تغيير موتور العربية لأن به عيب والتوكيل معرفش فيه ايه

[أبومعاذ]

اولاً بشكر كل الناس الى بتنصح بأنى اكمل مع جهاز حماية المستهلك بس انا عايز اقول حاجة كمان ...
التوكيل ده مافهوش نظام نهائى وتوكيل صغير على حجم الشغل الى بيجلهم وكمان اول مرة اتعامل مع توكيل كلو ورق فى ورق
وعك فى عك وكمان ايه يقولولك بالحجز ولا حجز ولا نيلة اى حد بيحجز بياخد ميعاد الساعة 10 واتحدى حد خد ميعاد غير كده طب فين الحجز بقة .. اى توكيل محترم بيقعدك على حسب الشغل الى هيتعمل ومن الساعة كذا الى الساعة كذا بالدقيقة ...
وبعدين يتكتب فى امر الشغل شوية حاجات يقولولك اوك اوك اوك وتدفع يا محترم وانت زى الباشا وتمشى بالعربية تلاقيها زى ماهى ولا اى حاجة اتعملت ..وحصلت معاية كذا مرة وأخدت حقى برده الحمدلله ..
بصراحة حاجة قمة الاستهتار والاستهزاء بكل مالكى بروتون ...
يا جماعة انا عايز اقول بصراحة شديدة الوكيل ده عايز وقفة وقفة جامده ايد واحده مش واحد ولا 2 ولا عشرة لأ كلى الى بيروحو التوكيل واتحدى لو حد مبسوط من التوكيل ده فتقريباً كل مصر هتقف ضد الى بيحصل ده ..

نقطة مهمة للتوضيح : مش معنى ان انا قلت لحضرتك انك تكمل مع التوكيل ان انا كمان بشتكي منه انا بس عايز حضرتك تاخد حقك و التوكيل يتعظ لما ياخد فوق دماغه من حماية المستهلك و بالتالي يحسن من مستواه... انا شخصيا مبسوط معاهم وكنت خايف جدا من التعامل مع عز العرب بس الصورة الوحشة اللي كانت مرسومة عنهم مطلعتش وحشة كدا انا بحجز بالتليفون او بالانترنت و باخد ميعاد (وتخيل اني حجزت مرتين وكل مرة الميعاد مكنش 10) وبروح بلاقي عندهم لستة باسماء الناس اللي حاجزين و هما دول اللي بيسمحولهم بالدخول و اللي مش حاجز بيدخلوه بس لو كان في وقت بعد اللستة ما تخلص و التوكيل الى حد ما كويس في الحاجات اللي بتطلب منه في الصيانات يعني انا كان عندي مشكلتين و ظبطوهم ومشيت قبل الميعاد اللي كانوا قايلين عليه
طبعا الدنيا مش وردي و التوكيل فعلا فيه اخطاء و قلة نظام و مشاكل بسبب ضغط الشغل و صغر حجم مركز صيانة بروتون بس مش للدرجة اللي حضرتك مصورها دي و في ناس تانيين غيري برضو مبسوطين منهم و ان شاء الله بعد ما يفتحوا المركز الجديد بتاع صيانة بروتون الدنيا هتتحسن كمان و كمان

[as01241]

تويتا ياريس

؟؟!!!!!

[as01241]

أولا أنا بحييك على الموقف اللي إنت أخدته وتمسكك بحقك إنهم لازم يغيروا الموتور , ودى اللي المفروض أي حد لاقدر الله يحصل عنده حاجة يعمله عشان سواء التوكيل أو الشركة الأم تعمل حساب وإحترام للعميل المصري , بس إنت كده لو إستلمت العربية من التوكيل مش هتقدر تكمل مع جهاز حماية المستهلك لإن مش هيبقى فيه مشكله أو قضية ممكن يرفعوها على التوكيل ! بس على العموم كل اللي أتمناه لك إن المشكلة تتحل بعد تغيير الموتور ومتحتاجش التوكيل في حاجة تاني

[callsherif]

