ذيت الفرامل بيتغير ولا مش بيتغير

[احمد المصرى]

السلام عليكم


ذيت الفراميل بيتغير ولا مش بيتغير يا شباب ناس تقول بيتغير كل مده وناس بتقول بيتذود بس انتم ايه رايكم وايه الصح


العربيه دايو لانوس 2006 وعامله 35 الف كيلو ومغيرتش الذيت قبل كدا خالص



بس مره الزيت سخن حامد وفوت بسبب انى كنت عامل شغل غلط عند ميكانيكى تعبان والشغل دا خلى العجل الامامى والخلفى يبق نار وبسبب السخونه الزيت سخن جامد


هل لازم يتغير ولا ايه رايكم

[msobhy]

تغيير الزيت مش مشكلة خالص - انا عن نفسى بغير زيت الفرامل كل 50000 وزيت الفتيس كل 100000 وان شاء الله فاضل لى 9000 كيلو واغير زيت الفتيس

[N.a.j.d]

هوا يفضل تغيره كل كم كيلو متر كدا

[Badrowi]

يتغير كل 30000 او 18 شهر زى ما الكتالوج بيقول
وفيه زميل هنا كان قالى انه خواصة بتتغير وبيعمل ماده بيضة بتاثر على الخراطيم واداء الفرامل

[MMamdouh]

هو بيمتص رطوبة من الجو و بالتالى درجة غليانة بتقل

لو لو الزيت غلى من الحارة بتبنتج غازات تعمل هوا فى الفرامل و تلاقى دواسة الفرامل بقت زى السفنجة

MMamdouh

[samirayad]

من الأفضل ربط تغيير زيت الفرامل أثناء تغيير التيل كل مره
وعامة زيت الفرامل رخيص
وتغييره مع التيل بيفيد فى التعرف على حالة التيل مع هبوط مستوى الزيت فى تنك الفرامل (مع أستمرار تآكل التيل )
ورفع كفاءة دورة الفرامل والدبرياج

[kimoo2002]

والله انا حاولت اغير زيت الفرامل قبل كدة الميكانيكى بتاعى قالى بلاش علشان لما بيتغير فى اغلب الاحيان لازم يركب طقم اصلاح مع تغيير الزيت والاحسن انة يتزود بس والميكانيكى بتاعى كان شغال فى عيسى 10 سنين فمغيرتوش
فهل الكلام دة صح ولا غلط

[احمد المصرى]

شكرا يا شباب بس برضوا الناس مختلفه فى الكلام ناس تقول نغيره وناس تقول مش محتاج تغيير

[samirayad]

ده رأى الكتالوج كمان معانا أهو
بالنص من قلب الكتالوج
سائل المكابح /القابض
السعه تساوى 0.5 لتر
تغيير كل 30000كم (18000 ميل ) أو كل 18 شهرا
(ولكن فى الظروف القاسيه تغيير كل 15000 كم أو كل 9 أشهر )

[samirayad]

والميكانيكى بتاعى كان شغال فى عيسى 10 سنين فمغيرتوش
فهل الكلام دة صح ولا غلط

يبقى نسمع كلام الميكانيكى
سواء كان شغال عند عيسى
ولا غيره
؟؟؟؟؟؟؟؟؟؟؟؟؟؟؟

[ahmatar]

تغير الزيت

[abo_lamar]

طيب سؤال يا جماعة .. هو تغير الزيت بتاع الفرامل بيتم ازاي ؟؟ ممكن احنا نعمله بنفسانا ولا لازم ميكانيكي ؟؟

[samirayad]

وأنت بتغير التيل
خللى الميكانيكى يغيرهولك
وياخد الهواء من مساتر الفرد الأربعه

[MMamdouh]

قبل ما نجاوب على سؤال "نغير ولا لا" نقول الاول تاثير الزمن على الزيت

زيت الفرامل عندة شرة لامتصاص الرطوبة من الجو... حتى حتلاقى على علبة زيت الباكم انك متستعملش زيت من علبة كانت متسابة مفتوحة مدة

طيب ايه القضية فى كدة؟؟؟

زيت الفرامل له درجة غليان و كل ما بيمتص رطوبة درجة الغليلن دى بتقل و بالتالى بيبقى عرضة اكتر للغليان مع مرور الوقت

لاحظوا كمان اننا بنتكلم فى نسب قليلة جدا من الرطوبة بس ليها تاثير كبير على حرارة الغليان زى ما هو موضح فى الرسم البيانى



ماشى برضة فين المشكلة؟؟

المشكلة فا حاجتين... اولا لو الزيت غلى حيطلع فقاقيع هوا... يعنى حيتولد جوة دايرة الفامل بتاعتك هوا نتيجة الغليان و كلنا عارفين التاثير السلبى لوجود هوا فى الفرامل... حتلاقى الدواسة زى السفنجة و العربية متفرملش لان الهوا زية زى اى غاز بيبقى قابل للانظغاط بالتالى لما تكبس فرامل جزء كبير من قوة الفرملة حيروح فى ضغط الهوا اللى جوة الدايرة بدل ما يضغط على مكابس الفرامل و بالتالى التاثير على تيل الفرامل و اجبارة على الاحتكاك بالطنابير

المشكلة التانية ان الرطوبة فى الاساس ميه... و المية بتسبب الصداء... الموضوع مش فارق اوى لو عربيتك مفيهاش ABS... لكن لو فيها ممكن ترسبات الصداء تعمل مشكلة مع بلوف نظام الABS و تسبب انسداد يعوق عمل النظام

اذا من هنا نكتشف ان زيت الفرامل كفائتة بتقل مع الوقت و يجب تغييرة دوريا... و يفضل لما تغير تجيب زيت DOT4 و دة له درجة غليان اعلى من DOT3 بالتالى بيديك امان اكتر



MMamdouh

[mahmoudysf]

طيب السؤال بيتغير ازاي عشان ابقى عارف الميكانيكى شغال صح ولا لا