فرامل gen 2 هربت و لبست و الميكروباص

[eslam_wega]

الحمد الله العربية اتعملت الفرامل امبارح بنسبة 75% و ظبطو الزاويا تمام بس مش بسهولة
الاول بدلو العجل الامامى اليممين بدل الشمال و كانت ايضا مش مزبوططة
لحد ما ظبطوها كويس و الفرامل مش عارف سحب الهواء الى فى الفرامل فا اتعدلت كثير
بس مش مقتنع 100%
بس شغال
و الحمد الله

يعنى اية سحب الهواء من الفرامل ؟

[eslam_wega]

أولاً: حمداً لله على السلامة وقدر الله وماشاء فعل
ثانيا: بالنسبة لفرامل الجين 2 هي فعلاً مختلفة عن العربيات التانية ولازم تتعود عليها بس ده مش معناه إنك هتقعد تفكر أدوس كام سنتي على الدواسة علشان الـ abs مايشتغلش
ثالثاً: الـ abs ده مفروض إنه نعمة مش نقمة، يعني المفروض يزود كفاءة أداء الفرامل ويوقفها في مسافة أقصر بدل ماتزحف. لأنها لو زحفت يبقى مافيش كنترول.

وطبعاً مش معقول أكون دافع ثمن الـabs ولما أحتاجه مالاقيهوش، يبقى كنت إشترين هيونداي وفراملها حديد وأهي زحفة بزحفة، وأقله مصاريف تشغيلها أقل

http://www.nilemotors.net/nile/163492-a.html

http://www.nilemotors.net/nile/162854-gen-2-a.html

http://www.nilemotors.net/nile/163019-abs.html

لو هتاخد إجراء في الموضوع أعتقد إنك كنت المفروض عملت إثبات حالة في القسم لأنك هتروح التوكيل وهيكون الرد إن عربياتنا مختلفة وممكن إنت إللى مش بتعرف تسوق كويس
أنا كان عندي مشكلة في الفرامل والـ abs وزيك ماكانتش بتقف وبتزحف حتى والـ abs شغال ولما رحت التوكيل غيروا الطنابير وطلع التيل كمان خلص (10,000كم عل فكرة) فغيروه وإتظبطت.
بس بيني وبينك، بصراحة برضه لسه مش مآمن لها. يعني دايما عامل حسابي. ولو بصيت لها من ناحية نص الكباية المليان ممكن يكون ده تكنيك علشان يخلونا مانجريش. وبرضه علشان تحافظ على التيل إللى بيخلص من 10,000 كم إلى 15,000 كم (ده الطبيعي بتاعه على حسب كلام التوكيل ومش هقولك على سعره لأنه مفاجأة) :b4_564:



أنا مقدر تجربتك ورأيك بس بصراحة مش عاجبني الحال إللى وصلنا له في مصر، بقينا - وأنا كمان - بنحاول نقنع نفسنا إنو مفيش مشكلة وإن العيب عندي انا وإني أنا إللى مش عارف والمفروض أظبط نفسي وأظبط رجلي وأظبط إيدي ...... بس مش معقول إنو أنا دايماً إللى مش عارف، طيب لو حتى أنا إللى مش عارف طيب بقية الناس إللى في نفس ظروفي برضه هما كمان مش عارفين ؟!!!!!!!!!!!!

وبعدين دي فرامل، يعني من غيرها مفيش عربية.



حضرتك متأكد من الأسعار دي. ده كده يبقوا أرخص من تيل الفرامل الأصلي !!!!!!!!!

