الحمدلله رب العالمين انقلبت بالعربيه

[speed3001]

السلام عليكم ورحمة الله وبراكاته


النهرده رحت للسمكري عشان اشوف عمل ايه فى العربيه انا كنت ودتها ليه اول امبارح بليل واشتربنا الحاجات المطلوبه عشان يبدأشغل فيها


المهم وصلت لقيته شغال جواها والراجل ماشاء الله شغال تمام طبعا انا موش بفهم اوي فى الحاجات دي بس الشكل العام فى تحسن واضح جدا والحمدلله طبعا كان معايا ابن خالتي عشان هوه بيفهم فى القصص دي وكان مبسوط اوي يعني السمكري قلنا هتاخد شغل حوالي 3 اسابيع بس الي احنا شفناه النهرده ان شاء الله موش هتاخد اكتر من 10 ايام لانه موش بيشتغل فى اي عربيه غيرها عنده عربيتين تنين النترا واسكودا وعربيه جيب مركونه تقريبا لسه جياله بس الحمدلله رب العالمين فاضل بس نجيب الرفرف الشمال ورا وتقريبا هندوخ عليه لان محدش بيجيبه لانه غالي سألنا واحد بتاع استيراد قلنا موش عندي بس سعره حوالي الف جند


طبعا ان معرفش سعره كام وهلاقيه فين الله اعلم بكرا هنزل ادور عليه ويارب يكون ارخص من كدا يا رب

لو حد يعرف سعر الرفرف الشمال ورا كام يا ريت يعرفني والله المستعان ويا رب تتم على خير عملية التصليح اللهم امين



دا لينك الصور بعد الحادث بيوم وانا مصورها فى الجراش


ImageShack Album - 8 images






ودا لينك لصور العربيه وانا عند السمكري النهرده

ImageShack Album - 11 images



اسف على الاطاله ومتنسوش الي يعرف يسالي على الرفرف الشمال سعره كام اكون شاكر ليه جدا



اللهم لا تجعل الدنيا اكبر همنا ولا مبلغ علمنا وحفظنا من بين ايدينا ومن خلفنا ومن فوقنا ونوعذ بعظمتك ان نغتال من تحتنا اللهم امين

فى نتظار الردود وشكرا

[ahmed_mido1889]

ياريت حضرتك تقولنا وصلت لحد فين في التصليح وتطمنا

[MAG2010]

حمدلله علي السلامه والفلوس بتروح وتيجي لكن انت الاهم.

[tarek_2005]

ربنا يعينك ويقويك

[ahmed_el_gende]

قدر الله وما شاء فعل حمد الله على سلامة حضرتك
قول اللهم اجرنى فى مصيبتى واخلف عليا خيرا

[speed3001]

السلام عليكم ورحمة الله وبراكاته

معلش غبت الفتره الي فاتت عشان العربيه

كدا العربيه بقلها اسبوعين عند السمكري والحمدلله تتطور واضح العربيه رجعت للشكل الطبيعي بتعها بس ناق بقى مرحلة قطع السقف وتفوير الرفرف وتركيب السقف الجديد والرفرف الجديد وشوية تظبيط وكدا السمكري يخل ان شاء الله فاضل تقريبا 10 ايام واخدها على البهيجي


انا عمري ما دخت على حاجه للعربيه زي ما دخت على الرفرف الخلفي دا يااااه بجد طلع عيني بس الحمدلله ولتله بعد ما رحت اماكن غريبه اطرف مكان رحته كان عند تاجر خرده ههههههه ماشاء الله عليه جبال من الخرده الخرده دي عباره عن ابواب عربيات واسقف وكبابيت ورفايع كتير والي عاوز حاجه هوه موش بيتحرك من مكانه بيقله خش النحيادي ودور
يعني انت وحظك يا تلاقي يا متلاقيش ونشيل ونحط وندور على الرفرف مفيش واحد جه قدمنا اخد ربع فيرنا ب 300 جنيه ههههههه احنا كنا وقعين فى الارض من الذهول ربع فيرنا وحالته زيرو ب 300 جند يت سلام والنص ب 550
واحنا بندور لقينا كبوت مرسيدس عيون محتاج دقتين ويبقى جديد بنسأله عليه اما نشوف هيقول ايه قلنا بوا لو هتخدوه ومن غير فال يبقى 150 وربنا يباركلكم هههههه والله كان يوم جامد بس للاسف ملقتش الرفرف عنده بعد ساعتين تدوير ورفع ورمي وكل حاجه

