عملت حادثه بالجين2

[dolly13]

الف سلامة عليك والمهم انك بخير
لكن مفيش حاجة ممكن تعملها وتضمن بيها حقك فى اللى حصل ده ؟

[Nistelrooy]

اولا الف سلامة علي حضرتك ..

وربنا يعوض عليك السيارة ..

بس حالة الكاوتش كانت عاملة اية .. يعني الكاوتش ده كنت ماشي بيه قد اية ؟ مش ممكن يكون ممسوح ع الاخر ؟ قبل ما تظلم عربية كاملة ؟

[wekabika]

اولا الف سلامه عليك و الحمد لله ده قضاء ربنا لو راكب مرسيدس زي مبتقول كان حصلك كده

اما بقي الكلام الي جي يارب مايضيقكش و انا عارف انت اكيد مش ناقص بس المهم

ال abs في البروتون زفت بس لو الأرض فيها ميه زي مبتقول و في دوران يعني بتلف بالعربيه و بتفرمل في نفس الوقت ال abs مش هينفعك انت عايز esp و ده مفيش عربيه ب 90 الف فيها

و اما سرعه ال 80 ديه لو هنعقلها يعني فرملت و العربيه دخلت في الجزيرة و كل ده العربيه لسه مهديتش و فيها سرعه تقلبها مرتين دي بصراحه مبالغه السرعه كانت اعلي من كده بكتير

و بالنسبه للأخ المعداوي بعد ما الحادثه حصلت قعد يشكر في العربيه و قال الحمد لله ربنا نجاني بسبب ثبات ال عربيه و ان شاء الله العربيه الجايه جين 2 2010 و دلوقتي جي بيشتم في العربيه
يا جماعه شويه صدق مع النفس و ربنا المستعان

و محدش يضايق من كلامي

[Nistelrooy]

wekabika


ال esp الي كنت بحاول افتكرها .. كنت عايز اقولة نفس الكلام الجين مافهاش غير abs و ebd

شوف الاقتباس ده

يتكون نظام ESP من عدة أنظمة يتحكم بها النظام
وهي : ABS –EBD- MSR – ASR


يوجد عند البعض سوء فهم حول نظام ABS و ESP في عدم التفريق بينهم

سأوضح الاختلاف الكبير بينهم
Anti-lock braking systems )ABS ): هو نظام مانع انغلاق (ليس مانع انزلاق ) بحيث يمنع الكفرات أثناء الفرملة القوية من إقفال حركة دوران الكفرات ويجعلها مع شدة الفرملة تسير مع نظام آخر اسمه EBD ((Electronic Brakeforce Distribution وهو نظام مساعد على قوة الكبح حيث يعطي
أقصى قوة للفرملة
يعني معناه أي سيارة فيها نظام ABS لازم يكون معاه EBD
يعني ABS يمنع إقفال الكفرات و EBD يعطي أقوى قوة فرملة

MSR (engine-drag torque control) وهو نظام يتلقى الأوامر من نظام ESP لتحكم في عزم المحرك أثناء الخروج عن السيطرة
ASR ( (Automatic slip resolution وهو نظام يتلقى الأوامر من ESP ويقوم بعمل فرملة في الجهة الأكثر دوران على كل كفر بقدر الحاجة كما يعرف أيضا بـ ( TCS) تراكشن كنترول

[elmadawy]

اولا الف سلامه عليك و الحمد لله ده قضاء ربنا لو راكب مرسيدس زي مبتقول كان حصلك كده

اما بقي الكلام الي جي يارب مايضيقكش و انا عارف انت اكيد مش ناقص بس المهم

ال abs في البروتون زفت بس لو الأرض فيها ميه زي مبتقول و في دوران يعني بتلف بالعربيه و بتفرمل في نفس الوقت ال abs مش هينفعك انت عايز esp و ده مفيش عربيه ب 90 الف فيها

و اما سرعه ال 80 ديه لو هنعقلها يعني فرملت و العربيه دخلت في الجزيرة و كل ده العربيه لسه مهديتش و فيها سرعه تقلبها مرتين دي بصراحه مبالغه السرعه كانت اعلي من كده بكتير

