مميزات وعيوب عربياتنا الدايو لانوس

[amado318]

الموضوع من 2007 بس العربيه لسه عايشه زى ماهيه من يوم ما اتولدت

[mailo]

عفوا يا اخ midzy اللانوس ما بتسحبش بنزين خالص انا حسبتها مرة على الطريق السريع طلعت انها بتستهلك حوالى 20 لتر فى 300 كيلو احسن حاجة فى العربية هى موتورها بجد موتور 10 \10 اما اوحش حاجة فيها عزل الكبينه الداخليه يعنى لو جت زلطة فى الباب و انت ماشى تسمع فى الكبينه جامد غير كده ماوجهتنيش اى حاجة وحشة فى العربيه على فكرة انا بعت العربية علشان محدش يقول انى متحيزلها

يانهار أبيض 300 فالصفيحة ده السيتي مابتعملهاش

2-كان فيه حاجة بترجرج فى جانب السيارة الايمن لما بآجى اطلع بالعربية (لحظة رفع القدم اليسرى من على الدربرياج) ومحدش عرف دى إيه ولا إيه حلها حتى فى التوكيل واتهمونى ان عندى تهيوات (بقت موضه حكاية التهيؤات فى التوكيل دى بس انا كنت pioneer (من الرواد يعنى)، إتهمت بالتهيوآت من 7 سنوات مضت)، وظلت السيارة بهذا العيب حتى بيعت
الموضوع ده اكتشفته بعد 3 سنين فعلا بس لما بكون مشغل التكيف ومش قادر افهمه
2-بتاخد 5 افراد مرتاحين بدون تأثير على السحب او العفشة او ارتفاع العربية
3-مش بتحك فى الأرض
لأ مش معاك فدي أنا أنا لو ركب معايا حد فالكنبة العربية بتتقل شوية وبتبقى واطية قوي

معايا لانوس زيرو من 8 شهور و قابلتنى المشاكل و المزايا التالية:-
العيوب :-
1- لما العربية بتبقى كاملة العدد (3 على الكنبة ) العربية بتحك فى المطبات . و مش لاقيلها حل .
5-عزل الصوت سئ جدا فى الصالون.
أول ما التكييف يشتغل لازم يطلع شوية ذرات عفرة و بتختفى فى ثوانى.

+1

[amado318]

بحط فى عربيتى 25 لتر بتمشى جوة البلد 330 كيلو مع ان رجليا تقيله جدا

[sherifbmw]

العربيه دى ملهاش عيوب والله

[adidas_vip2]

يا جماعه مش كل واحد عندة مشكلة فى العربية فا تعتبر هى نازلة بالعيب دة كمان شايف ناس كتير بتذكر العيوب فقط
ممكن نقول المميزات مع العيوب
بس هو كلنا تقريبا متفقين على حاجه :-
ان العزل جوة العربية دة فعلا وحش اوى وتقريبا كان فى استاذ هنا عامل حل للموضوع دة وهو 6 علب اسبراى فووم ونرشها داخل عتب الابواب بس للحقيقة انا لسه مجربتش الموضوع دة

انما اى عيوب تانية شايفها طبيعيه ومعدل عمر العفشه او الجير بوكس كويس جدا ويا جماعه كل حاجه ليها عمر افتراضى ليها وبيبقى على حسب الاستخدام

[adidas_vip2]

1-

4- الزجاج بيرزع داخل الباب لو قفلت الباب و الزجاج مفتوح (زجاج عادة)
mmamdouh

بص يا استاذ محمد دة تقريبا بيكون من الجلد البرواز اللى فيه المجرة بتاعت الزجاج فى الباب الجلد دة مع الشمس وعوامل الجو وكد بيطى ويوسع فا بيخلى الزجاج مش محكوم كويس
والحل تغيير الجلد دة وان شاء الله المكشلة تتحل

[elpasha1]

يا جامعة انا اخويا معاه لانوس 2007
هيا فيها مشكلة واحدة بس
انها على سرعة 120 بتبقى خفيفة والدركسيون بيتهز لحد متوصل ل140 بتبقى ثابتة والدركسيون مش بيتهز
مش عارف لية
:shock:

دا عيب ترصيص

[esam2009]

العربية مابتسحبش على الطريق

[amado318]

السحب كويس بس هيه اسرع من العربيات القديمه وابطاء من العربيات الحديثه يعنى معقوله والله