المهم اتصلت بالتوكيل فى المنصوره قلي سيبك رقمك وهنكلمك والواضح من كلامه انه مفيش القطعيه الي انا عاوزها

نزلت ميت غمر فى الشون بتاعت الاستيراد ملقتش اربع وتقريبا كله انصاص يعني تشتري النص كامل طبعا منينفعش لان النص هيدخله فى 6000 جند وموش هاخد منه غير قشرة الرفرف
كمان رحنا عند تاجر جايب 3 عربيات نوبيرا زيرو بمكنهم متقطعين ولما تشتري الن كامل بفوانيسه بعفشته قلنا عشان انا لسه منزل الشغل من يومين وليكم ب 5000 جند قلناله هنشوف ونرجعلك بس بجد الحاجه الي عنده زيرو وقلنا تجار الاستيراد جالوله شال من عنده 12 ربع وسابوا الانصاص


المهم نهاية القول قلنا ننزل التوفيقيه بعد ما كلمنا واحد معرفه هناك والحمدلله وصلنا قلنا 3000 قلناله ليه قلنا رفرفين يمين وشمال بالقوايم فلنا لا احنا عاوزين شمال بس سكت شويه وقلنا طيب عشان خاطر الرجل الي معانا هيطلعه لوحده واشتريناه ووديناه للسمكري المفجأه بقه ان احنا لما رحنا للسمكري يومها لقينها مزرجن العربيه وشادد الرفرف ومرجعه لحالته الطبيعيه ناق دق وتسخين ويتشد كويس يرجع تمام قلنا خلاص الاحسن للعربيه نفور ونركب جديد وكان بها بس زي ما قلت فاضل 10 ايام والسمكري يخلص ان شاء الله .


بالنسبه للرفرف جي كامل من ورا بالقوايم لحد قدام وكان ب 1550 بس الحمدلله ان احنا لقيناه وخلنا من الحوار دا وربنا يكرمنا فى العربيه وترجع زي الاول يا رب اللهم امين

اخر حاجه اشكركم على ردودكم وتبعوني ان شاء الله كمان يومين هنزل اصورها عشان تشوفوا الي اتعمل فيها وربنا يحفظ الجميع اللهم امين

[ahmed_mido1889]

السلام عليكم ورحمة الله وبراكاته

معلش غبت الفتره الي فاتت عشان العربيه

كدا العربيه بقلها اسبوعين عند السمكري والحمدلله تتطور واضح العربيه رجعت للشكل الطبيعي بتعها بس ناق بقى مرحلة قطع السقف وتفوير الرفرف وتركيب السقف الجديد والرفرف الجديد وشوية تظبيط وكدا السمكري يخل ان شاء الله فاضل تقريبا 10 ايام واخدها على البهيجي


انا عمري ما دخت على حاجه للعربيه زي ما دخت على الرفرف الخلفي دا يااااه بجد طلع عيني بس الحمدلله ولتله بعد ما رحت اماكن غريبه اطرف مكان رحته كان عند تاجر خرده ههههههه ماشاء الله عليه جبال من الخرده الخرده دي عباره عن ابواب عربيات واسقف وكبابيت ورفايع كتير والي عاوز حاجه هوه موش بيتحرك من مكانه بيقله خش النحيادي ودور
يعني انت وحظك يا تلاقي يا متلاقيش ونشيل ونحط وندور على الرفرف مفيش واحد جه قدمنا اخد ربع فيرنا ب 300 جنيه ههههههه احنا كنا وقعين فى الارض من الذهول ربع فيرنا وحالته زيرو ب 300 جند يت سلام والنص ب 550
واحنا بندور لقينا كبوت مرسيدس عيون محتاج دقتين ويبقى جديد بنسأله عليه اما نشوف هيقول ايه قلنا بوا لو هتخدوه ومن غير فال يبقى 150 وربنا يباركلكم هههههه والله كان يوم جامد بس للاسف ملقتش الرفرف عنده بعد ساعتين تدوير ورفع ورمي وكل حاجه

المهم اتصلت بالتوكيل فى المنصوره قلي سيبك رقمك وهنكلمك والواضح من كلامه انه مفيش القطعيه الي انا عاوزها