ايوا طبعا متاكد من الاسعار لانى اشتريت الحاجات دى فعلا الحمدلله

[eslam_wega]

اولا شكرا الى كل من اهتم و اضاف تعليق او رد



الله يسلمك و ربنا يستر

انا فعلا عمال الدور على الورق بتاع صيانة الاف بس انا مدهول اليويمن دول و مش لاقيه
بس هدور علية و اكلمهم و ان شاء الله خير


كل ده ممكن يكون كويس بس انا حصل ده فى اقل من ميكرو ثانية
و كان كل تركيزى ادوس اكبر قوة على الفرامل علشان اقف فى اقل وقت
وده طبيعى فى اى ظرف طارق

انا فعلا كنت هحتاج بس عملتها كلها على البارد و الواد السمكرى طلع عفريت ابن الاية
و شغالا كده علشان الواحد مفلس اليومين دول
والحمد الله
وعلى فكرة انا كان معايا جين تو قبل دى بردو و اوتوماتيك لمدة 3 سنوات
و كانت مفيهاش العيب ده على العكس تماما

و شكراا للجميع على المتابعة

ممكن تقولى كلفتك كام مصناعية عشان داخل على تصليح قريب ان شاء الله

[ghabbour]

يعنى اية سحب الهواء من الفرامل ؟

اعتقد كده ان فى الماستر بتاع الفرامل
داخل الانبايب بيكون فى هواء وسط الزيت
فيسحب الهواء الى فى الانابيب لكى يكون زيت فقط

ممكن تقولى كلفتك كام مصناعية عشان داخل على تصليح قريب ان شاء الله

انا وديت السيارة عند سمكرى جار واحد تاجر بينى و بينه شغل
و التاجر صديقى خلصها و استلمها من السمكرى و دفعلو حسابة
و بينا كلام لانة مش عايز يقولى على المصاريف
و انا عمال احاول معاه علشان اعرف الفلوس الى دفعها اد اية و هو حالف ما ياخد فلوس

[shadymatter]

انا حصل معايه كده و كان العيب من المستر العمومى

[momopersona]

حمد لله على سلامتك
طبعا كلام اسلام حقيقى مليون فى الميه
والسبب ان ال abs يعيبه على الاسفلت انه بياخد فتره اكثر فعلا ودى معلومه حقيقيه
يعنى لو منغير abs من 0-100 فى 2 ثانيه بالabs فى 2.5 ثانيه
لكن طبعا يعد ميزه كبيره جدا فى الرمل
لكن للاسف بردو مهما كان الواحد اعصابه هاديه لو اتخض بيدوس على الاخر (وده اكبر خطأ)
عن تجربه مع اسلام الفرق كبير جدا بالذات فى بروتون
انا كنت راكب جنبه فكنت بحس بالشده لقدام اكتر منه لانى مش ماسك دريكسيون وفعلا الفرق كبير جدا

وطبعا ده مش انكار لوجود مشكله فى نظام الفرامل
المشكله موجوده فعلا لكن بنحاول نتفاداها عشان مانكرهش نفسنا

وارجع واقول احنا احسن من غيرنا كتير (شوف الفيرنا مثلا واحمد ربنا) لكن بردو اوحش من غيرنا

مشكله طول المشوار خلاص اتحلت بموضوع رامى الكبير
وتبقى مشكلة اعدم الفاعليه والطنابير وصفارة التيل موجوده على الاقل عندى انا
وشكرا لصاحب الموضوع على نقل التجربه

[Raul_7]

والسبب ان ال abs يعيبه على الاسفلت انه بياخد فتره اكثر فعلا ودى معلومه حقيقيه
يعنى لو منغير abs من 0-100 فى 2 ثانيه بالabs فى 2.5 ثانيه

لو بسيط على أول فيديوهين في الموضوع ده هتلاقي العكس بالضبط بيحصل.

http://www.nilemotors.net/Nile/165850-abs-off.html

[fadynabil]

لو بسيط على أول فيديوهين في الموضوع ده هتلاقي العكس بالضبط بيحصل.

http://www.nilemotors.net/nile/165850-abs-off.html

العكس اللي بيحصل علشان الكاوتش بيزحف ,, لكن لو فرملت بدون ما تخلي الكاوتش يقفش بمعني أخر من غير ما تخلي ال abs يشتغل >> هتبقي فعاله أكتر وبتوقف أسرع

