تغيير موتور العربية لأن به عيب والتوكيل معرفش فيه ايه

[khpopo]

انت ليه ما اتععملتش مع استاذ محسن على طوووووووووول

+11111111111111111111111111111111111111

ربنا يوفق

[wesamone5]

على فكره انت راجل جامد جدا ولو كل الناس بتعمل زيك مكنش حد من التوكيلات دى قدرت تعمل اللى بتعمله ده
بس انا عايز اعرف حاجه حضرتك اتأكدت ازاى انهم غيروا الموتور ووش السلندر زى ما قالوا محطوش القديم الناس اللى زى دى لازم تعد صوابعك بعد لما تسلم عليهم
انا كنت خلاص ححجز العربيه بس بعد اللى سمعته ده انا مش هاشتريها ولو ببلاش ده الواحد مش عايز يجيب مستعمل علشان ميضربش فيها ويقولك الجديد احسن علشان تريح بالك منه 5سنين
معلش على كلامى بس انا بصراحه دمى فار بعد ما قريت اللى حضرتك كاتبه وربنا ان شاء الله يعوض تعبك خير

[callsherif]

على فكره انت راجل جامد جدا ولو كل الناس بتعمل زيك مكنش حد من التوكيلات دى قدرت تعمل اللى بتعمله ده
بس انا عايز اعرف حاجه حضرتك اتأكدت ازاى انهم غيروا الموتور ووش السلندر زى ما قالوا محطوش القديم الناس اللى زى دى لازم تعد صوابعك بعد لما تسلم عليهم
انا كنت خلاص ححجز العربيه بس بعد اللى سمعته ده انا مش هاشتريها ولو ببلاش ده الواحد مش عايز يجيب مستعمل علشان ميضربش فيها ويقولك الجديد احسن علشان تريح بالك منه 5سنين
معلش على كلامى بس انا بصراحه دمى فار بعد ما قريت اللى حضرتك كاتبه وربنا ان شاء الله يعوض تعبك خير

باشا الف شكر على ذوقك ..
انا اتأكدت ان كل حاجة اتغيرت وتمام منهم فى التوكيل وكمان برة فى مراكز خدمة والموضوع باين وواضح يعنى لو بصيت كويس هتشوف الى اتغير وكمان خدت ورق الموتور الجديد ..
بالنسبة للمشكلة بقة وعايز تشترى العربية ولا لأ .. انا بعد ما دا كلو عرفت ان مافيش عربية مافيهاش مشاكل لكن انا حظى طلع وحش فى العربية بتاعتى .. وكمان فى نااااس كتييييييير ماعندهمش اى مشكلة فى الجين 2 .. ودول طبعاً ساكتين لكن الى بيتكتب هنا تقريباً استفسارات ومشاكل ..
وعايز اقولك العربية ممتازة وانا بحبها جداً ولو اشتريتها مش هتندم .. وقدر الله ما شاء فعل

[أبومعاذ]

