انطباعى عن الجين 2 من اول 30 كلم

[Eng.Sameh]

""" انا فاكر انكوا كنتوا قولتو كل كده ان الموديل الهاى لاين مش حاينزل مصر علشان حايبقى غالى و حايفقد قدرتوا على المنافسة،ياريت اعرف ايه التغيير اللى حصل """
__________________________________________________ _____

ادخل على اللينك ده وانت تعرف كل الفروق

[Eng.Sameh]

http://paultan.org/archives/2008/03/03/2008-proton-gen2-facelift-with-cps-launched/

[Ghamrawy]

انا عارف كل الفروق دى،مش ده هو السؤال
انا بسأل ان الناس هنا فى مصر لما عرفت ان فى موديل جديد cps m line و سألوا فى التوكيل التوكيل قال ان الموديل ده مش حايتم تسويقه فى مصر علشان سعره حايكون عالى و العربية حاتخسر ميزة مهمة و هى سعرها

[Eng.Sameh]

الأخ الكريم / gemino

الكلام ده كان عشان يخلصو اللي عندهم من الجين2 القديمة ، وده كان مجرد مخزون في بروتون ،
لكن خلاص القديمة اتوقف تصنيعها من فترة ، يعني هيجبوها منين !
وبعدين على فكره الجديدة سعرها فارق في ماليزيا حوالي 4000 جنيه ، وغالبا هيكون ده بردو هوه الفرق في مصر،

واخيراً ال H-Line و M-Line ، الأثنين هينزلو ( من استاذ حبيب مباشرةً ) ، بالذات ان ال M-Line بقى مفيهاش ABS ولا EBD وكمان Airbag واحد ده غير ان موتورها مش cps والفرق في السعر بينهم بره قليل جدا حوالي 5000 جنيه وده طبعا لا يقارن بفرق الامكانيات ، غير ان الهاي لاين فرشها جلد والأثنين نزاين باسبويلر كميزة اساسية مش بتشتريه لوحده ، وهما لو جابو ال M-Line بس هيبوظو الدنيا لان الناس خدت على ان الجين2 فيها ABS ' EBD ' 2 Airbags

واتمنى اني اكون افدتك

[m_marmoush]

أنا كلمت الأستاذ حبيب و عرفت منه أنها حتنزل بمتور ال Ifam مش ال Cps يعنى حتكون ال M-line بس مفهمتش منه حكايه الكماليات, لأنه قالى أن الكماليات حتكون هيه هيه بس فموقع بروتون كماليات ال M-line مفيهاش Abs Or Passernger Air Bag

وكمان في نقطه هل الجين 2 القديمه والجديده حينزلوا مع بعض فى شهر 8 ولا حيخلصوا القديمه و بعدين ينزلوا الجديده؟

[Eng.Sameh]

انا كلمتو تاني ، وقالي هنزل مجموعة هاي لاين ، مش عارف واضح انو كلامو متضارب ، وواضح انو بيسوحني وخلاص ، ودايما تحس انو مخنوق زي ميكون حد لافف حبل حولين رقبته ، انا اصلا اتخنقت من العربية بسببه وبسبب الكلام الملخبط ده ، وشكلي هكبر دماغي منها خالص واشتري سوزوكي sx4

[Mzeid]

بس أنا شايف إن العربية هتنزل بكماليات إستثنائية .. يعني هتنزل بموتور IAFM و هتنزل ب AIRBAGS ABS EBD علشان تبقى رخيصة و السبويلر مش هيبقى موجود و الكلام دة زي ما الميتسوبيشي منزلة ال 1500 عندنا في مصر مع إنها بتنزل برة 2000 و كماليات .. و بروتون هتعمل كدة علشان تحافظ على سوق ال GEN 2 في مصر و تحافظ على القدرة التنافسية في السوق المصري لأنهم مش مستحملين يخسروا أي سوق مهما كان سوق ناشئ أو نامي لأن بروتون حالياَ بتمر بأزمات و الحكومة الماليزية عمالة تدلل على الشركة عند جميع صناع السيارات في العالم علشان تعدي من أزماتها الحالية ..
:):)

[Eng.Sameh]

بس انت رأيك هيه الأحسن ولا سوزوكي sx4

[Ghamrawy]

الأخ الكريم / gemino

الكلام ده كان عشان يخلصو اللي عندهم من الجين2 القديمة ، وده كان مجرد مخزون في بروتون ،
لكن خلاص القديمة اتوقف تصنيعها من فترة ، يعني هيجبوها منين !
وبعدين على فكره الجديدة سعرها فارق في ماليزيا حوالي 4000 جنيه ، وغالبا هيكون ده بردو هوه الفرق في مصر،

واخيراً ال H-Line و M-Line ، الأثنين هينزلو ( من استاذ حبيب مباشرةً ) ، بالذات ان ال M-Line بقى مفيهاش ABS ولا EBD وكمان Airbag واحد ده غير ان موتورها مش cps والفرق في السعر بينهم بره قليل جدا حوالي 5000 جنيه وده طبعا لا يقارن بفرق الامكانيات ، غير ان الهاي لاين فرشها جلد والأثنين نزاين باسبويلر كميزة اساسية مش بتشتريه لوحده ، وهما لو جابو ال M-Line بس هيبوظو الدنيا لان الناس خدت على ان الجين2 فيها ABS ' EBD ' 2 Airbags

