انطباعى عن الجين 2 من اول 30 كلم

[M_HaFeZ]

انا متفائل خير باذن الله فى تفوق العربيه ده عالميا ومحليا
لانها ببساطه شركه ماليزيه محترمه واخوان مسلمين لينا
وماليزيا للى مش عارف من اكتر الدول المحترمه وملتزمه يعنى تتمنى انك تزورها وتعيش فيها ده غير انها بلد جميله
وانا فى النقطه دى باوافق اخى توت ... والناس الصراحه بتفكر صح اوى ولما اشتروا اللوتس عرفوا ازاى يفكروا فشركه لوتش من الشركات اللى بتقدم سيارات رياضيه محترمه ولكن كعيب الانجليز الاساس هو ضعف التسويق رغم ان والله والله والله العربيات الانجليزى من افضل العربيات الاوربيه والعالميه وناوى باذن الله اعمل موضوع او اكثر عن السيارات الانجليزيه
يعنى الناس دول بيفكروا صح اوى وبيعملوا شغلهم بطريقه جيده جدا فى وجهه نظرى
ومعلش يعنى هنحط فى كفتين والناس توزن
الاولى : جوده الصاج + الثبات على الطريق ودى مهمه اوى اوى اوى + عوامل امان متعدده (ايرباج و فرامل مانعه للانزلاق وتوزيع الفرامل الكترونيا على العجلات) واهمية الجزء بالنسبه لى شخصيا هى التوب و دى الكفه الاولى
الكفه التانيه : تقفيل زى الالمانى وجوده عاليه فى اختيار خامات السياره من الداخل

الاختيار انا مش هاتكلم عليه .. شوف اللى بيهتم بسلامته وسلامة اسرته وكل بقدر الله
او بيهتم بالحركات اوى وبالتابلوه ان خاماته تكون عاليه اوى اوى

مع العلم ان التابلوه اساسا شكله جميل ... وانت بتاخد امكانيات فى العربيه اكتر من الفلوس اللى بتدفعها بالمقارنه باللى فى السوق

اللى عايز يقارن يقول عايز انهى كفه ... الاولى ولا التانيه وعلى الاساس ده هيقدر العربيه
والله ياجماعه انا كل يوم بيزيد اعجابى واحترامى بالبروتون وكل ماشوف عربيه او اقرا عنها يزيد الاعجاب والاقتناع

[MohabSaeed]

أما بخصوص سرعه فصل و توصيل الكموبريسور فدا ممكن يكون بسبب تشغيل التكييف فى جو مش حر ودة بيسبب أن الترموستات الموجود داخل الصالون يفصل بسرعه عشان حقق درجه الحراره المطلوبه بسرعه

وتحت أمرك فى أى خدمه

* ملحوظه مهمه جداااااااااااااااا*
انا انهاردة فعلا كنت ماشى وشغلت التكيف " الجو كان حلو اساسا " بس الدنيا كانت دوشه جداااااااااااااااااااااااااا فقولت اقفل الازاز وافتح التكيف " لراحه الاعصاب " , لاول مره الاحظ ان الكمبريسور بيشتغل 10 ثوانى ويفصل ....... ويشتغل 10 ثوانى ويفصل .......... بس انا فاكر ان فى ايام الحر اوى مكانش بيفصل بالسرعة دية واضح فعلا ان الموضوع بيتأثر بدرجه الحراره

انا متفائل خير باذن الله فى تفوق العربيه ده عالميا ومحليا
لانها ببساطه شركه ماليزيه محترمه واخوان مسلمين لينا
وماليزيا للى مش عارف من اكتر الدول المحترمه وملتزمه يعنى تتمنى انك تزورها وتعيش فيها ده غير انها بلد جميله
وانا فى النقطه دى باوافق اخى توت ... والناس الصراحه بتفكر صح اوى ولما اشتروا اللوتس عرفوا ازاى يفكروا فشركه لوتش من الشركات اللى بتقدم سيارات رياضيه محترمه ولكن كعيب الانجليز الاساس هو ضعف التسويق رغم ان والله والله والله العربيات الانجليزى من افضل العربيات الاوربيه والعالميه وناوى باذن الله اعمل موضوع او اكثر عن السيارات الانجليزيه
يعنى الناس دول بيفكروا صح اوى وبيعملوا شغلهم بطريقه جيده جدا فى وجهه نظرى
ومعلش يعنى هنحط فى كفتين والناس توزن
الاولى : جوده الصاج + الثبات على الطريق ودى مهمه اوى اوى اوى + عوامل امان متعدده (ايرباج و فرامل مانعه للانزلاق وتوزيع الفرامل الكترونيا على العجلات) واهمية الجزء بالنسبه لى شخصيا هى التوب و دى الكفه الاولى
الكفه التانيه : تقفيل زى الالمانى وجوده عاليه فى اختيار خامات السياره من الداخل

