عجزت عن حل مشكلة الفرامل واليكم التفاصيل كاملة واليكم حل مؤقت

[card44]

عندك حق طبعاً مقدرش أختلف معاك

بس بص انا من الفترة اللي فاتت كونت فكرة عن مالكي البروتون
أن لحد ما ربنا يكرمنا جميعاً والتوكيل يروح لحد أنضف من عز العرب وشركاه كل اللي اشتروا العربيات دي اشتروها وهما بيحبوها
يعني في مغنطيس كدا بيخليك تشتر العربية لأنها عجبتك ولأنها فعلاً عربية كويسة مع أنك عارف أنك ممكن تعاني مع التوكيل

دا في النهاية اللي بيخلي ملاك البروتون ناس متميزة عن غيرهم وبيخليك تحس أنك راكب عربية محترمة مش منتشرة ولا (مرطرطه) زي حاجات كتيير غيرها ودا المفروض يديك أحساس بالتميز ينسيك شوية قرف التوكيل

بص أنا كانا معايا فيرنا وقول عليا مجنون بس أنا عندي مبدأ أن مهماً كانت عربيتك علي قدها لو حبتها هتحبك :e_braces[1]:

انا مقدر المعاناة اللي حصلت معاك بالذات أنك عرفت أنها بسبب حاجه تافهة زي دي بس معلش قدر الله وما شاء فعل وأن شاء الله العربية تظبط معاك من هنا ورايح في كل حاجه

بص انا مش بقولك كدة علشان اكرهك فى العربية او فى بروتون نفسها صدقنى هى صفقة رابحة جدا لانك عمرك ما حتلاقى كل الامكانيات والثبات العالى اللى فى العربية دى وبالسعر دة فى عربية تانية خالص واعتقد لولا التوكيل بتاعها العربية دى كانت حيكون انتشارها وسعرها حاجة تانية خالص صدقنى .

[D . a .\ AYMAN]

ياجماعة بجد مش عارف اقولكو اية بجد بجد انتو جدعان اوى الحمد لله تم حل نص المشكلة تقريبا زى ما قالى ونصحنى الاستاذ المحترم d . A .\ ayman بجد شكرا ليك جدا انا روحت بريدجستون الصبح وخلتهم يكشفولى على العربية قالولى الكاوتش مش فية اى مشكلة يعنى مش عالى وواطى او النقشة رايحة حكتلهم الموضوع وقولتلهم طيب حتى لو شايفينو كويس انا شاكك فى نوع جوديير دة وعايز اغيرهم قالى والله انا مش عندى مشكلة انا ممكن اغيرهم وحالا بس افرض المشكلة مش منهم قولتلو طيب والحل قالى العربية عاملة كام الف قولتلو 22 الف كيلو قالى طيب بص حنعمل كروس للعجل وجرب الاول وطبعا للى مش عارفين الكروس دة احب اوضحلهم يعنى يعكس العجل اللى قدا ورا واللى ورا قدام بس على كروس يعنى قدام شمال تركب ورا شمال والعكس اوكى تمام عكس الفرد وظبط الهوا وكلة تمام وطالع اجرب وعلى الفرملة الخفيفة لقيت العربية بتقفش ومش بتزحف قولت لاء دى اكيد مش عربيتى هما بدلوها ولا اية قولت طيب ازود السرعة وافرمل برضوا بتقفش وبحس الفرامل بتحجر كدة وتمام ازود اكتر انا باين عليا بحلم ولا اية مش عارف زودت فوق ال 120 وفرملة مفجأة يعنى الزحفة اللى زحفتها تعتبر معجزة حوالى مثلا مترين او 3 بالكتير اوى مع العلم انها كانت بتزحف بال 7 وال8 متر وعلى سرعة 80 او 75 وانا كمان لسة مغيرتش الكاوتش المنيل بستين نيلة دة فقولت لنفسى ما بالك بقى لو غيرت الكاوتش كمان اكيد اكيد الموضوع حيفرق انا حاسس بكدة مش عارف لية وعموما انا رايح برضو التوكيل للاطمئنان مرة تانية يوم الاحد ولما ارجع حقولكو اللى حصل معايا بس بجد بجد شكرا ليكو كلكو وشكرا جدا جدا لكل حد دخل كتبلى حاجة فادتنى اة مع العلم برضو انا سمعت كلام استاذ mido_soliman وكلمت فى التليفون استاذ عادل وجدى علشان الطنابير ال vttr وقالى موجودة عندة بس قالى انا حاسس ان الموضوع عندك مش موضوع طنابير وضعف فرامل انا حاسس انو كاوتش برضو ودة اللى خلانى اطلع على بريدجستون الاول قبل ما اروحلة بجد شكرا ليكو جدا جدا مش عارف اشكركو ازاى بجد كنت حبيع العربية خلاص مع انى بحبها اوى وحابب كل حاجة فيها ماعدا الفرامل اللى تقريبا كدة مطلعتش فى الاخر فرامل وطلع المنيل الكاوتش : )