اعرفكم بنفسى انا واحد راح توكيل عز العرب يوم السبت 23 اغسطس 2009 بعد اتصال مع المبيعات وتم حجز عربية واجا فضى يو م الاربعاء السابق لزهابى للتوكيل لانى من محافظة السويس وتم التاكيد على الحجز بالتليفون مع احد مندوبى المبيعات بدون زكر اسمة وزهبت الى التوكيل الجميل فى اول يوم لرمضان يوم السبت وجدت التوكيل بدون تكييف واحنا فى عز الحر ورمضان كمان المهم وجدت مندوب المبيعات الذى استقبلنا بكل ترحيب الساعة 9.30 صباحا اردت ان اشاهد العربية اللى حدفع ثمنها اخزنى المندوب الى مخزن عبارة عن خرابة بها عربات كلها عيوب تصنيع وكلها من المرتجع ووجدت داخل احدى العربات الموجودة فى المخزن ايصال صيانة فى التوكيل هذة العربة بدون نمر ووجدت عربات كثيرة مرخصة بنمر ومرتجعة وهذا جعل فى داخلى شك فى التوكيل المهم شوفنا عربية واجا ومقاساتها وابعادها كان فى مقارنة بنها وبين البيرسونا المهم قال لى السيد المندوب العربية بتاعتكم فى المخزن اللى فى القرية الزكية دخلنا صالة الانتظار ويا ريتنا مادخلنا قعدنا فى انتظار العربية حتى الساعة 2.30 مساء كل ربع ساعة يتفضل المندوب بتخديرنا العربية جاية العربية بيتعمل عليها اختبار العربية بتتغسل من التراب تسرب الملل بداخلنا المهم يا سادة مرت امامنا عربة مكسورة الزجاج الجانبى للسائق ودخلت مركز الصيانة انتظرنا ثم انتظرنا وبعدين انتظرنا ثم تكلمنا مع المندوب فقال لنا كالمعتاد العربية جاية فى الطريق المهم يا سادة جاءت العربة والحمد للة وجدنا بها العيوب الاتية ماكينة الزجاج الامامى الجانبى للسائق مكسورة وتم اصلاحها لكن الماكينة تعمل بشكل سييء وغير موجودة بمكانها ووجدنا بداخل الصالون 5 مسامير بمقاسات مختلفة وهذا يدل على فك وتركيب الزجاج وماكينة الزجاج ووجدنا ايضا العلامة الامامية للعربة مجرحة ومخدوشة ووجدنا ايضا الحلية الفضية الامامية مكسورة فتحنا الكابوت وجدنا الخرطوم الكبير السميك الداخل على الماتور راشح زيت بكمية كبيرة لفتت نظرنا نحن الغير فنيين لدرجة ان الزيت كان يتساقط منة ناهيكم عن وجود اثار اقدام فنيين بالشحم داخل ارضية العربة الخلاصة ان المندوب الكريم كان يستغل عدم معرفتنا الفنية وكان يريد ان يبع لنا عربة اما هى مرتجع او شغل مراكب كما يقولون هذا ياسادة ما حدث من التوكيل الرئيسى للعربية عدم وجود ضمير وعدم وجود مصداقية وعدم وجود امانة فى البيع ناهيكم عن الصيانة اللة يكون فى عون المالكين لهذا النوع من العربات ملحوظة بعد ما حدث اراد مندوب المبيعات اجراء خصم لنا على العربة اهذا يعقل من التوكيل الرئيسى لعز العرب انا يا سادة صرفت نظر عن شراء ايى عربية موجودة فى هذا التوكيل ويا للعجب

ياريت حضرتك تقولنا اسم مندوب المبيعات اللي عمل معاك كدا و انا شخصيا هشتكيه

[Ayman_52]

هو انا سمعت ان حضرتك كنت رايح تتفرج بس .... والمندوب قال لحضرتك شوف العربيه دى لو عاجبتك يبقى اوك

يعنى العربيه دى ماكنتش محجوزه لحد .... وقالى ان العربيه اللى حضرتك شوفتها مش هى اللى كان ازازها مكسور ...

بس دا طبعا مايمنعش ان العربيه دى ماكانش معمول ليها اى pdi او على الاقل كان الــpdi سىء

-----

وعالعموم ربنا يوفقك يارب للخير .... واكيد حضرتك مالكش خير فى العربيه دى

[Eng. AMMER EL KWAFI]

الساده أعضاء النايل موتورز
ايماء لمشاركة الالستاذ شريف المحترم احب أن اوضح بأن شركة عز العرب تقوم بخدمة السادة العملاء بغض النظر عن سلوكهم ,تفضل الاستاذ شريف بزيارة الشركة أكثرة من مرة بشكوى نقص زيت المحرك و بالكشف المبدئى على المحرك لم يظهر أى أثار تسريب و كذلك لا يوجد أثار زيت فى العادم و لا فى مياه تبريد المحرك و البوجيهات نفيد بأن حالة المحرك جيدة و بناء على ذلك تم اضافة زيت للمحرك فى كل مرة لزيارة العميل لمتابعة معدل استهلاك الزيت و بعد المتابعة كان قرار مركز الخدمة بفك وش السلندر للكشف على المحرك و كان اجابة السيد شريف المحترم بالرفض و طلب تغيير المحرك و كانت الاجابة من جانبى أنه لا يمكن أن يتم تغيير المحرك الا طبقا لاجرأت الضمان المتبعة و طلبت من العميل زيارة المركز فى وجود الوفد الماليزى و بنفس طريقة الكشف تم الكشف على المحرك و تقرر تغيير الشورت بلوك بدلا من اجراء عمرة موتور كأرضاء للعميل فتقدم الاستاذ شريف بمقابلة السيد العضو المنتدب للشركة و طلب تغيير المحرك بالكامل و تبعا للسياسة المتبعة لشركة عز العرب تفضل السيد العضو المنتدب بالموافقة على تغيير وش السلندر على أن تتحمل قيمة وش السلندر شركة عز العرب لرفض الضمان تغييره لان ليس به عيب و الذى تأكد منه السيد شريف المحترم , وأثناء تغيير المحرك تبين بأن حالة طقم الدبرياج تحتاج الى تغيير و تم تغييره بناء على موافقة العميل و تم عمل الخصم الخصم المسموح به على الفاتورة أما بالنسبة لعلبة الدريكسيون أوضح بأن العميل لم تكن له شكوى من علبة الدريكسيون و أنما أثناء أعمال التفتيش النهائى للسيارة تم تنويه أن للعميل الحق فى تغيير علبة الدريكسيون على أن تحمل على الضمان و تم تأجيلها مع صيانة 60000 و بناء على ما سبق أود أن أوضح بأن الشركة تقوم دائما بأرضاء العملاء و بدون انتظار شكر أو اعتذار و, و أضيف هل من الطبيعى قيادة أى نوع سيارة على سرعة 190 كم متصلة---فهل يعتبر ما سبق عيب صناعة أم سوء استخدام اترك الرد للسادة الاعضاء و اتقدم بالشكر للسادة الاعضاء نايل موتورز لحرصهم على مشاركتهم للاستفادة بارائكم و اقتراحاتكم البناء و أخص بالشكر ادارة المنتدى الفعالة لارتقاء بالخدمة المقدمة للسادة العملاء