الاختيار انا مش هاتكلم عليه .. شوف اللى بيهتم بسلامته وسلامة اسرته وكل بقدر الله
او بيهتم بالحركات اوى وبالتابلوه ان خاماته تكون عاليه اوى اوى

مع العلم ان التابلوه اساسا شكله جميل ... وانت بتاخد امكانيات فى العربيه اكتر من الفلوس اللى بتدفعها بالمقارنه باللى فى السوق

اللى عايز يقارن يقول عايز انهى كفه ... الاولى ولا التانيه وعلى الاساس ده هيقدر العربيه
والله ياجماعه انا كل يوم بيزيد اعجابى واحترامى بالبروتون وكل ماشوف عربيه او اقرا عنها يزيد الاعجاب والاقتناع

حختار الكفة الاولى ...... لانها حتكون على قد فلوسى+ عوامل الامان + اعتمادية + شكل جذاب .

[immetwally]

ya regalla..

delwa2ti ana 7agez men 3ezz el 3arab kalemouni today 2alouli mafeesh alwan . 2a2olohom fe eih.. 2alouli mafeesh ella ramadi (gray).. 2a2olo tab fel ferou3 el tania fe?? ye2oli la2 gray bas

fa momken law fe 7ad 7agez ye2oli eih el nezam 3ando

Plz All Members Having Reservations We Shall Meet Or Call Each Other To Organize What Shall We Do With Them I Am Also Having Reservation A Month Ago And I C That We Shall Be One Hand Against Them
Especially We R Going To Take The Road From The Beginning Together
?Call Me Any Time 010 177 1337

[Powert]

اللون الرمادي مش وحش بل العكس لما شوفته في العربيات كان تحفه

انا روحت التوكيل فرع مدينة نصر شوفت 4 عربيات هناك 2 اسود واحدة اصفر وواحدة رمادي

اللون الرمادي كان احلى لون هناك

[mohamed_1991]

tab law el wa7ed mosh 3ayez yehgez we yestana fe ma3ared feen betbe3 el 3arabia de manul 2008 we law mafesh betestana ad a 3o2bal ma beysalimouk ? tawelt 3liko

[ahmedsiyam]

السلام عليكم

مشكورين يا رجالة على الرود بتاعتكم المفيده

احب اوضح بس ان التكييف باسمع صوته من جوه العربية و صوته بايخ بجد و مضايقنى جدا بس للاسف ماعنديش وقت اروح التوكيل خالص

وعلى فكرة الاخ محسن صالح و هو بيسلمنى العربية قالى ان العربية متلينة و اشغل التكييف عادى جدا و اجرى بيها و اعمل اللى انا عايزه بس انا عموما باشغله الصبح بس و كمان باسوق على مهلى موش عايز اقرص عليها خالص ماعتقدش كده انى باجهد الموتور و كمان الواحد برضه خبرة موش هافترى على العربية و هى لسه زيرو

بالنسبة لموضوع الخامات و التقفيل
امبارح لما لقيت معايا شوية وقت قولت انظف الصالون و جبت بليدج اللى باستعمله فى الاثاث المنزلى و روحت واخد العربية بقى تلميعة من اللى هى
اكتشفت ان فعلا تقفيل العربية موش حلو يعنى لازم جودة التقفيل تبقى احسن من كده و برضه زاد تاكدى من ان الخامات بتاعة الصالون عادية جدا
و طبعا احنا لو اخدنا خامات عالية زيى المستخدمة فى عربيات زيى الكورولا و التويوتا و السيات و موديلات تانية كتير بالاضافة الى تقفيل مظبوط موش حاجات مفارقة فى الباب و الصالون يبقى بحسبة بسيطة كده العربية دى تسوى فوق الـ 110000 جنيه مستريح نظرا لكم الكماليات الكتير اللى فيها

اللى عايز يشترى العربية دى و يكبر دماغه من موضوع الصالون و مايقعدش يقارن مابينها و مابين عربيات تانية كتير فى نفس سعرها يجيبها

و ياريت الناس تاخد فى الاعتبار ان العربية ماشاء الله ثقيلة على الارض و ثابتة و متينة جدا جدا جدا و الصاج بتاعها جامد اوى ماشاء الله و نمسك الخشب
وده موش موجود فى عربيات كتير

بالمناسبة انا سامع صوت تزييق عجيب هاتعقد منه و الصوت ده فى الشنطة تقريبا مع انى فضيتها كلها و لسه موجود برضه ماحدش يعرف ده ايه ؟؟؟؟
مع انى حاسس انه حاجة عبيطة فى الاخر تتعلق بالتقفيل بتاعها