و بالنسبه للأخ المعداوي بعد ما الحادثه حصلت قعد يشكر في العربيه و قال الحمد لله ربنا نجاني بسبب ثبات ال عربيه و ان شاء الله العربيه الجايه جين 2 2010 و دلوقتي جي بيشتم في العربيه
يا جماعه شويه صدق مع النفس و ربنا المستعان

و محدش يضايق من كلامي

يا باشا ان مش بشتم في العربية انا بقول ان في حاجه غلط في موضوع الفرامل في العربية وهو ده ال حصلي وحصل لصاحب الموضوع وانا مازالت بحب العربية ديه لكن ال انا عايزة اننا نثبت ان في حاجه غلط في نظام الفرامل ووسائل الامان ال في العربية وانا مش مضايق من كلامك بس احنا عوزين نعرف التوكيل المحترم ان في حاجه غلط بتحصل في العربيات ولازم يهتم بالموضوع ده علشان ميتكررش من ناس اخرون وشكرا

[ahmad--ezzat]

الاخ المعداوى مشتمش فى العربيه...كل الموضوع ان فى اتفاق ان عربيه ب85 اللف جنيه الكوالتى بتاعها مش زى الالمانى والامريكانى...ودى معلومه للناس اللى فاكره ان البروتون مجبتهاش ولاده...اعذرونى يعنى

[hossamhookman]

الحمد لله على كل شئ
و الحديد يروح و يجى غيره ان شاء الله

[kareem_aljamal]

بسم الله الرحمن الرحيم
اولا الف سلامه و في داهية العربية

ثانيا
من مبادئ السواقة انك متفرملش في دوران او ملف و ده طبيعي جدا في كل العربيات اي عربية هيحصلها نفس اللي حصل لحضرتك

و بعدين اللي بتقوله انك كنت ماشي على 80 و العربية اتقلبت ؟؟؟
مبالغة شوية لاني جربت العربية في ملفات على 80 و 90 و 100 كمان و العربية زي الفل

و بعدين لو ملف حاد اوي مينفعش تمسي فيه باكتر من 40 او 50

متفق معاك ثباتها اكيد مش زي البي ام و المرسيدس بس
ثباتها حلو جددددددا

و الف سلامة و ربنا يكتبلك الخير دايما

[m_elkhishin]

الاخ المعداوى مشتمش فى العربيه...كل الموضوع ان فى اتفاق ان عربيه ب85 اللف جنيه الكوالتى بتاعها مش زى الالمانى والامريكانى...ودى معلومه للناس اللى فاكره ان البروتون مجبتهاش ولاده...اعذرونى يعنى

أولا الحمد لله على السلامة

لو حضرتك كنت راكب عربية ألماني، وبنفس وسائل أمان جين2 ، بدون esp وراكب عليه نفس الكاوتش، كانت حتتزحلق برده وحتتقلب

الاير باجز الامامية مبتفتحش غير مع صدمه أمامية (وده في كل أنواع السيارات سواء صيني أو مريخي)


لما الناس تقول ان الجين تو ثباتها جيد جدا، ده بيكون مقارنة بنفس الفئة والتجهيزات،

مع احترامي الشديد لكم، ولكن انا في اعتقادي ان أي حادث لم يكن سببه عطل أو كسر مفاجئ في السيارة هو مسئوليه السائق في المقام الاول لأنه اما مقدرش يعرف امكانيات عربيته كويس، أو كان واثق في امكانياتها أكتر من اللازم

وبعدين المثل بيقول، ميقعش الا الشاطر، وغلطة الشاطر بالف غلطه، وذلك لأن غروره بقدراته اللي هو فاكرها عاليه جدا ممكن يخونه


ربنا يستر طريقنا جميعا

[ahmedsamir5edr]

حمد لله على السلامة

[kareem_aljamal]

انت فكرتني بواحد من فترة كده داخل يشتم في العربية و يقول دي زبالة و و و و .......
عشان اخوه كان ماشي بيها 180 و فوجئ بعربية قريبة فشد فرامل اليد و العربية اتقلبت و اخوه طلع سليم مفيش فيه غير كدمة بسيطة و كان مستغرب اوي
فعلا حاجه غريبة 180 و فرامل يد ؟؟؟ تتقلب ازاي دي ؟؟
تقريبا فاكر نفسة راكب دبابة

[ecybrarian]

...
وكانت الدنيا شابورة والارض عليها ندى ... على فكرة انا من اسكندرية وكنت ماشى على طريق البحر تقريبا عل سرعة 80....

