عملت حادثه بالجين2

[asas2]

طبعا الله يكون فى عونك وربنا يصبرك على ابتلاءه .. بس لو كان اللى انت بتقوله ده حصل حقيقى


بصراحة ومن غير لف ولا دوران انا مش متخيل نفسى يحصلى حادثة بالشكل ده والعربية تتقلب وتروح كلها كمان واروح اخش على النت واقول ابدلها بتى شيرت اديداس و كمان اقعد استخدم فى انيمشنز اسمحلى ده كلام ميدخلش العقل .. انا بشكك فى كل كلمة حضرتك قولتها وعليك انك تورينا صور العربية دى ان كان اللى حصل ده بجد .. والحكاية مش مستاهله تقعد تدعى على صينى وماليزى ومش عارف ايه لانه لو كان ده حصل بجد فده انا مؤمن انه بيبقى قدر اكتر منه اى حاجة تانية وملهوش علاقة بصينى ولا ماليزى ..



وبعدين حضرتك .. كاتب "[warning] بس بعد الدرس دة احب اقول انة عربيات بروتون فعلا زفت ولا فيها اى حاجة من اللى بيتقال عنها بجد خدعة كبيرة واكبر مقلب اكلتة فى حياتى انى جبت جين 2[/warning])

التهم اللى زى اللى حضرتك بتقولها على العربية دى مبتترميش جزافا لان الكلام ده ممكن يأثر على سمعة عربية محترمة .. بتصنعها ايادى مسلمة بتحاول تتقى الله فى كل شغلها وتشتغل بجد مش زينا وتجتهد وتجتهد علشان ينجحوا ويرفعوا سمعة بلدهم وينجحوا فى صنع عربية محترمة وسعرها رخيص الى حد ما .. صناعة تقريبا مفيش يد مسلمة بتتقنها غيرهم ..

نتأكد منين ان حتى لو ده حصل ما يبقاش عيب حضرتك مش عيب فى العربية

وبعدين انا مش قادر استوعب ازاى عربية بيستخدمها البوليس الانجليزى ( جين 2 . بيرسونا . واجا) بتتقلب وهى بتحود ملف على الواسع على سرعة تمانين ويبقى عيب العربية .. افهم من كدة ان البوليس الانجليزى بيمشى على 40 وهو بيطارد المجرمين ولا ايه . واعتقد ان لو فى عيب او اى حاجة فى نظام الفرامل علشان المية والشبورة فى سكندرية .. فاكيد انجلترا مش حتبقى اقل من اسكندرية فى المطر ولا ايه


ده رابط يا ريت الناس تدخل تقراه علشان تتأكد ان البوليس الانجليزى بيستخدم عربيات بروتون علشان امكانياتها وتوفيرها للوقود .. وانهم بيدرسوا ازاى يستعينوا باعداد تانية من عربيات بروتون وموديلات مختلفة اكتر ..

The driving factor


واخيرا اعذرنى لو كنت ضايقتك ولو كان ده حصل بجد بس الحاجة اللى انا متأكد منها ان حضرتك أكيد متجنى اوى على العربية ومش جايب اى لوم على نفسك .. وده ناس كتير شايفاه مش انا بس

مش عارف والله اقول لحضرتك ايه .. ربنا يصبرك ويصبرنا على ابتلاءه .. ويسترها علينا كلنا وعلى عربيتنا

[memo_p910]

حمد الله على سلامتك أولا

مش معنى انك عملت حادثه لأنك أخطأت في القياده ان العربيه وحشه ممكن تدور في النت وتشوف صور لعربيات بورش مقلوبه وعامله حادثه شنيعه برده

[Ahmed_SpY]

اللى بتقولو ده صعب قوى .. 80 و مياه و عملت كده مفيش الكلام ده على فكرة جين 2 متتقلبش غير من حادثة محترمة مش 80

يا راجل ده انا على 150 اتزحلقت فى رمل و العربية مشيت بالعرض بس و كملت عادى

[M.Osman]

أولا الحمد لله على السلامة

لو حضرتك كنت راكب عربية ألماني، وبنفس وسائل أمان جين2 ، بدون esp وراكب عليه نفس الكاوتش، كانت حتتزحلق برده وحتتقلب

الاير باجز الامامية مبتفتحش غير مع صدمه أمامية (وده في كل أنواع السيارات سواء صيني أو مريخي)


لما الناس تقول ان الجين تو ثباتها جيد جدا، ده بيكون مقارنة بنفس الفئة والتجهيزات،

مع احترامي الشديد لكم، ولكن انا في اعتقادي ان أي حادث لم يكن سببه عطل أو كسر مفاجئ في السيارة هو مسئوليه السائق في المقام الاول لأنه اما مقدرش يعرف امكانيات عربيته كويس، أو كان واثق في امكانياتها أكتر من اللازم

