الحمدلله رب العالمين انقلبت بالعربيه

[speed3001]

بسم الله الرحمن الرحيم الحمدلله على كل شىء من يومين كنت سايق العربيه الهاي واي وماشي بسرعه 80 الساعه 10 بليل

المهم كان فى الطريق ملف شغلت اشاره يمين عشان انبه اي حد جاي ورايا ان احنا دخلين ملف

الملف دا جديد بقاله شهرين لانهم حولو الطريق عشان بيعملوا كوبري جديد فى المكان دا

المهم انا قلت اخد الملف على الواسع عادي علما باني الطريق دا بامشي فيه مرتين يويمن صباحا ومساءا

بس كانت المفجاه ان الملف كان كله رمل حا ولت اني اسيطر على العربيه بس الوقت كان فات لاني ونست فرامل خفيفه خلت العربيه تلف حولين نفسها وتطير من على الطريق فى الجزيره الي فى النص الي هى عباره عن مكان بناء الكوبري اتقلبت 3 مرات والرابعه العربيه نزلت معدوله على الاربع عجلات الحمدللله رب العامين ان كنت لابس الحزام والا كان زماني طرت من العربيه مع الحاجات الي طارت من العربيه

طبعا المفاجاه بعد ما انقلبت من على الطريق ان محدش شفني وانا بتقلب غير اتنين حرس قعدين حراسه على المعدات بتاعت الكوبري والتالت كان واحد راب موتسكل ماشي ورايا

والحاجه الي انا بقول الحمدلله من اللحظه دي لحد ما اموت ان انا العربيه اتقلبت من فوق الحراس الي كانوا قعدين دول والمكان الي اتقلبت فيه كان عباره عن صخر وخرسانات والعربيه انقلبت على عمق 4 متر من الطريق ونزلت جمب محول ضغط عالي بنص متر على امتداد 10 متر من الطريق فالحمدلله رب العالمين ان خرجت سليم وانه كتبلي عمر جديد

الحاجه التانيه يا رب تدعولي ان ربنا يعوض عليا فى العربيه


العربيه دلوقتي محتاجه
1. سقف بقوايم
2. 2 باب شمال
3. رفرفين شمال
4. شنطه
5. فوانيس امامي وخلفي شمال

طبعا كله شمال والي قاله الناس الي شافت العربيه وهى بتنقلب انها كانت انقلبت قلبه على الشمال وبعدين قلبه فى الهوا وبعدين قلبه على الرفرف الشمال ورا يعني بالطول وبعدين لفت ونزلت على الاربع عجلات يعني كله شمال سبحان الله الحمدلله اني كنت لوحدي فى العربيه


الي بساله منكم الحاجات دي هتكلف كام وطبعا النصنعيه بتاعت السمكري والكهربائي والسروجي والمكانيكي


صحيح حوض الموتوةر والموتور مفيش فيهم حاجه خالص والعربيه دارات بعد الحادث وروحت بيها البيت ومفيش اي صوت غريب فى الموتور اوي اي تسريب الحمدلله رب العاليمن


فا ياريت اعرف الحاجات دي تكلف كام والعربيه تصليحها كلها هيكلف كام بالمصنعيه


والحل التاني اني ابعها كدا اذا كدا هيكون سعرها كام العربيه نوبيرا 2008 اشترتها زيرو ودي اول حادثه ليا فى حياتي الحمدلله رب العالمين

اسف على الاطاله ومستني ردودكم

دي صور العربيه بعد الحادث

Facebook

شكرا

[amazingahmed]

الحمد لله أنك سليم و ده أهم حاجة. معلش نصيبك كده و ربنا ستر.

[ashouhdy]

الهاى واى دة أكيد مصر اسكندرية الصحراوى برضة عملوا ملف جديد من ورا كوبري وحاجة ذفت لولا ستر ربنا كنت حتقلب برضة الحمد لله ... والف سلامة عليك قدر ولطف وقضاء اخف من قضا الحمد لله

[speed3001]

الحمدلله رب العالمين انه انا طلعت سليم من العربيه معنديش غير مزق مكان الحزام الي حماني من اني اطير برا العربيه الحمدلله الحمدلله

يا جماعه اي حد يعرفني فى البلد الي انا منها يقول استحاله ان انا اعمل حادث لاني بسوق كويس جدا وعمري فى حيايتي ما عملت حادثه بس الحمدلله ربنا كتبلي حاجه وكان لازم اشفها
الحمدلله وربنا يحفظ الجميه من اي شر

مستني رايكم عن حاجات العربيه تكلفتها وهل ابعها وهى كدا

شكرا

[A.samy]

الف سلامة عليك فى ستين دهية الحديد المهم انت بخير

[waelfarid]

حمدا لله علي سلامتك وفداك العربية

[Mido_Vip]

قدر الله وماشاء فعل
والحمد لله ان حضرتك بخير

[raouf]

الف سلامة عليك
بس ازاى سرعتك 80 وتقلب 4 قلبات ؟
80 دى بكتيرها قلبة على الجانب اكيد كانت ماشى اسرع