[apoadel_vip]

دي تجرتي مع الانوس
انا معايه لانوس هاف 2006
جيبها زيرو وهي دلوقتي عامله 170 الف كيلو
انا هقول الحاجات الي انا غيرتها في العربيه
1-تيل امامي 2- تيل خلفي 3-بطحات 4-بيض دريكسون 5-كاوتش 6-سير دينامو 7-سير تكييف 8-سير كاتينه 9-بلية كاتينه 10- مياه الريداتير
ممكن اي حد يلاحظ ان الحاجات دي حاجات استهلاكيه وده معناه ان العربيه كويسه جدا
بس ده ميمنعش ان فيها شوية ملاحظات مثلا(ثبات العربيه بعد 120 -عزل الكابينه -ارتفاع نسبي لصوت الموتور )
ودي حاجات طبيعيه...ان لو الحاجات دي مش موجوده هيبقى ازاي في فرق بين الانوس والانسر وده ميقللش من الانوس ولكن لازم يكون فرق الفلوس الي بتدفع في عربيه عن التانيه

[mero100]

تحياتي للجميع :-)

يا جماعه اي شيء في الدنيا له مزايا و له عيوب ....احنا بنتكلم في سيارات في فئه سعريه حتي 70.000 جنيه ... بالتالي في السعر دة السيارات بتبقي شعبيه ... او لو حد بيتضايق من كلمه شعبيه ف نقدر نقول اقتصاديه ... ارجو نتتفق علي هذا المبدأ

اللانوس... الفيرنا ... اللوجان....بروتون ساجا ....و بالنسبه للصيني : اسبيرانزا .. Byd .... كل هذه السيارات ذات الفئه السعريه بتتراوح من 65000 الي 70000 تقريبا .... كل سياره منهم بها ميزة و عيب .... اللي حتلاقيه ف واحدة مش حتلاقيه في التانيه من ناحيه الميزة و العيب ....هيه دي السياسه التنافسيه بين الشركات ...( مع تحفظي علي الصيني لكن بقاله وجود في السوق المصري )

فيه نقطه مهمه اوي بتحكم الموضوع اللي بنتتكلم فيه دة .... و هيه المشاكل الفرديه ... بمععني ممكن واحد فينا جاب عربيه و حصل معااه موقف ....ف منقدرش نعمم الموضوع او المشكله و نقول يبقي االعربيه الفلانيه و حشه ....

انا ذكرت في مشاركة ليا في نفس الموضوع من كام صفحة فاتوا ان سيارتي شيفروليه لانوس و وصلت لمرحله اني حبيع العربيه رغم انها مكملتتش معايا حوالي 5 شهور ... لاني حساس جدا للسيارات و العربيه محتاجة تظبيط ... من حيث مثلا ظبط زوايا - تربيط عفشه محترم - ظبط ابواب و زجاج - و هكذا .... طبعا توكيل منصور كرهني في اللانوس رغم اني بحبها جدا و جبتها بعد عده مقارنات استمرتت شهرين بالنسبه لي ...
صديق ليا معاه فيرنا 2010 ... كلمته و قلتله قراري بالبيع و بكل امانه و بدون تحيز يا جماعه .... قاللي لو العيوب دي هيه االلي حتخليك تبيع العربيه و تجيب فيرنا مثلا ... قاللي يبقي انت غلطاان .... لان كل السيارات في هذه الفئه السعريه متقاربه في المشاكل .... بمعني انها سياارات لا ترضي طموحاتنا الكامله في امتلاك سياره زيرو تكون سياره العمر مثلا . وانه هوة غير طنابير بعد سنه في الضمان .... يعني الفروق بين االموديلات مش فروق خرافيه يعني ... االكلام علي اللانوس كتير و علي مشاكلها لانها قديمه ... بنتتج من زمان من االتسعينيات ...

انا بقول تجربتي ... ممكن واحد تاني مععاه نفس الموديل بتاعي و موااجهش نفس العيوب اللي بشتكي منها و ممكن بردو يكون ااتععامل مع توكيل منصور و اتبسط جدا ... دي فروق فرديه ... صديقي معاه فيرنا و بيعاني من نفس مشكله ان التوكيل مش كويس .... بردو فروق فرديه .