نقطة مهمة للتوضيح : مش معنى ان انا قلت لحضرتك انك تكمل مع التوكيل ان انا كمان بشتكي منه انا بس عايز حضرتك تاخد حقك و التوكيل يتعظ لما ياخد فوق دماغه من حماية المستهلك و بالتالي يحسن من مستواه... انا شخصيا مبسوط معاهم وكنت خايف جدا من التعامل مع عز العرب بس الصورة الوحشة اللي كانت مرسومة عنهم مطلعتش وحشة كدا انا بحجز بالتليفون او بالانترنت و باخد ميعاد (وتخيل اني حجزت مرتين وكل مرة الميعاد مكنش 10) وبروح بلاقي عندهم لستة باسماء الناس اللي حاجزين و هما دول اللي بيسمحولهم بالدخول و اللي مش حاجز بيدخلوه بس لو كان في وقت بعد اللستة ما تخلص و التوكيل الى حد ما كويس في الحاجات اللي بتطلب منه في الصيانات يعني انا كان عندي مشكلتين و ظبطوهم ومشيت قبل الميعاد اللي كانوا قايلين عليه
طبعا الدنيا مش وردي و التوكيل فعلا فيه اخطاء و قلة نظام و مشاكل بسبب ضغط الشغل و صغر حجم مركز صيانة بروتون بس مش للدرجة اللي حضرتك مصورها دي و في ناس تانيين غيري برضو مبسوطين منهم و ان شاء الله بعد ما يفتحوا المركز الجديد بتاع صيانة بروتون الدنيا هتتحسن كمان و كمان

يا سعادة الباشا انا ماجبتش سيرتك علشان تقول تكمل ولا ماتكملش انا بقول رأيي بعد كل الى حصل معاية وبوضح للناس علشان تتعظ ومش بتكلم فى الهوا وخلاص.
وعايز افهم حضرتك حاجة المعاملة السيئة ما بتظهرش الا وقت المشاكل وحضرتك واضح ان العربية بتاعتك الحمدلله ربنا يباركلك فيها مافهاش مشاكل فبالتالى حضرتك ماتقدرش تحكم على التوكيل اذا كان حلو ولا وحش.
وواضح انك الوحيد الى بتاخد مواعيد بعد الساعة عشرة ...
طب ايه رأيك انا كل مرة بروح من غير حجز وقسماً بالله زى مابكلمك كده وبدخل وماحدش يقدر يقولى حاجة.. عارف ليه علشان كل الى فى التوكيل اعرفهم واحد واحد وحبايبى كلهم الحمدلله ..
بس فى الشغل انا قلت رأيي.

والله لو تعرف حد كان عندو مشاكل واتحلت ومبسوط من التوكيل يبقى وريهلنا ..

واحب اقولك ان المبسوطين الى الحمدلله ربنا كرمهم بعربية من وسط 1000 عربية مافهاش مشاكل ... وشكراً.

[tutankhamoun]

السلام عليكم
طبعا يا باشمهندس ربنا يحللك المشكلة إن شاء الله على خير ...
بس أنا لي ملاحظة صغيرة :
حضرتك كنت فاتح موضوع من مدة و بتشتكي أن الزيت بيقل ........
و دي كانت رأس الموضوع

يا جماعة من فضلكم عايز مساعده
انا كل يوم بجرى بالعربية سرعة من 190 ل 210 مسافة حوالى 60 كم وبعدين فجأه لقيت الزيت بتاع الموتور نقص طبعاً انا عمرى ما كشفت على الزيت بس لقيت صوت غريب فارحت التوكيل قالو مافيش زيت تقريباً ؟؟؟؟!!!!!!!!!!!!!! المهم بعد حوارات ومجادالات معاهم قالو جرب العربية لحد الصيانة الى جاية لو نقص تانى هتسبهلنا نجربها ولو فعلاً بينقص هنغير الموتور ( احنا مش هنضرك) طبعاً بعد ما رفعو العربية ولفو حوليها يمين شمال ما فيش ولا نقطة زيت ولا تسريب نهائى .. !!!... وحطو زيت ومشيت بيها على نفس السرعات بردو الزيت نقص ... سألت فعرفت ان الزيت الى بيحطوه فى التوكيل توتال ده وحش وبيعد 3000 بس مش 5000 زى ما بيقولو .. فقررت اغير زيت برة وجبت موبيل سوبر xhp علشان ألاحظ الزيت وقبل ما اغيرة رحت قيست كفاءة الموتور لقيت الكفاءه زة الفل حوالى 95% ما فيش مشاكل فى الشنابر يعنى ... وسألت المهندس الى قيست عندو الموتور قالى ماتجريش بالعربية وشوف الزيت هينقص ولا لأ وفعلاً كان أخرى 140 سرعة .. وكل يوم بقيس الزيت ولا نقص ولا سم لغاية دلوقتى .. بعد 2000 كم .. عايز رأيكم أعمل ايه .. اروح التوكيل واغير الموتور ولا اكمل بعد ما اتأكدت ان الموتور سليم ؟؟؟؟؟