بس معني الكلام ده إنه ممكن تقدر تتحكم في عدم تشغيل ال abs حتي لو العربيه فيها .. بس عاوزه تعود ورجل حساسه أوي

[ghabbour]

العكس اللي بيحصل علشان الكاوتش بيزحف ,, لكن لو فرملت بدون ما تخلي الكاوتش يقفش بمعني أخر من غير ما تخلي ال abs يشتغل >> هتبقي فعاله أكتر وبتوقف أسرع

بس معني الكلام ده إنه ممكن تقدر تتحكم في عدم تشغيل ال abs حتي لو العربيه فيها .. بس عاوزه تعود ورجل حساسه أوي

انا عارف بس انت عارف ساعة المفاجئة الواحد مفكرش و بعدين انا كنت ماشى على سرعة اقل من 40 او 30 مثلا
يعنى يكاد بايدك توقف العربية
يالا هو كله نصيب
بس هى بعد التوكيل اتظبطت اكثر من 80%
انا متاكد انها كانت فيها مشكلة و عملوها و الحمد الله على اد كده

[أبومعاذ]

انا من ساعة ما عملت موضوعك وانا ماشي عمال افرمل على سرعات مختلفة كل ما الاقي الدنيا فاضية ورايا والحمد لله شغالة معايا كويس يظهر كدا عربية حضرتك كان فيها مشكلة في الفرامل

[M.almaghraby]

انا مستغرب من ردود اصحاب العربية فعلا

انا عمري ما حسيت ان الفرامل ضعيفة مثلا او حاجة بس هيا مشوارها طويل " و اعتقد تتحل بموضوع الرجلاش مش اكتر "

لكن والدي قالي فعلا عربيتك فراملها مش حلوة !!! مش عارف علي اساس ايه بس انا مش مقتنع بكلامه...... يمكن قصده علي المدي الواسع بتاعها لانه مش بيسوقها كتير

لكن انا بصراحة اتعودت عليها و بتسعفني في مواقف كتير الحمد لله

[K3A]

ال abs أنا احيانا ادوس جامد والاقي العربية كلبشت في الارض واحيانا ادوس وبرضو احس انها بتكمل ومش بتقف كويس اكتشفت ان انا لما بجرب وانا هادي ومن غير موقف مفاجئ بدوس فرامل ولما ال abs بيتشغل بفضل دايس للاخر فالعربية بتكلبش لكن في المواقف المفاجئة تقريبا انا ببقى مخضوض فبدوس على الفرامل جامد واول ما ال abs بيتشتغل ومن خضة الموقف بلاقي نفسي خفيت رجلي عن الفرامل تلقائياً وتقريبا عشان كدا العربية بتسحب وبتكمل بس انا مش متاكد...ياريت الناس تجرب كذا مرة مع الدوس على الفرامل للاخر حتى مع ال abs واللي يجرب يقولنا ايه النتيجة

كلامك مضبوط يا ابو مريم

و ضيف عليه ان العربية ممكن تسحب على الارض مع ال abs لو كان في رمل على الارض و لو بسيط و اديك مثال ممتاز لتجربة ذلك اي حد ممكن يجربه

عارف و انت داخل توكيل الصحراوي للصيانة بتحود اول يمين بعد عز العرب بتمشي في طريق جانبي بتعدي بوابة ستروين و تيجي تحود يمين على بوابة بروتون

لاحظ كده قبل بوابة ستروين في مطب في الارض بس لتحت مش لفوق يعني بشق في الارض ... لو كنت ماشي بسرعة 40-60 و جيت فرملت فجأة مرة واحدة قبل المطب حتلاقي ABS اشتغل و العربية زحفت عليه ودة بسب وجود بعض حبوب الرمال حواليه

ابقى جرب و قولي

تحياتي ,,,,,

[Victor Alex]

