منتدى الواجا

[eng.m7md.ali]

السلام عليكم يا هندسة العربيات القديمة كانت الجنوط اكبر 16 اما الجديدة 15

ازيك يا استاذ ابو عبد الرحمن والله ليك وحشة جامدة :)
انا مركب جنوط 16 مع كاوتش 205 -55 زي بتاع القديمة والعربية عالية اكتر من القديمة بطريقة ملحوظة جداً

السلام عليكم و رحمة الله و بركاته يا وحوش الواجا وحشني كلكم اعتذر لقلة المشاركات لظروف انا عاوز ابيع الواجا هانم بتاعتي اللي هيا 2006 اتوماتيك سودا عاملة 93 الف كم و حالتها العامة جيدة جدا تفتكروا تعمل كام دلوقتي اللي يعرف يا ريت يفيدني و السلام عليكم

لعليه خير ان شاء الله وربنا يرزقك باللي احسن منها
ياريت تعمل اعلان ليها في القسم نفسه موضوع جديد عشان تاخد اهتمام اكبر

[abo3bdolrahman]

الحمد لله مش هاحتاج ابيعها بصراحة العربية دي ليها معزة جامدة و شكرا ليكم جميعا لردكم

[abdohod]

عملت العفشة بس المساعدين الأمامي ناقصة في السوق ... يا ترى إيه خبرتكم في شراء واستعمال المساعدين وأنواعها؟؟؟؟؟؟؟؟

[eng.m7md.ali]

عملت العفشة بس المساعدين الأمامي ناقصة في السوق ... يا ترى إيه خبرتكم في شراء واستعمال المساعدين وأنواعها؟؟؟؟؟؟؟؟

مونرو موجودين في التوكيل للواجا القديمة

[abdo1]

هما المساعدين و الطنابير اسعرهم ايه,,,و هل موجود مركز صيانه قريب من الهرم؟؟؟
جزاكم الله خيرا

[abdo1]

ايه رأيكم ننقل الموضوع ده للفيس بوك .. عبارة عن جروب يجمعنا كلنا

دوس ياباشا و احنا معاك الناس بتفتح الفيس كل يوم و كده المشاركه هتكون اكتر

[abdohod]

هل في حد اشترى فوانيس الواجا الشكل الجديد (ليدات) من شارع دمشق

[eslamkasem]

هل في حد اشترى فوانيس الواجا الشكل الجديد (ليدات) من شارع دمشق

اكيد فوانيس خلفيه صح ياريت حد يصور الفوانيس وكدا عشان انا بجد محتاج جوز فوانيس
ويا ترى سعرهم كام بالظبط ..وعند مينين بالظبط لانى من المنصورة وكدا فممكن اخلى واحد صحبى يجبهم وهو جاى المنصورة

[eng.m7md.ali]

اكيد فوانيس خلفيه صح ياريت حد يصور الفوانيس وكدا عشان انا بجد محتاج جوز فوانيس
ويا ترى سعرهم كام بالظبط ..وعند مينين بالظبط لانى من المنصورة وكدا فممكن اخلى واحد صحبى يجبهم وهو جاى المنصورة

في موضوع بيتكلم عن الفوانيس دي من عند محل مكة

سعر الطقم 550 جنيه

وفي كذا شكل

[abdohod]

عربيتي الواجا هاتعلمني الأدب ..... 2006 بريميم - مرايات ضم و 2 ايرباج - الشكل القديم - موتور المتسوبيشي - الغربية معايا تمام جدا .... بس انا بحب اغير وأركب حاجة أعلى في الأوبشن - كل ما أفكر ابيع ... اتراجع لأني مش عارف أشتري إيه .... فارق السعر كبييييييييييير بين الواجا وأي عربية تكافئها في الإمكانيات .... مفيش غير الميجان وخايف منها جدا جدا جدا .... ياترى إيه رأيكم أو خبراتكم في الميجان

[Amr_tika88]

