطوة يمكنك مراجعة ميكانيكى فى الخارج لتحديد عيب الفرامل، وفى النهاية تقبل تحياتى

انا فعلا عمال الدور على الورق بتاع صيانة الاف بس انا مدهول اليويمن دول و مش لاقيه
بس هدور علية و اكلمهم و ان شاء الله خير

فرامل الجين 2 غريبة بمعنى
انى كنت بعنى فعلا من موضوع الفرامل دة وكنت قلقان جدا وحاسس انى معيا اضعف فرامل فى التاريخ
وفى يوم عملت الرجلاش بتاع الفرامل و طلعت انا ومحمد مومو على طريق السخنة
عشان نجرب الفرامل على سرعات عالية ونكون مطمنين ان مفيش عربيات ورانا لما نفرامل
المهم جربنا مرة والتانية ونفرمل على 120 او 100 ال abs يشتغل ومفيش اى فرامل يدوب العربية بتهدى واعقبال ما تقف يكون جالك ملل
طبعا دة معنى انك يعتبر ماشى بدون فرامل ولا قدر الله اى حاجة تقطع عليك الطريق يبقا الواحد فى خبر كان المهم جربنا تانى وبردوا زى ما هى
فى الاخر محمد قالى طب حول تفرامل من غير ما تشغل ال abs
قولته يعنى اية
قالى يعنى حول تحس بالفرامل وتمشى معها
قولتى بردوا مش فاهم يعنى اية
قالى يعنى بلاش تدوس فرامل جامد دوس نص الدوسة قولته ماشى اجرب هنخسر اية
المهم جينا على سرعة 100 وقولته جاهز 1 2 3 وطربت فرامل بالطريقة الى قالى عليها وكانت النتيجة ممتازة
العربية فرملت جامد الحمدلله والكوتش كان بيسرخ فى الارض وطبعا احنا جواء العربية لبسين الحزام ولو مش لبسينة كنا هنلبس فى التبلوة طبعا
بما انى من مجانين التجارب مكتفتش بالتجربة دى قولتة يلا نجرب تانى بس على 120 المرة دى
وجربنا ونفس قوة الفرامل ما شاء الله
وبعدين جربنا على 140 وبردوا الفرامل ممتازة قولتة خلاص نجرب على 160
قالى حلو 140 كفاية قولتوا لا نجرب 160 عشان انا اغلب الوقت بمشى بسرعات عالية
قالى طيب وجربنا وبردوا ما شاء الله الفراملة ممتازة ومسعفة جدا قولتوا طب نجرب بقا 180 قالى 180 اية انت مجنون ههههههه
المهم بعد التجربة دى اكتسبت ثقة عالية فى فرامل العربية ما شاء الله انها ممتازة
بس شرط انك مش تدوس فرامل للاخر عشان ال abs ميشتغلش يعنى دوس نص دوسة كدا
وعود نفسك على كدا وصدقنى هتحس انك معك فرامل قوية جدا

كل ده ممكن يكون كويس بس انا حصل ده فى اقل من ميكرو ثانية
و كان كل تركيزى ادوس اكبر قوة على الفرامل علشان اقف فى اقل وقت
وده طبيعى فى اى ظرف طارق

بخصوص التصليح عايز اى حاجة اسالنى انا خبرة ههههه
بس اقولك بردوا اسعار كام حاجة ولو عندك اى سوال تانى قولة
الكبوت 900 جنية ماليزى
الاكصدام 300 او 350 جنية تايونى 2008 اكصدام 2010 مش موجود
بس ممكن تصلح الاكصدام الاصلى بتاعك لو مش بايظ اوى عندى اى حد بتاع فيبر كويس
وهيتكلف من 50 الى 100 ج حسب الحالة

انا فعلا كنت هحتاج بس عملتها كلها على البارد و الواد السمكرى طلع عفريت ابن الاية
و شغالا كده علشان الواحد مفلس اليومين دول
والحمد الله
وعلى فكرة انا كان معايا جين تو قبل دى بردو و اوتوماتيك لمدة 3 سنوات
و كانت مفيهاش العيب ده على العكس تماما

و شكراا للجميع على المتابعة

[Nistelrooy]

انتوا كدا قلقتوني من الفرامل ..

abs نعمة ام نقمة ؟

ان شاء الله مش هاجري نهائي الا بعد تجريب الفرامل في اماكن فاضية ؟

[Abouelwafa]

أولاً: حمداً لله على السلامة وقدر الله وماشاء فعل
ثانيا: بالنسبة لفرامل الجين 2 هي فعلاً مختلفة عن العربيات التانية ولازم تتعود عليها بس ده مش معناه إنك هتقعد تفكر أدوس كام سنتي على الدواسة علشان الـ abs مايشتغلش
ثالثاً: الـ ABS ده مفروض إنه نعمة مش نقمة، يعني المفروض يزود كفاءة أداء الفرامل ويوقفها في مسافة أقصر بدل ماتزحف. لأنها لو زحفت يبقى مافيش كنترول.

