الحمدلله رب العالمين انقلبت بالعربيه

[ms8]

حمدا لله علي سلامتك وفداك العربية

[wwrr75]

الحمد لله قدر ولطف المهم انك سليم والحمد لله اى حاجه تانية تتعوض وربنا يعوضك خير باذن الله

[zakar0tta]

الف حمد الله علي سلامتك تغور الفلوس مدام الواحد سليم ويمكن دا فدا لاي مصيبه تانيه والحمد لله انك طلعت صبور وكملت المشوار للاخر وماتسرعتش وبعت رغم ان دا كان رايي في الأول بس فعلا (قدر ولطف) مين كان بصدق ان دي تبقي النهايه المهم ان انا مش قادر استني لحد ما اشوف الصور واعرف التكلفه

ربنا يستر طريقك وطريقنا ويكفينا شر المصايب ويقوي ايمان الجميع
لا الله إلا الله

[speed3001]

السلام عليكم ورحمة الله وبراكاته

انا نزلت النهرده وصورت العربيه

اول لينك دا العربيه بعد الحادث

ImageShack Album - 8 images

ودا لينك لصور العربيه النهرده عند البهيجي
ImageShack Album - 5 images

ربنا يحفظ الجميع ويتمها على خير ان شاء الله والعربيه تطلع تمام يا رب اللهم امين

فى نتظار ارئكم
اللهم احفظنا من شر انفسنا ومن شر الطريق اللهم امين

[swimmer25]

السلام عليكم ورحمة الله وبراكاته

انا نزلت النهرده وصورت العربيه

اول لينك دا العربيه بعد الحادث

imageshack album - 8 images

ودا لينك لصور العربيه النهرده عند البهيجي
imageshack album - 5 images

ربنا يحفظ الجميع ويتمها على خير ان شاء الله والعربيه تطلع تمام يا رب اللهم امين

فى نتظار ارئكم
اللهم احفظنا من شر انفسنا ومن شر الطريق اللهم امين

قدر الله وماشاء فعل
الحمد لله علي كل شئ وربنا يكفي الناس كلها شر الطريق
حاول تجيب المراية الشمال عشان تترش بالمرة مع العربية

[zakar0tta]

ما شاء الله العربيه بترجع تاني زي الأول فرق شاسع

[mmffor]

ربنا يكفيك شرها و يسترها معاك

[raedegypt]

الخليج مش الغرب بيعملوا حاجات ظريفه لامان الطرق بيعملوا احجار مدهونه ابيض وعليها خطوط فسفور احمر وخط لمبات عليها واشارات فسفوريه وعلامات تنبيه للدوران وعين قطه وكله على حساب المقاول ال بيقوم باعمال الانشاءات او الترميم وبيكون من ضمن بنود المناقصه لكن احنا للاسف ما يهمنا امن طريق ولا بنى ادميين وماشين بالبركه وطرق بنوا القرى على حوافها البيوت والاكشاك مش عارف الى متى اللامبالاه ال احنا فيها وفوضى فى الطرق وال عايز يعمل مطب مافيش مشكله على مذاجه والتوك توك طلع على الطرق وحاجه بقت تقرف البلد دة فى ظل غياب كل شيىء بصراحه

[speed3001]

السلام عليكم ورحمة الله وبراكاته

اخباركم ايه يا رب يكون الكل بخير

المهم امبارح بليل كنت سهران فى الورشه مع العربيه عند البهيجي اصل البهيجي دا بيفتح الساعه 12 الظهر وبيقفل قبل صلاة الفجر

المهم ان شاء رب العالمين العربيه الاسبوع دا هتخلص تجهيز ونروح نرشها فى الفرن ان شاء الله اللون يطلع تمام يا رب والعربيه تطلع زي الاول يا رب دعوتكم معايا

فى حاجه طبعا موش قادر ادلتها من تفكيري الي هوه الخطوات ما بعد البهيجي ان شاء الله

طبعا 1. الكهربائي

طبعا سلوك بسيطه هيركبها الي هى جوا ووصلات الكشافات الخلفيه وهوه مشاء الله فاهم فى شغله وبتعامل معاه من سنين فاتت المهم

انا كنت مركب زينون لمباته h4 وطبعا الفوانيس كانت انكسرت واشتريت فوانيس امامي جديده استيراد تقريبا الي متابع بتوع الاستيراد هيكون شفهم الفوانيس دي فيها عدسه بروجيكتور بيركب عليها لمبات h1
فا كدا هضطرد اجيب زينون لمباته h1 طبعا اكون شاكر لاي حد يعرف اسعار الزينون يقلي على سعر الزينون ويا سلام يكون 10000K
يكون تمام الزينون الي كنت مركبه بوش الماني 8000K فا طبعا الفكره وصلت عاوز اعرف السعر بتاع الزينون وهل هوه صيني ولا صناعه ايه وعليه ضمان ولا لا دا حاجه تانيه عاوز اعرف سعر فانوس الشبوره عشان عندي واحد الله يرحمه فى الحادث