http://www.nilemotors.net/Nile/75811-40000.html

و واضح أن طريقة سواقتك عنيفة ........ و ممكن جدا ميكونش عيب موتور خالص خصوصا أن الناس كشفت و معرفوش يوصولوا لأي حاجة
لأن حضرتك بتسوق بسرعات عالية و أكيد ( الله أعلم ) بتغير الغيارات متأخر على 5000 لفة - دقيقة
فممكن يكون موتورك سليم .......... خصوصا أن أنت قسيت الكبس بتاعه زي ما بتقول .........
و تغير على الفاضي و تدخل في حوارات مع المرور .
و أنا أعتقد أن السرعات العالية دي هي المسئولة عن تبخر الزيت خصوصا في الجو الحار بتاع مصر ..... مع سرعات عالية و حرارة عالية .... و الله أعلم .

و ربنا يوفقك .

[Ayman_52]

يـــــــارب تستلــــــم على خيــــــــر يــــــارب

على انتظــــار الاخبــــــــــــــــــــــــار الحلـــــــــــــــــــــوه بكره ان شاء الله ياباشـــــــــــــا

[ahmad alshaaer]

انا اختلف معاك يااستاذ توت
السرعات العاليه ماتنقصش الزيت ابدا
انا كمان بمشي على الطريق اللي بيمشي عليه الاستاذ شريف اللي هو طريق حلوان الكريمات في الاسبوع مرتين وبجري عليه احيانا او اغلب الاوقات 180 بردو
ولكن من الممكن ان الاستاذ شريف مثلا كان بيتأخر على تغيير الزيت والله اعلم او ماكناش بيغير الفلتر
او كان بيستخدم موبيل 1 وانا حسيت انه زيت مابقاش قد كده
انا ياجماعه بغير شيل هيليكس الترا 10000 كم وبنزله مع الفلتر على 8000 كم

عموما
ردي على الاستاذ شريف
اني فعلا ارسلت لبروتون من فتره كبيره شكوى لماليزيا طبعا ولا عبروني
دي انا معاك فيها
وعلى فكره انا لو مكانك مش هتراجع انهم يغيرولي الموتور وخد طبعا ورق الموتور الجديد
بأكد عشان تتأكد انهم غيروا الموتور

وربنا معاك
وسيبك بأه من اي زيت وخليك في شيل الاصفر كتير قالوا كويس وماطولش عليه وده الاهم

تحياتي وطمنا عملت ايه

[M.almaghraby]

مطولش عليه يعني يقعد اد ايه؟؟

انا سمعت انو 5000 برده؟

و ماله الشل هيلكس الترا؟

[A. Ibrahim]

اولا الاستاذ شريف احب اعبر عن اعجابي بتمسك حضرتك يحقك و انا و اعتقد جميع الزمله معاك اشلا نروح مالزيا و ربنا يصبرك

ثانيا انا زهقت من التوكيل و فضيحه و لازم نشف له حل اشلا نسيحله علي كل صفحات النت

ثالثا موضوع نقص الزيت في اي ماتور مش علوم صواريخ الموضوع لن يخرج عن حاجه من اتنين

1- فيه تسريب اما أ- خارجي بمعني ان oil seal او عزل بيسرب و ده اكيد هيبان من الجسم الخارجي للموتور يعني تاخد العربيه و تروح عند مركز محترم و تكشف علي الموتورمن الخارج,

او ب- التسريب داخلي و ده معناه ان الريت هيروح علي حته من الاثنين اما السلندرات او دورت الميه. لو في السلندرات يبقي العادم ابيض و الشكمان مزيت من جوه و بره. اما و بيوصل لدورة الميه فممكن تفضي الميه من عصفورة الردياتير في طيق و طبعا الزيت هيبان في المية

2- بخر الزيت تنيجة السخونة العاليه و ده هيبان من حاجتين مع بعض مأشر الحراره عالي لفترات طويله و بخر حول غطي الزيت و وش الموتور.

