منتدى الواجا

[Umar08]

مرايا للواجا (الرد على الأخ بدر صلاح)

يا جماعة في حد بيبيع مرايا بروتون واجا 2005 مستعملة أو ليها بديل ؟

اتصل بهذا المحل و سوف تجد طلبك إن شاء الله

بروتون الأمير
28 شارع أحمد زكي-المعادي بجوار ميدان سوارس أمام نادي المعادي-بوابة 2

أ. محمد كمال 01009222201

[Mostafa tito]

اصدقائي بالحضن .... واجا بريميم ٢٠٠٦ مبشفكوش ف الشارع ليه ده احنا كلنا خمستاشر نفر

[Mostafa tito]

علي فكره مكه مبقتش اثق فيه

[Mostafa tito]

الاول انا احب اشكر الاستاذ عبده علي المجهود الرائع ..ثانيا ياريت كل اللي يعمل حاجه في عربيته يقول ..... انا حاليا بعمل طقم شنبر و الحمد لله بس دايخ علي حساس الايدل .... واجا ٢٠٠٦ اتوماتيك . و عايز ستاير

[abdohod]

يا نهار أبيض إن شاء الله ...... أنا مش مصدق عيني .... مفاجأتين من العيار الثقيل في يوم واحد:
1- في حد بيكتب في المنتدى أخيرا ويبدوا أن الله استجاب دعواتي بعد رمضان
2- واجا بيرميم 2006 مع الأستاذ Mostafa tito
بالحضن يا راجل ... دانا كنت فاكر نفسي بريميم لوحدي .... أوعى تقولي إن عربيتك سوداء .... أحسن أنا جبت أخري من اللون ده .... كلمنا عن عربيتك .. مدة الملكية ... سبب الشمبر ... الكماليات ... ويا سلام لو صور ... وأخيرا أرجوا ألا تقطع الاتصال ...لأنه لا يمكن يكون في منتدى أصلا من طرف واحد ... وشكرا جزيلاااااااااااااا

[abdohod]

بالنسبة لمرايا بروتون واجا ... أعتقد النوبيرا قريبة منها .... لكن هتلاقي المرايا كاملة وكمان كان في قاعدة مصبوبة بتتباع لدى مكة ... بس أنا أفضل الأصلي استيراد (نادرة) ... يوجد شخص اسمه البرتقالي بالجيزة وأشرف منصور في الجيزة (جيد جدا)

[Mostafa tito]

اخواتي ...تحياتي للجميع ..... ا.عبده. ... عربيتي بريميم سودا بردوه هههههه . العربيه ديه تاني مره اركبها و انا عن نفسي حبيتها مع العلم انا غيرت يجي ١٤ عربيه في حياتي ... عربيتي ديه جبتها بسعر كويس .. العربيه ديه انا بعشقها . تحس العربيه زلطه ... و اعطالها قليله ... السحب كان ممتاز اول ما جبتها بعد كده الاهمال كان سيد الموقف .... الماتور كان بيدخن الصبح و الزيت كان بينقص ... بقيت احط زيت الف كيلو احادي و عادي مكبر ... قرصت علي العربيه بعد ما نظفت البوابه بعد كده الكبس قل و الدخان بقي كتير جدا ... عملت طقم شنبر اتكلف بالمصنعيه ١٢٠٠ ج .. مش ديه القضيه .. المشكله الاكبر كانت في ان ايديل البوابه مكانش الاصلي و ده ف حد ذاته مشكله كبيره مالهاش حل ... الا اذا .... لقيت اصلي استيراد و اتت و نصيبك ... يا مش اصلي ب ٤٥٠ ل ٦٠٠ يشتغل اخره ٤ ل ٦ شهور و شكرا ... اخيرا خليت حد يجيبه معاه استيراد من الخليج

[abdohod]

الاستاذ Mostafa tito بعد التحية
ياريت تقولي سألت مين على الحساس سواء جديد أو استيراد .... أنا أعتقد إن حساس الايدل ال 1600 يعمل على الواجا

[MOODEE_848]

بالنسبة لكف المراية موجود في التوفيقية عند احمد توفيق وب70 جنيه

[abdohod]

سؤال لملكي الواجا .... إذا كانت مروحة التبريد لا تعمل في وقتها الطبيعي فأين يكون العيب؟؟؟؟ مع العلم بأن المروحة سليمة بدليل أنها تعمل عادي عند تشغيل التكييف والحرارة لا تزيد

[hamdydr]

بقينا 6 ---مبروووووووووووووووووووووك

hkh

انا واجا 2007 مانيوال عهربيه ممتازه انا عامل بيها حوالي45 الف كم عربيه ممتازه ماروحتش عند ميكانيكي ابدا غير مرتين غيرت فيهم تيل امامي وخلفي وبوجيهات

[abdohod]

نورت المنتدى وياريت تكون ايجابي وتشارك بمواضيع دائما

[Imohamedtoday]

واجا 2006 ....

[Imohamedtoday]

السلام عليكم .....
انا معايا بروتون واجا 2006 ومحتاج ضروووورى جدا ماستر فرامل عمومى . ولفيت فى كل مكان مش لاقى لا جديد ولا طقم اصلاح ولا استيراد . حد يقد يساعدنى ممكن ااصرف واجيب منين جزاكم الله عنى خييييير

[abdohod]

ممكن يكون نقس ماستر اللانسر بوما 2006 اسأل وتأكد