عجزت عن حل مشكلة الفرامل واليكم التفاصيل كاملة واليكم حل مؤقت

[janjon1978]

for the owner of the car, from my little experience , i guess the tires are of bad quality .. check the type of tires and its country

[DESIGNER105]

انا معايا جين تو ..وبردو سعات بحس ان الفرامل بتعتها ضعيفه .. هى مش بتزحف كتير بس مش بتقف فى ساعتها ولازم تاخد كام متر كده ....وسمعت ان ده عشان الى اى بى اس وهو كده ..؟ بس انا فكرت مثلا لو انت فرملت فجأه عشان متخبطش حد بيعدى الشارع فجاة قدامك ..فكده انت خبطت الشخص ده اكييد ..العربيه هتخبطو فى الكام متر دول قبل متقف .......انا فكرت فى حاجه كده والى حد ما جابت نتيجه افضل ..انك تدوس الفرامل على مرتين ..مش هقولك بالتدريج لا اخبط خبتطين جامدين ورا بعض بجد بتفرق وبتقف اسرع بكتير ..... واقولكو معلومه فى الاخر اكيد كتير منكو عرفنها ...بس للى مش عارف ان الايى بى اس فى الجن 2 بيشتغل على سرعة 20 ...يعنى لو ماشى قبل العشرين مفيش اى بى اس...........

[mohamedzian]

عندى احساس ان داه عيب كاوتش لان الفرامل بتمسك والعجل بيزحف

[ahmed_h_g]

ازاى العربية بتزحف والabs شغال ؟؟؟
عيب الفرامل اللى بتخلى العربية تزحف حلها طنابير أمامية أكبر وكاوتش أعرض زى مشكلة اللانوس والفيرنا

[SOBHY_D]

السلام عليكم
الاخ الكريم
لسة من يومين كنت بتكلم فى الموضوع دة مع واحد صحبى ان فرامل العربية مش تمام مع العلم ان عربيتى واجا 2006 ونزلنا جربنا مع انى كنت لسة مغير تيل الفرامل قبلها بيوم هو قالى الفرامل تمام خصوصا لما جرب يدوس فرامل برجله الشمال علشان العربية اتوماتيك وفعلا حسيت بفرق كبير جدا جدا بس هو قالى ان الفرامل كويسة مقارنة بالعربيات التانية .
انا سمعت الكلام لكن بردو لحد دلوقت عندى احساس بضعف الفرامل وممكن كمان تكون الطنابير عايزة تتغير اكيد هغيرها واشوف الفرق .
بس انا عايز اقولك مش انت لوحدك ال حاسس كدة وياريت لو حد عندة افادة فى الموضوع يقولنا اهو نكسب معلومات اكتر ونقدر نوصل لحل

[D . a .\ AYMAN]

الإيه بي إس بيشتغل بسرعة برغم إن الدوسة على الفرامل مش جامدة .. والعربية برضه بتزحف لبعض المسافة ... يبقى عيب كاوتش ... من غير كلام

غير الكاوتش بنوع نضيف ,,, وهاتشوف الفرق وهاتدعيلي

وعلى فكرة الفرامل عملت معايا تلات مواقف غاية في الرجولة والجدعنة مرة منهم على الأسفلت ومرة عجل على السفلت وعجل في الرملة ومرة العجلين كانوا في الرملة

وما شاء الله العربية وقفت في زمن قياسي بدون ما تيجي يمين ولا شمال إلا لو أنا جيبتها

في النهاية هو الكاوتش .. والكاوتش فقط ... مش فاهم إزاي المهندس عصام كان معاك وما قالكش حاجة زي كدة

إسأل نفسك الكاوتش عامل كام كيلو وإنزل بص على نقشته كويسة ولا لأ ... وشوف المطاط بتاعه حالته عاملة إزاي ولسة كويسة ولا ابتدى ينشف شوية .. وهل فيه شقوق ولا لأ

من الآخر هاتلاقي الكاوتش عمل كيلوات كتير ونقشته خلاص سمكها ابتدى يقل .. أو المطاط بتاعه ابتدى ينشف حتى لو ما عملش كيلوات كتير وخلاص مش بيمسك في الأرض

[eng.m7md.ali]

ماهو حضرتك قولت ان لما المهندس عصام غير الماستر وجاب المستر القديم حضرتك حسيت بفرق