[Osama.shihata]

شكرا للتوضيح م امر

واتمنى من الله ان تداوم معنا فى الرد على الاستفسارات و المشاركات وخاصا مشاركات الاعضاء الجدد

نظراً لما تمنحه الردود والتفاعل ثقة للعملاء الجدد والمقبلين على الشراء وتكسب القدامى الخبرة

وفقكم الله لما فيه الخير

أسامة شحاتة

[kareem_aljamal]

متشكرين جدا
بس كان عندي استفسار يعني هو فعلا الزيت كان بينقص بسبب السرعة العالية ؟؟
و هل ده طبيعي في أي عربية ؟؟

[m.3abdel3al]

لا طبعا هو البشمهندس مش قصده كده هو اصده ان المشي بسرعات كبيره لفترة طويله بيعمل لود جامد جدا على الماتور ودا الي خلاه ينقص زيت

[callsherif]

شكراً للسيد المهندس آمر على التوضيح وفعلاً كل الى سيادتة قالة شرح وافى للأحداث الى حصلت بالظبط ..
بس أحب أوضح نقطة بسيطة بعد اذن المهندس آمر ..
بالنسبة للسرعات العالية انا كنت بستفسر بس بخصوص السرعات العالية تعمل نقص فى زيت المحرك ونسبة النقص قد ايه علشان اعرف ان لو نسبة النقص دى منطقية وطبقاً للمعدلات العالمية وساعتها ما اضطرش لتغيير الموتور .. بس للأسف فى النهاية نسبة النقص زادت. وحكاية السواقة على 190 دى جبتها مرتين او 3 فى اسبوع واحد وبعدها اكتشفت النقص وماكنتش عارف اعمل ايه اسأل الأخوة الأعضاء ولا التوكيل ولا بروتون ماليزيا وكنت بحاول اوصل لحل فى اسرع وقت لأن العربية بالنسبالى كل حاجة ..
وفى النهاية بشكر كل الى شاركو معانا فى الموضوع وكل سنة وانتو طيبين

[fadynabil]

ليا بس تعليق بسيط علي رد المهندس أمر ،، وهو بالنسبه للقياده علي سرعة ١٩٠

أعتقد إنه لو مش غلط ماكنوش قالو في الــ manual guide بيتاع الچين تو إن موتورها الـ cam pro مصمم للعمل علي سرعات عاليه تصل إلي ٢١٠ و٢٣٠ كمان

وإن النقل علي الغيارات يكون أعلي من 4000 لفة يعني المفروض إنه من الطبيعي إن الناس تنقل الغيارات علي RPM عالي لــ 6000 حتي .. مفيش مشكلة

ولا إيه يا شباب ..... يعني حتي لو أستاذ شريف كان ماشي الــ 60000 كيلو اللي عملهم بالعربية علي سرعة ١٩٠ ،، المفروض إنه حاجة طبيعة متضرش الموتور

ولا هوه كلام تسويق وخلاص .

يا ريت حد يقولي الكلام اللي بقولو ده صح ولا غلط.