[ahmed_mido1889]

بسم الله الرحمن الرحيم الحمدلله على كل شىء من يومين كنت سايق العربيه الهاي واي وماشي بسرعه 80 الساعه 10 بليل

المهم كان فى الطريق ملف شغلت اشاره يمين عشان انبه اي حد جاي ورايا ان احنا دخلين ملف

الملف دا جديد بقاله شهرين لانهم حولو الطريق عشان بيعملوا كوبري جديد فى المكان دا

المهم انا قلت اخد الملف على الواسع عادي علما باني الطريق دا بامشي فيه مرتين يويمن صباحا ومساءا

بس كانت المفجاه ان الملف كان كله رمل حا ولت اني اسيطر على العربيه بس الوقت كان فات لاني ونست فرامل خفيفه خلت العربيه تلف حولين نفسها وتطير من على الطريق فى الجزيره الي فى النص الي هى عباره عن مكان بناء الكوبري اتقلبت 3 مرات والرابعه العربيه نزلت معدوله على الاربع عجلات الحمدللله رب العامين ان كنت لابس الحزام والا كان زماني طرت من العربيه مع الحاجات الي طارت من العربيه

طبعا المفاجاه بعد ما انقلبت من على الطريق ان محدش شفني وانا بتقلب غير اتنين حرس قعدين حراسه على المعدات بتاعت الكوبري والتالت كان واحد راب موتسكل ماشي ورايا

والحاجه الي انا بقول الحمدلله من اللحظه دي لحد ما اموت ان انا العربيه اتقلبت من فوق الحراس الي كانوا قعدين دول والمكان الي اتقلبت فيه كان عباره عن صخر وخرسانات والعربيه انقلبت على عمق 4 متر من الطريق ونزلت جمب محول ضغط عالي بنص متر على امتداد 10 متر من الطريق فالحمدلله رب العالمين ان خرجت سليم وانه كتبلي عمر جديد

الحاجه التانيه يا رب تدعولي ان ربنا يعوض عليا فى العربيه


العربيه دلوقتي محتاجه
1. سقف بقوايم
2. 2 باب شمال
3. رفرفين شمال
4. شنطه
5. فوانيس امامي وخلفي شمال

طبعا كله شمال والي قاله الناس الي شافت العربيه وهى بتنقلب انها كانت انقلبت قلبه على الشمال وبعدين قلبه فى الهوا وبعدين قلبه على الرفرف الشمال ورا يعني بالطول وبعدين لفت ونزلت على الاربع عجلات يعني كله شمال سبحان الله الحمدلله اني كنت لوحدي فى العربيه


الي بساله منكم الحاجات دي هتكلف كام وطبعا النصنعيه بتاعت السمكري والكهربائي والسروجي والمكانيكي


صحيح حوض الموتوةر والموتور مفيش فيهم حاجه خالص والعربيه دارات بعد الحادث وروحت بيها البيت ومفيش اي صوت غريب فى الموتور اوي اي تسريب الحمدلله رب العاليمن


فا ياريت اعرف الحاجات دي تكلف كام والعربيه تصليحها كلها هيكلف كام بالمصنعيه


والحل التاني اني ابعها كدا اذا كدا هيكون سعرها كام العربيه نوبيرا 2008 اشترتها زيرو ودي اول حادثه ليا فى حياتي الحمدلله رب العالمين

اسف على الاطاله ومستني ردودكم

دي صور العربيه بعد الحادث

facebook

شكرا

الف سلامه لحضرتك

حضرتك تصلحها علشان لو جيت تبيعها عالحاله دي هيبخثو بتمنها الارض

مش الكوبري ده عالزراعي قبل مدخل طريق كفر الشيخ

[speed3001]

ايوا بالظبط قبل مدخل كفر الشيخ


انا سرعتي كانت 80 بس المكان الي انقلبت فيه نازل اوي عن الطريق من 3 الى 5 متر عشان اطلع من المكان الي رسيت العربيه فيه لحد الطريق فى سلم بتاع 14 سلمه بيطلعك على الطريق الحمدلله دا غير الخرسانه والله انا كنت بحلم الحمدلله ربنا كريم على عباده وربنا يحفظنا جميعا

[mahmoudysf]

حمد الله على السلامة
قدر الله ما شاء فعل

[dr.hany]

اتكتبلك عمر جديد.الحمد لله

[medododo]

قدر الله وماشاء فعل
الحمد لله انك بخير

[kashtoot]

الحمد لله ربنا سترها معاك
وحمدا لله على سلامتك

[speed3001]

الحمدلله رب العالمين اشكرك جميعا ويا رب محدش يشوف الي انا شفته ويحفظنا جميعا اللهم امين


بس يا جماعه عاوز اعرف الحاجات هتكلف كام عشان انا عمال افكر وبسأل يمين وشمال ورايكم اكيد مهم لانه بالصواب غالب عليه ودرياتكم عن الحاجه بتاعتها اكيد حد يعرف عنها وانا اول مرا فى حياتي اسأل عن الحاجات دي

بنتظار ردودكم وجزاكم الله كل خير