يبقى اكيد عيب في الماستر وده المفروض يتغير في الضمان

لان موضوع الكاوتش ده انا ملاحظ ان العربية موديل 2012 يعني لسة شوية عليه

وعلى فكرة كاوتش ال good year ناشف جداً ورخم بس جامد جداً في الفرامل

[eng.m7md.ali]

اضافة كمان :

لما حضرتك شيلت فيوز ال abs طبيعي ان ال ebd ميشتغلش لان ال2 بيشتغلو ويكملو بعض

مينفعش ال ebd يشتغل لوحده من غير abs

حضرتك قولت ان العربية انحرفت من ورا زي مايكون شديت الهاند يبقى اكيد في عجلة بتقفش قبل التانية

[mido_soliman]

بص انا حقولك تجربتى والعربية معايا بقالها 3 سنين حتى الان

الفرامل ممتازة جدا بس يراعى الاتى

التيل يكون نوع كويس وطرى ولازم طرى
الطنابير تكون فى حالة جيدة جدااااااااااا ومش متاكل منها
الكاوتش علية العامل الاكبر فى موضوع الابى اس لانة هوة اللى بيكبش فى الارض يعنى ابى اس وكاوتش منتهى حتلاقى زحف ابى اس مع كاوتش محترم وخامتة طرية نضيفة مش محجرة حتكلبش والمسافة مع الاي بى اس بتقل مبتزيدش وكلامى مش نظرى دة عن تجربة مع فرامل عربيتى ل 3 سنين

لو عايز منى الخلاصة وتعمل اللى بقولك علية وتريح دماغك من الشـــــــــــــــــــــك وبجملة المصاريف اعمل الاتى
1- غير الكاوتش بكاوتش يبانى وانصحك ببريدج ستون تورانزا الفردة دى نقشتها ممكن متعجبش ناس كتير باعتبارها كلاسيكية شوية لكن تماسكها فى الفرامل ممتــــــــــــــــــــــــــــــــــــاز او اى نوع يبانى محترم
2- غير الطنابير اللى قدام بجوز طنابير رياضية للانسر بومة اى نوع طنابير رياضية انا مركب ال vttr تيوانى وممتازين جدا وحتحس بتماسك اعلى مع صوت جديد للفرملة :) بس حتتعود علية مع الوقت
3-شيك على خراطيم الخزن الامامية ولو فيهم اى نسبة تشقيق غيرهم فورا بنوع محترم لان دول يمكن ناس كتير بتستهون بيهم لكن دول مهمين جدا فى سريان الزيت للخزن

اعمل بنصيحتى فى الاتى ومستنى تقريرك
اللى انت بتتكلم علية دة تجربة فردية وعيب فردى ومش موجود عندى وعند معظم اللى معاهم جين2 واعرفهم
لزم التنوية والتنبية للى كان بيسال على ان كان دة عيب شائع

تحياتى للجميع

ملحوظة هامة: انا لما غيرت الطنابير مش لضعف الفرامل ولكن لان طنابيرى كانت انتهت وكنت لازم اجيب جديد وسالت عليهم فى التوكيل لقيتهم اغلى من تمن الطنابير الرياضية اللى انا جبتهم وخامة الرياضية اقوى كتيـــــــــــــــــــــر من العادية ففضلت اجيب الرياضية ومركبها على نفس التيل الطبيعى وتعمل بكفائة ولله الحمد

[card44]

شكرا ليكو كلكو ياجماعة على المساعدة وبكرة حغير الكاوتش كدة واجرب يمكن تظبط ربنا يسهل وحرجع اقولوكو اللى حصل

[eng.m7md.ali]

هو الكاوتش عامل كام كيلو معاك؟

وانتاج سنة كام؟

[card44]