2. السروجي
ان شاء الله هركب فرش جديد جاهز جلد اسود الماني بتاع البي ام الفئه 3 كنت اشتريته قبل الحادث عشان اركبه بس محصلش نصيب

المهم انا نويت اني اغير لون الفيبر الي جوه العربيه الي هوه الفيبر الداخلي بتاع القوايم والسنتر كنسول الي بين الكرسيين الاماميين بالضفه طبعا للابواب

السؤال الفني هن هل الفيبر دا بترش ولا بتلزق عليه جلد والابواب كذالك نفس السؤال ؟؟
3. عفشه وترصيص ودي ان شاء الله سهله غير ان شاء اول ما العربيه تخلص خالص هعمل زياره للتوكيل اغير زيت وفلاتر وتربيط عفشه والذي منه واهم حاجه طبعا عندي التوكيل فيه تظبيط الكمبيوتر وربنا يكرمني فى العربيه ان شاء الله

4. فى بارات بتركب فوق المتور وصله بين البطختين بتوع المساعدين ووحد زيه خلفي فى الشنطه وتقريبا فى بار كمان بيركب فى العربيه من تحت واصل بين الشدادين الخلفيين وطبعا دا فكره كنت ناوي عليها بس معنديش اي معلومات عنها
فا يا ريت الي عنده فكره واسعار الحاجات دي يعرفني واكون شاكر جدا ليكم

فى انتظار ردودكم
وجزاكم لله كل خير على كل معلومات وردود من اول الموضوع لحتى نهايته ان شاء الله وغير طبعا اني اتشرفت بناس قمه فى الاخلاء والاحترام وكل الشكر والتقدير للمنتدى الجميل الي جمعانا

اللهم اجمعنا مع سيدنا ونبينا وحبيبنا سيدنا محمد عليه افضل الصلاة واتم التسليم فى جنة الخلد اجمعين اللهم امين

اللهم احفظنا من شر انفسنا وشر الطريق اللهم امين

[MOUSTAFA_SAAD]

الحمد لله انك خرجت منها سليم

[SamerBassiouny]

تكلف زي ما تتكلف

المهم حمد لله على سلامتك

[hazemhassan]

قدر الله ماشاء فعل وحمد الله على سلامتك

[amro83]

السلام عليكم ورحمة الله وبراكاته

اللهم اجمعنا مع سيدنا ونبينا وحبيبنا سيدنا محمد عليه افضل الصلاة واتم التسليم فى جنة الخلد اجمعين اللهم امين

اللهم احفظنا من شرور انفسنا وشر الطريق اللهم امين

وعليكم السلام ورحمة الله وبركاته

اللهم امين امين

[speed3001]

السلام عليكم ورحمة الله وبراكاته

اخبارك ايه يا رب يكون الكل بخير

تقريبا فاضل 14 يوم على رمضان كل عام وانتم بخير


بالنسبه للعربيه ان شاء الله العربيه هتبات فى الفرن يوم الاربعاء القادم ان شاء الله والصبح هتترش وتبدأ رحلة تجميع العربيه من كهرباء وفرش الى اخره ان شاء الله هانت دعوتكم معايا العربيه تطلع تمام بعد الرش ان شاء الله

اللهم احفظنا من شر انفسنا وشر الطريق اللهم
اللهم بلغنا رمضان اللهم امين

[speed3001]

السلام عليكم ورحمة الله وبراكاته

الحمدلله رب العالمين تم رش العربيه يوم الجمعه الساعه 12 بليل وباتت فى الكبينه لحد الساعه 8 الصبح وطبعا البهيجي اصر على كدا عشان قال ان كدا البهيه تعضم اكتر على العربيه وتمسك اكتر الحمدلله رب العالمين العربيه كانت اخر عربيه يومها تدخل الكبينه ومطلعتش منها الا الصبح باتت فى الدفا ههههه وتمام الحمدلله اللون طالع زي الفل ربنا يستر ويحفظنا من عيون الناس وشر انفسهم وشر الطريق اللهم امين

العربيه سايبها فى الساحه فى الشمس يومين ان شاء الله عشان البهيه تمسك وتش على الاخر يوم الاثنين ان شاء الله هبدأالتجميع من كهرباء وسروجي وخلافه ان شاء الله وقريب جدا هرفع الصور دعوتكم معايا ربنا يحفظنا جميعا من شر انفسنا وشر نفوس الناس واعينهم وشر الطريق اللهم امين