أولا حمدا لله على سلامتك..وإن شاء الله لما ربنا يكرمني واركب بي ام ولا مرسيديس مش هامشي على 80 والدنيا شبورة والارض مندية ولا هالف في الظروف دي بالشكل إللي حضرتك قلته لأني أكيد ساعتها هاعمل حادثة مهما كان نوع العربية..أنا عارف إن حضرتك ممكن تكون مشيت بنفس الطريقة في النفس الظروف كتير قبل كدا ومحصلش حاجة بستر ربنا..لكن مش كل مرة..وعموما في داهية الحديد وربنا يستر طريقنا كلنا

[eslamkasem]

الف سلامه عليك وفي ستين داهيه الحديد كان هيفيدك بأيه لو لا قدر الله العربيه طلعت سليمه ومحلصش فيها حاجه وكان دراعك ولا حاجه لا قدر الله يعني راح

الفرامل نص نص دا في الوجا انا مسوقتش جين تو عشان احكم ولازم تبقي متاكد انك راكب عربيه بداية الفئة المتوسطة للعربيات يعني عربيه شكل وامكنيات بسعر معقول اوعه تطلب منها ثبات زي الالماني ولا قوة ماتور زي اليباني خالص ولا بردو قوة صاج الالماني الحكايه ان احنا نرضي بعربيتنا ونحمد ربنا بس بردو منبلغش في قيمة العربية ونقول ولا ثبات البي ام ولا المرسيدس نقول انها عربيه شبابيه جميله وبس لكن مفيش مقارنه مع ألماني ولا يباني ولا امريكي دول فعلا عندهم معاير الجوده مختلفه تماما عن مليزيا

حصل موقف بسيط كدا امبارح عاوز احكية لحضراتكم مكنتش مصدقه كلنا عارفين العربيه الجريت ول بيري الب50 الف عربية بدات تتنشر وكدا هيا مع ابن عمي وواحد تاني صاحب ابن عمي معاه كرولا مانويل بردو موديل 96 او اقل المهم ابن عمي عامل بالعربية 5000كيلو لسه زيرو وكان مقتنع بالعبية دي جدا وقرروا انهم يشدو مع بعض ابن عمي في اول الطلعه فرق ب4ثواني كدا وفجأة لقيت الوحش الكرولا الغلبان بهدل ابن عمي فرق عنه بمراحل وابن عمي قرص علي العربيه مفيش فايده وابن عمي سواق من زمان جدا يعني مش مبتدئ...ودا الفرق ببساطه بين الصيني واليابني مع فرق السنين لصالح الصيني بكتيييييييييير وكذالك بردو لو جيت تقارن الماليزي مع الالماني هتلاقي بردو فرق دي القصه كلها

ومحدش يزعل مني ويقول ان بهاجم العربيه خالص لاني ببساطه احد ملاك الماركة دي

[elmkaneeki]

أولا الحمد لله على السلامة

لو حضرتك كنت راكب عربية ألماني، وبنفس وسائل أمان جين2 ، بدون esp وراكب عليه نفس الكاوتش، كانت حتتزحلق برده وحتتقلب

الاير باجز الامامية مبتفتحش غير مع صدمه أمامية (وده في كل أنواع السيارات سواء صيني أو مريخي)


لما الناس تقول ان الجين تو ثباتها جيد جدا، ده بيكون مقارنة بنفس الفئة والتجهيزات،

مع احترامي الشديد لكم، ولكن انا في اعتقادي ان أي حادث لم يكن سببه عطل أو كسر مفاجئ في السيارة هو مسئوليه السائق في المقام الاول لأنه اما مقدرش يعرف امكانيات عربيته كويس، أو كان واثق في امكانياتها أكتر من اللازم

وبعدين المثل بيقول، ميقعش الا الشاطر، وغلطة الشاطر بالف غلطه، وذلك لأن غروره بقدراته اللي هو فاكرها عاليه جدا ممكن يخونه


ربنا يستر طريقنا جميعا

بجد 100 100

[eng.m7md.ali]

الف سلامة واللي يجي في الريش بقشيش والحمد لله انك واقف على رجلك اصلا