الشكر موصول ليك ... الحمد لله على إنك وصلت للسبب .. وأنصحك ما تسكتش على الكاوتش كتير اللى واضح إن تماسكه في الطريق وحش جدا ... وده طبعا يفرق معاك كمان في ثبات العربية على السرعات العالية .. لأن كدة العجلتين اللى قدام اللى تماسكهم أوحش من اللى كانوا ورا ... بقوا هم اللى ورا ... يعني الثبات هايكون في الضياع من ورا ... يعني ما تجريش خالص بالعربية وبالذات لو في منحنيات أحسن العربية تلف منك من ورا .. لغاية ما تغير الكاوتش

الكلام ده مافيهوش تهريج ممنوع تجيب بالعربية حتى سرعة 90 في أي منحنى حتى لو كان خفيف جدا ... العربية بتكون مستنية على زلطة صغيرة مثلا في الحالة دي عشان تلف من ورا لأن العجل مش ماسك في الأرض أساسا

ربنا يحفظك ويحفظنا ويسلمنا جميعا بفضله وكرمه

[hesham.sma]

انا معايا جين تو ..وبردو سعات بحس ان الفرامل بتعتها ضعيفه .. هى مش بتزحف كتير بس مش بتقف فى ساعتها ولازم تاخد كام متر كده ....وسمعت ان ده عشان الى اى بى اس وهو كده ..؟ بس انا فكرت مثلا لو انت فرملت فجأه عشان متخبطش حد بيعدى الشارع فجاة قدامك ..فكده انت خبطت الشخص ده اكييد ..العربيه هتخبطو فى الكام متر دول قبل متقف .......انا فكرت فى حاجه كده والى حد ما جابت نتيجه افضل ..انك تدوس الفرامل على مرتين ..مش هقولك بالتدريج لا اخبط خبتطين جامدين ورا بعض بجد بتفرق وبتقف اسرع بكتير ..... واقولكو معلومه فى الاخر اكيد كتير منكو عرفنها ...بس للى مش عارف ان الايى بى اس فى الجن 2 بيشتغل على سرعة 20 ...يعنى لو ماشى قبل العشرين مفيش اى بى اس...........

+111111111111111
انا من الاول باعمل كدا وتمام التمام ولو بفرمل تدريجى احسن بكتير من لما باكبس الفرامل والABS يشتغل
وبدأت اعمل كدا من ساعت مالبست مطب عادى اتفاجئت بيه وكبست فرامل على الاخر والABS اشتغل وطولت فى الوقوف
بس من ناحية تانية بصراحة بصراحة يعنى مرة كنت ماشى بسرعة وجه قدامى عربية مرة واحدة قمت كابس فرامل وخدت غرزة فظيعة وماكنتش متخيل انى ماخبطتش فيه والفضل لله ومن بعدة الabs بصراحة

[aw2100]

+111111111111111
انا من الاول باعمل كدا وتمام التمام ولو بفرمل تدريجى احسن بكتير من لما باكبس الفرامل والABS يشتغل
وبدأت اعمل كدا من ساعت مالبست مطب عادى اتفاجئت بيه وكبست فرامل على الاخر والABS اشتغل وطولت فى الوقوف
بس من ناحية تانية بصراحة بصراحة يعنى مرة كنت ماشى بسرعة وجه قدامى عربية مرة واحدة قمت كابس فرامل وخدت غرزة فظيعة وماكنتش متخيل انى ماخبطتش فيه والفضل لله ومن بعدة الabs بصراحة

لو حضريك قريت المشاركة دى الabs صنع مخصوص علشان الفرامل المفاجئة علشان يمنع العربية من الزحف لما العجل بيقفش مع الفرامل العادية ومعنى ان العربية تزحف وفيها الabs ان الكاوتش نوعية رديئة او منتهى الصلاحية ودة خلاصة المشاركة دى ؟؟؟؟

[د.اشرف هنداوى]

وده معناه ان كاوتش البروتون سيء جدا و محتاج يتغير من اول ما تشنري العربية !!

الحاجات البسيطة دي زيها زي مشكلات التقفيل و توافر قطع الغيار يخلي عربية بالجمال ده تخسر كتير من عشاقها

[D . a .\ AYMAN]

وده معناه ان كاوتش البروتون سيء جدا و محتاج يتغير من اول ما تشنري العربية !!

الحاجات البسيطة دي زيها زي مشكلات التقفيل و توافر قطع الغيار يخلي عربية بالجمال ده تخسر كتير من عشاقها

أنا الكاوتش عندي مش سيء ولا حاجة .. بالعكس متماسك جدا على الطريق سواء في الفرامل أو المنحنيات

وماركة جوديير أصلا ماركة عالمية ... وجوديير ماليزيا خاصة من الكاوتشات الكويسة اللى كنت باشتريها زمان بالاسم

[tutankhamoun]

وده معناه ان كاوتش البروتون سيء جدا و محتاج يتغير من اول ما تشنري العربية !!

