جزاك الله خيرا
This is a sticky topic.
X
X
-
الاستيراد اضمن فى الحاله دىالمشاركة الأصلية كتبت بواسطة dodonetzone مشاهدة المشاركةروحت عند محمد حسن الكهربائى وطلب منى اجيب موتور لماكينة رفع الزجاج الامامى شمال بس مش لاقى منة جديد وخايف من الاستيراد لو فى صديق عندة معلومة تحل مشكلتى ولة الشكر وكتر خيرة اخوكم احمد محمود
دايو لانوس 2008.gif)
طمنى هعملت ايه
والاسعار ايهWael Kamel
سبحان الله والحمدلله والله اكبر
wael_kamel سابقا
Comment
-
السلام عليكم
انا عايز اشترى دايو لانوس بس انا ساكن فى النزهه 2 والطرق عندنا غير ممهده وانا بستخدم الطرق دى 4 مرات فى اليوم فهل العربيه تستكمل معايا ولو لا معلش حد يفيدنا ويقول هاغير
العفشه كل اد ايه أو ينصح أجيب عربيه ايه وتكون مكيفة بارضوا وفيها سنتر وبأمر و زجاج كهرباء واعتمد عليها فى السفر و السعر بين 35000 إلى 40000
ارجو الرد بسرعه عشان انا محتاج عربيه ضرورى
وده تليفونى للى مشكور هايف بمعلومات 01211127024
شكراً
Comment
-
يا جماعه صباح الخير
انا عندى مشكلة مش عارف حلها يا اهل الخبرة
معايا لانوس 2005 فابريكة برة وجوه بس غيرت الشتا اللى فاتت طقم دبرياج
لكن من اسبوع كده بقيت اسمع صوت كركه او شخللة موتور اللى اى حد بيسمعها لما بيطلع على الغيار الثانى
لكن الصوت ده موجود على طول وفى اى غيار حتى على السريع وبيظهر اوى لما اضغط بنزين وبقرص على العربية
ارجوكم افيدونى انا قلقان لا تكون حاجه كبيرة
Comment
-
اول مشاركه فى المنتدى المحترم . تحياتى لاعضائه والقائمين عليه
مشكلتى فى شيفروليه لانوس 2009
العربيه كسرت كامه 5 مرات وخمس ميكانيكيه اشتغلوا فيها وخراط ومل واحد يقول العيب من حاجه مختلفه عن التانى
غيرت كامه وهيد + طلمبة زيت +طلمبة ميه + طقم بساتم وشنبر + وش سلندر استيراد من على مكنه بمية خضرا +كستبانات + صبابات وكاوتش صباب الاصلى
ولا حياة لمن تنادى . العربيه كسرت كامه تانى للمرة السادسه 6
تفتكروا اولع فيها ولا اعمل ايه! انا لو راكب زيستافا مش هتبهدلنى كده للاسف
Comment
-
احلى حاجه السهولة فى حل المشكلة يارب الواقع يكون اسهلالمشاركة الأصلية كتبت بواسطة ahmed-samir مشاهدة المشاركة*العطل :
=====
- تنقيط زيت والعربية دايرة من تحت الموتور اقرب للعجلة لليمين
*السبب:
=====
- ساعة الزيت
*التكلفة:
=====
- 30 جنيه ثمن الساعة + 20 جنيه مصنعية تغييرها
*زمن الاصلاح:
========
- أقل من 30 دقيقة:w6266dالجمعة 16 جمادى الأولى 1436
Comment
-
رجة في العربية من ناحية الكابوت اثناء تدويرها
قعدت فترة بفول العربية بنزين 80 و هي لانوس 2012 ماشية 35000 كيلو دلوقتي .. هي من الزيرو لحد 31000 كيلو ماشية علي بنزين 92 و مشيتها حوالي 3000 كيلو علي بنزين 80 .. حسيت انه هيبوظها رجعت لبنزين 92 تاني بس مبقتش تسحب زي الاول و بتحصل رجة وحشة و انا بدورها .. حطيتلها منظف في البنزين ب 35 جنيه الماني و بردو مش حاسس بفرق جامد و مرجعتش زي الاول .. عايز ارجعها تاني زي الاول اعمل ايه ؟
Comment
-
دا عيب ظهر فى الاوبل الى بمواتير e tec زى بتاعنا وكان حلة طرمبة الزيت للماتورالمشاركة الأصلية كتبت بواسطة ماهر القاضى مشاهدة المشاركةاول مشاركه فى المنتدى المحترم . تحياتى لاعضائه والقائمين عليه
مشكلتى فى شيفروليه لانوس 2009
العربيه كسرت كامه 5 مرات وخمس ميكانيكيه اشتغلوا فيها وخراط ومل واحد يقول العيب من حاجه مختلفه عن التانى
غيرت كامه وهيد + طلمبة زيت +طلمبة ميه + طقم بساتم وشنبر + وش سلندر استيراد من على مكنه بمية خضرا +كستبانات + صبابات وكاوتش صباب الاصلى