نزلت ميت غمر فى الشون بتاعت الاستيراد ملقتش اربع وتقريبا كله انصاص يعني تشتري النص كامل طبعا منينفعش لان النص هيدخله فى 6000 جند وموش هاخد منه غير قشرة الرفرف
كمان رحنا عند تاجر جايب 3 عربيات نوبيرا زيرو بمكنهم متقطعين ولما تشتري الن كامل بفوانيسه بعفشته قلنا عشان انا لسه منزل الشغل من يومين وليكم ب 5000 جند قلناله هنشوف ونرجعلك بس بجد الحاجه الي عنده زيرو وقلنا تجار الاستيراد جالوله شال من عنده 12 ربع وسابوا الانصاص


المهم نهاية القول قلنا ننزل التوفيقيه بعد ما كلمنا واحد معرفه هناك والحمدلله وصلنا قلنا 3000 قلناله ليه قلنا رفرفين يمين وشمال بالقوايم فلنا لا احنا عاوزين شمال بس سكت شويه وقلنا طيب عشان خاطر الرجل الي معانا هيطلعه لوحده واشتريناه ووديناه للسمكري المفجأه بقه ان احنا لما رحنا للسمكري يومها لقينها مزرجن العربيه وشادد الرفرف ومرجعه لحالته الطبيعيه ناق دق وتسخين ويتشد كويس يرجع تمام قلنا خلاص الاحسن للعربيه نفور ونركب جديد وكان بها بس زي ما قلت فاضل 10 ايام والسمكري يخلص ان شاء الله .


بالنسبه للرفرف جي كامل من ورا بالقوايم لحد قدام وكان ب 1550 بس الحمدلله ان احنا لقيناه وخلنا من الحوار دا وربنا يكرمنا فى العربيه وترجع زي الاول يا رب اللهم امين

اخر حاجه اشكركم على ردودكم وتبعوني ان شاء الله كمان يومين هنزل اصورها عشان تشوفوا الي اتعمل فيها وربنا يحفظ الجميع اللهم امين

ربنا يقويك ويعينك

[speed3001]

السلام عليكم ورحمة الله وبراكاته

اخباركم ايه بقالي فتره موش كتبت انا وصلت فين فى تصليح العربيه

الحمدلله اول امبارح السمكري خلص العربيه ورحت استلمتها منه والحمدلله رب العالمين العربيه طلعت مضبوطه تمام والسمكري ما شاء الله عليه عمل فيها شغل زي الفل ربنا يكرمه

المهم العربيه حالا فى الجراج والصبح هوديها للبهيجي عشان يبدا شغله فيها وان شاء الله موش هياخد وقت

هانت ان شاء الله كلها شهر وتكون العربيه خلصت كلها واتركب فيها كل حاجه ان شاء الله

دعوتكم

ربنا يحفظنا جميعا من شر انفسنا وشر الطريق اللهم امين

[Ahmed Nasser]

مبروووك ياباشا
وربنا يحفظنا جميعا من شر انفسنا وشر الطريق اللهم امين

[pepsi007]

الحمد لله أنك سليم

[kagawa]

صديقي
طبعا انت شايف كلنا متعلطفين معاك اد ايه
وقدر الله مشاء فعل
والحمد لله انك بخير
بس ياريت لو هاتبيع العربيه انك تقول الحقيقه للي هايشتريها علشان ربنا يبارك لك
..
.
.

[tarek_2005]

مخلتش بتاع الدوكو يستلم العربية من السمكري ليه علاطول علشان لو شايف عيب سمكرة يقوله لحسن بعد ما يخلص دهان وتيجي تستلم منه وتلاقي عيب من شغله لاقدر الله هيقوم لازقها للسمكري علاطول ويقولك دا عيب سمكرة ياباشا الافضل تخلي السمكري يسلمها لبتاع الدوكو وتخرج نفسك من النص علشان تقفش في رقبة البهيجي لو لاقدر الله فيها عيب بعد الرش

[husseinm25]

ياريت تقولنا فين التاجر الي انت بتتريق عليه ده الي عنده كومة خرده لاني محتاج شوية حاجات

[ramyraby]

قدر الله وما شاء الله فعل

[speed3001]

السلام عليكم ورحمة الله وبراكاته
ازيكم يا رب يكون الكل بخير

الحمدلله البهيجي وديتله العربيه وبعدين نضفها يعني شال الفوانيس والسلوك والذي منه ورشها فيلر عشان يشوف الاماكن الي السمكري هيفنش عليها وكان بها رحنا للسمكري وفنش شغل السمكره كله والحمدلله

