أهمية أراء ملاك الشيفروليه اللانوس 2011

[Hadidy0]

لا تعليق
سبحان الله انت عارف لو بأيدى كنت قلت لأى واحد يجى يجرب العربية بتاعتى
وهوه لوحده هياخد قراره فى شراء العربية ولا لا
وطبعا هيكون لا
انت بتفكرنى بواحد بقوله بلاش بلاش تقرب من النار وهوه رايح يرمى نفسه فيها
لاحول ولا قوة الا بالله

طيب تنصحنى اشترى ايه فى حدود 70.000 ؟؟؟

[khaled4nour]

طيب تنصحنى اشترى ايه فى حدود 70.000 ؟؟؟

لو يرجع الزمن تانى وقت ما اشتريت عربيتى زيرو
طبعا مش هشترى لانوس نهائياً أو اى حاجة تقفيل مصرى
افضل انك تشترى اى عربية كسر زيرو لانسر او ما شابه ذلك
وفى اى حال من الاحوال أبعد عن اللانوس نهائياااااااااااااا
او بمعنى اصح اى تقفيل مصرى.
صدقنى والله رميت فلوسي فى الأرض
انت مش ملاحظ حاجه؟
انى بدافع بكل ما استطيع من قوة عن شراء هذه العربية المنكوبة؟
وده مش من فراغ
ولكن للأسف ملقتش حد يلح عليا كده زى ما انا بعمل مع الناس
لأن الحاحى ده مش من فراغ
انا وقتى معظمه مع العربية المنكووبه دى وسألت فيها بحكم المشاكل اللى فيها
اللى كل يوم يبان فيها شيء
وناس كتير اووووووووووووووووى بنفس المشاكل
عماله تفتح بؤها بالرغم انها زيرو موديل 2010 ومش بدفع ولا شلن لأنها فى الضمان
ومضطر أقبل رخامة الضمان والصيانة الدورية الغالية وقطع الغيار الأصلية من التوكيل والمبالغ فى سعرها
علشان لما بيحصل حاجه فى العربية بيغيروها على حسابهم بس انا عارف لما الضمان هيخلص انا اللى هعمل الحاجات دى على حسابي بص يا سيدى بأختاصار شديد انا هقولك انا غيرت ايه لغاية دلوقتى بالرغم انى أستاذ سواقة وبحافظ على عربيتى جدا بمعنى انه عيوب صناعه وذلك بشهاده مهندسي التوكيل
1- طنابير أمامية
2- ركبتين ( الشمعدان) الجزء اللى شايل المساعدين.
3 عدد 2 مساعد يمين وشمال
4- سويتش الأستوب والله العظيم غيرته مرتين
5- حساس الماب map برضو غيرته مرتين.
6- مراية شمال لأن الوير اللى فيها فرط لوحده والصدفة لقيت فى التوكيل 4 عربيات بنفس العيب.
7-ضبط الزوايا ده كل اسبوعين اروح اعمله لانها بتحدف بشكل مستفذ جهه اليمين.
8-العربية واوطيه مووووت الشكمان لحمته كذا مره بالرغم ان باخد المطب بالأسلوب السليم
عموما انا مش فاكر حاجات كتير بس كل ما هافتكر هقولك
على فكره انا عامل شكوى فى حماية المستهلك من اول شهر لأستلامى السيارة من هذه العيوب الفظيعة.
وبعد ده كله عاااااااااوز تشترى
عرفت ليه انا مش عاوز حد يخيب الخيبة اللى انا فيها
م/خالد

[mohamedibk]

ربنا يباركلك على نصايحك يابشمهندس خالد
ولكن المبلغ 70000 جنيه يشتروا ايه سيارة زيرو مع العلم ان كلما زادت قيمة السيارة كلما قلت مشاكلها
فانت تنصح الواحد بايه بااللوجن او الفرنا مثلا ولا حاجة ثانية
الواحد بيبص على اللانوس انه السيارة الشعبية فى بلدنا
وهذا كلام التجار والسوق للاسف
وانه عاملة زي الدولار الامريكى اللى ماسك نفسه

[khaled4nour]

ربنا يباركلك على نصايحك يابشمهندس خالد
ولكن المبلغ 70000 جنيه يشتروا ايه سيارة زيرو مع العلم ان كلما زادت قيمة السيارة كلما قلت مشاكلها
فانت تنصح الواحد بايه بااللوجن او الفرنا مثلا ولا حاجة ثانية
الواحد بيبص على اللانوس انه السيارة الشعبية فى بلدنا
وهذا كلام التجار والسوق للاسف
وانه عاملة زي الدولار الامريكى اللى ماسك نفسه

