مميزات وعيوب عربياتنا الدايو لانوس

[amrrashed]

السلام عليكم

ياريت ياجماعة كل واحد فينا يقول عيوب ومميزات عربيته الدايو لانوس (مثلا) علشان نقدر نوجد قائمة من المزايا والعيوب المجمعة للسيارة بعيدا عن المشاكل الفردية.

وشكرا

[sokasoon]

حتى الان لا يظهر اى مشكلة لسه العربية جديدة ومافيش اى مشاكل

اول ما يحصل اى اى حاجة هقولهالكو على طول

[M_ElSabaa]

من عيوب الانوس انها بتسحب بنزين بمعدل عالى الى حد ما
الثبات بيقل بعد 120
ودى العيوب الى انا لاحظتها غير كده العربية زى الفل

[mina_ramsis]

عفوا يا اخ midzy اللانوس ما بتسحبش بنزين خالص انا حسبتها مرة على الطريق السريع طلعت انها بتستهلك حوالى 20 لتر فى 300 كيلو احسن حاجة فى العربية هى موتورها بجد موتور 10 \10 اما اوحش حاجة فيها عزل الكبينه الداخليه يعنى لو جت زلطة فى الباب و انت ماشى تسمع فى الكبينه جامد غير كده ماوجهتنيش اى حاجة وحشة فى العربيه على فكرة انا بعت العربية علشان محدش يقول انى متحيزلها

[أبو عبدالله]

العزل الامامي بتاع الدايو عموما مش كويس
دايما هتحس بالحراره من حين لأخر كده جايه من صدر العربيه
دي انا جربتها في النوبيرا واللانوس
وده أكيد ان انتم عارفين انه عيب تقفيل مصري أكيد

[limo]

نا كمان عندى شويه ملاحظات على العربيه

انا معايا لانوس 99اوتوماتيك وعندى شويه ملاحظات على العربيه

-الفرامل بتاعه العربيه وحشه اوى انا كنت فاكر ان الموضوع ده عندى انا بس لاقيت ناس كثبر بتشتكى من الفرامل .
-الفتيس الاتوماتيك بتاع العربيه مش اد كده بيعمل مشاكل بس بيقضى الغرض وخلاص .
-استهلاك العربيه للبنزين عالى بتعمل حوالى كم150فى الصفيحه داخل البلد
فى ناس بتقول ان الانوس 1 استهلاكه للبنزين اعلى من الانوس2 بس انا مش عارف الكلام ده صح ولا خطأ.
- المتور صوته عالى شويه
-غير كده العربيه جميله جدا وشكلها كويس ومشاكلها بخلاف الفيس الاتوماتيك مش كتير وكمان قطع غايرها رخيصه للنسبه انها عربيه حديثه.
limo

[sab3aawy]

انا كان عندى لانوس لمدة 3 سنوات جبتها اول ما اللانوس نزل:

العيوب اللى كنت بلاحظها فيها:

1-الصاج خفيف
2-كان فيه حاجة بترجرج فى جانب السيارة الايمن لما بآجى اطلع بالعربية (لحظة رفع القدم اليسرى من على الدربرياج) ومحدش عرف دى إيه ولا إيه حلها حتى فى التوكيل واتهمونى ان عندى تهيوات (بقت موضه حكاية التهيؤات فى التوكيل دى بس انا كنت pioneer (من الرواد يعنى)، إتهمت بالتهيوآت من 7 سنوات مضت)، وظلت السيارة بهذا العيب حتى بيعت
3-شداد التكييف اللى بيشغل الريسايكل او الفريش إير انقطع بعد 12 الف كيلومتر وصلحوهولى فى التوكيل بدون فلوس، وبعدها بشوية الشداد اللى بيغير خروج هواء التكييف (امامة، سفلى، على زجاج السيارة) انقطع بعد 20 الف كيلومتر، ورحت بيها التوكيل قالولى مش موجود سيب تليفونك وهانتصل بيك اول ما ييجى، سبت لهم التليفون منذ خمسة سنوات ولحد ديلوقتى محدش اتصل بيا ، صحيح انى بعت السيارة بعدها بفترة بسيطة بس انا مقلتلهمش :lol:
4- طرمبة البنزين ابتدت تطلع صوت جامد بعد 10 آلاف كيلومتر وغيروهالى فى التوكيل بدون فلوس
5- الكالون بتاع الكبوت الامامى باظ بعد 5000 كيومتر وصلحولى فى التوكيل بدون فلوس

مميزات العربية:

موتورها حلو وناعم جدا وبتسحب

1-بالنسبالى كانت ثابتة على الأرض حتى 150 كم/س لانى كنت مركبلها جنوط سبور مختارة بعناية

2-بتاخد 5 افراد مرتاحين بدون تأثير على السحب او العفشة او ارتفاع العربية

3-مش بتحك فى الأرض

4-شاسيهها محترم جدا، مرة نزلت بالعجلة اليمين اللى قدام كلها فى حفرة مواسير مية، وماطلعتش العربية غير لما الناس شالوها، رحت بعد كدة رفعتها كلها عند بتاع الزوايا ملقيتش فيه اى حاجة غير خرابيش فى الوبية بتاعة المقصات والزوايا محصلش فيها اى لخبطة