وطبعاً مش معقول أكون دافع ثمن الـabs ولما أحتاجه مالاقيهوش، يبقى كنت إشترين هيونداي وفراملها حديد وأهي زحفة بزحفة، وأقله مصاريف تشغيلها أقل

http://www.nilemotors.net/Nile/163492-a.html

http://www.nilemotors.net/Nile/162854-gen-2-a.html

http://www.nilemotors.net/Nile/163019-abs.html

السلام عليكم
ربنا يعوضك خير إن شاء الله
كنت عاوز أسأل سيادتك هل فعلاً طلب مراجعة الفرامل والتشييك عليها مثبت فى طلب الصيانة أم لا ربما يكون الرجل الذى أرسلت معه السيارة نسى هذا التشييك.
ثانياً: ياريت تراجع تقرير الصيانة الخاص بك هل ذُكر فيه أن الفرامل تم إصلاحها أو مراجعتها أم أنها كويسة أم أنه لم يتعرض لذلك تماماً، أخيراً فإنه بناء على تلك الإجابة يمكن أن تحدد الخطوة الثانية بكيفية التعامل مع التوكيل، لكن قبل هذه الخطوة يمكنك مراجعة ميكانيكى فى الخارج لتحديد عيب الفرامل، وفى النهاية تقبل تحياتى

لو هتاخد إجراء في الموضوع أعتقد إنك كنت المفروض عملت إثبات حالة في القسم لأنك هتروح التوكيل وهيكون الرد إن عربياتنا مختلفة وممكن إنت إللى مش بتعرف تسوق كويس
أنا كان عندي مشكلة في الفرامل والـ ABS وزيك ماكانتش بتقف وبتزحف حتى والـ abs شغال ولما رحت التوكيل غيروا الطنابير وطلع التيل كمان خلص (10,000كم عل فكرة) فغيروه وإتظبطت.
بس بيني وبينك، بصراحة برضه لسه مش مآمن لها. يعني دايما عامل حسابي. ولو بصيت لها من ناحية نص الكباية المليان ممكن يكون ده تكنيك علشان يخلونا مانجريش. وبرضه علشان تحافظ على التيل إللى بيخلص من 10,000 كم إلى 15,000 كم (ده الطبيعي بتاعه على حسب كلام التوكيل ومش هقولك على سعره لأنه مفاجأة)

فرامل الجين 2 غريبة بمعنى
انى كنت بعنى فعلا من موضوع الفرامل دة وكنت قلقان جدا وحاسس انى معيا اضعف فرامل فى التاريخ
وفى يوم عملت الرجلاش بتاع الفرامل و طلعت انا ومحمد مومو على طريق السخنة
عشان نجرب الفرامل على سرعات عالية ونكون مطمنين ان مفيش عربيات ورانا لما نفرامل
المهم جربنا مرة والتانية ونفرمل على 120 او 100 ال abs يشتغل ومفيش اى فرامل يدوب العربية بتهدى واعقبال ما تقف يكون جالك ملل
طبعا دة معنى انك يعتبر ماشى بدون فرامل ولا قدر الله اى حاجة تقطع عليك الطريق يبقا الواحد فى خبر كان المهم جربنا تانى وبردوا زى ما هى
فى الاخر محمد قالى طب حول تفرامل من غير ما تشغل ال abs
قولته يعنى اية
قالى يعنى حول تحس بالفرامل وتمشى معها
قولتى بردوا مش فاهم يعنى اية
قالى يعنى بلاش تدوس فرامل جامد دوس نص الدوسة قولته ماشى اجرب هنخسر اية
المهم جينا على سرعة 100 وقولته جاهز 1 2 3 وطربت فرامل بالطريقة الى قالى عليها وكانت النتيجة ممتازة
العربية فرملت جامد الحمدلله والكوتش كان بيسرخ فى الارض وطبعا احنا جواء العربية لبسين الحزام ولو مش لبسينة كنا هنلبس فى التبلوة طبعا
بما انى من مجانين التجارب مكتفتش بالتجربة دى قولتة يلا نجرب تانى بس على 120 المرة دى
وجربنا ونفس قوة الفرامل ما شاء الله
وبعدين جربنا على 140 وبردوا الفرامل ممتازة قولتة خلاص نجرب على 160
قالى حلو 140 كفاية قولتوا لا نجرب 160 عشان انا اغلب الوقت بمشى بسرعات عالية
قالى طيب وجربنا وبردوا ما شاء الله الفراملة ممتازة ومسعفة جدا قولتوا طب نجرب بقا 180 قالى 180 اية انت مجنون ههههههه
المهم بعد التجربة دى اكتسبت ثقة عالية فى فرامل العربية ما شاء الله انها ممتازة
بس شرط انك مش تدوس فرامل للاخر عشان ال abs ميشتغلش يعنى دوس نص دوسة كدا
وعود نفسك على كدا وصدقنى هتحس انك معك فرامل قوية جدا