مش معنى ان يكون معايا 70 الف جنيه لازم اشترى زيرو
ممكن تشترى مستعمل كسر زيرو وترقى بالمستوى
أو تقبل انك ترمى فلوسك ع الأرض بشراءك التقفيل المصرى
ولكن يا صديقى لم أجرب الفيرنا ولا اللوجان عشان ما اقولش حاجه انا مش عارفها
اللى اعرفه اللانوس المنكوبة هههههههههههه
ام بخصوص ان السيارة شعبية فـ بالفعل شعبية جدا ههههه بمعنى بيئة

[bayoumisoft]

متابع المقارنة باهتمام

[ahmedsrs]

انا ليه راى غريب شوية عشان الحيرة دى اركب تاكسى شيفورليه لانوس وعمل معاه مشوار وساله عن العربيه واكيد مش هيبخل عليك بالنصح ودول اكتر فئة بتتعامل مع العربيات بعنف

[msobhy]

انا متشكر على ردك يا msobhy ، انا فعلا محتاج عربيه جدا ، زى مبتقول صيانتها سهلة ......، وميهمنيش الفخامة والكلام ده لان زى مبيقولو "مد لحافك على اد رجليك" ،
انا بفكر ان شاء الله اشتريه قسط -تقسيط مباشر مع صاحب المعرض- وادفع 1/2 التمن وقسط الباقى على سنتين مثلا
لسه بردو تنصحنى بيها ولا ايه يا برنس ؟؟؟

حضرتك لو فعلا بتدور على عربية سهلة فى الصيانة - وصيانتها رخيصة - قطع غيارها الاصلى والمضروب متوفرة - قطع غيارها الاستيراد متوفره بشكل عجيييييييييييييب - مش بيهمك السحب الجامد acceleration - لو حضرتك بتفهم فى العربيات والميكانيكا بتاعتها ثق تماما الثقة انك هاتلعب باللانوس زى ما انت عايز لأنها سهلة وبسيطة - بالاضافة لسهولة وسرعة بيعها و الخسارة البسيطة فيها فى حالة انك شريها زيرو مقارنتا بعربيات تانية

فى رأى الشخصى
اللانوس أول 50.000 كيلو تقريبا عديمة المشاكل
70.000-50.000 كيلو مشاكل بسيطة
70.000 - 100.000 كيلو مشاكل رخمة بجد
100.000 كيلو فيما فوق تحس ان العربية بتنهار وكلامى ده عن تجربة
انا مش بحب اللانوس لكن اكيد ان شاء الله لما ربنا يرزقنى بعربية جديدة هاسيب عربيتى اللانوس لمراتى -أو هاجيب لها لانوس
وان شاء الله ربنا يوفقك للى فيه الخير

لا تعليق
سبحان الله انت عارف لو بأيدى كنت قلت لأى واحد يجى يجرب العربية بتاعتى
وهوه لوحده هياخد قراره فى شراء العربية ولا لا
وطبعا هيكون لا
انت بتفكرنى بواحد بقوله بلاش بلاش تقرب من النار وهوه رايح يرمى نفسه فيها
لاحول ولا قوة الا بالله

استاذ خالد مع احترامى لرأى حضرتك (و أن كنت معاك فى رأيك ده) بس اللانوس مش منهاره الانهيار البشع اللى حضرتك بتتكلم فيه ده
يمكن مشكلة اللانوس بسبب تقفيلها انها بتفقد زهوة الزيرو - بتسمع زنه هنا وطقطقة هناك - وصوت موتور عالى بدون قوة حقيقية زى اللانسر شارك - لكن فعلا العربية اقتصادية جدا
بالاضافة انا قرأت فى رد من ردودك انك بتنصح اللى عايز يشترى لانوس يجيب لانسر كسر زيرو أو بحالة جيدة - أحب أقولك انى والله بفكر زيك بالظبط ومع ذلك زميلى رفض الفكرة وجاب الشفورليه لانوس ولغاية النهاردة نسبيا مبسوط بيها
فيه معلومة ذهبية - حاول تحب عربيتك شوية - بدون مبالغة هاتلاقى العربية حبتك

[msobhy]

انا ليه راى غريب شوية عشان الحيرة دى اركب تاكسى شيفورليه لانوس وعمل معاه مشوار وساله عن العربيه واكيد مش هيبخل عليك بالنصح ودول اكتر فئة بتتعامل مع العربيات بعنف