[m.3abdel3al]

بص هي الفكرة ان انتا ماينفعش تفضل حاريء على الماتور في الغيارات لفترة طويلة يعني لو انت اخدت طريق 120 كيلوا كله على 6 او 6.30 ار بي ام اكيد الماتور هيضر

[tutankhamoun]

ليا بس تعليق بسيط علي رد المهندس أمر ،، وهو بالنسبه للقياده علي سرعة ١٩٠

أعتقد إنه لو مش غلط ماكنوش قالو في الــ manual guide بيتاع الچين تو إن موتورها الـ cam pro مصمم للعمل علي سرعات عاليه تصل إلي ٢١٠ و٢٣٠ كمان

الكتالوج مفيهوش الكلام ده .......
الكتالوج مكتوب فيه السرعة القصوى ....... 190 كم - س فقط لا غير .

وإن النقل علي الغيارات يكون أعلي من 4000 لفة يعني المفروض إنه من الطبيعي إن الناس تنقل الغيارات علي rpm عالي لــ 6000 حتي .. مفيش مشكلة

مكتوب إن النقل له طريقتان :
طريقة مقتصدة .......... و طريقة لأخراج العزم الكامل .
المقتصدة زي الأوتوماتيك بتاعها بتغير عند 3000 لفة - دقيقة
و أخراج العزم الكامل عند عند 4000 لفة - دقيقة

ولا إيه يا شباب ..... يعني حتي لو أستاذ شريف كان ماشي الــ 60000 كيلو اللي عملهم بالعربية علي سرعة ١٩٠ ،، المفروض إنه حاجة طبيعة متضرش الموتور

بُص يا سيدي الفاضل :
فيه عربية بي أم دبليو في برنامج توب جير ....... دخلوا بها سباق .
و قاموا مغيرين الديسكات ( طنابير ) بديسكات رياضية ..... و فرامل رياضية و عفشة رياضية .....
و مع ذلك تم تغيير الديسكات 3 مرات أثناء السباق مع التيل كامل و الأربعة كاوتشات 3 مرات .
يعني حتى لما يكون عندك حاة مُصممة للعمل الشاق مش معنى كدا أنك تهريها و دايما تطلع أقصى قدرة لها في كل الظروف .
ثانيا و الأهم أن موتور المهندس شريف مكنش فيه أي ظهور لأي مشكلة
يعني كل حاجة عنده سليمة ........ ما عدا موضوع نقصان الزيت .
و ده ممكن يكون ناتج من القيادة الرياضية أو أي مشكلة أخرى بسبب القيادة أو بسبب عيب تصنيع في جزء من أجزاء المحرك .

ولا هوه كلام تسويق وخلاص .

يا ريت حد يقولي الكلام اللي بقولو ده صح ولا غلط.

الكلام اللي حضرتك سمعته ده مش من الكتالوج
الكلام ده من الفيديو اللي بيشرح العربية
و المهندس كان بيتكلم عن أن الناس بتنقل بدري قوي و العربية مش متصممة للنقل بدري قوي .
و الراجل كان بيقول أن النقل الصح ميقلش عن 3000 لفة ....... و ممكن توصل ل 5000 لفة و أنت بتنقل و الموتور متصمم علشان الشغل الشاق .
بس سرعة الموتور حاجة ....... و سرعة 190 حاجة .
لأنك لو بتغير مثلا و أنت على الأول على 5000 لفة ....... مقاومة الهواء أقل ما يكون .
و بعدين توصل للثاني و تغير على 5000 لفة و بالتالي مقاومة الهواء زادت شوية عن الأول و هكذا إلى الصعود لسرعة أكبر من 100
و بعد سرعة 100 بيبدأ الهوا و الرياح المقابلة تقاوم سرعة السيارة بأضعاف و أضعاف سرعتها و هي على الأول أو الثاني و حتى سرعة 100 كم - س .

يعني لو أنا ماشي على سرعة 100 ....... لمسافة 60 ألف كم
وواحد تاني ديما يمشي على سرعة 190 ...... لنفس المسافة
أكيد و مليون 100 % .................... حالة موتوري هاتكون أحسن من حالة موتوره
لأن الموتور بتاع 190 .......... بيقاوم الهوا ...... و بيشد الوزن الخاص بالعربية ........... يعني عليه حمل كبير .

حاجة تانية مكتوبة في الكتالوج
العمر الأفتراضي للمحرك هو ربع مليون كم ................ بدون لمس المحرك و تغيير أي شئ فيه عند الظروف القياسية .