الحاجات البسيطة دي زيها زي مشكلات التقفيل و توافر قطع الغيار يخلي عربية بالجمال ده تخسر كتير من عشاقها

يا أستاذ أشرف أنت عارف نوع الكاوتش اللي بينزل في العربية أصلا ؟؟؟

مش يمكن الأستاذ الفاضل صاحب الموضوع عنده مشكلة ما في العربية عموما أو الكاوتش بتاعه هو بس ؟

كاوتش العربية اللي نزل مصر هو نوعين بينزلوا في البروتون

سيلفر ستون ......... و جود يير .

أنا مع العربيتين اللي أشريتهم من بروتون ...... العربية عمرها ما زحفت و الكاوتش كان كويس جدا
و العربية (فرامل و كاوتش ) أسعفتني كذا مرة في مواقف مفيهاش هزار و على سرعات عالية .

[mido_soliman]

وده معناه ان كاوتش البروتون سيء جدا و محتاج يتغير من اول ما تشنري العربية !!

الحاجات البسيطة دي زيها زي مشكلات التقفيل و توافر قطع الغيار يخلي عربية بالجمال ده تخسر كتير من عشاقها

يا استاذ اشرف كاوتش العربية جود يييييير يعنى من افضل انواع الكاوتش اللى بتنزل مصر
دى مشكلة فردية مش اكتر
عمرك سمعت عن حد هنا فى المنتدى اشتكى من كاوتش العربية !!!!!
حضرتك بقالك فترة كبيرة جدا بتفكر فى عربية وحاطط البروتون من ضمن الاختيارات بس متردد
انا نصيحتى ليك شيل البروتون من حساباتك نهائى
مفيش كيميا حتكون بينك وبينها صدقنى
من متابعتى للمنتدى من فترة كبيرة وانا متابع ان حضرتك عايز تجيب عربية وبتفاضل بين اكتر من عربية ومنها البروتون بس كون ان حضرتك متردد او بتاخد وقت طويل فى اتخاذ القرار يبقى بلاش البروتون طالما الاختيار مبنى على العملية مش عن اقتناع او حب
تحياتى

[د.اشرف هنداوى]

الحقيقة انا متردد فعلا و كوني غير مستقر و احتمال اسافر بعد شهر بيخليني مش مركز اوى في قرار الشراء و باتنطط بين اقسام المنتدي و ابص علي كل العربيات بحكم ان خبرتي ضعيفه في العربيات

ربنا يكرمنا جميعا و يحفظ طريق الاخوة و شكرا علي الاراء القيمة

[aw2100]

الحقيقة انا متردد فعلا و كوني غير مستقر و احتمال اسافر بعد شهر بيخليني مش مركز اوى في قرار الشراء و باتنطط بين اقسام المنتدي و ابص علي كل العربيات بحكم ان خبرتي ضعيفه في العربيات

ربنا يكرمنا جميعا و يحفظ طريق الاخوة و شكرا علي الاراء القيمة

نصيحة من اخوك خليك فى الألمانى وبس سكودا او vw باى موديل من الجولف 1 حتى الباسات او من الفليشيا لل فانتازيا عربيات امان وثبات على الطريق وقوة المصفحات وسفر زى مانت عاوز واقتصادية فى البنزين وقطع غيار متوفرة عاوز اية تانى وعموما برحتك !!!!!!!

[tamerosman]

نصيحة من اخوك خليك فى الألمانى وبس سكودا او vw باى موديل من الجولف 1 حتى الباسات او من الفليشيا لل فانتازيا عربيات امان وثبات على الطريق وقوة المصفحات وسفر زى مانت عاوز واقتصادية فى البنزين وقطع غيار متوفرة عاوز اية تانى وعموما برحتك !!!!!!!

تعقيب صغير ... معظم موديﻻت فولكس الحديثة فيها مشاكل قاتلة فى الفتيس .. حضرتك بس بص بصة سريعة على قسم فولكس و انتى تشوف العجب

[aw2100]

تعقيب صغير ... معظم موديﻻت فولكس الحديثة فيها مشاكل قاتلة فى الفتيس .. حضرتك بس بص بصة سريعة على قسم فولكس و انتى تشوف العجب

مش بس فولكس دة كمان اليابانى والصينى الحديث ودى ضريبة الأستعجال فى التصنيع زمان كانوا بيخدوا 5 سنوات علشان يغيروا موديل بالأضافة للتطور الزايد فى استخدام الألكترونيات فى التحكم فى السيارات وطبعا دى بتبقى تحت ظروف عوامل الجو الملوث فى مصر من اتربة وخلافة السيارات دى غير مصممة عليها ومن كل دة تبدء المشاكل ؟؟؟؟

[dramrmostafa]

من فين اجيب للبروتون جين 2 طنابير رياضية لانسر بوما او vttr التيوانى لو سمحتم؟

[mido_soliman]

من فين اجيب للبروتون جين 2 طنابير رياضية لانسر بوما او vttr التيوانى لو سمحتم؟

عادل وجدى فى الحرفيين
صفحتهم على الفيس

tps garage

[dramrmostafa]

العيب ده تقريبا في كل العربيات البرتون الجين2 و البيرسونا