مميزات وعيوب عربياتنا الدايو لانوس

[sokasoon]

1- الفرامل ضعيفة
2- استهلاك مرتفع للبنزين مقارنة باى عربية 1500 انجكشن
3- الرشاشات بتليك
4- الزجاج بيرزع داخل الباب لو قفلت الباب و الزجاج مفتوح (زجاج عادة)
5- صوت كستبانات المحرك عالى شوية مقارنة بالعربيات التانية (طبيعى فى مواتير gm)
6- الدفعة الاولى من اللانوس بها عيب بطلمبة البنزين (تم التغيير مجانا فى الضمان)
7- الكلاكس بيعلق ساعات لما تلف الدركسيون
8- لا يوجد فلتر على التكييف فا بتتعمى ورق شجر لما تشغلة فى الاول
9- بعض السخونة من ناحية فرامل اليد
10- عفشة طرية شوية

mmamdouh

دى اللانوس 1

[sokasoon]

أستاذ سوكاسون

هو ايه الفرق ما بين الفرامل الضعيفه واللي مش قويه زي ما حضرتك قولت

النوبيرا معايا الفرامل ضعيفه جدا

وموضوع الاتوماتيك ايه المشكله لما انا قولت ان الاوتوماتيك فيه مشاكل فحضرتك بترد على كلامي وتقولي ان الأوتوماتيك بقاله فتره مبنزلشي ........ مش عارف فين المشكله أصلا

اما عن موضوع الصوت فحضرتك احنا بنقول اصوت عالي مقياسا بباقي السيارات الموجوده في السوق وده برضه مش كلامي لوحدي كتير قالو الكلام ده وبعدين حضرتك المووع واضح مش محتاج ان الواحد يستفسر عليه ولما احنا بنقول ان الصوت عالي مش معنى الكلام ان احنا قصدنا لما تكون راكب العربيه .. أي واحد بيقول العربيه صوتها عالة أو منخفض بيبقى قصده ان العربيه لما حضرتك تقف جمبها يبقى صوت الماتور واضح وعالي مش من داخل العربيه ولكن من خارجها ...

حضرتك في عربيات ياباني بتبقى واقف جمب العربيه وحضرتك مش قادر تحدد ان العربيه ماتورها شغال ولا مطفي

يا استاذ ابو عبدالله

بالنسبة لموضع الفرامل اقصد انها ضعيفة فعلا

بعدين انا بتكلم على اللانوس مش النوبيرا

ولاكن بالنسبة للاتوماتيك انا اقصد انها مش بتنزل يعنى دلوقت مافيش من الاتوماتيك وقليل من المستعمل

بالنسبة للصوت طبعا بسمع صوت الموتور وانا واقف جمب العربية ولاكن صوت خفيف مش عالى

[mina_ramsis]

يا جماعة مفيش مشكله خالص يمكن الاستاذ sokasoon موطى الR.P.M. شويه فصوت العربيه عنده واطى كمان فى نقطه تانيه ان كابوت اللانوس 1 مش مبطن فده بيخلى صوتها عالى شويه اما اللانوس 2 و كابوتها متبطن و ده بيخلى صوت اللانوس 2 اوطى حاجة بسيطة من اللانوس 1 بس على العموم ان موتور اللانوس صوته عالى شويه بالمقارنة بأى عربية تانية و ديه حاجة لا تعييب العربية ابدا

[MMamdouh]

يا جماعة مفيش مشكله خالص يمكن الاستاذ sokasoon موطى الR.P.M. شويه فصوت العربيه عنده واطى كمان فى نقطه تانيه ان كابوت اللانوس 1 مش مبطن فده بيخلى صوتها عالى شويه اما اللانوس 2 و كابوتها متبطن و ده بيخلى صوت اللانوس 2 اوطى حاجة بسيطة من اللانوس 1 بس على العموم ان موتور اللانوس صوته عالى شويه بالمقارنة بأى عربية تانية و ديه حاجة لا تعييب العربية ابدا