ياجماعة بجد مش عارف اقولكو اية بجد بجد انتو جدعان اوى الحمد للة تم حل نص المشكلة تقريبا زى ما قالى ونصحنى الاستاذ المحترم D . a .\ AYMAN بجد شكرا ليك جدا انا روحت بريدجستون الصبح وخلتهم يكشفولى على العربية قالولى الكاوتش مش فية اى مشكلة يعنى مش عالى وواطى او النقشة رايحة حكتلهم الموضوع وقولتلهم طيب حتى لو شايفينو كويس انا شاكك فى نوع جوديير دة وعايز اغيرهم قالى والله انا مش عندى مشكلة انا ممكن اغيرهم وحالا بس افرض المشكلة مش منهم قولتلو طيب والحل قالى العربية عاملة كام الف قولتلو 22 الف كيلو قالى طيب بص حنعمل كروس للعجل وجرب الاول وطبعا للى مش عارفين الكروس دة احب اوضحلهم يعنى يعكس العجل اللى قدا ورا واللى ورا قدام بس على كروس يعنى قدام شمال تركب ورا شمال والعكس اوكى تمام عكس الفرد وظبط الهوا وكلة تمام وطالع اجرب وعلى الفرملة الخفيفة لقيت العربية بتقفش ومش بتزحف قولت لاء دى اكيد مش عربيتى هما بدلوها ولا اية قولت طيب ازود السرعة وافرمل برضوا بتقفش وبحس الفرامل بتحجر كدة وتمام ازود اكتر انا باين عليا بحلم ولا اية مش عارف زودت فوق ال 120 وفرملة مفجأة يعنى الزحفة اللى زحفتها تعتبر معجزة حوالى مثلا مترين او 3 بالكتير اوى مع العلم انها كانت بتزحف بال 7 وال8 متر وعلى سرعة 80 او 75 وانا كمان لسة مغيرتش الكاوتش المنيل بستين نيلة دة فقولت لنفسى ما بالك بقى لو غيرت الكاوتش كمان اكيد اكيد الموضوع حيفرق انا حاسس بكدة مش عارف لية وعموما انا رايح برضو التوكيل للاطمئنان مرة تانية يوم الاحد ولما ارجع حقولكو اللى حصل معايا بس بجد بجد شكرا ليكو كلكو وشكرا جدا جدا لكل حد دخل كتبلى حاجة فادتنى اة مع العلم برضو انا سمعت كلام استاذ mido_soliman وكلمت فى التليفون استاذ عادل وجدى علشان الطنابير ال vttr وقالى موجودة عندة بس قالى انا حاسس ان الموضوع عندك مش موضوع طنابير وضعف فرامل انا حاسس انو كاوتش برضو ودة اللى خلانى اطلع على بريدجستون الاول قبل ما اروحلة بجد شكرا ليكو جدا جدا مش عارف اشكركو ازاى بجد كنت حبيع العربية خلاص مع انى بحبها اوى وحابب كل حاجة فيها ماعدا الفرامل اللى تقريبا كدة مطلعتش فى الاخر فرامل وطلع المنيل الكاوتش : )

[mhassan9]

ياجماعة بجد مش عارف اقولكو اية بجد بجد انتو جدعان اوى الحمد لله تم حل نص المشكلة تقريبا زى ما قالى ونصحنى الاستاذ المحترم D . a .\ AYMAN بجد شكرا ليك جدا انا روحت بريدجستون الصبح وخلتهم يكشفولى على العربية قالولى الكاوتش مش فية اى مشكلة يعنى مش عالى وواطى او النقشة رايحة حكتلهم الموضوع وقولتلهم طيب حتى لو شايفينو كويس انا شاكك فى نوع جوديير دة وعايز اغيرهم قالى والله انا مش عندى مشكلة انا ممكن اغيرهم وحالا بس افرض المشكلة مش منهم قولتلو طيب والحل قالى العربية عاملة كام الف قولتلو 22 الف كيلو قالى طيب بص حنعمل كروس للعجل وجرب الاول وطبعا للى مش عارفين الكروس دة احب اوضحلهم يعنى يعكس العجل اللى قدا ورا واللى ورا قدام بس على كروس يعنى قدام شمال تركب ورا شمال والعكس اوكى تمام عكس الفرد وظبط الهوا وكلة تمام وطالع اجرب وعلى الفرملة الخفيفة لقيت العربية بتقفش ومش بتزحف قولت لاء دى اكيد مش عربيتى هما بدلوها ولا اية قولت طيب ازود السرعة وافرمل برضوا بتقفش وبحس الفرامل بتحجر كدة وتمام ازود اكتر انا باين عليا بحلم ولا اية مش عارف زودت فوق ال 120 وفرملة مفجأة يعنى الزحفة اللى زحفتها تعتبر معجزة حوالى مثلا مترين او 3 بالكتير اوى مع العلم انها كانت بتزحف بال 7 وال8 متر وعلى سرعة 80 او 75 وانا كمان لسة مغيرتش الكاوتش المنيل بستين نيلة دة فقولت لنفسى ما بالك بقى لو غيرت الكاوتش كمان اكيد اكيد الموضوع حيفرق انا حاسس بكدة مش عارف لية وعموما انا رايح برضو التوكيل للاطمئنان مرة تانية يوم الاحد ولما ارجع حقولكو اللى حصل معايا بس بجد بجد شكرا ليكو كلكو وشكرا جدا جدا لكل حد دخل كتبلى حاجة فادتنى اة مع العلم برضو انا سمعت كلام استاذ mido_soliman وكلمت فى التليفون استاذ عادل وجدى علشان الطنابير ال vttr وقالى موجودة عندة بس قالى انا حاسس ان الموضوع عندك مش موضوع طنابير وضعف فرامل انا حاسس انو كاوتش برضو ودة اللى خلانى اطلع على بريدجستون الاول قبل ما اروحلة بجد شكرا ليكو جدا جدا مش عارف اشكركو ازاى بجد كنت حبيع العربية خلاص مع انى بحبها اوى وحابب كل حاجة فيها ماعدا الفرامل اللى تقريبا كدة مطلعتش فى الاخر فرامل وطلع المنيل الكاوتش : )