واتمنى اني اكون افدتك

الف شكر يا باشا على المعلومات
انا معاك فى الكلام اللى انت قولته و لو عملوا كده الدنيا حاتبوظ فعلا

[ahmedsiyam]

السلام عليكم
واضح يا شباب انكم شاغلين دماغكم بكلام لسه فى علم الغيب و خاصة اننا فى بلد مافيش توكيل فيه ليه كلمة و سياسته واضحة الكل بيستغل الظروف بتاعة السوق
انا باقول الناس تكبر دماغها من الكلام ده و اللى عايز يشترة العربية زيى ماهى يروح يجيبها و مايشغلش باله ايه اللى هاينزل و امتى و هايبقى عامل ازاى
وبعدين احنا طول عمرنا عارفين ان اسوء مواصفات هى اللى بتنزل بلدنا
يعنى شوفو الجين 2 موديل 2008 عاملة ازاى بره و المواصفات اللى نازلة بيها تفتكروا يعنى هى لسه بتنزل عندنا ليه بنفس المواصفات القديمة
طبعا علشان سعرها مايتغيرش خاصة ان كل العربيات الجديدة نازلة باسعار غالية و يمكن مبالغ فيها وبكده هايبقى سعر الجين 2 منافس جدا فى السوق
الاخ Justs
الاستاذ حبيب انا ماعرفهوش شخصيا بس هو راجل متفهم جدا لطلبات العملاء انا كلمته برضه زيك و هو تحس انه مستعجل بس هو اكيد مسؤلياته كتير بس الراجل بيرد على اى استفسار و لو حد من العملاء بلغه بشكوى الراجل مابيتاخرش الصراحة و الكلام ده من العملاء انا لسه ماجربتهوش فى حاجة زيى كده

[M_HaFeZ]

حد يعرف فين ياجماعه توكيل بروتون فى اسكندريه لانى نزلت المصريه اشوف العربيه
وطبعا كالعاده الكدب المباح فى مصر ... السياره كل اسبوع موجوده فى اعلاناتهم والموظف بيقولى مبنشتغلش اساسا فى البروتون !!!

[ahmedsiyam]

عز العرب اللى بعد داون تاون

[M_HaFeZ]

عز العرب اللى بعد داون تاون

ياراااااااااجل ... ملاقوش حته ابعد من كده
عموما الف شكر ليك ياحمد

[ahmedsiyam]

ياريت حد من الاخوة اللى معاهم الاوتوماتيك يفيدنى فى التالى

- استهلاك البنزبن دلوقتى وصل لـ 11 لتر لكل 100 كلم
هل ده طبيعى و لا الدنيا لسه هاتتظبط بعد صيانة الـ 1000

- التكييف بيفصل و يشتغل بسرعة هل ده عادى و لا لأ ؟

- الزر الخاص بتشغيل الهواء داخل السيارة او سحب هواء خارجى باضطر كل مرة ادور فيها العربية انى اخليه على وضع التشغيل مع انى دايما فى اى عربية باركبها باخليه على وضع التشغيل اى ان الهواء يبقى داخل الصالون و لا يتم تجدسده من الخارج

ياريت يا جماعة يبقى الرد على الكلام ده و نفكنا بقى من السياسة التسويقية لعز العرب و اللى عايز يشترى يروح ينفذ لان ماشاء الله العربية زيى الفل و تستاهل

[tutankhamoun]

ياريت حد من الاخوة اللى معاهم الاوتوماتيك يفيدنى فى التالى

- استهلاك البنزبن دلوقتى وصل لـ 11 لتر لكل 100 كلم
هل ده طبيعى و لا الدنيا لسه هاتتظبط بعد صيانة الـ 1000

- التكييف بيفصل و يشتغل بسرعة هل ده عادى و لا لأ ؟

- الزر الخاص بتشغيل الهواء داخل السيارة او سحب هواء خارجى باضطر كل مرة ادور فيها العربية انى اخليه على وضع التشغيل مع انى دايما فى اى عربية باركبها باخليه على وضع التشغيل اى ان الهواء يبقى داخل الصالون و لا يتم تجدسده من الخارج

ياريت يا جماعة يبقى الرد على الكلام ده و نفكنا بقى من السياسة التسويقية لعز العرب و اللى عايز يشترى يروح ينفذ لان ماشاء الله العربية زيى الفل و تستاهل

أستاذ أحمد ........... السلام عليكم و رحمة الله و بركاته

أنا عربيتي فتيس عادي و لكن سأجاوب عن ما أعرف و ما يخص سيارتي و يمكن يساعدك

بالنسبة لإستهلاك البنزين .......... فعلا هو كتير لغاية ما يتم التليين و يقل الإستهلاك تدريجيا حتى تصل إلى أفضل إستهلاك و هذا يأخذ وقت
و لكن سيقل الإستهلاك بعد أول ألف كيلومتر إن شاء الله ........... و الله أعلم

بالنسبة للسؤال الثاني .... مش فاهم
و برضه لأني مش بشغل التكييف كتير ......... فمبخدش بالي قوي

بالنسبة للسؤال الثالث ..... برضه مش فاهمه قوي
و السلام عليكم و رحمة الله و بركاته