والله حضرتك انا جربت الفكرة ديه بس للأسف لاقيتها فاشلة جدا
والسبب ان سواقين التاكسى كانوا شاغلين على تكاتك قبل كده / وبالتالى العربيات ديه بالنسبة ليهم اسطورية
فيه واحد ركبت معاه كان راكب اسبرانزا وقبلها كان معاه 128 زستافا - اللى هيه تقريبا من غير شنطة
الراجل كل لما أسأله على العربية يفضل يقول فيها أشعار وعن مدى نعومة وقوة وثبات العربية - وكل شويه يلف يلف ويقول لى معلومة مهمة جدا - على فكره يا بية العربية شنطتها واسعه بحر - بس بجد شنطتها جميلة -أجمل حاجة فى العربية ان شنتطها كبيرة جدا - ........ لغاية لما حاسسنى انه فعلا ممكن يبيع العربية لكن مستحيل يتنازل عن الشنطة
على كلام الراجل ده انه سواق تاكسى من اكتر من 20 سنه ومع ذلك فى رأى المتواضع ممكن تسأله على اللادا أو ال 131 أو البيجو لكن العربيات الجديدة أعتقد كمان 5 سنين ممكن نسأل السؤال ده

[amado318]

انا معايا لانوس 2004 عامل بيها 280 الف كيلو ومش بغير غير طنابير و تيل فرامل ومرة واحدة المساعدين وطبعا زيت وفلاتر والعربيه زى الفل وبتوصل لسرعه 180 واخر حلاوة والله

[mero100]

صباح الفل يا خالد .... عيد ربيع سعيد علي كل الاعضاء و الناس اللي عاوزة تشتري لانوس :-)

خالد يمكن انا و انت حظنا وحش شويه .... انت بتقول ان التوكيل غيرلك قطع كتير ودة كويس و دة اللي مطمني بالنسبه للانوس

عارف حظنا وحش ف ايه يا خالد؟؟؟؟؟؟

اللي اكتشفته ان توكيل منصور بكل فروعه بيتعامل مع اللانوس علي انها عربيه تكنولوجيتها جديده.... بيخافوا من العيوب و شكاوي العملاء .........سياسه منصور لما تدخل تشتكي من عيب معين.... المهندس يقولك فين العيب؟؟؟.... هيه فين التعابين؟؟؟:-))))..... محسسني انها عربيه كروز مثلا .... و يمكن فععلا عشان توكيل منصور لسه واخد اللانوس ... لسه المهندسين و العمال مش خبراء في العيوب بتاعتها

للامانه و لوجه الله تعالي : والدي عربيته دايو لانوس 2008.....انا فصصت العربيتين ...عربيتي وعربيته .... ملقتش اي فروق نهائي ....حتي عيوب التقفيل هيه هيه .....الفرق الملحوظ ان كراسي الشيفروليه انشف و اعلي و انا شايف دي ميزة مش عيب من وجهةة نظري

عارف يا خالد لما كنت باخد والدي و اروح التوكيل بتاع دايو ؟؟؟.... كان ابو غالي علي ما ااذكر.... ناس في قمه الاحترام ...عارف ليه؟.... السياسه بتفرق .....سياستهم كانت كوري بمعني الكلمه .... كنا ندخل عالمهندس في الاستقبال .... نقعد علي مكتب معاه ( منصور المهندس عندة يقف معاك بره في الشارع ... مش دي القضيه ) ... المهم كنا نسجل كل اللي بنشتكي منه في العربيه و المهندس يكتب .....و العربيه تدخل الورشه و العمال يكشفوا علي كل اللي مكتوب في الورقه ... و لو فيه حاجة تستدعي التجربه مع االعميل بيكلموك و انت في الااستراحة و يجربوا معاك .... و الفكره بيجربو معاك عشان اانت تطمن و يشوفو العيب واانت معاهم ... مش عشان يعقدوك و يقولولك فين العفريييييت يا أموووور :-))))

و الله دة كانت توكيل االدايو و دة سر نجاح اللانوس .... و عدم كثر الشكوي منها اثناء فترتها مع دايو

اكتشفت من خلال ترددي علي مراكز منصور المختلفه ان مفيش خبره لا عند المهندسين و لا العمال....