وبعدين المثل بيقول، ميقعش الا الشاطر، وغلطة الشاطر بالف غلطه، وذلك لأن غروره بقدراته اللي هو فاكرها عاليه جدا ممكن يخونه


ربنا يستر طريقنا جميعا

الله ينور عليك... فعلاً
it's not the ride, it's the rider

بالمناسبة... ممكن اعرف نوع الكاوتش اللي فيها كان اية و حالته اية؟

و حمد لله على السلامة

[archiwork]

الكلام ده يقلق بس فعلا ياريت الصور والدلائل وربنا يسترها على الكل

[shadymatter]

اولا الف سلامه عليك و الحمد لله ده قضاء ربنا لو راكب مرسيدس زي مبتقول كان حصلك كده

اما بقي الكلام الي جي يارب مايضيقكش و انا عارف انت اكيد مش ناقص بس المهم

ال abs في البروتون زفت بس لو الأرض فيها ميه زي مبتقول و في دوران يعني بتلف بالعربيه و بتفرمل في نفس الوقت ال abs مش هينفعك انت عايز esp و ده مفيش عربيه ب 90 الف فيها

و اما سرعه ال 80 ديه لو هنعقلها يعني فرملت و العربيه دخلت في الجزيرة و كل ده العربيه لسه مهديتش و فيها سرعه تقلبها مرتين دي بصراحه مبالغه السرعه كانت اعلي من كده بكتير

و بالنسبه للأخ المعداوي بعد ما الحادثه حصلت قعد يشكر في العربيه و قال الحمد لله ربنا نجاني بسبب ثبات ال عربيه و ان شاء الله العربيه الجايه جين 2 2010 و دلوقتي جي بيشتم في العربيه
يا جماعه شويه صدق مع النفس و ربنا المستعان

و محدش يضايق من كلامي

انا معاك ياباشا كلامك مظبوط لازم يكون فى صدق مع النفس الى كان هينفع فى الحاله دى ال esp و انا اعتقد ان السرعة كانت اعلى من كده بكتير

[NFS]

مع احترامي الشديد لكم، ولكن انا في اعتقادي ان أي حادث لم يكن سببه عطل أو كسر مفاجئ في السيارة هو مسئوليه السائق في المقام الاول لأنه اما مقدرش يعرف امكانيات عربيته كويس، أو كان واثق في امكانياتها أكتر من اللازم

وبعدين المثل بيقول، ميقعش الا الشاطر، وغلطة الشاطر بالف غلطه، وذلك لأن غروره بقدراته اللي هو فاكرها عاليه جدا ممكن يخونه

+1000

[alarabiya11]

انت اتزحلقت والعربية لفت حولين نفسها كنت ياخى مدس فرامل وارفع رجلك عن البنزين وسيسها بس الواضح انك كنت جنب الرصيف

برده بس ده قدر ربنا يصبرك على ما اصابك

وانا لله وان اليه راجعون

ولاحول ولا قوة الا بالله

[amruzo]

اولا الف سلامه عليك و الحمد لله ده قضاء ربنا لو راكب مرسيدس زي مبتقول كان حصلك كده

اما بقي الكلام الي جي يارب مايضيقكش و انا عارف انت اكيد مش ناقص بس المهم

ال abs في البروتون زفت بس لو الأرض فيها ميه زي مبتقول و في دوران يعني بتلف بالعربيه و بتفرمل في نفس الوقت ال abs مش هينفعك انت عايز esp و ده مفيش عربيه ب 90 الف فيها

و اما سرعه ال 80 ديه لو هنعقلها يعني فرملت و العربيه دخلت في الجزيرة و كل ده العربيه لسه مهديتش و فيها سرعه تقلبها مرتين دي بصراحه مبالغه السرعه كانت اعلي من كده بكتير

و بالنسبه للأخ المعداوي بعد ما الحادثه حصلت قعد يشكر في العربيه و قال الحمد لله ربنا نجاني بسبب ثبات ال عربيه و ان شاء الله العربيه الجايه جين 2 2010 و دلوقتي جي بيشتم في العربيه
يا جماعه شويه صدق مع النفس و ربنا المستعان

و محدش يضايق من كلامي

+1
كل كلامك تمام وانا معاك فى كل كلامك والمعداوى اخويا وانا مش معاه
00000000000000000000000000000000000000000000000000 0

[ehabsharaf]

يا باشا ان مش بشتم في العربية انا بقول ان في حاجه غلط في موضوع الفرامل في العربية وهو ده ال حصلي وحصل لصاحب الموضوع وانا مازالت بحب العربية ديه لكن ال انا عايزة اننا نثبت ان في حاجه غلط في نظام الفرامل ووسائل الامان ال في العربية وانا مش مضايق من كلامك بس احنا عوزين نعرف التوكيل المحترم ان في حاجه غلط بتحصل في العربيات ولازم يهتم بالموضوع ده علشان ميتكررش من ناس اخرون وشكرا