قبل اي حاجه الحمدلله انها جت علي قد كده .... الموضوع ده قلقني جدا انا كنت مستني اشوف الموديل الجديد للجين 2 اللي مفروض بينزل شهر 10 او 11 بس موضوع الفرامل ده قلقني جدا ونا مش مع موضوع اني ادوس نص دوسه عشان مشغلش الabs لانه مفيد برضو اني هكون مطمن لو حودت ونا بفرمل ومزايا تانيه كتير يعني ايه استعمل الفرامل من غير ماشغل الabs طب ايه فايدته ؟؟؟ انا مش قادر احكم لاني مجربتش بس ياريت اراء الاعضاء اللي معاهم موديلات جديده وياريت اعرف ازاي اللي هيشتري يجرب الموضوع ده قبل مايستلم

[harizy]

فرامل الجين 2 غريبة بمعنى
انى كنت بعنى فعلا من موضوع الفرامل دة وكنت قلقان جدا وحاسس انى معيا اضعف فرامل فى التاريخ
وفى يوم عملت الرجلاش بتاع الفرامل و طلعت انا ومحمد مومو على طريق السخنة
عشان نجرب الفرامل على سرعات عالية ونكون مطمنين ان مفيش عربيات ورانا لما نفرامل
المهم جربنا مرة والتانية ونفرمل على 120 او 100 ال abs يشتغل ومفيش اى فرامل يدوب العربية بتهدى واعقبال ما تقف يكون جالك ملل
طبعا دة معنى انك يعتبر ماشى بدون فرامل ولا قدر الله اى حاجة تقطع عليك الطريق يبقا الواحد فى خبر كان المهم جربنا تانى وبردوا زى ما هى
فى الاخر محمد قالى طب حول تفرامل من غير ما تشغل ال abs
قولته يعنى اية
قالى يعنى حول تحس بالفرامل وتمشى معها
قولتى بردوا مش فاهم يعنى اية
قالى يعنى بلاش تدوس فرامل جامد دوس نص الدوسة قولته ماشى اجرب هنخسر اية
المهم جينا على سرعة 100 وقولته جاهز 1 2 3 وطربت فرامل بالطريقة الى قالى عليها وكانت النتيجة ممتازة
العربية فرملت جامد الحمدلله والكوتش كان بيسرخ فى الارض وطبعا احنا جواء العربية لبسين الحزام ولو مش لبسينة كنا هنلبس فى التبلوة طبعا
بما انى من مجانين التجارب مكتفتش بالتجربة دى قولتة يلا نجرب تانى بس على 120 المرة دى
وجربنا ونفس قوة الفرامل ما شاء الله
وبعدين جربنا على 140 وبردوا الفرامل ممتازة قولتة خلاص نجرب على 160
قالى حلو 140 كفاية قولتوا لا نجرب 160 عشان انا اغلب الوقت بمشى بسرعات عالية
قالى طيب وجربنا وبردوا ما شاء الله الفراملة ممتازة ومسعفة جدا قولتوا طب نجرب بقا 180 قالى 180 اية انت مجنون ههههههه
المهم بعد التجربة دى اكتسبت ثقة عالية فى فرامل العربية ما شاء الله انها ممتازة
بس شرط انك مش تدوس فرامل للاخر عشان ال abs ميشتغلش يعنى دوس نص دوسة كدا
وعود نفسك على كدا وصدقنى هتحس انك معك فرامل قوية جدا






يابا شا أنا عايز أفهم يعنى إيه الفرامل قوية من غير abs ما يشتغل، هو أنا بدفع ثمنه عشان ألغيه أو أوقفه تيجى إزاى بصراحة مش فاهم يعنى إيه الabs يشتغل تبقى الفرامل ضعيفة ولما يتوقف عن العمل تبقى الفرامل قوية !!!!!!!!!

[haroun707]

اعتقد والله اعلم موضوع هروب الفرامل ده مع الضغط المفاجئ عليها
عيب فى ماستر الفرامل