العربيه اخدت وش معجون طبعا اغلبيتها تلقيت لان الصاج كله والحمدلله ميه وحده ومعجون على اماكن اللحمات وبعدين اداها فيلار لونه فاتح عن الفيلر السريع ودا بياخد يوم تقريبا وبيشد ودا طبعا عشان البويه الالماني بتاعت العربيه

بتفرق كتير لما العربيه تطبطن فيلار بطىء

بس البهيجي مشاء الله عليه خدم العربيه تمام وان شاء الله قريب هتخلص ونروح نرشها فى فرن وبعدها تقريبا اسبوع هيتم فيه تجميع محتويات العربيه وتظبيط كهرباء وسروجي وزجاج وان شاء الله تطلع تمام اللهم امين

الي مريح البهيجي طبعا ان كل حاجه فى الصاج اتغيرت بجديد يعني انا مستعدلتش حاجه فى العربيه كله جديد شيل وركب جديد مع ان فى ناي كانت بتقلي شدها وكدا بس انا مرضتش وبعد المشوره واللف والدوران طبعا كان الاصلح ان اي حاجه انضرت تتغيير والحمدلله رب العالمين كله صاج خارجي الشاسيه والموتور والعفشه كله سليم ومنضرش يعني العربيه ان شاء الله هتترش من برا بس ومفيش لحمات دواخل خالص الا فى حته وحده بتاع الرفر الشمال ورا عند قفلت الباب

الحمدلله السمكري قام بشغل كويس ربنا يجعله فى ميزان حسناته


بالنسبه للشونه الي انا رحتها انا موش بتريق على حد لكن الشونه ما شاء الله كبيره ومفيهاش حد غير راجل كبير فى السن والي عاوز حاجه هوه يشورله على المكان وانت تروح تدور يا تلاقي يا متلاقيش انت ونصيبك بس مشاء الله كان عنده ناس كتير عماله تلف وتشيل وتدور على حاجتها الشونه دي قبل بركة السبع على طريق فرعي للاسف انا موش فاكر اسم القريه بس هحاول اعرف اسمها



اخر حاجه طبعا موضوع البيع مفيش نيه خالص لموضوع البيع لان العربيه دي بالذات ليها مكانه خاصه ودا بسبب موقفها معايا شخصيا ومع العائله بشتى الفروع وجودها فى سنة 2009 كان مشهود بيه والحمدلله طبعا ممكن حد يضحك على كلامي بس بجد العربيه دي ربنا يباركلي فيها والحمدلله رب العالمين على كل شىء
والفكره كمان ان اذا كنت هبيع مكنتش صلحتها كنت هبعها على حالتها بعد الحادث وكان جاي فىها اسعار كويسه اوي بس انا قلت ربنا يصبرني ويعوضني خير فيها واصلحها واانيها وطبعا اي حد بيبع عربيته ولا قدر الله فيها عيب زي العربيه بتاعتي انها كانت مقلوبه واتصلحت او اي عيب لازم يصارح المشتري بكل الي فيها عشان كل انسان عليه رقيب وبيسجل اي حاجه غلط بيعملها وطبعا فوق دا كله ربنا سبحانه وتعالى ولازم نفتكر افعل ما شئت كما تدين تدان والانسان اضعف من ان يتخيل شكل الادانه ليه هتكون ازاي يعني واحد راح مثلا باع عربيه فيها عيب خطير ومقلش على العيب ولم يكتشف اخد الفلوس وراح جاب عربيه الي نفسه فيها موش بعيد ابدا ان العربيه دي يحصل معاه زي ما هوه عمل مع الي اشترا عربيته منه وغير كدا طبعا موش كل الناس زي بعضها فى الطيب وفى الشرير بس الطيب ربنا بيسترها معاه طول ما هوه موش بيجي على حق حد ولا بيضحك على حد ويا رب نكون من الطيبين اللهم امين

اشكركم جميعا على الردود وان شاء الله قريب هرفع صور جديده للعربيه واي حد بيسوق او بيركب عربيه متنساش حزام الامان وربنا يحفظنا من شر انفسنا ومن شر الطريق

اللهم كن معنا ولا تكن علينا اللهم امين