أنا مقدر تجربتك ورأيك بس بصراحة مش عاجبني الحال إللى وصلنا له في مصر، بقينا - وأنا كمان - بنحاول نقنع نفسنا إنو مفيش مشكلة وإن العيب عندي انا وإني أنا إللى مش عارف والمفروض أظبط نفسي وأظبط رجلي وأظبط إيدي ...... بس مش معقول إنو أنا دايماً إللى مش عارف، طيب لو حتى أنا إللى مش عارف طيب بقية الناس إللى في نفس ظروفي برضه هما كمان مش عارفين ؟!!!!!!!!!!!!

وبعدين دي فرامل، يعني من غيرها مفيش عربية.

بخصوص التصليح عايز اى حاجة اسالنى انا خبرة ههههه
بس اقولك بردوا اسعار كام حاجة ولو عندك اى سوال تانى قولة
الكبوت 900 جنية ماليزى
الاكصدام 300 او 350 جنية تايونى 2008 اكصدام 2010 مش موجود
بس ممكن تصلح الاكصدام الاصلى بتاعك لو مش بايظ اوى عندى اى حد بتاع فيبر كويس
وهيتكلف من 50 الى 100 ج حسب الحالة

حضرتك متأكد من الأسعار دي. ده كده يبقوا أرخص من تيل الفرامل الأصلي !!!!!!!!!

[tamer_aj]

أنا مش معاكم في تعميم مشكلة الفرامل,أنا معايا الجين تو المانوال 2009, و من إسبوعين كدة كنت رايح شغلي في مصر الجديدة و كنت طالع كوبري الطاهرة في الحدائق, و فيه في أخر الكوبري ملف و كنت ماش تقريبا 50-60 وفجأة في الملف لقيت زيت واقع الأسفلت و أتنين شباب راكبين موتوسيكل و اقعين علي الآرض قدامي فراشين الكوبري,
و الحمد لله دوست طبعا فرامل جامد جدا لآني كان ببساطة بيني و بينهم 2-3 متر بالكتير و كان في زيت في الآرض و الحمد لله الabs أشتغل و العربية وقفت من غير حتي ما تزحف و لا تحدف لآنها لو كانت حدفت كنت هاطير من علي الكوبري,

ودي كانت تجربتي الشخصية مع الفرامل و ما شاء الله كانت ممتازة رغم الظروف الصعبة اللي حاكيتها دي (ملف مع مطلع- زيت في الآرض- أشخاص علي بعد 2-3 متر - و كل ده فوق كوبري ضيق) الحمد لله.

أما بالنسبة للتكييف, فاأنا مش هاقول غير بمنتهي البساطة إني في عز ساعات الحر عمري ماقدرت أجيب التكيف علي 18 أكتر من 10 دقائق وبحس بسقعة شديدة فا لازم أضطر إني أرفع الحرارة شوية لل 20 - 21 مثلا.

[tamer_aj]

نسيت أقول في الأخر ( ماشاء الله لا قوة إلا بالله)

[densfog]

اسمحولى اشارك ببعض التجارب البسيطه:
1- تويوتا كورولا 2009 اوتو ..... فراملها غريبه شويه .... فيها جزء من الدوسه الفرامل بتهدى العربيه عادى جدا .... ولو تقلت رجلك شويه الفرامل بتكلبشها فى الأرض ( ما شاء الله)

2- الانترا 2007 اوتو ...... سوقتها ويدوبك على سرعه 30 كم/س تقريبا بفرمل زى ما متعود فى الجين 2 لقيت نفسى اكفيت لقدام لدرجه انى ضربت الكلاكس بسبب حركتى دى ( الكلام بدون ادنى مبالغه )