[M_HaFeZ]

ربنا يبارك لك فيها

[ahmedsiyam]

مشكور يا محمد بك حافظ

[mazagnge]

:) مبروووك يا ابو صـــــيام .... 1000 مبروووك :)

:o شهــــيداً .... شهــــيداً .... شهــــيداً :o

:( معلش يا قمـــــر .... انا مقصــــر :(

أقـــر و أعـــترف

لكن

انا قلت قبل ما ساعدتك تستلم العربية بيومين

:o انا خارج حدود المحروســــة ( ســـابقاً ) لمدة اسبوعين :o

و لســـــة جي طازة يا بوب .... و قلت لازم ابارك و اعمل اللازم
------------------------------------------

رسالة إلي الرفيق توت عنخ أمون


:D لا تشــرب هــــذا الدواء .... الدواء بة سماً قاتل :D

يا عم انا رأى احنا نعزم كل اللي يضايق و عملنا كامبرو فى دمغنا

على عزومة جماعية للاعضاء في كشري الاخلاص:p

و بعد ما الكل يدخل ..... نكتب على المحل

:pهنا مقر تجمع اعضاء و منظمي حركة أضراب 6 ابريل و 4 مايو :p

و مكالمة من فاعل خير


و الكل ها يأكل أرز بلبن .... و المكسرات اية للركب


:) صبح ... صبح ياشـــــــــباب :)

;) و مبروك مرة تانية يا ابو صيام ;)

[Powert]

ايوة صح ورئيس المنظمة والاضراب هو عمو مزاجنجي

:D:D:D

[ahmedsiyam]

حبيب قلبى يا مزاجانجى يا جامد
صباح الورد و مشكور يا نجم على مداخلتك

[ahmedsiyam]

السـلام عليكـم

احب اوضح فى النهاية المشاكل اللى قابلتنى فى العربية و ملاحظاتى عليها و ده قبل صيانة الـ 1000 و بعد لما اروح التوكيل اعمل الصيانة هابقى ابلغكم بتقييمى بعد الـصيانة ان شاء الله

- التكييف بيفصل و بيشتغل بسرعة و صوته داخل الكابينة عالى مع صوت واضح لضخ الفريون عند بدء تشغيل الكباس
- صوت تزييق جاى من الخلف عند المطبات و عالى جدا و الصوت اختفى لما كنا 4 افراد فى العربية بنسبة 80% و بدء يرجع تانى طول ما انا راكب لوحدى :o
- صوت تزييق جامد جدا عند بدء التحرك كل مرة كأن الفرامل ماسكة فى الطنابير
- الملتى فنكشن بايظ الجزء الايمن الخاص بالتحويل بين الراديو و السى دى
- تقشير الفتيس من اول يوم
- فقدان الطبة الموجودة فى الاكصدام اللى بتغطى مكان جر العربية من الامام من اول يوم وشكل الاكصدام الامامى بايخ زيى مايكون فيه خرم
- تقفيل الابواب الخلفية للسيارة ضايع و عايز يتعاد عليه و ده مالهوش دعوة بالخامات الرخيصة المستخدمة فى التصنيع
- هايبقى فى سؤال عن استهلاك البنزين لانه كده عالى جدا 11.4لتر لكل 100 كيلو داخل المدينة
- التوكيل بيرفض تغيير نوع الزيت اللى بيستخدمه و انا مصر على استخدام نوع تانى هانشوف هاوصل معاهم لحد فين

العربية النهاردة عاملة 925 كلم و ان شاء الله هاعمل الصيانة يوم السبت القادم بأمر الله

تحياتى لكل الاخوة الافاضل و مشكورين على متابعة الموضوع و ابداء الاراء و اتمنى لو ربنا اراد اشوف اى حد منكم فى مقابلة الربوة الجمعة القادمة باذن الله :)

[ahmedsiyam]

احب اضيف ان العربية بتحدف يمين من يوم ما استلمتها مع انى باظبط الهواء مع كل تموين للوقود
المالتى فنكشن الجزء الخاص بالصوت باظ امبارح
بالنسبة لاى وضعية لتغيير الهواء المتدفق من فتحات التكييف الهواء بيضعف جدا فيما عدا الجزء الامامى فقط هو اللى بيكون احسن وضع للتكيف

دعواتكم يا رجالة علشان عندى خناقة جامدة جدا مع التوكيل و يا مسهل

[Ahmed REDA]

اية يا عم احمد دة كلة!!!
العربية بتاعت حضرتك شكلها كدة friday car

[ahmedsiyam]

يا احمد بك مشكور على مرورك

دى موش فرايداى كار

دى تقريبا اتعملت فى العيد الكبير و مافيش حد طايق ينزل الشغل و اتقفلت من غير نفس خالص