فيه عيب كان مجنني : العربيه علي سرعه 60 او 70 ....فيها هزة يمين وشمال ....عومان يعني ...ظبطت زوايا و مفيش فايدة و االمفروض اني عملت صيانه الخمسه......المهم ربنا رزقني بواحد ابن حلال رفع العربيه .... طبعا بره التوكيل ..... و قعد يربط العفشه ..... وربط حاجة مهمة اسمها الميزان و اول مره اشوفها في اللانوس ....المهم العربيه الحمد لله مسكت نفسها كتييييير و مفيش فيها العومان الغريب اللي كان قبل كدة

اكتشفت ان عمال منصور و مهندسينه و الله العظيم مبوظين العربيه و مسوئين سمعتها جدا لاانهم بيعملو حاجات غلط كتير : زي موضوع الزيت اللي كنا بنتتكلم فيه في الموضوع التاني .....

علي فكرةة انا كنت كاره اني اشتريت لانوس 2011 و كنت بفكر ابيعها .........و الله فكرت ابيعها بعد استخدام 4 شهور ...... بس بعد ما حكمت عقلي و عرفت ان منصور توكيل فاشل و ان عيوب العربيه معروفه جدا و سهله ...غيرت رأايي ... و الدليل العربيه شغاله مع ناس كتير بدون مشاكل .... الغريب انك بتركبها تاكسي و كل السواقين بيشكرو فيها ....

لما قررت ابيع اللانوس .... كنت حجيب فيرنا .... صحابي اللي معاهم فيرنا قاالولي لو حتبيع االلانوس عشان فرامل خفيفه او طنابير او تيل او طرمبه بنزين او الحاجاات دي..... نصحوني بعدم البيع لانها مشااكل موجودة في الفيرنا .....و سألت لقيت عدد كبير من ملاك الفيرناا ابتداء من موديلات 2010 مشاكلهم زينا بالظبط و بيشتكوا مر الشكوي من توكيل غبور ......

خلي باالك : اللانوس اعلي سعر اعادة بيع ....قطع غيار رخيصه نسبيا .... اي حد بيشتغل فيها.... عيوبهاا معروفه

لازم نعرف احنا راكبين ايه ..... المشكله يا خالد اننا عشان دافعين 68000 جنيييييييييييييييييييييييييييه ....... عاوزين نركب بيهم حاجة في مواصفات اللانسر او التويوتا .........

بفكر اتعامل مع توكيل دايو ابو غالي و اريح مخي عشان العربيه متبوظش في منصور اكتر من كدة .... ايوة عشان متبوظش اكتر من كدة ....... فيه حاجات بيعملوهاا غلط في الفراامل ممكن تبوظ الطنابير و البلي و التيل .... و بيملو زيت الباكم ععلي االاخر و بيفضل يوقع زيت عالفتيس ........ قولللي انتت بقه ..... مش حرام نظلم العربيه؟؟؟

لو كان توكيلها ابو غاالي واالله كنا حنحب العربيه جدا جدا جدا ...... لكن الحمد لله

المهم انت جربت ظبطه ال 95؟؟؟

تحياتي للجميع

[engaass]

انا من ملاك شيفروليه لانوس وبالنسبة ليا مازالت افضل اختيار والحمد لله
من حيث قطع الغيار خصوصا مع وجود قسط فالواحد مش مستحمل اسعار قطع غيار غالية كمان
سهولة الصيانه
سهولة عمل التعديلات لرفع الاداء
سعر اعادة البيع
ممكن استغنى خالص عن التوكيل واتعامل عند مركز خدمة او ميكانيكى محترم وفى هنا فى المنتدى اسامى ناس كتير كويسة
المهم تحدد انت ايه متطلباتك عشان تعرف تختار

[ahmedsrs]

والله حضرتك انا جربت الفكرة ديه بس للأسف لاقيتها فاشلة جدا
والسبب ان سواقين التاكسى كانوا شاغلين على تكاتك قبل كده / وبالتالى العربيات ديه بالنسبة ليهم اسطورية
فيه واحد ركبت معاه كان راكب اسبرانزا وقبلها كان معاه 128 زستافا - اللى هيه تقريبا من غير شنطة
الراجل كل لما أسأله على العربية يفضل يقول فيها أشعار وعن مدى نعومة وقوة وثبات العربية - وكل شويه يلف يلف ويقول لى معلومة مهمة جدا - على فكره يا بية العربية شنطتها واسعه بحر - بس بجد شنطتها جميلة -أجمل حاجة فى العربية ان شنتطها كبيرة جدا - ........ لغاية لما حاسسنى انه فعلا ممكن يبيع العربية لكن مستحيل يتنازل عن الشنطة
على كلام الراجل ده انه سواق تاكسى من اكتر من 20 سنه ومع ذلك فى رأى المتواضع ممكن تسأله على اللادا أو ال 131 أو البيجو لكن العربيات الجديدة أعتقد كمان 5 سنين ممكن نسأل السؤال ده