3- بولو سدان 2009 مانيوال .... تقريبا زى الجين 2

4- واحد زميلى معاه اوبترا ساق عربيتى .... ابدى استغرابه الشديد من الفرامل وقالى دى ضعيفه جدا

5- تعقيبى على عربيتى .... جين 2 انيوال 2009 .... والله الفرامل عملت معايا واجب كتيير .... بس برضه حاسس انها مش بالقوه الكافيه فى المواقف الحرجه ..... مع العلم انى عملت حادثه بسبب ان الفرامل ممسكتش بس كان السبب ان لمشايه القماش سرحت لحد ما اتكومت تحت الدواسه فخلت الفرامل متمسيكش كويس ..... وربنا يستر

6- بالنسبه للتكييف انا شايف انه مناسب جدا وسريع ..... بس فعلا مشكله الرسى الخلفى انه بيحس بالتكييف بعد فتره ( تقريبا 10 دقائق)

[fadynabil]

أنا تقريبا حاسس أن فرامل الجين 2 القديم و المانوال أقوى من الجديد و خصوصا الأوتوماتيك .

جين 2 موديل 2007 .............. فراملها ............. أكتر من ممتازة
بتوقف العربيات في لحطات ......................... يعني مرة واحد ماشي بدون مرايات ............ أجرة الصعيد ( عربية بيجو ) على الدائري
و ماشي تاتا تاتا .....
و فجأة حدف قدامي .............. و أنا كنت على بعد 2 متر تقريبا منه ....... و الرصيف جنبي من ناحية و عربية نقل من الناحية التانية .

و سرعتي تقريبا كانت حوالي 110 ........... و دوست على الفرامل بكل ما أملك من قوة .......... و العربية وقفت ووصلت تقريبا لسرعة 20 في 5ثواني تقريبا ......

و مع تجربة جين 2 أوتوماتيك 2010 لفترة طويلة .............. حاسس أن فرامل المانوال أفضل بكتير من الأوتوماتيك و الله أعلم .

يعني فرامل الچين 2 الأوتو الجديد أضعف من المانيوال .. طيب تيجي إزاي مش الفرامل واحده في الأتنين وهي من أنتاج شركة بوش الألمانيه ... أكيد في حاجة غلط ،،

بس فعلا الفرامل لما سقت كانت غير مرضيه بالمره وهي كانت 2008 أوتو

[ghabbour]

يا جماعة انا الى بشتكى من الفرامل كانت معايا ال gen 2 مو 2006 و عمرى ما اشتكيت من الفرامل بل على العكس تماما
كانت اكثر حاجة مشجعانى انى بدلت عربيتى ال gen 2 مو 2006 فى التوكيل بموديل 2010
فهذا اكبر دليل على انى مقتنع بالسيارة
واما الفرامل فا فليس يكون من الضرورى عيب عاما يمكن ان يكون عيب فردى بسيارتى
و على العموم انا بعت العربية اليوم 20/7/2010 التوكيل و ان شاء الله لما تيجى هقولكم على الاخبار
و تعليقا على التكيف
فى السيارة السابقة و السيارة الحالية نسبة ارضائى عن التكيف راضى جداا لدرجة 85% او 90%

[أبومعاذ]

ال abs أنا احيانا ادوس جامد والاقي العربية كلبشت في الارض واحيانا ادوس وبرضو احس انها بتكمل ومش بتقف كويس اكتشفت ان انا لما بجرب وانا هادي ومن غير موقف مفاجئ بدوس فرامل ولما ال abs بيتشغل بفضل دايس للاخر فالعربية بتكلبش لكن في المواقف المفاجئة تقريبا انا ببقى مخضوض فبدوس على الفرامل جامد واول ما ال abs بيتشتغل ومن خضة الموقف بلاقي نفسي خفيت رجلي عن الفرامل تلقائياً وتقريبا عشان كدا العربية بتسحب وبتكمل بس انا مش متاكد...ياريت الناس تجرب كذا مرة مع الدوس على الفرامل للاخر حتى مع ال abs واللي يجرب يقولنا ايه النتيجة

[ghabbour]

الحمد الله العربية اتعملت الفرامل امبارح بنسبة 75% و ظبطو الزاويا تمام بس مش بسهولة
الاول بدلو العجل الامامى اليممين بدل الشمال و كانت ايضا مش مزبوططة
لحد ما ظبطوها كويس و الفرامل مش عارف سحب الهواء الى فى الفرامل فا اتعدلت كثير
بس مش مقتنع 100%
بس شغال
و الحمد الله