ممكن حضرتك تجرب الموضوع ده مع كامل تمسكك بحقك في التعويض

بس ليا رجاء بلاش السرعات العليه الله يحفظك و انا تحت امر حضرتك في اي استفسار او اي مشوار حتي و نسمع اخبار كويسه قريبا

[A. Ibrahim]

احب ازود انه بالنسبه للتسريب ممكن يكون oil seal و هو الموجود مابين خرج الموتور و الفتيس عند الاسطوانه (ايام مكان عند بيتلز كانت بتسرب من المكان ده "كانت ايام حلوه ")

او ب- التسريب داخلي و ده معناه ان الريت هيروح علي حته من الاثنين اما السلندرات او دورت الميه. لو في السلندرات يبقي العادم ابيض و الشكمان مزيت من جوه و بره. اما و بيوصل لدورة الميه فممكن تفضي الميه من عصفورة الردياتير في طيق و طبعا الزيت هيبان في المية (و ده صعب نظريا ولكن عز العرب خله كل شيء ممكن عمليا)

ممنوع الكتابة بالاحمر سوى لاعضاء ادارة المنتدى
الادارة 1

[ahmedsiyam]

100 100 يا باشمهندس احمد و تحليل منطقى و جميل جدا

انا اتمنى ان الموضوع ده يتحل و الراجل ياخد حقه ان شاء الله

الاخوة اللى ممكن تكون معترضة على الموضوع احب اقولكم حاجة

الراجل عنده مشكلة فى عربيته و بشهادة التوكيل و الفريق الفنى الماليزى .......... لا يوجد اى مشكلة واضحة فى السيارة

وبناء عليه هايتم تغيير الموتور و لو كان العيب من عند العميل .... لو عمل ايه ..... و لا حد هايسال فيه

عموما نطلع بنتيجة كويسة

لا توجد عربية خالية من العيوب

التوكيل هايغير الموتور المفروض على كلام الاخ الفاضل و دى معناها مصداقية فى التعامل ...... يمكن يكونوا اتاخروا شوية و ده لان مافيش نظام هناك سريع انما فى الاخر الراجل ياخد حقه

[callsherif]

السلام عليكم
طبعا يا باشمهندس ربنا يحللك المشكلة إن شاء الله على خير ...
بس أنا لي ملاحظة صغيرة :
حضرتك كنت فاتح موضوع من مدة و بتشتكي أن الزيت بيقل ........
و دي كانت رأس الموضوع

http://www.nilemotors.net/nile/75811-40000.html

و واضح أن طريقة سواقتك عنيفة ........ و ممكن جدا ميكونش عيب موتور خالص خصوصا أن الناس كشفت و معرفوش يوصولوا لأي حاجة
لأن حضرتك بتسوق بسرعات عالية و أكيد ( الله أعلم ) بتغير الغيارات متأخر على 5000 لفة - دقيقة
فممكن يكون موتورك سليم .......... خصوصا أن أنت قسيت الكبس بتاعه زي ما بتقول .........
و تغير على الفاضي و تدخل في حوارات مع المرور .
و أنا أعتقد أن السرعات العالية دي هي المسئولة عن تبخر الزيت خصوصا في الجو الحار بتاع مصر ..... مع سرعات عالية و حرارة عالية .... و الله أعلم .

و ربنا يوفقك .

باشا كلامك مظبوط بس الى حصل معايا غير كده والموتور فى عيب تصنيع فعلاً وغيرتو وشوف الى جاى

[callsherif]

والحمدلله غيرت الموتور بعد حوارات ومجادلات عنيفة مع التوكيل الى هو مش توكيل اساساً وخدت الأفراج الجمركى وكمان جواب للمرور ..

واستلمت العربية بعلبة دركسيون بايظة وماتغيرتش !!!!!!!