كدة تقريبا احنا اكتر من 6 عملو حوادث جامدة خلال شهر 11 بسبب الفرامل ومحدش يقولى فرامل حلوة بس مشوارة بعيد دية فرامل زفت انا يوم الوقفة عربيتى ادمرت بسبب الفرامل واحد اوقف مرة واحدة وطبعا العربية زحفت اكتر من 3 متر ولبست لبسة محترمة فرامل بروتون زى الزفت لازم نعترف بكدة العربية لمسة بنزين تبقى عايزة تطير تدوس فرامل ماتعرفش توقفها دة يبقى اسموا اية

[Raul_7]

كدة تقريبا احنا اكتر من 6 عملو حوادث جامدة خلال شهر 11 بسبب الفرامل ومحدش يقولى فرامل حلوة بس مشوارة بعيد دية فرامل زفت انا يوم الوقفة عربيتى ادمرت بسبب الفرامل واحد اوقف مرة واحدة وطبعا العربية زحفت اكتر من 3 متر ولبست لبسة محترمة فرامل بروتون زى الزفت لازم نعترف بكدة العربية لمسة بنزين تبقى عايزة تطير تدوس فرامل ماتعرفش توقفها دة يبقى اسموا اية

مع احترامي ليك كلام خطأ تماما, من خلال تجارب كتير للفرامل.

و الحمد لله على سلامة صاحب الموضوع, وربنا يعوضوا خير إن شاء الله.

[momopersona]

للاسف كل ده ممكن يكون فقط من نوع الكاوتش الردىء اللى العربيه بتنزل بيه

يعنى انا من خبرتى المتواضعه شايف العربيه كوزن كويس جدا وعفشه رياضيه منفصله حلوه وتصميمها انسيابى جدا وكله تمام لكن الكاوتش سواء بتاع الجين القديمه او الجديده ناشف
كفيل يخلى العربيه تزحف للصبح

حصل معايا موقف شبيه بالموقف ده
وبعدها اتعلمت حاجه
ان فى فرق بين الاحساس والواقع

العربيه دى بتديك احساس السيفيك او البى ام وانت سايق لكن الواقع اقل كتييييييييييييييير

يعنى هاتحس وانت على 180 انك على 80 وهتاخد غرز العربيه مش بتميل ولا تحسسك بخوف لكن لو راحت مش هاتتلم ابدا وهاتفقد السيطره على العربيه بنسبة 100% بعكس البى ام والسيفيك وكده واقعهم مناسب لاحساسهم

وكل حاجه على قد سعرها

يعنى قارن الجين بالصنى او النيو اكسينت
مافيش مقارنه نهائيا فى الثبات لصالح الجين طبعا

لكن لو قارنت الجين بالسيفيك او ال 316 لازم تبئا الجين خسرانه بردو

كل اللى اقدر اقوله ان الجين ب 85 ثبات وامان اعلى من عربيات ب 130 و140 لكن اكتر من 140 لا طبعااااااااا

و حمد لله على سلامتك يا باشا
و بجد احمد ربنا انا شوفت نيو اكسينت على طريق السويس لما اتقلبت السقف نزل على اللى راكبين يعنى ماكنش فيها قايم او زجاج واللى جوه ربنا يرحمهم بسبب السقف والصاج الخفيف ( بعد الشر علينا )

[momopersona]

بالنسبه للفرامل انا شايفها كالاتى

بحالاااااات

بعد ماتعمل صيانتها بتبئا تمام
يعنى غيرت تيل ورجلشت ص وكده هاتلاقيها لوه خلال اسبوع هاتلاقيها بدأت تهيس تانى وبقت عايزه صيانه تانى
و انا شايف ان الفرامل بتهرب يعنى احيانا بتمسك من لمسه واحيانا بتنزل معاها لاخر الدواسه تحت عشان تقف

وطبعا دى مش فرامل عربيه المفروض انها رياضيه
ده غير بئا مشكلة الطنابير والتيل وكده

[MBhead]

اول حاجة الف سلامة عليك يا باشا و بدل كله في الحديد ولا يهمك
و ثانيا انا الصراحة معرفش نوع العربيه دي ولا شكلها و لو شوفتها مش حعرفها
انا حاقول لحضرتك حاجة الكاااااااااااااوتش يشيل عامل كبير من الحادثة دي لان احنا في مصر بنمشي بكاوتش واحد طول السنة و دا غلط جدا لان المياه عايزه كاوتش غير بتاع الارض الجافة خالص(انا بردو بعمل كده) و كمان نوع الكاوتش و حالته بيفرق جامد و حجم العربيه وعوامل كتير
و الABS ملهوش علاقة بالمياه التاني اسمو Traction Control و دي مش في اي عربيه اقلل عربيه فيها مرسيدس مستعمله ب 100 الف
و دا لو لقتها
و المهم في الاول وفي الاخر سلامتك

[gebreel]

حمد الله على السلامة و يا ريت صاحب الموضوع يرد على موضوع الكاوتش و الصور