الناس بتقبل علي اللانوس او الفيرنا لان السيارتان اصبحتا معروفتان جدا و صيانتتهم سهله و قطع غيارهم معقوله نسبيا و مشاكلهم معروفه و النقطه المهمه اوي هوه سعر ااعاده البيع...( مهم جدا النقطه دي ) .... عشان لما مثلا تبيع بعد 3 سنين و تحب تجيب حاجة اعلي متخسرش كتير ...يبقي اللي خسرته هوة تمن الركوب .

ااتعلمت هناا موضوع فيشه الاوكتان و بصراحة دي ميزه حلوة في اللانوس و لما جربتها استريحت جدا من حيث السحب .

اللي فهمتته في الاخر ان توكيل منصور مبيعرفش يعمل صيانه للانوس ...و بيشخصوا المشاكل غلط ... مش زي توكيل ابو غالي
مع العلم ان ممكن يكون المشكله او العيب حاجة بسيطه .
مثال : الفرامل ععندي كانتت عاوزة اخذ هواء و اللي فاكره اان فيه مهندس في منصور قاللي ان مشكله الفرامل دي من ضمن المشاكل االلي في اللنوس اللي ملهاش حصل و اللي ااحنا خااطبنا فيها general motors و حتي االان مجاش رد.
و اكتشفت ان الموضوع لاايزيد عن انه كان محتاج يتاخد هوا صح للفرامل .... طبعا المهندس دة ( مهندس لامؤاخذة ) ... عاوز شكوي محترمة عشاان يصحي ويفوق ويشتغل صح ... بدل ما هوة بيعذب الناس ومش عاوز يشوف شغله .

فيه عيوب ثابته للانوس :
1- العزل ...2- صوت الموتور عالي نسبيا .. بيهدي بعد التليين 3- االتقفيل المصري بيبقي فيه حاجاات عاوزة تتظبط. 4- موضوع االسحب الضعيف أو ضعف الانطلااق من سرعه صفر دة خلاص اتحل بالحل العبقري بتااع فيشه االاوكتان و بقت الععربيه سريعه جدا و سحبها ممتاز و اافتكر كل الاعضاء اللي جربوا موضوع الفيشه رأيهم واحد في موضوع السحب .

االلي قصدي اقوله ممكن كلمه واحدة تسوأ منتج و ممكن كلمه ترفع منتج

زي الاخ اللي في قسم الاسبيرانزا ... و جاب m 11 و قعد 32 صفحة يمدح فيها و ف مزاياها و فيه اعضاء هاجموه و قالوله حرام عليك تغري الناس دي كلها عيوب .... عارفين؟... الععضو دة خلاني من كلامه كنت حبيع و اجيب m11 ....لان سعرها تقريبا حوالي 75000...., و فيها اوبشنز كتير ..... لما سأالت عليها و علي مشااكلها و مدي توافر قطع غياارها ....حمدت ربنا اني مخدتش القرار دة ....خصوصا بععد ما شفت أراء بعض الملاك من الموديل دة .

و اخيرا بكل امانه : اللانوس و الفيرنا و اللوجان .... عربيات كويسه جدا من جهه مواصفتها وسعرها.... لكنهم مش فئه ممتازة

اللي عاوز يشتري يقارن بين التلاته ااو بين اي عربيه و التانيه من حيث :

1- المشاكل العامه بين المستخدمين ... ( و ليس المشاكل الفرديه )

2- سهوله الصيانه عند ااي ميكانيكي او مركز خدمه

3- تواافر قطع الغيار و سعرها

4- سعر اعادة البيع

5- و اخيرا اعتقد ان التقفيل المصري ...بختك يابو بخيت :-))

طولت عليكم .... لكن لاازم نتكلم باستفاضه عشان الكل يستفاد و محدش يحس انه اتدبس في عربيه بسبب رأي حد .

اخوكم / عمرو

[esam2009]

لكن ما بتسحبش بعد 120

[esam2009]

مازا يعنى فيشة الاوكتين وكيف تزيد سرعتها بعد 120كيلو

[esam2009]

الرجاء الرد من المنتدى على سؤالى ماهى فيشة الاوكتان

[mero100]

استاذ / esam 2009 .....االلينك دة حيشرحلك ايه بالظبط فيشه الاوكتان و كيفيه تظبيطها باالصور ...

http://www.nilemotors.net/Nile/151996-a.html