مينفعش توطى الRPM لان سرعة السلانسية بيتحكم فيها ال ECU

اللانوس 1 كبوتها مبطن... اللانوس 2 اللى مش فول اوبشن هى اللى كبوتها مش مبطن

MMamdouh

[limo]

على فكره انا معايا لانوس 1 والكابوت مبطن

يا جماعة مفيش مشكله خالص يمكن الاستاذ sokasoon موطى الR.P.M. شويه فصوت العربيه عنده واطى كمان فى نقطه تانيه ان كابوت اللانوس 1 مش مبطن فده بيخلى صوتها عالى شويه اما اللانوس 2 و كابوتها متبطن و ده بيخلى صوت اللانوس 2 اوطى حاجة بسيطة من اللانوس 1 بس على العموم ان موتور اللانوس صوته عالى شويه بالمقارنة بأى عربية تانية و ديه حاجة لا تعييب العربية ابدا

انا معايا لانوس 1 والكابوت مبطن اما بخصوص 2 الكامله بس هيه الى مبطنه اما الهاف من غير بطانه

[sokasoon]

انا اللى معايا لانوس 2 فول اوبشن

والكبوت مبطن فعلا

[Abourayya]

اللانوس بتاكل بنزين جامد جداً - و خصوصاً لو أوتوماتيك زي حالاتي - لو ماشي في مشاوير داخلية أما على الطريق السريع فمعدل سحبها ممتاز جداً.

[m_aash]

معايا لانوس زيرو من 8 شهور و قابلتنى المشاكل و المزايا التالية:-
العيوب :-
1- لما العربية بتبقى كاملة العدد (3 على الكنبة ) العربية بتحك فى المطبات . و مش لاقيلها حل .
2- الصاج خفيف .
3- صوت الموتور أعلى نسبيا من العربيات المنافسة.
4-سخونة فى الجزء البلاستيك اللى فيه فرامل اليد و الفتيس.
5-عزل الصوت سئ جدا فى الصالون.
أول ما التكييف يشتغل لازم يطلع شوية ذرات عفرة و بتختفى فى ثوانى.

المميزات :-
1- سحب العربية ممتاز.
2- مهما كانت حمولة العربية الموتور قادرعلى الجر والسير بدون مشاكل.

[sokasoon]

أول ما التكييف يشتغل لازم يطلع شوية ذرات عفرة و بتختفى فى ثوانى.

• العفرة ديه بتطلع منين

[zorooo1986]

يا جامعة انا اخويا معاه لانوس 2007
هيا فيها مشكلة واحدة بس
انها على سرعة 120 بتبقى خفيفة والدركسيون بيتهز لحد متوصل ل140 بتبقى ثابتة والدركسيون مش بيتهز
مش عارف لية
:shock:

[amrokhafagy]

دى محتاجة ترصيص للعجل

[mohamed ismail]

العربية فيها العيوب الاتيه ده بعد ما عملت 25000كم معايا من الزيرو
1- فعلا عزل الكابينة تعبان جدا لو اي حاجة خبطت فيها بتتسمع جوه عاليه جدا
2- غطا الكبوت عندي من غير عزل علشان كدع بعد اي مشوار بلاقيه سخن جدا ولما سالت في التوكيلقالو لي عادي.
3- بحس ان تسارع العربيه مش هومش عارف ده عندي انا بس ولا في كل العربيات
4- التكييف بيحجم العربية
اما مميزاتها فانا اعتقد انها احسن العربيت في فئتها من حيث قلة المشاكل بالتوازن من السعر
م/محمد اسماعيل

[esam2009]

بسمع دردبة فى المطبات

[hon]

عيوب اللانوس
1-عزل داخلى سىء (ودى حلها طبعة جلد بارضية العربية وتبطن المساحات الفاضية من الصاج)
2-عزل خارجى سىء مش عارف حلها اية؟

الايجابيات
1-قطع غيار متوفرة ورخيصة مقارنة بالغب العربيات الحديثة
2-عملية جدا و اعتمادية
3-عربية تتحب مشعارف ازاى؟

[al_manara]

ياةةةةةةةةةة . انتوا مش ملاحظين يارجالة ان الموضوع دة من 2007