انا كان عندى علبة دركسيون كمان بايظة والمفروض تتغير ومسجلة فى أمر الشغل ومحجوزة من شهر 10-2008.
المهم انا روحت التوكيل يوم الأثنين 3/8/2009 واخدت العربية اجربها مع المهندس المختص ولقيت نفس صوت علبة الدركسيون موجود زى ماهو فاقولتلو هية العلبة اتغيرت قالى اه فروحت للمهندس آمر وقولتلو العلبة زى ماهية قالى ازاى وطلع معاية يجرب العربية وهو الى ساق على سرعة 10 كم وماشى كأنو ماشى على قشر بيض .. !! كأنو عايز يقنعنى ان العلبة سليمة .. فقولتلو يا باشمهندس تسمح انا الى اسوق أوريك الصوت بيطلع منين وامتى قالى ماشى وسوقت ووريتو صوت دربكة واضحة جداً فقالى دا طبيعى ... قولتلو نعم هو ايه الى طبيعى ... ونزلت واتخانقت خناقة يا حضرات .. وقولت ان العلبة ماتغيرتش .. حلفو كلهم انها اتغيرت بس ماحدش قال ان الى اتغيرت جديده.. قولت يبقى مافيش غير احتمالين الى اتغيرت مستعملة او الجديدة بايظة ودا احتمال ضعيف جداً. والمهندس آمر جاب المهندس الى جرب معاية العربية وقالو انت بتجرب غلط وقالو صفى وامشى انت مرفود ...وبعد كده وسط الخناقة قالى المهندس آمر جرب اى عربية قدامك وشوف الصوت قولتلو لالالالالالا انا مالى ومال العربيات دى انا بتكلم فى عربيتى قالى خلاص المهندس هانى يجربها ولو قال بايظة يبقى اغيرهالك قولت ماشى وطلع وجرب ورجع قال بايظة ... روحت قايلو يعنى المهندس الى ماشيتو دا شايف شغلو صح ولا ايه وقولتلو لو هتغير العلبة والمهندس دا هيمشى انا مش عايز العلبة المهندس دا يرجع الشغل راح قايلى ماشى مش هيمشى ورحت جبت رقمو وخليتو يكلمو و يقولو تعالى الشغل عادى من بكرة..
وبعد كده اتضح ان مافيش علب دركسيون جديدة فى المخزن اساساً والى ركبتلى كانت من عربية تانية من على لسان السيد مدير مركز الخدمة !!!!!!!!!!!!!!!!!!!!!!!! الى كان عايز يلبسنى العلبة طبعاً بعد الخناقة العظيمة وفى وسط الخناقة كمان بيقولى امشى اطلع برة انا اه كنت بزعق بس لحقى وبأدب فقولتلو لا مش هطلع برة انت شاغال هنا لخدمتنا مش توكيل حضرتك ده وفى جهاز حماية المستهلك هاخد حقى انشاءالله ومش هيضيع ... ... بس فى معاملة اسوأ من كده ؟؟؟؟؟؟؟؟؟.!!!!
وبعدها قالى معلش واعد يقولى انت زى اخويا لاصغير و و و و ... و اعترف وهو مش واخد بالو ؟؟؟؟؟؟!!!!!!!!!!

وطبعاً يا حضرات العلبة بتاعتى هتتبدل من بروتون ماليزيا وتيجى تتباع عادى جداً وانا البس العلبة المستعملة...

واكيد دا بيحصل لكل العملاء داخل الضماااااااااااان.


المهم خدت وعد ان علبتى هتتغير جديدة لما يبقى يجى قطع غيار ...

حد يضمنلى بقة الى بيتغير داخل الضمان لأى حد فيكو يكون جديد مش مستعمل ... حد شاف دا بيحصل فى حتة فى الدنيا والله حررررررررررررررررررررااااااااااااااااااااااام ....

هااااااااااا حد يرد علية بقة ويقولى دا مركز خدمة ولا مركز ........
ايه رأيوكو ؟؟؟؟؟؟؟؟؟؟؟!!!!!!!!!!!!


انا مقدم شكوى فى حماية المستهلك الى من حضراتكو عايز يقف ضد ........ البين دا يتفضل يقدم شكوى بقة لأن كده الموضوع خرج عن نطاق مركز خدمة وتوكيل ...

وعلى فكرة التوكيل موجود والعربية بتاعتى موجوده والمهندسين فى التوكيل موجودين

تاني تنبيه بعدم السب
الادارة 1

[ahmad alshaaer]

انا بأيدك لان عربيتي ماشيه 50000 كم وماكانش بيتعمل فيها اللي انا عاوزه الا بعد عذاب ولكن بطرق مختلفه ولكن الحمد لله ان عربيت بأت تمام
وده الاهم
وتحياتي

[domain]

تحياتي للمهندس شريف.
ارجوا ان تستمر في موقفك مع جهاز حماية المستهلك من ناحتي سوف اعرض مشكلتك الي جهاز حماية المواطن.

وارجوا من كل الاعضاء ان يبذل كل منا ما في وسعة حتي نضمن لسيارتنا توكيل محترم يعتمد علية حتي لا نقع في نفس المازق الذي وقع فية المهندس المحترم / شريف.

وسوف اتصل به و اساعدة باقصي مقدرة لي

وشكرا لسيادتكم

ممنوع الكتابة بالاحمر سوى لاعضاء ادارة المنتدى
الادارة 1