هههههه هعمل ايه بس الاخ الزميل الفاضل حيران قلت افتكس حل عملى
انا معايا دايو لانوس وعاملة 110000 كيلو والعربية كويسة جدا فيها العيوب المعتادة بس فعلا الملاحظ ان
انا كنت بعمل الصيانة فى توكيل ابو الفتوح فعلا محترفين وفاهمين
توكيل منصور تحس انهم تايهين مش عارف ليه مع ان العربية قتلت بحثا يعنى لو دخلوا على منتدى ذى ده هيعرفوا كل مشاكل العربية
الميكانيكية الى برة فى كتير منهم فاهمين وعارفين كل عيوب العربية

[mohamedibk]

مش معنى ان يكون معايا 70 الف جنيه لازم اشترى زيرو
ممكن تشترى مستعمل كسر زيرو وترقى بالمستوى
أو تقبل انك ترمى فلوسك ع الأرض بشراءك التقفيل المصرى
ولكن يا صديقى لم أجرب الفيرنا ولا اللوجان عشان ما اقولش حاجه انا مش عارفها
اللى اعرفه اللانوس المنكوبة هههههههههههه
ام بخصوص ان السيارة شعبية فـ بالفعل شعبية جدا ههههه بمعنى بيئة

كسر الزيرو او المستعمل كلامك ده يكون افضل فى حالة اذا كنت انت عارف كويس جداً صاحب العربية واستخدامه ومعاملته لها ازاى وحالة العربية شكلها بقى عامل ازاى معاه اذا كان عاوز يبيعها
فمثلاً لو لك قريب بيبيع عربيته فاكيد انت عارف عربيته عاملة ازاى
انما انت لو اتعملت مع تجار او اشخاص ما تعرفهمش شوف بقى حتقول ايه
على كسرالزيرو والمستعمل
يعنى انا من يوم الخميس الذى فات كان معروض عليا عربية لانوس 2007 نصف كماليات عاملة مايقرب 40000 ك.م فبريقة من الداخل والخارج ماعدا خبطة فى الباب الخلفى يمين وشوية خبطات بسيطة ي والجرايد بتاعتها واقعة وصاحبه بيكلم من خلال تاجر 53000 جنيه طبعاً غالية جداً ما انا اشترى الزيرو واريح دماغى
وصاحبها مشواريه سفريات من القاهرة الى اسكندرية لظروف عمله وانه اول يد
فشوف انت بقى رأيك على الزيرو والمستعمل
فممكن مشكلتك دى تكون من المشاكل الفردية
والتى انشاء الله يتم حلها بسهولة
وحاول تحب عربيتك عشان طول ما انت كارها مش حتقدر تستمتع بها
عارف فى نقطة مهمة خلى بلك منها ان انت لو حبيت تبيع عربيتك بالمشاكل دية حتتباع عادى واى واحد حياخدها منك بسهولة ويعمل كل المشاكل التى انت ذكرتها
اما لو المشاكل دية فى ماركة عاربيات ثانية مش حتتباع بسهولة لتكلفة قطع غيارها وصيانتها ودى نقطة مهمة
الزيرو زيروووووووووووووووووو يابشمهندسسسسسسسسسسس

[amado318]

اى عربيه ليها عيوب وعيوب الانوس بسيطه جدا غير ان قطع الغيار الاصليه موجودة بوفرة واستيراد بوفرة ومضروبه كتيررررر جدا انا بحب الانوس عمرها موقفتنى فى شارع ولا على طريق ومرة مشيت بيها يوم كامل من غير ميه والله خرطوم كان مخروم وماتورها استحمل وغيرت الخرطوم فقط انا بحب الانوس

[ahmedeg1]

ودون دخول فى مهاتارات وكلام كتير
النصيجة من اخ لأخ
اخر حاجة تفكر فيها هى الشيفروليه لانوس ولو ببلاش....
انا معايا وللأسف ياما اشتكيت وياما قاسيت والله العظيم تعبت نفسياً منها
وكنت فاكر انها صدفة مثلاً ان كل العيوب دى فى عربيتى
لكن المفاجأة الكبرى...... كل اللى اشوفه معاه العربية اروح اسأله
والاجابة طبعاً.......... احنا اتدبسنا فى عربية زبالة زبالة زبالة
اشترى نفسك بدل ما الفاس تقع فى الراس وتخيب خيبتنا
والله على ما اقول شهيد
اخوك /خالد

اعتبرنى انا تانى واحد يشكر فى الشيفورليه لانوس 2010