يار اجل شكراُ ليك انت ان انت طمنت كل واحد مقبل علي شراء العربية زي حلاتي
كدا الموضوع بسيك أن شاء الله والعربية تبقا فل معاك من هنا ورايح

عارف بقا ايه المشكلة الأساسية اللي مخليه سمعت بروتون مش قد كدا مع أنها عربيات كويسه؟؟

أن سوف كام واحد بني فكرة علي العربية من شكوتك منها وبالتأكيد مش هيتابع معاك لحد ما يعرف العيب فين وهتبقي فكرته عن العربية أنها عربية وحشة.

طبعاُ دا مش عيبك انت ولا عيب الموضوع اللي أنت عملته بس دا عيب الناس اللي مش بتحاول تكون فكرة مظبوط عن العربيات قبل ما تشكر أو تزم فيها

عموماُ الحمد لله أنها جت معاك علي قد كدا وان شاء الله متقبلكش اي مشكلة من هنا ورايح

تجياتي

[card44]

بص انا معاك فى كل اللى انتا بتقولة بس برضو دة ميمنعش ان اللى فى التوكيل دول لا عندهم خبرة ولا بيفهمو اصلا سورى يعنى انهم مش عارفين حل مشكلة زى دى ودة ميمنعش برضو ان عز العرب زى الطين والاطران ومعندوش قطع غيار للعربية ولا انتا اية رأيك ؟؟؟

[mhassan9]

بص انا معاك فى كل اللى انتا بتقولة بس برضو دة ميمنعش ان اللى فى التوكيل دول لا عندهم خبرة ولا بيفهمو اصلا سورى يعنى انهم مش عارفين حل مشكلة زى دى ودة ميمنعش برضو ان عز العرب زى الطين والاطران ومعندوش قطع غيار للعربية ولا انتا اية رأيك ؟؟؟

عندك حق طبعاً مقدرش أختلف معاك

بس بص انا من الفترة اللي فاتت كونت فكرة عن مالكي البروتون
أن لحد ما ربنا يكرمنا جميعاً والتوكيل يروح لحد أنضف من عز العرب وشركاه كل اللي اشتروا العربيات دي اشتروها وهما بيحبوها
يعني في مغنطيس كدا بيخليك تشتر العربية لأنها عجبتك ولأنها فعلاً عربية كويسة مع أنك عارف أنك ممكن تعاني مع التوكيل

دا في النهاية اللي بيخلي ملاك البروتون ناس متميزة عن غيرهم وبيخليك تحس أنك راكب عربية محترمة مش منتشرة ولا (مرطرطه) زي حاجات كتيير غيرها ودا المفروض يديك أحساس بالتميز ينسيك شوية قرف التوكيل

بص أنا كانا معايا فيرنا وقول عليا مجنون بس أنا عندي مبدأ أن مهماً كانت عربيتك علي قدها لو حبتها هتحبك

انا مقدر المعاناة اللي حصلت معاك بالذات أنك عرفت أنها بسبب حاجه تافهة زي دي بس معلش قدر الله وما شاء فعل وأن شاء الله العربية تظبط معاك من هنا ورايح في كل حاجه