ياجماعة انا معايا واجا ٢٠٠٦ مفيش حد بيعرف يزبط مكن القزاز القدماني بالذات او يتبدل بماركة تانيه افضل
انا عايز اركب زينون - ايه افضل نوع واحسن الخطوات ايه-
عايز اغير السماعات اللي ورا احسن نوع اجيبه ايه ولو عايز اغير الكاسيت دبل دين بس المالتي يكون شغال ويكون فيه بلوتوث ويو اس بي يعمل كام تقريبا
بالنسبة للفلاتر الاسبور ايه اخبارها لو اصلي k&N بالماسورة ايه عيوبه وايه مميزاته مع الواجا وانا شاكر جدا لحضراتكم

[eng.m7md.ali]

ياجماعة انا معايا واجا ٢٠٠٦ مفيش حد بيعرف يزبط مكن القزاز القدماني بالذات او يتبدل بماركة تانيه افضل
انا عايز اركب زينون - ايه افضل نوع واحسن الخطوات ايه-
عايز اغير السماعات اللي ورا احسن نوع اجيبه ايه ولو عايز اغير الكاسيت دبل دين بس المالتي يكون شغال ويكون فيه بلوتوث ويو اس بي يعمل كام تقريبا
بالنسبة للفلاتر الاسبور ايه اخبارها لو اصلي k&N بالماسورة ايه عيوبه وايه مميزاته مع الواجا وانا شاكر جدا لحضراتكم

مكن الازاز دي مشكلة الواجا عموماً

ممكن تفك مكنة وتنزل تلف بيها في الحرفيين وتشوف هيا متوافقة مع ايه

الزينون انا كنت مركب نوع صيني بس بصراحة زفت وشيلته علطول .. مقاس اللمبات h1 سواء عالي او واطي .. شوف فيلبس او نوع نضيف من شارع دمشق احسن

السماعات انا غيرت الفبريكا مركبت كينود بس مكانوش حلوين بردو بصراحة روحت مرجع الفبريكا تاني ( سماعات مدورة مش بيضاوية )

فلتر k&n الاصلي جربته بمسورة ومن غير المسورة .. الفرق بين ال2 هو الصوت هتلاقيه اعلى مع المسورة
فرق الاداء احسن طبعاً بس هيفرق اكتر لو خليته بعيد عن الموتور

[Amr_tika88]

طب المشكلة دي ملهاش اي حل خصوصا مكن القزاز وصوت قفل الباب غير عاطفي بالمرة

[Amr_tika88]

بالنسبة للفلتر هل ليه ضرر عالموتور واستهلاك البنزين بيفرق جامد ولا بيكون فرق بسيط

[el_hagrasy]

السلام عليكم ورحمة الله وبركاتة

دى اول مشاركة ليا هنا فى المنتدى وكنت عاوز اعرف واجا اوتوماتك مو 2066 تعملها كام لان معروض عليا عربية وان شاء الله ناوى اشتريها انا اتفرجت عليها وشوفتها انا والميكانيكى بتاعى وقالى حالتها بسم الله ماشاء الله كويسة
بس كنت عاوز اعرف هو الاتوماتك بتاعها ليه مشاكل ولا بيشتغل كويس وايه هى العيوب الى ممكن القيها فى العربية
هى الحالة العامة للعربية كويس بس هى رشة برة نضافة وفيها المساعد اليمين خفيف ومكنة القزاز اليمين اقدام عايزة يتعدل السير بتاعها والحساسات بتاعت البركنج مشموجودة بس المكنة راكبة وبها اربع فرد كوتش جداد وبطارية جافة جديدة وهى عاملة 125000 كيلو
فكنت عاوز اعرف هى بالحاله دى تعملها كام فلوس ويريت تردو عليا بسرعة لان صاحب العربيه مستنى منى الرد بكرة بالليل ومشعايز اتخم فيها وهى كدة تبقى كويسة ولا فى حاجة اركز عليها تاى قبل مشترى
واسف انى طولت عليكم