منتدى الواجا

[abo3bdolrahman]

أستاذ عبدالرحيم لا يوجد تجار قطع غيار للواجا فى بورسعيد و للعلم أنا قاهرى مقيم ببورسعيد بسبب العمل و بالنسبة لقطع غيار المحرك كلها لانسر من الشونة مستعمل

[abdohod]

شكرا يا باشا جدا وعلى حسب معلوماتي ان فيه واحد في بورسعيد اسمه بدران بيشتغل فيها كان اخويا اشترى منه حاجات قبل كده

[abdohod]

عايز طلمبة مياه مساحات واجا يا جماعة وشوفت اللي في السوق للأسف مش زي ألأصلية ولا شكلا ولا مضمونا بس بيقولوا انها تركب وتشتغل وهي تايواني الصنع ومكتوب عليها لانسر ميراج... حد يعرف أي معلومات عن الموضوع ده

[s3eed30]

يا جماعه انا نفسى بجد أركب العربيه دى لانها بجد عربيه وهمانى جدا فى الشكل والامكانيات رغم ان معرفتى لها ولمودلتها مش لمه كل حاجه انا بس نفسى حد يقولى كل حاجه عن العربيه دى من أول موديل 2006 لانى عرفت ان الموتور كان الاول ميتسوبيشى وبعدين بقى من انتاج شركه لوتس تقريبا مع بروتون ودا على حد علمى واسمى campro وفى campro CPS وايه الفرق بين المحرك المتسوبيشى والكامبرو سي بي اس دا وطبعا مع امكانيتها من أول 2006 لحد دلوقتى ولو صور لان بشوف الشكل من قدام والشنطه والفوانيس الخلفيه متغيره من اول 2005 تقريبا وهل فى منها مودلات 2012 ... فعلا الموضوع مهم بالنسبه ليا مع الشكر

[abdohod]

يا باشا الموضوع مفهوش أي لغبطة
الواجا شكلين ....
1- الشكل القديم 2005 - 2006 - ويمكن يكون في أعلى بس الشكل ده موتوره لانسر
2- الشكل الجديد و اسمه نيو واجا وده موتوره كامبرو من انتاج لوتس وتقريبا يشبه موتور الجين تو

[abdohod]

على فكرة النيو واجا شكلها متغير من الأمام والخلف
يمكنك بالبحث عن الصور أن تعرف بسهولة

[abdohod]

سؤال إلى ملاك الواجا الشكل القديم:
هل لما بتلفوا الدركسيون على الآخر يمين أو شمال بيحصل تلامس بسيط بين الكاوتش وكارتيرة التراب الموجوده داخل الرفرف .... طبعا السؤال لأصحاب الجنط ال 15 (2005) و ال 16 (2006) واللي مركبين نفس مقاس كاوتش العربية مش أكبر

[abdohod]

فين أهل الواجا؟؟؟؟؟؟؟؟؟؟؟

[mada3030]

لا الصوت دا المفروض لان الموضوع لف الدريسكون دا على ثرموثتات
انا اللى كلمتك على فكره فى التلفون

[Umar08]

فعلاً عزل الكابينة مش تمام وحاولت أكثر من مرة في التوكيل بلا فائدة. و أنا معاك في موضوع الريوموت إللي بيعلق و أحياناً البرمجة بتروح و بيحتاج إعادة برمجة.الجمعة 1 جمادى الأولى 1433

[abdohod]

للآسف يتم طرح مواضيع للنقاش ولكن يبدو أن اهل الواجا لا يرغبون في تبادل الآراء والخبرات ....!! أتمنى يردوا المرة دي؟؟؟؟!!!!!!!!
يا ترى إيه رأيكم في استهلاك البنزين في الواجا (القديمة والجديدة) هل يعاني أحد أم أن الاستهلاك جيد ؟ وياترى بنسبة كام كيلومتر للتر الواحد؟؟

[mada3030]

طب يا جماعه انا عندى مشككله عربيتى واجا 2006 عاوزه طقم شنبر مين احسن ميكانيكى اعمله عنده والتكلفه كام انا عارف ان حاجه الموتور لانسر بس هيا فى التوكيل غاليه اوى
تانى حاجه علبه الدريكسيون بعافيه شويه هل هيا كمان علبه دريكسيون الانسر البومه ولا

[abdohod]

بالنسبة للشمبر هو هو الانسر البومة ولكن 1600 وليس 1300 أما بالنسبة لعلبة الدركسيون أنا فكتها وظبطها ولا أعتقد انها لانسر

[abdohod]

للآسف يتم طرح مواضيع للنقاش ولكن يبدو أن اهل الواجا لا يرغبون في تبادل الآراء والخبرات ....!! أتمنى يردوا المرة دي؟؟؟؟!!!!!!!!
يا ترى إيه رأيكم في استهلاك البنزين في الواجا (القديمة والجديدة) هل يعاني أحد أم أن الاستهلاك جيد ؟ وياترى بنسبة كام كيلومتر للتر الواحد؟؟

[mada3030]

ماحسبتهاش بس اعتقد لو العربيه مظبوطه يبقى كويس وما تقارنهاش باستهلاك اللانسر لان علابيتنا اتقل من الانسر فى الوزن