يعني تخيل أنت بقى حكاية البي أم دبليو ................... و ليه غيرت ديسكات و كاوتش و فرامل في سباق واحد .
و تخيل المواد الخام اللي البي أم مصنوعها منها !!!!!!!!!!!!!!!

أرجوا أن الفكرة تكون وصلت لحضرتك تمام .
و كل سنة أنت طيب

[MohabSaeed]

كلام سليم و منطقى جدا , حضيف حاجه فى نقطه السرعه و استهلاك الزيت .

فى كتالوج الواجا مكتوب ان عند استعمال السياره و المشى بسرعات اكتر من 170 كيلو متر بشكل متكرر يجب تغير الزيت كل 5000 الاف كيلو .... مش 10000 و اكيد ده بيدل ان معدل استهلاك الزيت و فقدانه لخواصه بيبقى اسرع عند استعماله على اقصى حمل للموتور .....
انا مش عارف المشكله عند أ شريف كانت ايه , و ممكن يكون الموتور حصل فيه مشكله لاى سبب ... لكن انا بوضح ان السير بسرعات عاليه اكيد ليه تأثير على الموتور و على سرعه استهلاك الزيت و ده فى اى ماركه مش بروتون ... و بالمناسبه الموتور الى فى عربيتى ميتسوبيشى .. مش بروتون كامبرو .

[fadynabil]

الكلام اللي حضرتك سمعته ده مش من الكتالوج
الكلام ده من الفيديو اللي بيشرح العربية
و المهندس كان بيتكلم عن أن الناس بتنقل بدري قوي و العربية مش متصممة للنقل بدري قوي .
و الراجل كان بيقول أن النقل الصح ميقلش عن 3000 لفة ....... و ممكن توصل ل 5000 لفة و أنت بتنقل و الموتور متصمم علشان الشغل الشاق .
بس سرعة الموتور حاجة ....... و سرعة 190 حاجة .
لأنك لو بتغير مثلا و أنت على الأول على 5000 لفة ....... مقاومة الهواء أقل ما يكون .
و بعدين توصل للثاني و تغير على 5000 لفة و بالتالي مقاومة الهواء زادت شوية عن الأول و هكذا إلى الصعود لسرعة أكبر من 100
و بعد سرعة 100 بيبدأ الهوا و الرياح المقابلة تقاوم سرعة السيارة بأضعاف و أضعاف سرعتها و هي على الأول أو الثاني و حتى سرعة 100 كم - س .

يعني لو أنا ماشي على سرعة 100 ....... لمسافة 60 ألف كم
وواحد تاني ديما يمشي على سرعة 190 ...... لنفس المسافة
أكيد و مليون 100 % .................... حالة موتوري هاتكون أحسن من حالة موتوره
لأن الموتور بتاع 190 .......... بيقاوم الهوا ...... و بيشد الوزن الخاص بالعربية ........... يعني عليه حمل كبير .

حاجة تانية مكتوبة في الكتالوج
العمر الأفتراضي للمحرك هو ربع مليون كم ................ بدون لمس المحرك و تغيير أي شئ فيه عند الظروف القياسية .

يعني تخيل أنت بقى حكاية البي أم دبليو ................... و ليه غيرت ديسكات و كاوتش و فرامل في سباق واحد .
و تخيل المواد الخام اللي البي أم مصنوعها منها !!!!!!!!!!!!!!!

أرجوا أن الفكرة تكون وصلت لحضرتك تمام .
و كل سنة أنت طيب

الأول أحب أقول لحضرتك كل سنة وإنت طيب و رمضان كريم يا باشا

ثانياً بشكرك علي الشرح الوافي ،، فعلاً وحشتنا ردودك الحلوة دي

بس أنا فاهم كويس إن مش طبيعي إن الواحد يمشي علي سرعات فظيعة كده بصفه مستمره .. بس أنا بس بعلق علي كلام المهندس الماليزي اللي إتقال في الڤيديو ،، مقارنة برد مهندس آمر ،، يعني حد يقول إن العربيه بتمشي سرعات فظيعة ومصممه علي أساس كده وحد تاني يقول أنه يعقل إن

غير طبيعي إن حد يمشي علي سرعات فظيعة كده.

أنا واِثق إن المهندس آمر كلامه مظبوط ١٠٠ في ١٠٠ ،، بس الكلام اللي إتقال في الڤيديو إستفزني بصراحة وحسيت إنه بيتكلم عن بورشة مش چين ٢

و الحمد لله إن المشكله إتحلت .. وكل سنه وإنت طيب .