ولا حياة لمن تنادى . العربيه كسرت كامه تانى للمرة السادسه 6
تفتكروا اولع فيها ولا اعمل ايه! انا لو راكب زيستافا مش هتبهدلنى كده للاسف
اتاكد ان طرمبة الزيت اصلية ماركة داك جى ام واسال ا/طارق منسق المنتدى او طبعا ا/ محمد ممدوح
Comment
-
مشكله معايا وعايز اسئل اهل الخبرة ياجماعه
انا اشتريت لانوس٩٩ وكانت مركونه فترة المهم
عملت حاجات كتير فيه وفاضل مشكله واحدة
ان العربيه بتشرب بنزين بطريقه بشعه
وبعدين روحت مركز صيانه وكشف علي الرشاشات
وقال انه سليمه ودورة البنزين كله سليمه
بس ممكن يكون سبب زيادة استهلاك البنزين
هو ان السيارة عامله جوان وش سلندر فاتاكل بنزين
عايز حد يفيدني وبيقولي غير الجوان الدوبل بواحد عادي
Comment
-
سيارتي لانوس 2006
المشكلة الأولي : يوم الأحد المغرب
السيارة بطلت أثناء القيادة و بدون أي مقدمات ( لا توجد برجلة في الموتور أو رجرجة .. )
ولاد الحلال :: دور ثاني نشوف البطارية قاطعة
أنا : يا جماعة الكاسيت شغال و الإنذار و الكلاكس تمام
ولاد الحلال :: طيب نشوف المضخة ..فلتر البنزين هنفكه و حاول تدور نشوف البنزين هيطلع منه ولا لأ..
أنا : طيب ماشي
ولاد الحلال :: بص أحنا نزق العربية و انت دور ده أخر حل ..
أنا : ماشي خلاص .
ركنتها في مكان مؤمن و تاني يوم الميكانيكي شافها
الميكانيكي : سير التقسيمة مقطوع وكل محاولة أنت عاملتها علشان تمشي العربية بوظت شوية حاجات .
أنا : غريبة سير التقسيمة مكملش 15000 .. بس ماشي اشتغل .
الميكانيكي : أكيد سير مش أصلي .
المشكلة الأساسية : بلي التقسيمة كان فيه مشكلة و لو غيرت السير كان برده هيتقطع تاني في أي وقت.
وانت بتغير سير التقسيمة خلى الميكانيكي يكشف على بلي الكتينة أو غيره مرة كل 100,000 كم
المشكلة الثانية :
التكييف بيخلص الشحن بتاعه بعد سنة بالضبط ..
كهربائي عامل فهلوي : الكومبريسور ضعف و عايز يتغير .
متخصص تكييف سيارات : المشكلة بسيطة جدأ ( أويل سيل هنغير الثلاثة و يفضل تغيرهم كل 3 سنوات في الأماكن الحارة )
المشكلة الثالثة : ماء القربة بيقل
رغم أن الردياتير سليم و الغطاء محكم و الخراطيم تمام .
ميكانيكي شاطر : نكشف على مكان تنقيط المياة ولو ناحية تحت فلتر الهواء كده يبقى موتور المياة ( مفيش مياه بتنقط تحت العربية )
طيب شغل العربية لغاية ما تسخن خالص و بعدين نزود بنزين ( وضوح نقط ماء بتزيد مع ضغط البنزين )
فيه مشترك بيجمع 3 خراطيم ( خلف التاكيهات ) فيه خرم بينقط على الشكمان فالماء يتبخر و ميبانش تحت العربية
ثمنه 25 جنيه .
المشكلة الرابعة : الغيار الأول و الثاني فيهم مشكلة بيعضوا جامد
الميكانيكي : بص على عصاية الفتيس و حركها يمين و شمال هل يوجد بوش قبل الشعور بالسوسته
أنا : أه فعلا في بوش كبير و بعد كده بحس بالسوسته
الميكانيكي : شال مسمار شكله غريب كده عبارة عن عمود حديد طوله حوالي 5 سم بقطر حوالي 6 ملم و بيتمسك بأفيز وده بيربط عمود عصاية الفتيس من ناحية الموتور ( موجود شمال الموتور )
ركب بداله مسمار بصمولة و ربطه جامد ..
النتيجة رائعة .
المشكلة الخامسة : لمبة الصالون ملهاش لازمة
الكهربائي : شريط ليد عريض بدل اللمبة بيركب مكان اللمبة و بدون أي تعديل في الكهرباء بتاعة اللمبة.
المشكلة السادسة : ساعات بركن في حتت مقطوعة لظروف عمل أو سفر أو ...
الكهربائي : شيل فيوز طللمبة البنزين ( بعلبه الفيوزات اللي جنب الموتور ) و خده في جيبك و انت ماشي و سيب أي حرامي يحاول يدور العربية اللي مستحيل تدور أصلا و خليه يعد يدور على الزرار اللي بيفصل جوة العربية اللي مصر كلها مركباه
Comment

Comment