مع ملاحظة انى بعت العربية عاملة 25 الف كيلومتر فقط ، لكن بمتابعة العربيات فى الاعمار الاطول لاحظت ان فيه منها بيعمل مشاكل فى الشكمان وكذلك بعض اجزاء العفشة على عمر 60-70 الف كيومتر

[أبو عبدالله]

هو معروف لكل الناس ان الدايو العيوب الاساسية اللي موجوده في كل العربيات هي :
1- الفرامل ضعيفه
2- الاتوماتيك دايما فيه مشاكل والعربيه سعرها في اعادة البيع بتنزل عن المنيوال في السعر
3- الصوت العالي للماتور

[sokasoon]

Re: نا كمان عندى شويه ملاحظات على العربيه

انا معايا لانوس 99اوتوماتيك وعندى شويه ملاحظات على العربيه
- المتور صوته عالى شويه
limo

لا يا استاذ ليموو صوت الموتور مش عالى انا مش بحس بصوت الموتور خالص

[sokasoon]

هو معروف لكل الناس ان الدايو العيوب الاساسية اللي موجوده في كل العربيات هي :
1- الفرامل ضعيفه

بالنسبة للفرامل مش قوية

2- الاتوماتيك دايما فيه مشاكل والعربيه سعرها في اعادة البيع بتنزل عن المنيوال في السعر

من فترة كبيرة الاتوماتيك مش بينزل منوو خالص كله مانيوال

3- الصوت العالي للماتور

صوت الموتور مش عالى ولا حاجة ومش مزعج وماتسمعهوش وانت فى العربية خالص تسمعوو لما تفتح الكبوت او وانت

جمب الكبوت على طوول صوت ضعيف

[limo]

Re: نا كمان عندى شويه ملاحظات على العربيه

انا معايا لانوس 99اوتوماتيك وعندى شويه ملاحظات على العربيه
- المتور صوته عالى شويه
limo

لا يا استاذ ليموو صوت الموتور مش عالى انا مش بحس بصوت الموتور خالص

يمكن علشان عربيتك جديده
بس برضوا انا ركبت الجديد وحسيت ان المتور صوته عالى نسبيا
ويمكن لانى معايا رينو كليو فبحس ان الانوس صوتها عالى بانسبها
limo

[sokasoon]

ممكن علشان انت ركبت الرينو كليوو يكون صوت الموتور واطى

عن اللانوس فلما تركب اللانوس تحس ان صوت الموتور عالى

[limo]

يا ريت توضخ اكثر

ممكن علشان انت ركبت الرينو كليوو يكون صوت الموتور واطى

عن اللانوس فلما تركب اللانوس تحس ان صوت الموتور عالى

منفضلك توضخ اكثر لانى لن استطيع ان افهم فحوى الرد
وشكرا

[MMamdouh]

1- الفرامل ضعيفة
2- استهلاك مرتفع للبنزين مقارنة باى عربية 1500 انجكشن
3- الرشاشات بتليك
4- الزجاج بيرزع داخل الباب لو قفلت الباب و الزجاج مفتوح (زجاج عادة)
5- صوت كستبانات المحرك عالى شوية مقارنة بالعربيات التانية (طبيعى فى مواتير GM)
6- الدفعة الاولى من اللانوس بها عيب بطلمبة البنزين (تم التغيير مجانا فى الضمان)
7- الكلاكس بيعلق ساعات لما تلف الدركسيون
8- لا يوجد فلتر على التكييف فا بتتعمى ورق شجر لما تشغلة فى الاول
9- بعض السخونة من ناحية فرامل اليد
10- عفشة طرية شوية

MMamdouh

[أبو عبدالله]

أستاذ سوكاسون

هو ايه الفرق ما بين الفرامل الضعيفه واللي مش قويه زي ما حضرتك قولت

النوبيرا معايا الفرامل ضعيفه جدا

وموضوع الاتوماتيك ايه المشكله لما انا قولت ان الاوتوماتيك فيه مشاكل فحضرتك بترد على كلامي وتقولي ان الأوتوماتيك بقاله فتره مبنزلشي ........ مش عارف فين المشكله أصلا

اما عن موضوع الصوت فحضرتك احنا بنقول اصوت عالي مقياسا بباقي السيارات الموجوده في السوق وده برضه مش كلامي لوحدي كتير قالو الكلام ده وبعدين حضرتك المووع واضح مش محتاج ان الواحد يستفسر عليه ولما احنا بنقول ان الصوت عالي مش معنى الكلام ان احنا قصدنا لما تكون راكب العربيه .. أي واحد بيقول العربيه صوتها عالة أو منخفض بيبقى قصده ان العربيه لما حضرتك تقف جمبها يبقى صوت الماتور واضح وعالي مش من داخل العربيه ولكن من خارجها ...

حضرتك في عربيات ياباني بتبقى واقف جمب العربيه وحضرتك مش قادر تحدد ان العربيه ماتورها شغال ولا مطفي